Traduction des sens Sourate Tâ Hâ - La traduction swahili - 'Abd Allah Muhammad et Nâsir Khamîs - Numéro de la page 313 - Encyclopédie du Noble Coran

Verset: 13

وَأَنَا ٱخۡتَرۡتُكَ فَٱسۡتَمِعۡ لِمَا يُوحَىٰٓ

Na mimi nimekuteua , ewe Mūsā, kwa ujumbe wangu, basi sikiliza yale unayoletewa ya wahyi kutoka kwangu.

Verset: 14

إِنَّنِيٓ أَنَا ٱللَّهُ لَآ إِلَٰهَ إِلَّآ أَنَا۠ فَٱعۡبُدۡنِي وَأَقِمِ ٱلصَّلَوٰةَ لِذِكۡرِيٓ

Mimi Ndiye Mwenyezi Mungu, hakuna mwenye kuabudiwa kwa haki isipokuwa mimi, sina mshirika, basi niabudu mimi na usimamishe Swala ili unikumbuke ndani yake.

Verset: 15

إِنَّ ٱلسَّاعَةَ ءَاتِيَةٌ أَكَادُ أُخۡفِيهَا لِتُجۡزَىٰ كُلُّ نَفۡسِۭ بِمَا تَسۡعَىٰ

Hakika Kiyama ambacho watu hapo watafufuliwa hapana budi ni chenye kutukia. Nakaribia kukificha kwangu mimi mwenyewe, basi ni vipi atakijua mtu yoyote miongoni mwa viumbe. Hivyo ni apate kulipwa kila mtu kwa alilolitenda ulimwenguni, liwe zuri au baya.

Verset: 16

فَلَا يَصُدَّنَّكَ عَنۡهَا مَن لَّا يُؤۡمِنُ بِهَا وَٱتَّبَعَ هَوَىٰهُ فَتَرۡدَىٰ

Basi asikuepushe, ewe Mūsā, na kukiamini na kujitayarisha nacho, asiyekikubali kuwa kitatukia na asiyetenda ya kumfaa huko na akayafuata matamanio ya nafsi yake na akakikanusha, kwani ukifanya hivyo utaangamia.

Verset: 17

وَمَا تِلۡكَ بِيَمِينِكَ يَٰمُوسَىٰ

Na ni nini hii iliyo kwenye mkono wako wa kulia, ewe Mūsā?

Verset: 18

قَالَ هِيَ عَصَايَ أَتَوَكَّؤُاْ عَلَيۡهَا وَأَهُشُّ بِهَا عَلَىٰ غَنَمِي وَلِيَ فِيهَا مَـَٔارِبُ أُخۡرَىٰ

Akasema Mūsā, «Hii ni ni fimbo yangu, naitegemea katika kwenda na ninapigia miti ili mbuzi wangu walishe majani yake yanayoanguka na pia nina maslahi nayo mengine.»

Verset: 19

قَالَ أَلۡقِهَا يَٰمُوسَىٰ

Mwenyezi Mungu Akamwambia Mūsā, «Itupe fimbo yako!»

Verset: 20

فَأَلۡقَىٰهَا فَإِذَا هِيَ حَيَّةٞ تَسۡعَىٰ

Mūsā akaitupa chini, ikageuka kwa amri ya Mwenyezi Mungu ikawa nyoka anayetembea, na Mūsā akaona jambo kubwa na akazunguka kukimbia.

Verset: 21

قَالَ خُذۡهَا وَلَا تَخَفۡۖ سَنُعِيدُهَا سِيرَتَهَا ٱلۡأُولَىٰ

Mwenyezi Mungu Akasema kumwambia Mūsā, «Mshike huyo nyoka na usimuogope, tutamrudisha kuwa fimbo vile alivyokuwa mwanzo.

Verset: 22

وَٱضۡمُمۡ يَدَكَ إِلَىٰ جَنَاحِكَ تَخۡرُجۡ بَيۡضَآءَ مِنۡ غَيۡرِ سُوٓءٍ ءَايَةً أُخۡرَىٰ

Na ukumbatie mkono wako kwenye ubavu wako chini ya shina la mkono utatoka hali ni mweupe kama barafu bila ya kuwa na mbalanga, ili iwe ni alama nyingine.

Verset: 23

لِنُرِيَكَ مِنۡ ءَايَٰتِنَا ٱلۡكُبۡرَى

Tumefanya hivyo ili kukuonesha , ewe Mūsā, dalili zetu kubwa zenye kutolea ushahidi uweza wetu, ukubwa wa ufalme wetu na usahihi wa utume wako.

Verset: 24

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

Enda, ewe Mūsā, kwa Fir'awn, kwa kuwa yeye amepitisha kipimo chake na ametoka kwenye utiifu wa Mola wake, umuite kwenye kumpwekesha Mwenyezi Mungu na kumuabudu.

Verset: 25

قَالَ رَبِّ ٱشۡرَحۡ لِي صَدۡرِي

Mūsā akasema, «Ewe Mola wangu! Nikunjulie kifua changu,

Verset: 26

وَيَسِّرۡ لِيٓ أَمۡرِي

nirahisishie mambo yangu

Verset: 27

وَٱحۡلُلۡ عُقۡدَةٗ مِّن لِّسَانِي

na nifungulie ulimi wangu uwe na ufasaha wa matamshi,

Verset: 28

يَفۡقَهُواْ قَوۡلِي

ili waelewe maneno yangu.

Verset: 29

وَٱجۡعَل لِّي وَزِيرٗا مِّنۡ أَهۡلِي

Na unipatie msaidizi miongoni mwa watu wangu,

Verset: 30

هَٰرُونَ أَخِي

naye ni Hārūn ndugu yangu.

Verset: 31

ٱشۡدُدۡ بِهِۦٓ أَزۡرِي

Nitilie nguvu kwa yeye na uuthibitishe mgongo wangu kwa ajili yake.

Verset: 32

وَأَشۡرِكۡهُ فِيٓ أَمۡرِي

Na umshirikishe na mimi katika unabii na ufikishaji ujumbe.

Verset: 33

كَيۡ نُسَبِّحَكَ كَثِيرٗا

Tupate kukuepusha na kila sifa ya upungufu na tukutakase kwa wingi,

Verset: 34

وَنَذۡكُرَكَ كَثِيرًا

na tukutaje kwa wingi na tukushukuru.

Verset: 35

إِنَّكَ كُنتَ بِنَا بَصِيرٗا

Kwa hakika, wewe ni mwenye kutuona, hakuna chochote kinachofichika kwako miongoni mwa vitendo vyetu.»

Verset: 36

قَالَ قَدۡ أُوتِيتَ سُؤۡلَكَ يَٰمُوسَىٰ

Mwenyezi Mungu Akasema, «Nishakupa kila ulichokiomba, ewe Mūsā.

Verset: 37

وَلَقَدۡ مَنَنَّا عَلَيۡكَ مَرَّةً أُخۡرَىٰٓ

«Na tulikupa , ewe Mūsā, kabla ya neema hii, neema nyingine ulipokuwa ni mtoto wa kunyonya tukakuokoa na unyanyasaji wa Fir'awn.