Terjemahan makna Surah Surah Al-A'lā - Terjemahan Berbahasa Pashtun - Zakariya - Ensiklopedia Alquran Alkarim

الأعلى

Ayah: 1

سَبِّحِ اسْمَ رَبِّكَ الْاَعْلَی ۟ۙ

87-1 ته پاكي بیان كړه د خپل رب د نامې چې تر ټولو اوچت دى

Ayah: 2

الَّذِیْ خَلَقَ فَسَوّٰی ۟

87-2 هغه چې پیدا يې كړل ټول شيان، پس ښه يې برابر كړل

Ayah: 3

وَالَّذِیْ قَدَّرَ فَهَدٰی ۟

87-3 او هغه (رب) چې اندازه يې وكړه، پس لاره يې وښووله

Ayah: 4

وَالَّذِیْۤ اَخْرَجَ الْمَرْعٰی ۟

87-4 او هغه ذات چې تازه ګياه يې را اېستلې ده

Ayah: 5

فَجَعَلَهٗ غُثَآءً اَحْوٰی ۟ؕ

87-5 بيا يې هغه وګرځوله وچه توره

Ayah: 6

سَنُقْرِئُكَ فَلَا تَنْسٰۤی ۟ۙ

87-6 ژر ده چې مونږ به په تا باندې (قرآن) ولولو، نو ته به يې نه هېروې

Ayah: 7

اِلَّا مَا شَآءَ اللّٰهُ ؕ— اِنَّهٗ یَعْلَمُ الْجَهْرَ وَمَا یَخْفٰی ۟ؕ

87-7 مګر هغه چې الله يې وغواړي، بېشكه دغه (الله) په ښكاره و پوهېږي او په هغه څه چې پټ وي

Ayah: 8

وَنُیَسِّرُكَ لِلْیُسْرٰی ۟ۚۖ

87-8 او مونږ به تا ته اسانې لارې ته اسانتیا دركوو

Ayah: 9

فَذَكِّرْ اِنْ نَّفَعَتِ الذِّكْرٰی ۟ؕ

87-9 نو ته نصیحت (پند) كوه كه نصیحت كول نفع رسوي (يا بېشكه نصيحت كول نفع رسوي)

Ayah: 10

سَیَذَّكَّرُ مَنْ یَّخْشٰی ۟ۙ

87-10 ژر ده چې هغه څوك به پند واخلي چې وېرېږي

Ayah: 11

وَیَتَجَنَّبُهَا الْاَشْقَی ۟ۙ

87-11 او له دغه (نصیحت) نه به تر ټولو بدبخته ډډه كوي

Ayah: 12

الَّذِیْ یَصْلَی النَّارَ الْكُبْرٰی ۟ۚ

87-12 هغه چې تر ټولو لوى اور ته به ننوځي

Ayah: 13

ثُمَّ لَا یَمُوْتُ فِیْهَا وَلَا یَحْیٰی ۟ؕ

87-13 بیا به دى په دغه (اور) كې نه مري او نه به ښه ژوند لري

Ayah: 14

قَدْ اَفْلَحَ مَنْ تَزَكّٰی ۟ۙ

87-14 یقینًا هغه څوك كامیاب شو چې پاك شو

Ayah: 15

وَذَكَرَ اسْمَ رَبِّهٖ فَصَلّٰی ۟ؕ

87-15 او د خپل رب نامه يې یاده كړه، پس لمونځ يې وكړ

Ayah: 16

بَلْ تُؤْثِرُوْنَ الْحَیٰوةَ الدُّنْیَا ۟ۚۖ

87-16 بلكې تاسو (په اخرت باندې) دنيايي ژوند غوره كوئ

Ayah: 17

وَالْاٰخِرَةُ خَیْرٌ وَّاَبْقٰی ۟ؕ

87-17 حال دا چې اخرت ډېر غوره او تل ترتله دى

Ayah: 18

اِنَّ هٰذَا لَفِی الصُّحُفِ الْاُوْلٰی ۟ۙ

87-18 بېشكه دا (خبرې) یقینًا په ړومبنیو صحیفو كې هم دي

Ayah: 19

صُحُفِ اِبْرٰهِیْمَ وَمُوْسٰی ۟۠

87-19 د ابراهیم او موسی په صحیفو كې