Fassarar Ma'anoni Sura Suratu Al'takweer - الترجمة الأوزبكية للمختصر في تفسير القرآن الكريم - Kundin Alqurani Mai girma

Таквир сураси

daga cikin abunda Surar ta kunsa:

كمال القرآن في تذكير الأنفس باختلال الكون عند البعث.

Қуръон қалбларга қайта тирилиш онида борлиқнинг аралашиб кетишини эслатишда баркамолдир.

---

Aya: 1

إِذَا ٱلشَّمۡسُ كُوِّرَتۡ

Қуёшнинг таркибидаги барча моддалар бир жойга тўпланиб, ўзи нурсизланиб қолганида;

Aya: 2

وَإِذَا ٱلنُّجُومُ ٱنكَدَرَتۡ

Юлдузлар тўкилиб, зиёси ўчиб қолганида;

Aya: 3

وَإِذَا ٱلۡجِبَالُ سُيِّرَتۡ

Тоғлар жойидан силжитилганида;

Aya: 4

وَإِذَا ٱلۡعِشَارُ عُطِّلَتۡ

Арабларнинг энг яхши кўрган, фахрланадиган нарсалари бўлган бўғоз туялар эътиборсиз, бекор ташлаб қўйилганда.

Aya: 5

وَإِذَا ٱلۡوُحُوشُ حُشِرَتۡ

Ваҳший ҳайвонлару одамлар битта жойга йиғилганларида;

Aya: 6

وَإِذَا ٱلۡبِحَارُ سُجِّرَتۡ

Денгизлар ёниб, оловга айланганида;

Aya: 7

وَإِذَا ٱلنُّفُوسُ زُوِّجَتۡ

Жонлар ўз тенгини топиб, ёмон ёмон билан, яхши яхши билан бир бўлганида.

Aya: 8

وَإِذَا ٱلۡمَوۡءُۥدَةُ سُئِلَتۡ

Тириклай кўмилган қизчадан Аллоҳ сўраганида;

Aya: 9

بِأَيِّ ذَنۢبٖ قُتِلَتۡ

Қотил сени қайси жиноятинг учун ўлдирди, деб;

Aya: 10

وَإِذَا ٱلصُّحُفُ نُشِرَتۡ

Бандаларнинг номаи аъмоллари очилиб, ҳамма ўз қилмишларини ўқий бошлаганида;

Aya: 11

وَإِذَا ٱلسَّمَآءُ كُشِطَتۡ

Қўйнинг териси шилиб олинганидек осмон шилиб олинганида;

Aya: 12

وَإِذَا ٱلۡجَحِيمُ سُعِّرَتۡ

Дўзах қиздирилганида;

Aya: 13

وَإِذَا ٱلۡجَنَّةُ أُزۡلِفَتۡ

Жаннат тақводорларга яқинлаштирилганида;

Aya: 14

عَلِمَتۡ نَفۡسٞ مَّآ أَحۡضَرَتۡ

Мана шу ишлар содир бўлганида ҳар бир жон шу кун учун нима тайёрлаб келганини билади.

Aya: 15

فَلَآ أُقۡسِمُ بِٱلۡخُنَّسِ

Аллоҳ тунда чиқишидан олдин кундузи беркиниб турувчи юлдузларга қасам ичди.

Aya: 16

ٱلۡجَوَارِ ٱلۡكُنَّسِ

Худди уясига кириб кетадиган кийиклардек, тонг отгач, кўздан ғойиб бўлади ва самоларда юради.

Aya: 17

وَٱلَّيۡلِ إِذَا عَسۡعَسَ

Аллоҳ келиб-кетувчи кечанинг кириб келаётган ва чиқиб бораётган пайтига қасам ичди.

Aya: 18

وَٱلصُّبۡحِ إِذَا تَنَفَّسَ

Нур сочаётган тонгга қасам ичди.

Aya: 19

إِنَّهُۥ لَقَوۡلُ رَسُولٖ كَرِيمٖ

Муҳаммад соллаллоҳу алайҳи васалламга нозил бўлган Қуръони Карим, шак-шубҳасиз, Аллоҳнинг каломидир. Уни Аллоҳ омонат қилиб топширган ишончли фариштаси Жаброил алайҳиссалом олиб келган.

Aya: 20

ذِي قُوَّةٍ عِندَ ذِي ٱلۡعَرۡشِ مَكِينٖ

Жаброил алайҳиссалом Арш соҳиби Аллоҳ наздида мартабаси улуғ ва қудратли фариштадир.

Aya: 21

مُّطَاعٖ ثَمَّ أَمِينٖ

Само аҳли унинг амрида бўлиб, унга ваҳийни етказиш вазифаси ишониб топширилгандир.

Aya: 22

وَمَا صَاحِبُكُم بِمَجۡنُونٖ

Муҳаммад алайҳиссалом сизлар ўйлагандек мажнун эмас. Даъвойингиз ғирт бўҳтон. Унинг ақли-ҳуши жойида эканини, ўзи омонатдор ва ростгўй эканини жуда яхши биласизлар.

Aya: 23

وَلَقَدۡ رَءَاهُ بِٱلۡأُفُقِ ٱلۡمُبِينِ

Дарҳақиқат, соҳибингиз Жаброилни очиқ само уфқида асл суратида кўрди.

Aya: 24

وَمَا هُوَ عَلَى ٱلۡغَيۡبِ بِضَنِينٖ

Соҳибингиз сизларга етказиши керак бўлган ваҳийни етказишни қизғанадиган бахил эмасдир ва фолбинлар сингари ҳақ ҳам олмайди.

Aya: 25

وَمَا هُوَ بِقَوۡلِ شَيۡطَٰنٖ رَّجِيمٖ

Бу Қуръон Аллоҳнинг раҳматидан қувилган шайтоннинг сўзи ҳам эмасдир.

Aya: 26

فَأَيۡنَ تَذۡهَبُونَ

Мана шунча далил-ҳужжатлардан кейин ҳам Қуръони Каримнинг Аллоҳ тарафидан эканини инкор қилиш учун яна қанақа йўлларни ўйлаб топяпсизлар?!

Aya: 27

إِنۡ هُوَ إِلَّا ذِكۡرٞ لِّلۡعَٰلَمِينَ

Қуръон инсу жинга панд-насиҳат ва эслатмадан бошқа нарса эмасдир.

Aya: 28

لِمَن شَآءَ مِنكُمۡ أَن يَسۡتَقِيمَ

Орангиздаги ҳақ йўл узра тўғри юришни хоҳлаганлар учун панд-насиҳат ва эслатмадир.

Aya: 29

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ

Барча махлуқотларнинг Парвардигори хоҳласагина тўғри йўлда бўлиш ва бошқа нарсаларни хоҳлай олурсизлар.

daga cikin fa'idodin Ayoyin wannan shafi:

• حَشْر المرء مع من يماثله في الخير أو الشرّ.

Ҳамма ўзига муносиб одам билан бирга тирилади. Яхшилар яхшилар билан. Ёмонлар ёмонлар билан.

• إذا كانت الموءُودة تُسأل فما بالك بالوائد؟ وهذا دليل على عظم الموقف.

Тириклайин кўмилган қизча сўроққа тутилганда уни кўмганларнинг ҳоли не кечишини бир тасаввур қилиб кўринг! Бу маҳшар кунининг нақадар даҳшатли бўлишидан даракдир.

• مشيئة العبد تابعة لمشيئة الله.

Банданинг хоҳиши Аллоҳнинг хоҳишига тобедир.