Traduction des sens Sourate AL-FALAQ - الترجمة القيرغيزية - Encyclopédie du Noble Coran

Фалак

Verset: 1

قُلۡ أَعُوذُ بِرَبِّ ٱلۡفَلَقِ

Айт (оо, Мухаммад): «Таң Раббисинен коргоо тилеймин:^[1]

[1] Ушул жана мындан кийинки - “Ан-Нас” сүрөлөрүнүн түшүүсүнө төмөнкү окуя себеп болгон: Лабид деген бир жөөт сыйкырчысы көралбастыктын айынан он бир даана түйүнчөккө дем салып, пайгамбарыбызды сыйкырлап койот. Мунун натыйжасында пайгамбарыбыз саллаллоху алайхи ва саллам бир аз унутчаак болуп калганда, Аллах таала “Фалак” жана “Ан-Нас” сүрөлөрүн түшүрүп, алар менен өзүнө дем салууга буюрат. Пайгамбарыбыз ар бир аятты окуган сайын бирден түйүн чечилип, сыйкырдан кутулат. Бул эки сүрөнү пайгамбарыбыз ар кандай жамандыктардан сактанууга жана ооруганда шыпаа болуу үчүн окуганы белгилүү.

Verset: 2

مِن شَرِّ مَا خَلَقَ

(Өзү) жараткан (зыяндуу) нерселердин жамандыгынан...,

Verset: 3

وَمِن شَرِّ غَاسِقٍ إِذَا وَقَبَ

Каптап кирген учурдагы (караңгы) түндүн жамандыгынан...,^[1]

[1] Караңгы кирээри менен жин-шайтандар жайылып, ар кандай жамандыктар көбөйөт.

Verset: 4

وَمِن شَرِّ ٱلنَّفَّٰثَٰتِ فِي ٱلۡعُقَدِ

Түйүндөргө дем салган сайкырчылардын жамандыгынан...,

Verset: 5

وَمِن شَرِّ حَاسِدٍ إِذَا حَسَدَ

Сугун арткан учурда, көрө албаган кишинин жамандыгынан.^[1]

[1] Эгер мусулман пенде кимдир бирөөнүн сук назарынан шектенсе, ушул сүрөнү окуйт. Анткени, кээ бир адамдардын сук назары адамга зыян кылышы мүмкүн. Муну эл арасында «көз тийди» деп коюшат. Бул аят көз тийиши акыйкат экенине далил. Пайгамбарыбыздын таалими боюнча, өзүн таң калтырган нерсени көргөн адам “ма шаа Аллаху, табаарак Аллаху” (Аллахтын каалаганы болот, Аллах эң Ыйык) деген дубаны окушу керек. Ошондо анын назары өзүн кызыктырган нерсеге (же адамга) зыян кылбайт.