Terjemahan makna Surah At-Takwīr - Terjemahan Berbahasa Philipina (Bisaya) - Pusat Terjemah Ruwwād - Ensiklopedia Alquran Alkarim

At-Takwīr

Ayah: 1

إِذَا ٱلشَّمۡسُ كُوِّرَتۡ

Sa diha nga ang adlaw naputos 'sa kangitngit' ug gitabonan,

Ayah: 2

وَإِذَا ٱلنُّجُومُ ٱنكَدَرَتۡ

Ug sa diha nga ang mga bitoon mongitngit (ug mangahulog),

Ayah: 3

وَإِذَا ٱلۡجِبَالُ سُيِّرَتۡ

Ug sa diha nga ang mga kabukiran papalihokon 'ug ipakatag ingon nga mga abog',

Ayah: 4

وَإِذَا ٱلۡعِشَارُ عُطِّلَتۡ

Ug sa diha nga ang buros nga mga kamelyo nga hapit nang manganak^[1] mapasagdan,

[1]. Apil ang labing bililhon nga mga kabtangan sa usa ka tawo.

Ayah: 5

وَإِذَا ٱلۡوُحُوشُ حُشِرَتۡ

Ug sa diha nga ang ihalas nga mga mananap pagatigumon,

Ayah: 6

وَإِذَا ٱلۡبِحَارُ سُجِّرَتۡ

Ug sa diha nga ang mga dagat gitakda sa kalayo ug magbukal (o moawas ngadto sa usag-usa),

Ayah: 7

وَإِذَا ٱلنُّفُوسُ زُوِّجَتۡ

Ug sa diha nga ang mga kalag mahiusa^[2],

[2]. Sama uban sama o mahiusa pag-usab sa ilang mga lawas.

Ayah: 8

وَإِذَا ٱلۡمَوۡءُۥدَةُ سُئِلَتۡ

Ug sa diha nga ang anak nga babaye nga gilubong nga buhi pangutan-on^[3],

[3]. O gipatay tungod sa kahadlok sa kakabus.

Ayah: 9

بِأَيِّ ذَنۢبٖ قُتِلَتۡ

Alang sa unsa nga sala siya gipatay,

Ayah: 10

وَإِذَا ٱلصُّحُفُ نُشِرَتۡ

Ug sa diha nga ang mga linukot nga basahon (sa mga buhat sa tawo) mabuklad,

Ayah: 11

وَإِذَا ٱلسَّمَآءُ كُشِطَتۡ

Ug sa diha nga ang langit makunis,

Ayah: 12

وَإِذَا ٱلۡجَحِيمُ سُعِّرَتۡ

ug sa diha nga ang Impiyerno mapintas nga misilaob,

Ayah: 13

وَإِذَا ٱلۡجَنَّةُ أُزۡلِفَتۡ

ug sa diha nga ang Paraiso gipaduol (ngadto sa mga matarung),

Ayah: 14

عَلِمَتۡ نَفۡسٞ مَّآ أَحۡضَرَتۡ

Ang matag kalag 'unya' mahibalo kung unsa ang sa giandam (nga maayo o daotan nga mga buhat).

Ayah: 15

فَلَآ أُقۡسِمُ بِٱلۡخُنَّسِ

Busa nanumpa ako sa mga planeta nga nag-urong,

Ayah: 16

ٱلۡجَوَارِ ٱلۡكُنَّسِ

Nga nagdagan sa ilang mga agianan (ug) musalop,

Ayah: 17

وَٱلَّيۡلِ إِذَا عَسۡعَسَ

Ug pinaagi sa gabii sa diha nga kini matapos,

Ayah: 18

وَٱلصُّبۡحِ إِذَا تَنَفَّسَ

Ug pinaagi sa kabuntagon sa diha nga kini muginhawa (muhayag),

Ayah: 19

إِنَّهُۥ لَقَوۡلُ رَسُولٖ كَرِيمٖ

Sa pagkatinuod, kini nga ˹Quran˺ mao ang Pulong sa ˹Allah nga gihatud ni Gabriel,˺ usa ka halangdon nga mensahero-anghel,

Ayah: 20

ذِي قُوَّةٍ عِندَ ذِي ٱلۡعَرۡشِ مَكِينٖ

Gitugahan sa gahum, nga gihatag sa (Allah), ang Ginoo sa (Dakong) Trono,

Ayah: 21

مُّطَاعٖ ثَمَّ أَمِينٖ

Mituman didto ˹sa langit˺, ug kasaligan.

Ayah: 22

وَمَا صَاحِبُكُم بِمَجۡنُونٖ

Ug (Oh mga tawo) ang inyong kauban (ang Propeta Muhammad) dili (gayud) buang.

Ayah: 23

وَلَقَدۡ رَءَاهُ بِٱلۡأُفُقِ ٱلۡمُبِينِ

Ug sa pagkatinuod siya nakakita kaniya (Gabriel) sa tin-aw nga kapunawpunawan.

Ayah: 24

وَمَا هُوَ عَلَى ٱلۡغَيۡبِ بِضَنِينٖ

Ug siya niini wala mag-hikaw ˹unsay padayag kaniya sa˺ nga dili makita.

Ayah: 25

وَمَا هُوَ بِقَوۡلِ شَيۡطَٰنٖ رَّجِيمٖ

Ni kini (ang Qur’an dili) pulong sa tinunglo nga Satanas,

Ayah: 26

فَأَيۡنَ تَذۡهَبُونَ

Busa asa kamo padulong 'sa inyong paglimod sa Qur'an ug pagtalikod niini?

Ayah: 27

إِنۡ هُوَ إِلَّا ذِكۡرٞ لِّلۡعَٰلَمِينَ

Kini (ang Qur’an) mao lamang sa usa ka Pahinumdom sa (tanang) mga katawhan ug jinn,

Ayah: 28

لِمَن شَآءَ مِنكُمۡ أَن يَسۡتَقِيمَ

Alang Kaniya taliwala kaninyo nga buot musubay sa hustong dalan 'ngadto sa Allāh'.

Ayah: 29

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ

Apan dili kamo makahimo sa nagbuot, gawas kon ang Allah ang mobuot, ang Ginoo sa tanan nga linalang.