Terjemahan makna Surah Surah Al-A'lā - Terjemahan Berbahasa Uzbek - Muhammad Ṣādiq - Ensiklopedia Alquran Alkarim

Аъло сураси

Ayah: 1

سَبِّحِ ٱسۡمَ رَبِّكَ ٱلۡأَعۡلَى

Олий қадар бўлган Роббинг исмини поклаб ёд эт.

Ayah: 2

ٱلَّذِي خَلَقَ فَسَوَّىٰ

У яратган ва мутаносиб қилган Зотдир.

Ayah: 3

وَٱلَّذِي قَدَّرَ فَهَدَىٰ

У, ўлчов билан қилган ва ҳидоятга бошлаган Зотдир.

Ayah: 4

وَٱلَّذِيٓ أَخۡرَجَ ٱلۡمَرۡعَىٰ

У, ўт-ўланни чиқарган Зотдир.

Ayah: 5

فَجَعَلَهُۥ غُثَآءً أَحۡوَىٰ

Бас, уни қорайган хашак қилган Зотдир.

Ayah: 6

سَنُقۡرِئُكَ فَلَا تَنسَىٰٓ

Биз сенга (Қуръонни) қироат қилдирамиз, бас, сен уни эсдан чиқармассан.

Ayah: 7

إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ

Илло, Аллоҳ хоҳлаганини. Албатта, У ошкорни ҳам, махфий нарсаларни ҳам биладир.

Ayah: 8

وَنُيَسِّرُكَ لِلۡيُسۡرَىٰ

Ва сени осон йўлга муяссар қиламиз.

Ayah: 9

فَذَكِّرۡ إِن نَّفَعَتِ ٱلذِّكۡرَىٰ

Бас, агар эслатиш манфаат берса, эслатгин.

Ayah: 10

سَيَذَّكَّرُ مَن يَخۡشَىٰ

Албатта, У зотдан қўрққан эсга оладир.

Ayah: 11

وَيَتَجَنَّبُهَا ٱلۡأَشۡقَى

Ва бадбахтгина ундан четда бўладир.

Ayah: 12

ٱلَّذِي يَصۡلَى ٱلنَّارَ ٱلۡكُبۡرَىٰ

У катта оловга кирадир.

Ayah: 13

ثُمَّ لَا يَمُوتُ فِيهَا وَلَا يَحۡيَىٰ

Сўнгра, унинг ичида ўлмай ҳам, тирилмай ҳам қоладир.

Ayah: 14

قَدۡ أَفۡلَحَ مَن تَزَكَّىٰ

Ҳақиқатан, ким пок бўлса, ютуқ топадир.

Ayah: 15

وَذَكَرَ ٱسۡمَ رَبِّهِۦ فَصَلَّىٰ

Ва Робби исмини зикр қилса ва намоз ўқиса ҳамдир.

Ayah: 16

بَلۡ تُؤۡثِرُونَ ٱلۡحَيَوٰةَ ٱلدُّنۡيَا

Балки, сизлар бу дунё ҳаётини устун қўясизлар.

Ayah: 17

وَٱلۡأٓخِرَةُ خَيۡرٞ وَأَبۡقَىٰٓ

Ҳолбуки, охират яхшироқ ва боқийроқдир.

Ayah: 18

إِنَّ هَٰذَا لَفِي ٱلصُّحُفِ ٱلۡأُولَىٰ

Албатта, бу аввалги саҳифаларда бордир.

Ayah: 19

صُحُفِ إِبۡرَٰهِيمَ وَمُوسَىٰ

Иброҳим ва Мусо саҳифаларидадир.