Traduction des sens Sourate Muhammad - Philippin (Maguindanaon) - Numéro de la page 507 - Encyclopédie du Noble Coran

Muhammad

Verset: 1

ٱلَّذِينَ كَفَرُواْ وَصَدُّواْ عَن سَبِيلِ ٱللَّهِ أَضَلَّ أَعۡمَٰلَهُمۡ

Su mga kafeer andu ipadsapal nin,su katalima kanu agama islam, na nagugul i langun nu mga galbak nilan.

Verset: 2

وَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ وَءَامَنُواْ بِمَا نُزِّلَ عَلَىٰ مُحَمَّدٖ وَهُوَ ٱلۡحَقُّ مِن رَّبِّهِمۡ كَفَّرَ عَنۡهُمۡ سَيِّـَٔاتِهِمۡ وَأَصۡلَحَ بَالَهُمۡ

Andu su mga bamaginugut a minggalabak sa mapya andu pinangimbanal nilan su nakatulun kanu Muhammad a namba i bantang (Qur’an) abpun kanu kadnan nilan, na pinunas nu Allah su kadusan nilan andu pinagkapya nin su ginawa nin sa dili den andarwaka.

Verset: 3

ذَٰلِكَ بِأَنَّ ٱلَّذِينَ كَفَرُواْ ٱتَّبَعُواْ ٱلۡبَٰطِلَ وَأَنَّ ٱلَّذِينَ ءَامَنُواْ ٱتَّبَعُواْ ٱلۡحَقَّ مِن رَّبِّهِمۡۚ كَذَٰلِكَ يَضۡرِبُ ٱللَّهُ لِلنَّاسِ أَمۡثَٰلَهُمۡ

Kagina su mga kafeer na nya nilan inunutan su batil, su mga bamaginugut na nya nilan inunutan na su bantang abpun kanu kadnan nilan,mamba i kapapambwat nu Allah sa kanu mga taw sa mga upaman.

Verset: 4

فَإِذَا لَقِيتُمُ ٱلَّذِينَ كَفَرُواْ فَضَرۡبَ ٱلرِّقَابِ حَتَّىٰٓ إِذَآ أَثۡخَنتُمُوهُمۡ فَشُدُّواْ ٱلۡوَثَاقَ فَإِمَّا مَنَّۢا بَعۡدُ وَإِمَّا فِدَآءً حَتَّىٰ تَضَعَ ٱلۡحَرۡبُ أَوۡزَارَهَاۚ ذَٰلِكَۖ وَلَوۡ يَشَآءُ ٱللَّهُ لَٱنتَصَرَ مِنۡهُمۡ وَلَٰكِن لِّيَبۡلُوَاْ بَعۡضَكُم بِبَعۡضٖۗ وَٱلَّذِينَ قُتِلُواْ فِي سَبِيلِ ٱللَّهِ فَلَن يُضِلَّ أَعۡمَٰلَهُمۡ

Amayka makadtinggumaya kanu sa kanu satru nu agama na tabpadi nu silan sa ulu, taman sa amayka madakal den i minatay nu sakanilan na ambagali nu su kapamawik, aden bukawanan,aden ipapangon,taman dili pan makapag-islam su mga kafeer,ka u nya bu pigkahanda nu Allah i talon silan sa dala kambunway (na magaga nin) ugayd na pambatalun nu Allah su uman-isa, su minatay (shaheed) sa timpu na kapabparang (jihad) na dili a banal madala sub alas nilan.

Verset: 5

سَيَهۡدِيهِمۡ وَيُصۡلِحُ بَالَهُمۡ

Tutulun nu Allah silan, andu pagkapya nin i ginawa nilan.

Verset: 6

وَيُدۡخِلُهُمُ ٱلۡجَنَّةَ عَرَّفَهَا لَهُمۡ

Andu paludapan silan kanu surge a pinakatawan nin sakanilan.

Verset: 7

يَٰٓأَيُّهَا ٱلَّذِينَ ءَامَنُوٓاْ إِن تَنصُرُواْ ٱللَّهَ يَنصُرۡكُمۡ وَيُثَبِّتۡ أَقۡدَامَكُمۡ

Hee sekanu anan atag nin a bamaginugut amayka tabangan nu (su agama nu) Allah, na tabangan kanu nin (idsabak kanu nin) andu tigal nin su mga ay nu sekanu.

Verset: 8

وَٱلَّذِينَ كَفَرُواْ فَتَعۡسٗا لَّهُمۡ وَأَضَلَّ أَعۡمَٰلَهُمۡ

Andu su silan a mga kafeer na nabinasa den silan andu su galabak nilan.

Verset: 9

ذَٰلِكَ بِأَنَّهُمۡ كَرِهُواْ مَآ أَنزَلَ ٱللَّهُ فَأَحۡبَطَ أَعۡمَٰلَهُمۡ

Kagina silan na nabansyan nilan su initulun nu Allah, na nagugul mambu i mga galbak nilan.

Verset: 10

۞ أَفَلَمۡ يَسِيرُواْ فِي ٱلۡأَرۡضِ فَيَنظُرُواْ كَيۡفَ كَانَ عَٰقِبَةُ ٱلَّذِينَ مِن قَبۡلِهِمۡۖ دَمَّرَ ٱللَّهُ عَلَيۡهِمۡۖ وَلِلۡكَٰفِرِينَ أَمۡثَٰلُهَا

Ngintu ka dala silan palalakaw kanu lupa? Ka andu nilan gaylay i pinakaydan nu Allah kanu mga taw a nawna sakanilan,sa bininasa nu Allah silan, na maytu bun ba i ipakaydan nu Allah sa mga kafeer (a gangawli).

Verset: 11

ذَٰلِكَ بِأَنَّ ٱللَّهَ مَوۡلَى ٱلَّذِينَ ءَامَنُواْ وَأَنَّ ٱلۡكَٰفِرِينَ لَا مَوۡلَىٰ لَهُمۡ

Kagina su Allah i padtaladu kanu mga bamaginugut andu su mga kafeer na dala malimu sakanilan sa gay a mawli.