แปลความหมาย​ สูเราะฮ์ Al-Fajr - คำแปลภาษาเยาว์ - สารานุกรมอัลกุรอาน

Al-Fajr

อายะฮ์: 1

وَٱلۡفَجۡرِ

Ngukulumbila kumasikusiku.

อายะฮ์: 2

وَلَيَالٍ عَشۡرٖ

Ni ilo likumi (yandanda yamwesi wa Mfungotatu).^[1]

(89:1) Akusimulila Ibn Abbâs رضى الله عنه yanti: Ntume ﷺ jwatite: “Pangali masengo gambone gagakutendekwaga m’moŵa ganepe nikuŵa gapenani kugapunda masengo gagakutendekwaga mu aga moŵaga (moŵa likumi gandanda ga mwesi wa Mfungotatu).” Maswahaba gawusyisye kuti: “Namuno Jihâd?” Jwalakwe jwatite: “Namuno Jihâd, ikaŵeje mundu jwakopweche nsyenejo ni chipanje chakwe kuli nkogoya (wa ku Jihâd), ni nganijuwuja ni chilichose, (umi wakwe ni chipanje chakwe yosope imalile ku Jihâdiko).” Swahîh Al-Bukhârî, Hadith No. 926).

อายะฮ์: 3

وَٱلشَّفۡعِ وَٱلۡوَتۡرِ

Ni (indu yayili) yiŵiliyiŵili kwisa soni (yayili) chimochimo.

อายะฮ์: 4

وَٱلَّيۡلِ إِذَا يَسۡرِ

Ni chilo ndema jachikuŵigula.

อายะฮ์: 5

هَلۡ فِي ذَٰلِكَ قَسَمٞ لِّذِي حِجۡرٍ

Ana mu yalakweyi ngaŵa mwana kulumbila kwakwanila, kwa jwakwete lunda?

อายะฮ์: 6

أَلَمۡ تَرَ كَيۡفَ فَعَلَ رَبُّكَ بِعَادٍ

Ana nganinyyiona yaŵatite Ambuje ŵenu kaape ipotesi ŵanya Adi?

อายะฮ์: 7

إِرَمَ ذَاتِ ٱلۡعِمَادِ

Ŵa ku Irama; achalewulewu mpela misaati?

อายะฮ์: 8

ٱلَّتِي لَمۡ يُخۡلَقۡ مِثۡلُهَا فِي ٱلۡبِلَٰدِ

Ŵanganagumbidweje ŵane ŵanti chisawu ŵanganyao mu ilambo (ine)?

อายะฮ์: 9

وَثَمُودَ ٱلَّذِينَ جَابُواْ ٱلصَّخۡرَ بِٱلۡوَادِ

Ni ŵanya Asamuda ŵaŵaliji nkusokola maganga pachiŵata (chakuŵilanjikwa Wadi Qura kuŵa majumba gao)?

อายะฮ์: 10

وَفِرۡعَوۡنَ ذِي ٱلۡأَوۡتَادِ

Kwisa soni Firiauna nsyene ichili (yakulimbanganyichisya uchimwene wakwe)?

อายะฮ์: 11

ٱلَّذِينَ طَغَوۡاْ فِي ٱلۡبِلَٰدِ

Aŵala ŵana kusumbaga mpika mu ilambo (pakusakasya).

อายะฮ์: 12

فَأَكۡثَرُواْ فِيهَا ٱلۡفَسَادَ

Ni ŵatupiye mwalakwemo kuwatanganya.

อายะฮ์: 13

فَصَبَّ عَلَيۡهِمۡ رَبُّكَ سَوۡطَ عَذَابٍ

Basi Ambuje ŵenu ŵapungulile ŵanganyao mitundu ja ilagasyo (yakupoteka nnope).

อายะฮ์: 14

إِنَّ رَبَّكَ لَبِٱلۡمِرۡصَادِ

Chisimu Ambuje ŵenu aŵele Ŵang'unulila (masengo ga ŵandu, mwanti chachalipila mwaakupanganyichisya).

อายะฮ์: 15

فَأَمَّا ٱلۡإِنسَٰنُ إِذَا مَا ٱبۡتَلَىٰهُ رَبُّهُۥ فَأَكۡرَمَهُۥ وَنَعَّمَهُۥ فَيَقُولُ رَبِّيٓ أَكۡرَمَنِ

Sano mundu ndema jaakun'dinga Ambujegwe pakunchimbichisya ni kumpa chindimba, basi akasatiji: “Ambuje ŵangu anjimbichisye (ligongo une nijwakuŵajilwa kupata yeleyi).”

อายะฮ์: 16

وَأَمَّآ إِذَا مَا ٱبۡتَلَىٰهُ فَقَدَرَ عَلَيۡهِ رِزۡقَهُۥ فَيَقُولُ رَبِّيٓ أَهَٰنَنِ

Nambo ndema jaakun'dinga pakunnandiyichisya lisiki lyakwe, akasatiji: “Ambuje ŵangu anjalwisye.”

อายะฮ์: 17

كَلَّاۖ بَل لَّا تُكۡرِمُونَ ٱلۡيَتِيمَ

Ngwamba! Nambo kuti ngankwatendelaga yaukoto ŵanache ŵawina.

อายะฮ์: 18

وَلَا تَحَٰٓضُّونَ عَلَىٰ طَعَامِ ٱلۡمِسۡكِينِ

Soni ngankuchisyanaga yaagaliisya masikini.

อายะฮ์: 19

وَتَأۡكُلُونَ ٱلتُّرَاثَ أَكۡلٗا لَّمّٗا

Ni nkulyaga chipanje chamalekwa kalye kakutunduka.

อายะฮ์: 20

وَتُحِبُّونَ ٱلۡمَالَ حُبّٗا جَمّٗا

Ni nkuchinonyelaga soni chipanje kachinonyele kakupelenganya nnope.

อายะฮ์: 21

كَلَّآۖ إِذَا دُكَّتِ ٱلۡأَرۡضُ دَكّٗا دَكّٗا

Ngaŵa (mŵankutendelamo)! Ndema jalichisyajidwa litaka syajidwe-syajidwe!

อายะฮ์: 22

وَجَآءَ رَبُّكَ وَٱلۡمَلَكُ صَفّٗا صَفّٗا

Ni kwika Ambuje ŵenu (Allah kukwiilanya magambo), Achimalaika ali ndandanda!

อายะฮ์: 23

وَجِاْيٓءَ يَوۡمَئِذِۭ بِجَهَنَّمَۚ يَوۡمَئِذٖ يَتَذَكَّرُ ٱلۡإِنسَٰنُ وَأَنَّىٰ لَهُ ٱلذِّكۡرَىٰ

Ni kwikanajo lyele lisikulyo Jahannama! Lyele lisikulyo mundu tachikumbuchila (yaŵapanganyisye), nambo ana kuchinkamuchisya chichi kwele kumbuchilako?

อายะฮ์: 24

يَقُولُ يَٰلَيۡتَنِي قَدَّمۡتُ لِحَيَاتِي

Tachiti (pakuligamba): “Nkongwene! Bola ngalongosye (yambone yakungamuchisya) pa umi wangu (walelo uno).”

อายะฮ์: 25

فَيَوۡمَئِذٖ لَّا يُعَذِّبُ عَذَابَهُۥٓ أَحَدٞ

Mwanti palyele lisikuli, pangali jwampaka apeleche ilagasyo mwatachipelechela (Allah).

อายะฮ์: 26

وَلَا يُوثِقُ وَثَاقَهُۥٓ أَحَدٞ

Soni pangali jwampaka ataŵe mwatachitaŵila (Jwalakwe).

อายะฮ์: 27

يَٰٓأَيَّتُهَا ٱلنَّفۡسُ ٱلۡمُطۡمَئِنَّةُ

E mmwe antima ŵakutulala!

อายะฮ์: 28

ٱرۡجِعِيٓ إِلَىٰ رَبِّكِ رَاضِيَةٗ مَّرۡضِيَّةٗ

Wujilani kwa Ambuje ŵenu n'di ŵakusengwa ni kunonyeledwa.

อายะฮ์: 29

فَٱدۡخُلِي فِي عِبَٰدِي

Jinjilani mwikuga lya achikapolo Ŵangu.

อายะฮ์: 30

وَٱدۡخُلِي جَنَّتِي

Soni jinjilani ku Mbepo Jangu.