Terjemahan makna Surah Surah Asy-Syams - Terjemahan Berbahasa Uzbek - Muhammad Ṣādiq - Ensiklopedia Alquran Alkarim

Шамс сураси

Ayah: 1

وَٱلشَّمۡسِ وَضُحَىٰهَا

Қуёш билан ва унинг зиёси билан қасам.

Ayah: 2

وَٱلۡقَمَرِ إِذَا تَلَىٰهَا

Унинг ортидан келган ой билан қасам.

Ayah: 3

وَٱلنَّهَارِ إِذَا جَلَّىٰهَا

Ва у(қуёш)ни равшан кўрсатган наҳор билан қасам.

Ayah: 4

وَٱلَّيۡلِ إِذَا يَغۡشَىٰهَا

Ва у(қуёш)ни қоплаган тун билан қасам.

Ayah: 5

وَٱلسَّمَآءِ وَمَا بَنَىٰهَا

Ва осмон билан ва унинг бино қилиниши билан қасам.

Ayah: 6

وَٱلۡأَرۡضِ وَمَا طَحَىٰهَا

Ва ер билан ва унинг тўшалиши билан қасам.

Ayah: 7

وَنَفۡسٖ وَمَا سَوَّىٰهَا

Ва нафс билан ва унинг мукаммал қилиниши билан қасам.

Ayah: 8

فَأَلۡهَمَهَا فُجُورَهَا وَتَقۡوَىٰهَا

Бас, унга фужурини ва тақвосини билдирди.

Ayah: 9

قَدۡ أَفۡلَحَ مَن زَكَّىٰهَا

Батаҳқиқ, ким у(нафс)ни покласа, ютуққа эришди.

Ayah: 10

وَقَدۡ خَابَ مَن دَسَّىٰهَا

Ва батаҳқиқ, ким у(нафс)ни кирласа, ноумид бўлди.

Ayah: 11

كَذَّبَتۡ ثَمُودُ بِطَغۡوَىٰهَآ

Самуд қавми ўз туғёни ила ёлғонга чиқарди.

Ayah: 12

إِذِ ٱنۢبَعَثَ أَشۡقَىٰهَا

Вақтики, унинг энг бадбахти шошилиб турди.

Ayah: 13

فَقَالَ لَهُمۡ رَسُولُ ٱللَّهِ نَاقَةَ ٱللَّهِ وَسُقۡيَٰهَا

Бас, уларга Аллоҳнинг Расули: «Аллоҳнинг туясига ва унинг сувига тегманглар», деди.

Ayah: 14

فَكَذَّبُوهُ فَعَقَرُوهَا فَدَمۡدَمَ عَلَيۡهِمۡ رَبُّهُم بِذَنۢبِهِمۡ فَسَوَّىٰهَا

Бас, (уни) ёлғончига чиқаришди ва (туяни) сўйишди. Бас, Робблари уларни гуноҳлари сабабли йўқ қилиб юборди ва бунда барчани баробар қилди.

Ayah: 15

وَلَا يَخَافُ عُقۡبَٰهَا

Ва У зот бу(иш)нинг оқибатидан қўрқмас.

(Бу дунёнинг подшоҳлари ўзларининг қилган ишларидан, оқибати нима бўларкин, деб ҳадиксираб турадилар. Аллоҳ субҳанаҳу ва таоло эса бундай хавфдан мустаснодир.)