Terjemahan makna Surah Surah Al-'Alaq - Terjemahan Berbahasa Oromo - Ensiklopedia Alquran Alkarim

Al-Alaq

Ayah: 1

ٱقۡرَأۡ بِٱسۡمِ رَبِّكَ ٱلَّذِي خَلَقَ

Maqaa Gooftaa keetii Isa (waan hunda) uumeetiin dubbisi.{1}

{1} Aayatoowwan tuni dura waan qur'aanarraa nabi muhammad s.a.w. irratti buufameeti.

Ayah: 2

خَلَقَ ٱلۡإِنسَٰنَ مِنۡ عَلَقٍ

(Isa) nama dhiiga ititaa irraa uume.

Ayah: 3

ٱقۡرَأۡ وَرَبُّكَ ٱلۡأَكۡرَمُ

Haala Gooftaan kee hunda irra arjaa ta’een qara'i.

Ayah: 4

ٱلَّذِي عَلَّمَ بِٱلۡقَلَمِ

Isa qalamaan (barreessuu) barsiise sani.

Ayah: 5

عَلَّمَ ٱلۡإِنسَٰنَ مَا لَمۡ يَعۡلَمۡ

Nama, waan inni hin beekne barsiise.

Ayah: 6

كَلَّآ إِنَّ ٱلۡإِنسَٰنَ لَيَطۡغَىٰٓ

Dhugumatti, namni daangaa dabra.

Ayah: 7

أَن رَّءَاهُ ٱسۡتَغۡنَىٰٓ

Sababa duroomuu of arguutiin.

Ayah: 8

إِنَّ إِلَىٰ رَبِّكَ ٱلرُّجۡعَىٰٓ

Deebiin garuma Gooftaa keetiiti.

Ayah: 9

أَرَءَيۡتَ ٱلَّذِي يَنۡهَىٰ

Sila isa dhorgu san argitee?

Ayah: 10

عَبۡدًا إِذَا صَلَّىٰٓ

Gabricha yeroo inni salaatu (kan dhorgu argitee)?

Ayah: 11

أَرَءَيۡتَ إِن كَانَ عَلَى ٱلۡهُدَىٰٓ

Yoo inni qajeeluma irra jiraate hoo mee naaf himi!

Ayah: 12

أَوۡ أَمَرَ بِٱلتَّقۡوَىٰٓ

Yookiin immoo sodaa Rabbiitti yoo ajaje hoo?

Ayah: 13

أَرَءَيۡتَ إِن كَذَّبَ وَتَوَلَّىٰٓ

Yoo inni (Abuu Jahal) kijibsiisee irraa gara gale hoo mee naaf himi?

Ayah: 14

أَلَمۡ يَعۡلَم بِأَنَّ ٱللَّهَ يَرَىٰ

Sila inni Rabbiin niargaa hin beekuu?

Ayah: 15

كَلَّا لَئِن لَّمۡ يَنتَهِ لَنَسۡفَعَۢا بِٱلنَّاصِيَةِ

Haa dhorgamu; yoo inni (Abuu Jahal) dhorgamuu baate, sammuu qabna.

Ayah: 16

نَاصِيَةٖ كَٰذِبَةٍ خَاطِئَةٖ

Sammuu sobduu, dogoggortuu taate (qabna).

Ayah: 17

فَلۡيَدۡعُ نَادِيَهُۥ

Garee isaa haa waammatu.

Ayah: 18

سَنَدۡعُ ٱلزَّبَانِيَةَ

Nutis waardiyyaa keenya waammachuuf jirra.

Ayah: 19

كَلَّا لَا تُطِعۡهُ وَٱسۡجُدۡۤ وَٱقۡتَرِب۩

Dhorgami! Isaan hin ajajamin, Sujuudis, gara Rabbiittis dhihaadhu.{1}

{1} Asitti sujuuda qaraatii qur'aanaattu bu'ama. kun sujuuda xumuraati.