Traduction des sens Sourate AL-QIYÂMAH - Traduction en oromo - Encyclopédie du Noble Coran

Alqiyaamaa

Verset: 1

لَآ أُقۡسِمُ بِيَوۡمِ ٱلۡقِيَٰمَةِ

Miti Guyyaa Qiyaamaatiinin kakadha.

Verset: 2

وَلَآ أُقۡسِمُ بِٱلنَّفۡسِ ٱللَّوَّامَةِ

Lubbuu of komattuu taateenis nan kakadha; (mindaa galfamuuf jirtu).

Verset: 3

أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ

Sila namni lafee isaa walitti hin qabnuu yaadaa?

Verset: 4

بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ

Eeyyeen (walitti ni qabna) (Nuti) qubbeen isaatuu (akka turanitti deebifnee) sirreessuu irratti danda'oodha.

Verset: 5

بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ

Dhugumatti namni fuuldura isaa (Qiyaamaa) sobsiisuu fedha.

Verset: 6

يَسۡـَٔلُ أَيَّانَ يَوۡمُ ٱلۡقِيَٰمَةِ

"Guyyaan Qiyaamaa yoomii?"gaafata.

Verset: 7

فَإِذَا بَرِقَ ٱلۡبَصَرُ

(Guyyaan sun) yeroo ijji dhamaatu.

Verset: 8

وَخَسَفَ ٱلۡقَمَرُ

(Yeroo) jiini ifa dhabu (gaddiddaa’u)

Verset: 9

وَجُمِعَ ٱلشَّمۡسُ وَٱلۡقَمَرُ

Aduufi jiinis walitti qabamu.

Verset: 10

يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ

Guyyaa san namni "bakki baqaa eessa?" jedha.

Verset: 11

كَلَّا لَا وَزَرَ

Dhorgamaa! (Guyyaa san) iddoon baqaa hin jiru.

Verset: 12

إِلَىٰ رَبِّكَ يَوۡمَئِذٍ ٱلۡمُسۡتَقَرُّ

Guyyaa san bakki qubannaa gara Gooftaa keetiiti.

Verset: 13

يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ

Namni guyyaa san wanti inni durseefii booda aanse itti himama.

Verset: 14

بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٞ

Dhugumatti, namni lubbuu isaa irratti ragaadha.

Verset: 15

وَلَوۡ أَلۡقَىٰ مَعَاذِيرَهُۥ

Odoma rakkoo adda addaa dhiyeeffateeyyuu.

Verset: 16

لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ

Isa (qabachuu)tti ariifachuuf jecha arraba kee isaan hin sochoosin.

Verset: 17

إِنَّ عَلَيۡنَا جَمۡعَهُۥ وَقُرۡءَانَهُۥ

Isa (onnee kee keessatti) walitti qabuufi isa dubbisuun kee nurra jira.

Verset: 18

فَإِذَا قَرَأۡنَٰهُ فَٱتَّبِعۡ قُرۡءَانَهُۥ

Yeroo Nuti isa qaraane qiraatii isaa hordofi.

Verset: 19

ثُمَّ إِنَّ عَلَيۡنَا بَيَانَهُۥ

Ergasii isa ibsuun Nurra jira.

Verset: 20

كَلَّا بَلۡ تُحِبُّونَ ٱلۡعَاجِلَةَ

Miti isin ariifattuu (duuniyaa) jaalattu.

Verset: 21

وَتَذَرُونَ ٱلۡأٓخِرَةَ

Aakhiraa ni dhiiftu.

Verset: 22

وُجُوهٞ يَوۡمَئِذٖ نَّاضِرَةٌ

Fuulleen gariin Guyyaa san iftuudha.

Verset: 23

إِلَىٰ رَبِّهَا نَاظِرَةٞ

Gara Gooftaa ishee ilaaltuudha.

Verset: 24

وَوُجُوهٞ يَوۡمَئِذِۭ بَاسِرَةٞ

Fuulli gariin Guyyaa san akkaan suntuurtuudha.

Verset: 25

تَظُنُّ أَن يُفۡعَلَ بِهَا فَاقِرَةٞ

Balaan guddaan ishee irratti raawwatamuu yaaddi.

Verset: 26

كَلَّآ إِذَا بَلَغَتِ ٱلتَّرَاقِيَ

Miti Dhaga’aa! Yeroo (lubbuun ba'uuf) kokkee geesse,

Verset: 27

وَقِيلَ مَنۡۜ رَاقٖ

(Yeroo) "eenyutu isa yaala?" jedhame,

Verset: 28

وَظَنَّ أَنَّهُ ٱلۡفِرَاقُ

(Namni du'aa jiru sun) inni (addunyaa kana irraa) adda ba'uu dha’ jechuu yeroo mirkaneeffate;

Verset: 29

وَٱلۡتَفَّتِ ٱلسَّاقُ بِٱلسَّاقِ

(Yeroo) mogoleen mogoleetti maramte.

Verset: 30

إِلَىٰ رَبِّكَ يَوۡمَئِذٍ ٱلۡمَسَاقُ

Guyyaa san oofamiinsi gara Gooftaa keetiiti.

Verset: 31

فَلَا صَدَّقَ وَلَا صَلَّىٰ

Hin amanne; hin salaanne.

Verset: 32

وَلَٰكِن كَذَّبَ وَتَوَلَّىٰ

Garuu kijibsiisee irraa gara gale.

Verset: 33

ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ

Ergasii boonaa gara maatii isaa deeme.

Verset: 34

أَوۡلَىٰ لَكَ فَأَوۡلَىٰ

Badiin siif haa ta’u! Ammas badiin!

Verset: 35

ثُمَّ أَوۡلَىٰ لَكَ فَأَوۡلَىٰٓ

Sana booda badiin siif haa ta’u! Ammas badiin!

Verset: 36

أَيَحۡسَبُ ٱلۡإِنسَٰنُ أَن يُتۡرَكَ سُدًى

Sila namni akkanumaan dhiifamuu yaadaa?

Verset: 37

أَلَمۡ يَكُ نُطۡفَةٗ مِّن مَّنِيّٖ يُمۡنَىٰ

Sila inni bishaan saalaa kan dhangalaafamu irraa ta'ee hin turree?

Verset: 38

ثُمَّ كَانَ عَلَقَةٗ فَخَلَقَ فَسَوَّىٰ

Ergasii dhiiga ititaa ta'eeti (nama godhee) uumee guute.

Verset: 39

فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ

Isa irraas cimdii lama, dhiiraafi dhalaa, taasise.

Verset: 40

أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ

Sila (Rabbiin akkas godhe) sun du'aa jiraachisuu irratti danda'aa mitii?