Traduction des sens Sourate Al Fajr - La traduction Yao - Muhammad ibn 'Abd Al Hamîd Slîkâ. - Numéro de la page 593 - Encyclopédie du Noble Coran

Al-Fajr

Verset: 1

وَٱلۡفَجۡرِ

Ngukulumbila kumasikusiku.

Verset: 2

وَلَيَالٍ عَشۡرٖ

Ni ilo likumi (yandanda yamwesi wa Mfungotatu).^[1]

(89:1) Akusimulila Ibn Abbâs رضى الله عنه yanti: Ntume ﷺ jwatite: “Pangali masengo gambone gagakutendekwaga m’moŵa ganepe nikuŵa gapenani kugapunda masengo gagakutendekwaga mu aga moŵaga (moŵa likumi gandanda ga mwesi wa Mfungotatu).” Maswahaba gawusyisye kuti: “Namuno Jihâd?” Jwalakwe jwatite: “Namuno Jihâd, ikaŵeje mundu jwakopweche nsyenejo ni chipanje chakwe kuli nkogoya (wa ku Jihâd), ni nganijuwuja ni chilichose, (umi wakwe ni chipanje chakwe yosope imalile ku Jihâdiko).” Swahîh Al-Bukhârî, Hadith No. 926).

Verset: 3

وَٱلشَّفۡعِ وَٱلۡوَتۡرِ

Ni (indu yayili) yiŵiliyiŵili kwisa soni (yayili) chimochimo.

Verset: 4

وَٱلَّيۡلِ إِذَا يَسۡرِ

Ni chilo ndema jachikuŵigula.

Verset: 5

هَلۡ فِي ذَٰلِكَ قَسَمٞ لِّذِي حِجۡرٍ

Ana mu yalakweyi ngaŵa mwana kulumbila kwakwanila, kwa jwakwete lunda?

Verset: 6

أَلَمۡ تَرَ كَيۡفَ فَعَلَ رَبُّكَ بِعَادٍ

Ana nganinyyiona yaŵatite Ambuje ŵenu kaape ipotesi ŵanya Adi?

Verset: 7

إِرَمَ ذَاتِ ٱلۡعِمَادِ

Ŵa ku Irama; achalewulewu mpela misaati?

Verset: 8

ٱلَّتِي لَمۡ يُخۡلَقۡ مِثۡلُهَا فِي ٱلۡبِلَٰدِ

Ŵanganagumbidweje ŵane ŵanti chisawu ŵanganyao mu ilambo (ine)?

Verset: 9

وَثَمُودَ ٱلَّذِينَ جَابُواْ ٱلصَّخۡرَ بِٱلۡوَادِ

Ni ŵanya Asamuda ŵaŵaliji nkusokola maganga pachiŵata (chakuŵilanjikwa Wadi Qura kuŵa majumba gao)?

Verset: 10

وَفِرۡعَوۡنَ ذِي ٱلۡأَوۡتَادِ

Kwisa soni Firiauna nsyene ichili (yakulimbanganyichisya uchimwene wakwe)?

Verset: 11

ٱلَّذِينَ طَغَوۡاْ فِي ٱلۡبِلَٰدِ

Aŵala ŵana kusumbaga mpika mu ilambo (pakusakasya).

Verset: 12

فَأَكۡثَرُواْ فِيهَا ٱلۡفَسَادَ

Ni ŵatupiye mwalakwemo kuwatanganya.

Verset: 13

فَصَبَّ عَلَيۡهِمۡ رَبُّكَ سَوۡطَ عَذَابٍ

Basi Ambuje ŵenu ŵapungulile ŵanganyao mitundu ja ilagasyo (yakupoteka nnope).

Verset: 14

إِنَّ رَبَّكَ لَبِٱلۡمِرۡصَادِ

Chisimu Ambuje ŵenu aŵele Ŵang'unulila (masengo ga ŵandu, mwanti chachalipila mwaakupanganyichisya).

Verset: 15

فَأَمَّا ٱلۡإِنسَٰنُ إِذَا مَا ٱبۡتَلَىٰهُ رَبُّهُۥ فَأَكۡرَمَهُۥ وَنَعَّمَهُۥ فَيَقُولُ رَبِّيٓ أَكۡرَمَنِ

Sano mundu ndema jaakun'dinga Ambujegwe pakunchimbichisya ni kumpa chindimba, basi akasatiji: “Ambuje ŵangu anjimbichisye (ligongo une nijwakuŵajilwa kupata yeleyi).”

Verset: 16

وَأَمَّآ إِذَا مَا ٱبۡتَلَىٰهُ فَقَدَرَ عَلَيۡهِ رِزۡقَهُۥ فَيَقُولُ رَبِّيٓ أَهَٰنَنِ

Nambo ndema jaakun'dinga pakunnandiyichisya lisiki lyakwe, akasatiji: “Ambuje ŵangu anjalwisye.”

Verset: 17

كَلَّاۖ بَل لَّا تُكۡرِمُونَ ٱلۡيَتِيمَ

Ngwamba! Nambo kuti ngankwatendelaga yaukoto ŵanache ŵawina.

Verset: 18

وَلَا تَحَٰٓضُّونَ عَلَىٰ طَعَامِ ٱلۡمِسۡكِينِ

Soni ngankuchisyanaga yaagaliisya masikini.

Verset: 19

وَتَأۡكُلُونَ ٱلتُّرَاثَ أَكۡلٗا لَّمّٗا

Ni nkulyaga chipanje chamalekwa kalye kakutunduka.

Verset: 20

وَتُحِبُّونَ ٱلۡمَالَ حُبّٗا جَمّٗا

Ni nkuchinonyelaga soni chipanje kachinonyele kakupelenganya nnope.

Verset: 21

كَلَّآۖ إِذَا دُكَّتِ ٱلۡأَرۡضُ دَكّٗا دَكّٗا

Ngaŵa (mŵankutendelamo)! Ndema jalichisyajidwa litaka syajidwe-syajidwe!

Verset: 22

وَجَآءَ رَبُّكَ وَٱلۡمَلَكُ صَفّٗا صَفّٗا

Ni kwika Ambuje ŵenu (Allah kukwiilanya magambo), Achimalaika ali ndandanda!