معانی کا ترجمہ سورت سورۂ تکویر - الترجمة الأوزبكية للمختصر في تفسير القرآن الكريم - قرآن کریم انسائیکلوپیڈیا

Таквир сураси

سورہ کے بعض مقاصد:

كمال القرآن في تذكير الأنفس باختلال الكون عند البعث.

Қуръон қалбларга қайта тирилиш онида борлиқнинг аралашиб кетишини эслатишда баркамолдир.

---

آیت: 1

إِذَا ٱلشَّمۡسُ كُوِّرَتۡ

Қуёшнинг таркибидаги барча моддалар бир жойга тўпланиб, ўзи нурсизланиб қолганида;

آیت: 2

وَإِذَا ٱلنُّجُومُ ٱنكَدَرَتۡ

Юлдузлар тўкилиб, зиёси ўчиб қолганида;

آیت: 3

وَإِذَا ٱلۡجِبَالُ سُيِّرَتۡ

Тоғлар жойидан силжитилганида;

آیت: 4

وَإِذَا ٱلۡعِشَارُ عُطِّلَتۡ

Арабларнинг энг яхши кўрган, фахрланадиган нарсалари бўлган бўғоз туялар эътиборсиз, бекор ташлаб қўйилганда.

آیت: 5

وَإِذَا ٱلۡوُحُوشُ حُشِرَتۡ

Ваҳший ҳайвонлару одамлар битта жойга йиғилганларида;

آیت: 6

وَإِذَا ٱلۡبِحَارُ سُجِّرَتۡ

Денгизлар ёниб, оловга айланганида;

آیت: 7

وَإِذَا ٱلنُّفُوسُ زُوِّجَتۡ

Жонлар ўз тенгини топиб, ёмон ёмон билан, яхши яхши билан бир бўлганида.

آیت: 8

وَإِذَا ٱلۡمَوۡءُۥدَةُ سُئِلَتۡ

Тириклай кўмилган қизчадан Аллоҳ сўраганида;

آیت: 9

بِأَيِّ ذَنۢبٖ قُتِلَتۡ

Қотил сени қайси жиноятинг учун ўлдирди, деб;

آیت: 10

وَإِذَا ٱلصُّحُفُ نُشِرَتۡ

Бандаларнинг номаи аъмоллари очилиб, ҳамма ўз қилмишларини ўқий бошлаганида;

آیت: 11

وَإِذَا ٱلسَّمَآءُ كُشِطَتۡ

Қўйнинг териси шилиб олинганидек осмон шилиб олинганида;

آیت: 12

وَإِذَا ٱلۡجَحِيمُ سُعِّرَتۡ

Дўзах қиздирилганида;

آیت: 13

وَإِذَا ٱلۡجَنَّةُ أُزۡلِفَتۡ

Жаннат тақводорларга яқинлаштирилганида;

آیت: 14

عَلِمَتۡ نَفۡسٞ مَّآ أَحۡضَرَتۡ

Мана шу ишлар содир бўлганида ҳар бир жон шу кун учун нима тайёрлаб келганини билади.

آیت: 15

فَلَآ أُقۡسِمُ بِٱلۡخُنَّسِ

Аллоҳ тунда чиқишидан олдин кундузи беркиниб турувчи юлдузларга қасам ичди.

آیت: 16

ٱلۡجَوَارِ ٱلۡكُنَّسِ

Худди уясига кириб кетадиган кийиклардек, тонг отгач, кўздан ғойиб бўлади ва самоларда юради.

آیت: 17

وَٱلَّيۡلِ إِذَا عَسۡعَسَ

Аллоҳ келиб-кетувчи кечанинг кириб келаётган ва чиқиб бораётган пайтига қасам ичди.

آیت: 18

وَٱلصُّبۡحِ إِذَا تَنَفَّسَ

Нур сочаётган тонгга қасам ичди.

آیت: 19

إِنَّهُۥ لَقَوۡلُ رَسُولٖ كَرِيمٖ

Муҳаммад соллаллоҳу алайҳи васалламга нозил бўлган Қуръони Карим, шак-шубҳасиз, Аллоҳнинг каломидир. Уни Аллоҳ омонат қилиб топширган ишончли фариштаси Жаброил алайҳиссалом олиб келган.

آیت: 20

ذِي قُوَّةٍ عِندَ ذِي ٱلۡعَرۡشِ مَكِينٖ

Жаброил алайҳиссалом Арш соҳиби Аллоҳ наздида мартабаси улуғ ва қудратли фариштадир.

آیت: 21

مُّطَاعٖ ثَمَّ أَمِينٖ

Само аҳли унинг амрида бўлиб, унга ваҳийни етказиш вазифаси ишониб топширилгандир.

آیت: 22

وَمَا صَاحِبُكُم بِمَجۡنُونٖ

Муҳаммад алайҳиссалом сизлар ўйлагандек мажнун эмас. Даъвойингиз ғирт бўҳтон. Унинг ақли-ҳуши жойида эканини, ўзи омонатдор ва ростгўй эканини жуда яхши биласизлар.

آیت: 23

وَلَقَدۡ رَءَاهُ بِٱلۡأُفُقِ ٱلۡمُبِينِ

Дарҳақиқат, соҳибингиз Жаброилни очиқ само уфқида асл суратида кўрди.

آیت: 24

وَمَا هُوَ عَلَى ٱلۡغَيۡبِ بِضَنِينٖ

Соҳибингиз сизларга етказиши керак бўлган ваҳийни етказишни қизғанадиган бахил эмасдир ва фолбинлар сингари ҳақ ҳам олмайди.

آیت: 25

وَمَا هُوَ بِقَوۡلِ شَيۡطَٰنٖ رَّجِيمٖ

Бу Қуръон Аллоҳнинг раҳматидан қувилган шайтоннинг сўзи ҳам эмасдир.

آیت: 26

فَأَيۡنَ تَذۡهَبُونَ

Мана шунча далил-ҳужжатлардан кейин ҳам Қуръони Каримнинг Аллоҳ тарафидан эканини инкор қилиш учун яна қанақа йўлларни ўйлаб топяпсизлар?!

آیت: 27

إِنۡ هُوَ إِلَّا ذِكۡرٞ لِّلۡعَٰلَمِينَ

Қуръон инсу жинга панд-насиҳат ва эслатмадан бошқа нарса эмасдир.

آیت: 28

لِمَن شَآءَ مِنكُمۡ أَن يَسۡتَقِيمَ

Орангиздаги ҳақ йўл узра тўғри юришни хоҳлаганлар учун панд-насиҳат ва эслатмадир.

آیت: 29

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ

Барча махлуқотларнинг Парвардигори хоҳласагина тўғри йўлда бўлиш ва бошқа нарсаларни хоҳлай олурсизлар.

حالیہ صفحہ میں آیات کے فوائد:

• حَشْر المرء مع من يماثله في الخير أو الشرّ.

Ҳамма ўзига муносиб одам билан бирга тирилади. Яхшилар яхшилар билан. Ёмонлар ёмонлар билан.

• إذا كانت الموءُودة تُسأل فما بالك بالوائد؟ وهذا دليل على عظم الموقف.

Тириклайин кўмилган қизча сўроққа тутилганда уни кўмганларнинг ҳоли не кечишини бир тасаввур қилиб кўринг! Бу маҳшар кунининг нақадар даҳшатли бўлишидан даракдир.

• مشيئة العبد تابعة لمشيئة الله.

Банданинг хоҳиши Аллоҳнинг хоҳишига тобедир.