अर्थों का अनुवाद सूरा सबा - फिलीपीनो (मगिंदनाओ) अनुवाद - अनुवाद अग्रदूत केंद्र - पृष्ठ संख्या 431 - पवित्र क़ुरआ विश्वकोश

आयत: 23

وَلَا تَنفَعُ ٱلشَّفَٰعَةُ عِندَهُۥٓ إِلَّا لِمَنۡ أَذِنَ لَهُۥۚ حَتَّىٰٓ إِذَا فُزِّعَ عَن قُلُوبِهِمۡ قَالُواْ مَاذَا قَالَ رَبُّكُمۡۖ قَالُواْ ٱلۡحَقَّۖ وَهُوَ ٱلۡعَلِيُّ ٱلۡكَبِيرُ

Endu da katagan nin i shafa’at sa lekanin ya tabya na entayn i sugutan nin, taman sa amayka madala den i gilek kanu pusung nilan a ya madtalu (nu malaikat): ngin inamba i pidtalu nu Kadenan nu sa lekanu? Ya nin madtalu na bantang ka sekanin (Allah) i mapulu a masla.

आयत: 24

۞ قُلۡ مَن يَرۡزُقُكُم مِّنَ ٱلسَّمَٰوَٰتِ وَٱلۡأَرۡضِۖ قُلِ ٱللَّهُۖ وَإِنَّآ أَوۡ إِيَّاكُمۡ لَعَلَىٰ هُدًى أَوۡ فِي ضَلَٰلٖ مُّبِينٖ

Edtalu ka Muhammad sa kanilan: entayn i pa-rizki sa lekanu ebpun sa langit endu lupa? Edtalu ka: su Allah! Endu sekami atawaka sekanu i natutulu atawaka natadin sa mapayag.

आयत: 25

قُل لَّا تُسۡـَٔلُونَ عَمَّآ أَجۡرَمۡنَا وَلَا نُسۡـَٔلُ عَمَّا تَعۡمَلُونَ

Edtalu ka (Muhammad): di kanu kaidsan sa kadusan nami endu di kami mambu kaidsan kanu penggalebeken nu.

आयत: 26

قُلۡ يَجۡمَعُ بَيۡنَنَا رَبُّنَا ثُمَّ يَفۡتَحُ بَيۡنَنَا بِٱلۡحَقِّ وَهُوَ ٱلۡفَتَّاحُ ٱلۡعَلِيمُ

Edtalu ka (Muhammad): su kadenan tanu i mulig sa lekitanu, mawli na kukumen tanu nin sa bantang, ka sekanin a Allah i bangukum a mataw.

आयत: 27

قُلۡ أَرُونِيَ ٱلَّذِينَ أَلۡحَقۡتُم بِهِۦ شُرَكَآءَۖ كَلَّاۚ بَلۡ هُوَ ٱللَّهُ ٱلۡعَزِيزُ ٱلۡحَكِيمُ

Edtalu ka sa kanilan: ipailay nu sa laki su (a barahala) ipedsakutu nu sa Allah, di kena! Sekanin su Allah (isa-isanin) bu i mapulu a mataw.

आयत: 28

وَمَآ أَرۡسَلۡنَٰكَ إِلَّا كَآفَّةٗ لِّلنَّاسِ بَشِيرٗا وَنَذِيرٗا وَلَٰكِنَّ أَكۡثَرَ ٱلنَّاسِ لَا يَعۡلَمُونَ

Endu da kinasugu nami sa leka a di kena sya sa langun na taw sa pakalilini endu papegkagilek, ugayd na ya madakel kanu manga taw na di manga mataw.

आयत: 29

وَيَقُولُونَ مَتَىٰ هَٰذَا ٱلۡوَعۡدُ إِن كُنتُمۡ صَٰدِقِينَ

Endu ya pedtalun nu manga kafir sa Makkah: kanu i namba a pasad a siksa sa lekami amayka ya nu kaaden i manga bantang manga benal kanu.

आयत: 30

قُل لَّكُم مِّيعَادُ يَوۡمٖ لَّا تَسۡتَـٔۡخِرُونَ عَنۡهُ سَاعَةٗ وَلَا تَسۡتَقۡدِمُونَ

Edtalu ka (Muhammad) sa kanilan: aden bun pasad sa lekanu a gay amayka nawma na di makasundul endu di makasunud (maketeng).

आयत: 31

وَقَالَ ٱلَّذِينَ كَفَرُواْ لَن نُّؤۡمِنَ بِهَٰذَا ٱلۡقُرۡءَانِ وَلَا بِٱلَّذِي بَيۡنَ يَدَيۡهِۗ وَلَوۡ تَرَىٰٓ إِذِ ٱلظَّٰلِمُونَ مَوۡقُوفُونَ عِندَ رَبِّهِمۡ يَرۡجِعُ بَعۡضُهُمۡ إِلَىٰ بَعۡضٍ ٱلۡقَوۡلَ يَقُولُ ٱلَّذِينَ ٱسۡتُضۡعِفُواْ لِلَّذِينَ ٱسۡتَكۡبَرُواْ لَوۡلَآ أَنتُمۡ لَكُنَّا مُؤۡمِنِينَ

Endu pidtalu nu manga kafir: di kami mangimbenal sa Qur’an anan endu su nawna lun, u mailay nengka (Muhammad) su manga kafir kanu gay a katindeg nilan lu sa Allah na edtibpwan nu isa su kaped, ya edtalun nu manga malubay kanu nangawnutan nilan (sa dunya): u di kena bu sekanu a nangawnutan nami na kuyug kami den kanu manga bamaginugut (di kami maka naraka).