Ibisobanuro by'amagambo Isura At Twariq - Ibisobanuro bya Qur'an mu rurimi rw'ikinyarwanda - Umuryango w'abayisilamu mu Rwanda. - ububiko bwa qor'an yejejwe

At Twariq

Umurongo: 1

وَٱلسَّمَآءِ وَٱلطَّارِقِ

Ndahiye ikirere n’ikimurika nijoro;

Umurongo: 2

وَمَآ أَدۡرَىٰكَ مَا ٱلطَّارِقُ

Ni iki cyakumenyesha ikimurika nijoro?

Umurongo: 3

ٱلنَّجۡمُ ٱلثَّاقِبُ

Ni inyenyeri imurika cyane (irabagirana).

Umurongo: 4

إِن كُلُّ نَفۡسٖ لَّمَّا عَلَيۡهَا حَافِظٞ

Nta muntu utagira umugenzuzi (abamalayika bashinzwe kugenzura ibikorwa bya muntu).

Umurongo: 5

فَلۡيَنظُرِ ٱلۡإِنسَٰنُ مِمَّ خُلِقَ

Ngaho umuntu niyitegereze icyo yaremwemo!

Umurongo: 6

خُلِقَ مِن مَّآءٖ دَافِقٖ

Yaremwe mu mazi ataruka (intanga),

Umurongo: 7

يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ

Aturuka hagati y’umugongo n’imbavu (zo mu gituza)

Umurongo: 8

إِنَّهُۥ عَلَىٰ رَجۡعِهِۦ لَقَادِرٞ

Mu by’ukuri (Allah waremye uwo muntu mu ntanga) afite ubushobozi bwo kumuzura.

Umurongo: 9

يَوۡمَ تُبۡلَى ٱلسَّرَآئِرُ

Umunsi amabanga azahishurwa,

Umurongo: 10

فَمَا لَهُۥ مِن قُوَّةٖ وَلَا نَاصِرٖ

Icyo gihe (umuntu) nta mbaraga azaba afite cyangwa ngo agire umutabara.

Umurongo: 11

وَٱلسَّمَآءِ ذَاتِ ٱلرَّجۡعِ

Ndahiye ikirere gitanga imvura igenda igaruka,

Umurongo: 12

وَٱلۡأَرۡضِ ذَاتِ ٱلصَّدۡعِ

N’isi isaduka (kugira ngo ibiti n’ibimera bimere),

Umurongo: 13

إِنَّهُۥ لَقَوۡلٞ فَصۡلٞ

Mu by’ukuri iyi (Qur’an) ni imvugo itandukanya (ukuri n’ikinyoma),

Umurongo: 14

وَمَا هُوَ بِٱلۡهَزۡلِ

Kandi ntabwo ari imvugo idafite umumaro.

Umurongo: 15

إِنَّهُمۡ يَكِيدُونَ كَيۡدٗا

Mu by’ukuri (abahinyura ukuri) bacura umugambi mubisha (wo kurwanya ubutumwa bw’ukuri),

Umurongo: 16

وَأَكِيدُ كَيۡدٗا

Maze nanjye (Allah) nkaburizamo umugambi wabo.

Umurongo: 17

فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا

Bityo, abo bahakanyi bahe igihe (yewe Muhamadi), ubarindirize gato (bazibonera ibizababaho).