Terjemahan makna Surah Al-Muddaṡṡir - Terjemahan Berbahasa Pashtun - Pusat Terjemah Ruwwād - Nomor Halaman 576 - Ensiklopedia Alquran Alkarim

Ayah: 19

فَقُتِلَ كَیْفَ قَدَّرَ ۟ۙ

نو تباه دې شي، څرنګه اندازه یي ولګوله.

Ayah: 20

ثُمَّ قُتِلَ كَیْفَ قَدَّرَ ۟ۙ

بيا دې تباه شي، څنګه خبره يې جوړه كړه.

Ayah: 21

ثُمَّ نَظَرَ ۟ۙ

بيايې وكتل.

Ayah: 22

ثُمَّ عَبَسَ وَبَسَرَ ۟ۙ

بيا یې تندی تريو کړ او ښه یې تریو کړ.

Ayah: 23

ثُمَّ اَدْبَرَ وَاسْتَكْبَرَ ۟ۙ

بیا يې شا واړوله او كبر يې وكړ.

Ayah: 24

فَقَالَ اِنْ هٰذَاۤ اِلَّا سِحْرٌ یُّؤْثَرُ ۟ۙ

نو ويې ويل: دا له هغو كوډو پرته بل څه نه دي چې له پخوا نه راروانې دي.

Ayah: 25

اِنْ هٰذَاۤ اِلَّا قَوْلُ الْبَشَرِ ۟ؕ

دا د بشر له وينا پرته بل څه نه دي!

Ayah: 26

سَاُصْلِیْهِ سَقَرَ ۟

(الله فرمايي) ژر به يې دوزخ ته ننباسم.

Ayah: 27

وَمَاۤ اَدْرٰىكَ مَا سَقَرُ ۟ؕ

او ته څه پوهېږې چې سقر څه دى؟

Ayah: 28

لَا تُبْقِیْ وَلَا تَذَرُ ۟ۚ

هغه يې نه پاتې کوي او نه يې خوشې كوي.

Ayah: 29

لَوَّاحَةٌ لِّلْبَشَرِ ۟ۚ

د پوستكي سوځوونكى دى.

Ayah: 30

عَلَیْهَا تِسْعَةَ عَشَرَ ۟ؕ

پر هغه نولس (پرېښتې) ټاكل شوې دي.

Ayah: 31

وَمَا جَعَلْنَاۤ اَصْحٰبَ النَّارِ اِلَّا مَلٰٓىِٕكَةً ۪— وَّمَا جَعَلْنَا عِدَّتَهُمْ اِلَّا فِتْنَةً لِّلَّذِیْنَ كَفَرُوْا ۙ— لِیَسْتَیْقِنَ الَّذِیْنَ اُوْتُوا الْكِتٰبَ وَیَزْدَادَ الَّذِیْنَ اٰمَنُوْۤا اِیْمَانًا وَّلَا یَرْتَابَ الَّذِیْنَ اُوْتُوا الْكِتٰبَ وَالْمُؤْمِنُوْنَ ۙ— وَلِیَقُوْلَ الَّذِیْنَ فِیْ قُلُوْبِهِمْ مَّرَضٌ وَّالْكٰفِرُوْنَ مَاذَاۤ اَرَادَ اللّٰهُ بِهٰذَا مَثَلًا ؕ— كَذٰلِكَ یُضِلُّ اللّٰهُ مَنْ یَّشَآءُ وَیَهْدِیْ مَنْ یَّشَآءُ ؕ— وَمَا یَعْلَمُ جُنُوْدَ رَبِّكَ اِلَّا هُوَ ؕ— وَمَا هِیَ اِلَّا ذِكْرٰی لِلْبَشَرِ ۟۠

او موږ د دوزخ دا څوكيداران پرته له پرېښتو بل څوك نه دي ګومارلي او د هغو شمېر مو هم يوازې د كافرانو لپاره ازمویښت ګرځولى، تر څو اهل كتاب يقين وكړي او د مومنانو ايمان زيات شي او اهل كتاب او مومنان څه شک ونه كړي او د دې لپاره چې په زړه ناروغان او كافران ووايي چې الله په دې بيان سره څه غوښتي دي؟ په همدې ډول چا ته چې الله وغواړي بې لارې كوي يې او چا ته چې وغواړي هدايت ورته كوي او ستا د رب لښكرې له هغه پرته بل چا ته نه دي معلومې او هغه (دوزخ) بل څه نه دى مګر د بشر لپاره يو نصيحت.

Ayah: 32

كَلَّا وَالْقَمَرِ ۟ۙ

هيڅكله نه، قسم دى په سپوږمۍ.

Ayah: 33

وَالَّیْلِ اِذْ اَدْبَرَ ۟ۙ

او په شپه چې بېرته وګرځي.

Ayah: 34

وَالصُّبْحِ اِذَاۤ اَسْفَرَ ۟ۙ

او په سهار چې رڼا شي.

Ayah: 35

اِنَّهَا لَاِحْدَی الْكُبَرِ ۟ۙ

چې په رېښتيا هغه (دوزخ) له سترو شيانو څخه يو دى.

Ayah: 36

نَذِیْرًا لِّلْبَشَرِ ۟ۙ

د انسانانو لپاره وېروونكى دی.

Ayah: 37

لِمَنْ شَآءَ مِنْكُمْ اَنْ یَّتَقَدَّمَ اَوْ یَتَاَخَّرَ ۟ؕ

له تاسي څخه د هغه چا لپاره چې پرمختګ غواړي يا وروسته كېدل.

Ayah: 38

كُلُّ نَفْسٍ بِمَا كَسَبَتْ رَهِیْنَةٌ ۟ۙ

هر څوک په خپلو کړو اعمالو کې نيولی شوی دی، يا به يې اعمال تباه کوي او يا به يې خلاصوي او له تباهۍ به يې ژغوري.

Ayah: 39

اِلَّاۤ اَصْحٰبَ الْیَمِیْنِ ۟ؕۛ

پرته له ښي لاس والا و.

Ayah: 40

فِیْ جَنّٰتٍ ۛ۫— یَتَسَآءَلُوْنَ ۟ۙ

چې جنتو كې به سره پوښتي.

Ayah: 41

عَنِ الْمُجْرِمِیْنَ ۟ۙ

د مجرمانو په باره کې.

Ayah: 42

مَا سَلَكَكُمْ فِیْ سَقَرَ ۟

چې دوزخ ته څه شي بوتلئ؟

Ayah: 43

قَالُوْا لَمْ نَكُ مِنَ الْمُصَلِّیْنَ ۟ۙ

هغوى به وايي: موږ خو له لمونځ كوونكو څخه نه وو.

Ayah: 44

وَلَمْ نَكُ نُطْعِمُ الْمِسْكِیْنَ ۟ۙ

او نه مو مسكين ته خواړه وركول.

Ayah: 45

وَكُنَّا نَخُوْضُ مَعَ الْخَآىِٕضِیْنَ ۟ۙ

او غلطو بحث كوونكو سره يوځاى موږ هم بحثونه كول.

Ayah: 46

وَكُنَّا نُكَذِّبُ بِیَوْمِ الدِّیْنِ ۟ۙ

او د جزا ورځ مو درواغ ګڼله.

Ayah: 47

حَتّٰۤی اَتٰىنَا الْیَقِیْنُ ۟ؕ

تر دې چې همغه يقيني شى [مرګ] راته راغى.