Terjemahan makna Surah Surah Aṭ-Ṭāriq - Terjemahan Berbahasa Kinyarwanda - Ensiklopedia Alquran Alkarim

At Twariq (Ibigaragara nijoro)

Ayah: 1

وَٱلسَّمَآءِ وَٱلطَّارِقِ

Ndahiye ikirere n’ikimurika nijoro;

Ayah: 2

وَمَآ أَدۡرَىٰكَ مَا ٱلطَّارِقُ

Ni iki cyakumenyesha ikimurika nijoro?

Ayah: 3

ٱلنَّجۡمُ ٱلثَّاقِبُ

Ni inyenyeri imurika cyane (irabagirana).

Ayah: 4

إِن كُلُّ نَفۡسٖ لَّمَّا عَلَيۡهَا حَافِظٞ

Nta muntu utagira umugenzuzi (abamalayika bashinzwe kugenzura ibikorwa bya muntu).

Ayah: 5

فَلۡيَنظُرِ ٱلۡإِنسَٰنُ مِمَّ خُلِقَ

Ngaho umuntu niyitegereze icyo yaremwemo!

Ayah: 6

خُلِقَ مِن مَّآءٖ دَافِقٖ

Yaremwe mu mazi ataruka (intanga),

Ayah: 7

يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ

Aturuka hagati y’umugongo n’imbavu (zo mu gituza)

Ayah: 8

إِنَّهُۥ عَلَىٰ رَجۡعِهِۦ لَقَادِرٞ

Mu by’ukuri (Allah waremye uwo muntu mu ntanga) afite ubushobozi bwo kumuzura.

Ayah: 9

يَوۡمَ تُبۡلَى ٱلسَّرَآئِرُ

Umunsi amabanga azahishurwa,

Ayah: 10

فَمَا لَهُۥ مِن قُوَّةٖ وَلَا نَاصِرٖ

Icyo gihe (umuntu) nta mbaraga azaba afite cyangwa ngo agire umutabara.

Ayah: 11

وَٱلسَّمَآءِ ذَاتِ ٱلرَّجۡعِ

Ndahiye ikirere gitanga imvura igenda igaruka,

Ayah: 12

وَٱلۡأَرۡضِ ذَاتِ ٱلصَّدۡعِ

N’isi isaduka (kugira ngo ibiti n’ibimera bimere),

Ayah: 13

إِنَّهُۥ لَقَوۡلٞ فَصۡلٞ

Mu by’ukuri iyi (Qur’an) ni imvugo itandukanya (ukuri n’ikinyoma),

Ayah: 14

وَمَا هُوَ بِٱلۡهَزۡلِ

Kandi ntabwo ari imvugo idafite umumaro.

Ayah: 15

إِنَّهُمۡ يَكِيدُونَ كَيۡدٗا

Mu by’ukuri (abahinyura ukuri) bacura umugambi mubisha (wo kurwanya ubutumwa bw’ukuri),

Ayah: 16

وَأَكِيدُ كَيۡدٗا

Maze nanjye (Allah) nkaburizamo umugambi wabo.

Ayah: 17

فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا

Bityo, abo bahakanyi bahe igihe (yewe Muhamadi), ubarindirize gato (bazibonera ibizababaho).