Translation of the Meanings of the Noble Qur'an - Yau Translation * - Translations’ Index

Translation of the meanings Surah: Al-Fajr   Ayah:
Surahs’ Index Page Number HTML

Al-Fajr

Ayah: 1

وَٱلۡفَجۡرِ
Ngukulumbila kumasikusiku.
Arabic explanations of the Qur’an:

Ayah: 2

وَلَيَالٍ عَشۡرٖ
Ni ilo likumi (yandanda yamwesi wa Mfungotatu).[1]
(89:1) Akusimulila Ibn Abbâs رضى الله عنه yanti: Ntume ﷺ jwatite: “Pangali masengo gambone gagakutendekwaga m’moŵa ganepe nikuŵa gapenani kugapunda masengo gagakutendekwaga mu aga moŵaga (moŵa likumi gandanda ga mwesi wa Mfungotatu).” Maswahaba gawusyisye kuti: “Namuno Jihâd?” Jwalakwe jwatite: “Namuno Jihâd, ikaŵeje mundu jwakopweche nsyenejo ni chipanje chakwe kuli nkogoya (wa ku Jihâd), ni nganijuwuja ni chilichose, (umi wakwe ni chipanje chakwe yosope imalile ku Jihâdiko).” Swahîh Al-Bukhârî, Hadith No. 926).
Arabic explanations of the Qur’an:

Ayah: 3

وَٱلشَّفۡعِ وَٱلۡوَتۡرِ
Ni (indu yayili) yiŵiliyiŵili kwisa soni (yayili) chimochimo.
Arabic explanations of the Qur’an:

Ayah: 4

وَٱلَّيۡلِ إِذَا يَسۡرِ
Ni chilo ndema jachikuŵigula.
Arabic explanations of the Qur’an:

Ayah: 5

هَلۡ فِي ذَٰلِكَ قَسَمٞ لِّذِي حِجۡرٍ
Ana mu yalakweyi ngaŵa mwana kulumbila kwakwanila, kwa jwakwete lunda?
Arabic explanations of the Qur’an:

Ayah: 6

أَلَمۡ تَرَ كَيۡفَ فَعَلَ رَبُّكَ بِعَادٍ
Ana nganinyyiona yaŵatite Ambuje ŵenu kaape ipotesi ŵanya Adi?
Arabic explanations of the Qur’an:

Ayah: 7

إِرَمَ ذَاتِ ٱلۡعِمَادِ
Ŵa ku Irama; achalewulewu mpela misaati?
Arabic explanations of the Qur’an:

Ayah: 8

ٱلَّتِي لَمۡ يُخۡلَقۡ مِثۡلُهَا فِي ٱلۡبِلَٰدِ
Ŵanganagumbidweje ŵane ŵanti chisawu ŵanganyao mu ilambo (ine)?
Arabic explanations of the Qur’an:

Ayah: 9

وَثَمُودَ ٱلَّذِينَ جَابُواْ ٱلصَّخۡرَ بِٱلۡوَادِ
Ni ŵanya Asamuda ŵaŵaliji nkusokola maganga pachiŵata (chakuŵilanjikwa Wadi Qura kuŵa majumba gao)?
Arabic explanations of the Qur’an:

Ayah: 10

وَفِرۡعَوۡنَ ذِي ٱلۡأَوۡتَادِ
Kwisa soni Firiauna nsyene ichili (yakulimbanganyichisya uchimwene wakwe)?
Arabic explanations of the Qur’an:

Ayah: 11

ٱلَّذِينَ طَغَوۡاْ فِي ٱلۡبِلَٰدِ
Aŵala ŵana kusumbaga mpika mu ilambo (pakusakasya).
Arabic explanations of the Qur’an:

Ayah: 12

فَأَكۡثَرُواْ فِيهَا ٱلۡفَسَادَ
Ni ŵatupiye mwalakwemo kuwatanganya.
Arabic explanations of the Qur’an:

Ayah: 13

فَصَبَّ عَلَيۡهِمۡ رَبُّكَ سَوۡطَ عَذَابٍ
Basi Ambuje ŵenu ŵapungulile ŵanganyao mitundu ja ilagasyo (yakupoteka nnope).
Arabic explanations of the Qur’an:

Ayah: 14

إِنَّ رَبَّكَ لَبِٱلۡمِرۡصَادِ
Chisimu Ambuje ŵenu aŵele Ŵang'unulila (masengo ga ŵandu, mwanti chachalipila mwaakupanganyichisya).
Arabic explanations of the Qur’an:

Ayah: 15

فَأَمَّا ٱلۡإِنسَٰنُ إِذَا مَا ٱبۡتَلَىٰهُ رَبُّهُۥ فَأَكۡرَمَهُۥ وَنَعَّمَهُۥ فَيَقُولُ رَبِّيٓ أَكۡرَمَنِ
Sano mundu ndema jaakun'dinga Ambujegwe pakunchimbichisya ni kumpa chindimba, basi akasatiji: “Ambuje ŵangu anjimbichisye (ligongo une nijwakuŵajilwa kupata yeleyi).”
Arabic explanations of the Qur’an:

Ayah: 16

وَأَمَّآ إِذَا مَا ٱبۡتَلَىٰهُ فَقَدَرَ عَلَيۡهِ رِزۡقَهُۥ فَيَقُولُ رَبِّيٓ أَهَٰنَنِ
Nambo ndema jaakun'dinga pakunnandiyichisya lisiki lyakwe, akasatiji: “Ambuje ŵangu anjalwisye.”
Arabic explanations of the Qur’an:

Ayah: 17

كَلَّاۖ بَل لَّا تُكۡرِمُونَ ٱلۡيَتِيمَ
Ngwamba! Nambo kuti ngankwatendelaga yaukoto ŵanache ŵawina.
Arabic explanations of the Qur’an:

Ayah: 18

وَلَا تَحَٰٓضُّونَ عَلَىٰ طَعَامِ ٱلۡمِسۡكِينِ
Soni ngankuchisyanaga yaagaliisya masikini.
Arabic explanations of the Qur’an:

Ayah: 19

وَتَأۡكُلُونَ ٱلتُّرَاثَ أَكۡلٗا لَّمّٗا
Ni nkulyaga chipanje chamalekwa kalye kakutunduka.
Arabic explanations of the Qur’an:

Ayah: 20

وَتُحِبُّونَ ٱلۡمَالَ حُبّٗا جَمّٗا
Ni nkuchinonyelaga soni chipanje kachinonyele kakupelenganya nnope.
Arabic explanations of the Qur’an:

Ayah: 21

كَلَّآۖ إِذَا دُكَّتِ ٱلۡأَرۡضُ دَكّٗا دَكّٗا
Ngaŵa (mŵankutendelamo)! Ndema jalichisyajidwa litaka syajidwe-syajidwe!
Arabic explanations of the Qur’an:

Ayah: 22

وَجَآءَ رَبُّكَ وَٱلۡمَلَكُ صَفّٗا صَفّٗا
Ni kwika Ambuje ŵenu (Allah kukwiilanya magambo), Achimalaika ali ndandanda!
Arabic explanations of the Qur’an:

Ayah: 23

وَجِاْيٓءَ يَوۡمَئِذِۭ بِجَهَنَّمَۚ يَوۡمَئِذٖ يَتَذَكَّرُ ٱلۡإِنسَٰنُ وَأَنَّىٰ لَهُ ٱلذِّكۡرَىٰ
Ni kwikanajo lyele lisikulyo Jahannama! Lyele lisikulyo mundu tachikumbuchila (yaŵapanganyisye), nambo ana kuchinkamuchisya chichi kwele kumbuchilako?
Arabic explanations of the Qur’an:

Ayah: 24

يَقُولُ يَٰلَيۡتَنِي قَدَّمۡتُ لِحَيَاتِي
Tachiti (pakuligamba): “Nkongwene! Bola ngalongosye (yambone yakungamuchisya) pa umi wangu (walelo uno).”
Arabic explanations of the Qur’an:

Ayah: 25

فَيَوۡمَئِذٖ لَّا يُعَذِّبُ عَذَابَهُۥٓ أَحَدٞ
Mwanti palyele lisikuli, pangali jwampaka apeleche ilagasyo mwatachipelechela (Allah).
Arabic explanations of the Qur’an:

Ayah: 26

وَلَا يُوثِقُ وَثَاقَهُۥٓ أَحَدٞ
Soni pangali jwampaka ataŵe mwatachitaŵila (Jwalakwe).
Arabic explanations of the Qur’an:

Ayah: 27

يَٰٓأَيَّتُهَا ٱلنَّفۡسُ ٱلۡمُطۡمَئِنَّةُ
E mmwe antima ŵakutulala!
Arabic explanations of the Qur’an:

Ayah: 28

ٱرۡجِعِيٓ إِلَىٰ رَبِّكِ رَاضِيَةٗ مَّرۡضِيَّةٗ
Wujilani kwa Ambuje ŵenu n'di ŵakusengwa ni kunonyeledwa.
Arabic explanations of the Qur’an:

Ayah: 29

فَٱدۡخُلِي فِي عِبَٰدِي
Jinjilani mwikuga lya achikapolo Ŵangu.
Arabic explanations of the Qur’an:

Ayah: 30

وَٱدۡخُلِي جَنَّتِي
Soni jinjilani ku Mbepo Jangu.
Arabic explanations of the Qur’an:
 
Translation of the meanings Surah: Al-Fajr
Surahs’ Index Page Number
 
Translation of the Meanings of the Noble Qur'an - Yau Translation - Translations’ Index

Translation of the Quran meanings into Yau by Muhammad bin Abdul Hamid Silika.

close