Terjemahan makna Surah Surah Al-Lail - الترجمة الأوزبكية للمختصر في تفسير القرآن الكريم - Ensiklopedia Alquran Alkarim

Лайл сураси

Tujuan Pokok Surah Ini:

بيان أحوال الخلق في الإيمان والإنفاق وحال كل فريق.

Махлуқотларнинг иймон ва инфоқ бобида гуруҳларга бўлиниши ва ҳар бир гуруҳнинг аҳволи баёни.

---

Ayah: 1

وَٱلَّيۡلِ إِذَا يَغۡشَىٰ

Аллоҳ таоло еру осмон орасини ўз зулмати билан қуршаб олаётган кечага қасам ичди.

Ayah: 2

وَٱلنَّهَارِ إِذَا تَجَلَّىٰ

Очиқ-ойдин кўринган кундузга қасам ичди.

Ayah: 3

وَمَا خَلَقَ ٱلذَّكَرَ وَٱلۡأُنثَىٰٓ

Икки жинс – аёл ва эркакни яратганига қасам ичди.

Ayah: 4

إِنَّ سَعۡيَكُمۡ لَشَتَّىٰ

Эй одамлар, сизларнинг амалларингиз ҳар-хилдир. Улар жаннатга олиб борувчи яхшиликлар ва дўзахга етакловчи ёмонликлардан иборатдир.

Ayah: 5

فَأَمَّا مَنۡ أَعۡطَىٰ وَٱتَّقَىٰ

Кимки бериши керак бўлган закот, нафақа ва бошқа садақотларни берса ва Аллоҳнинг тақиқларидан тийилса;

Ayah: 6

وَصَدَّقَ بِٱلۡحُسۡنَىٰ

Аллоҳ таоло ваъда қилган эвазни, мукофотни тасдиқласа;

Ayah: 7

فَسَنُيَسِّرُهُۥ لِلۡيُسۡرَىٰ

Биз унга солиҳ амалларни ва Аллоҳ йўлида саховат кўрсатишни осон қилиб қўямиз.

Ayah: 8

وَأَمَّا مَنۢ بَخِلَ وَٱسۡتَغۡنَىٰ

Кимки сарфлаши зарур бўлган ўринларда бахиллик қилса, мол-дунёси туфайли ўзини Аллоҳдан беҳожат тутса, Аллоҳнинг фазлидан ҳеч нарса сўрамаса;

Ayah: 9

وَكَذَّبَ بِٱلۡحُسۡنَىٰ

Аллоҳ йўлидаги сарфланган мол-дунё учун бериладиган савоблар ва Аллоҳ таоло ваъда қилган эвазни, жаннатни ёлғонга чиқарса;

Beberapa Faedah Ayat-ayat di Halaman Ini:

• أهمية تزكية النفس وتطهيرها.

Нафсни поклаш ва тарбиялашнинг муҳимлиги.

• المتعاونون على المعصية شركاء في الإثم.

Жиноятга шерик бўлганларнинг бир хил жавобгарликка тортилиши.

• الذنوب سبب للعقوبات الدنيوية.

Гуноҳлар дунёвий азобларга сабаб бўлади.

• كلٌّ ميسر لما خلق له فمنهم مطيع ومنهم عاصٍ.

Ҳар кимга пешонасига битилгани осон қилиб қўйилади. Улар орасида итоаткорлари ҳам, итоатсизлари ҳам бор.

Ayah: 10

فَسَنُيَسِّرُهُۥ لِلۡعُسۡرَىٰ

Биз унга ёмон амалларни осонлаштириб, яхши ишларни қийинлаштирамиз.

Ayah: 11

وَمَا يُغۡنِي عَنۡهُ مَالُهُۥٓ إِذَا تَرَدَّىٰٓ

У ҳалок бўлиб, дўзахга кирганида сарфлашга кўзи қиймаган, қизғанган мол-дунёси унга фойда бермайди.

Ayah: 12

إِنَّ عَلَيۡنَا لَلۡهُدَىٰ

Ботилдан ҳақиқат йўлини ажратиб бериш Бизнинг зиммамиздадир.

Ayah: 13

وَإِنَّ لَنَا لَلۡأٓخِرَةَ وَٱلۡأُولَىٰ

Охират ҳаёти ҳам, дунё ҳаёти ҳам Бизникидир. Уларни ёлғиз Ўзимиз хоҳлагандай тасарруф қиламиз.

Ayah: 14

فَأَنذَرۡتُكُمۡ نَارٗا تَلَظَّىٰ

Эй одамлар, сизларни ёниб турган оловдан огоҳлантирдим. Аллоҳга осийлик қилсангизлар, унда ёнасизлар.

Ayah: 15

لَا يَصۡلَىٰهَآ إِلَّا ٱلۡأَشۡقَى

Энг бахтсиз кимсалар, яъни кофирларгина бу жаҳаннам оташига дучор бўладилар.

Ayah: 16

ٱلَّذِي كَذَّبَ وَتَوَلَّىٰ

Бу кимсалар Пайғамбар алайҳиссалом олиб келган динни ёлғонга чиқариб, Аллоҳнинг амрини бажаришдан юз ўгирганлардир.

Ayah: 17

وَسَيُجَنَّبُهَا ٱلۡأَتۡقَى

Одамларнинг энг тақводори Абу Бакр розияллоҳу анҳунинг жаҳаннамдан узоқлаштирилиши муқаррардир.

Ayah: 18

ٱلَّذِي يُؤۡتِي مَالَهُۥ يَتَزَكَّىٰ

У гуноҳлардан покланиш мақсадида мол-дунёсини турли хил яхшиликларга сарфлаган эди.

Ayah: 19

وَمَا لِأَحَدٍ عِندَهُۥ مِن نِّعۡمَةٖ تُجۡزَىٰٓ

У аямай бераётган мол-дунёсини кимнингдир яхшилигини қайтариш учунгина бермасди, яъни беминнат берарди.

Ayah: 20

إِلَّا ٱبۡتِغَآءَ وَجۡهِ رَبِّهِ ٱلۡأَعۡلَىٰ

У мол-дунёсини Ўз мавжудотларидан жудаям олий бўлган Парвардигорининг Юзини истабгина сарфларди.

Ayah: 21

وَلَسَوۡفَ يَرۡضَىٰ

Бу инсон яқинда, охиратда Аллоҳ таоло унга ато этадиган улуғ мукофотдан рози бўлади.

Beberapa Faedah Ayat-ayat di Halaman Ini:

• منزلة النبي صلى الله عليه وسلم عند ربه لا تدانيها منزلة.

Набий алайҳиссаломнинг Парвардигори ҳузуридаги мартабаларига бирон мартаба тенглашолмайди.

• شكر النعم حقّ لله على عبده.

Неъматларга шукр қилиш Аллоҳнинг бандалари зиммасидаги ҳаққидир.

• وجوب الرحمة بالمستضعفين واللين لهم.

Мазлумларга нисбатан раҳмдил ва мулойим бўлиш фарздир.