Traduzione dei significati Sura Al-Mursalât - Traduzione akan - ashanti - Haarun Isma'il - Numero di pagina 580 - L'Enciclopedia del Nobile Corano

Al-Mursalaat

Versetto: 1

وَٱلۡمُرۡسَلَٰتِ عُرۡفٗا

Mede mframa a, εrebͻ toatoasoͻ,

Versetto: 2

فَٱلۡعَٰصِفَٰتِ عَصۡفٗا

Na εfa mframa a ano yε den.

Versetto: 3

وَٱلنَّٰشِرَٰتِ نَشۡرٗا

Ne (Soro abͻfoͻ a, wͻde nsumunaeε no) hwete kͻ meamea,

Versetto: 4

فَٱلۡفَٰرِقَٰتِ فَرۡقٗا

Ne wͻn a wͻpaepae Nokorε ne nkontompo no mu,

Versetto: 5

فَٱلۡمُلۡقِيَٰتِ ذِكۡرًا

Ne Abͻfoͻ a, wͻde Adiyisεm no berε Akͻmhyεfoͻ no,

Versetto: 6

عُذۡرًا أَوۡ نُذۡرًا

De yε nyinasoͻ anaa kͻkͻbͻ no di nse sε:

Versetto: 7

إِنَّمَا تُوعَدُونَ لَوَٰقِعٞ

Nokorԑ deԑ yɛahyԑ ho bᴐ no bɛsi.

Versetto: 8

فَإِذَا ٱلنُّجُومُ طُمِسَتۡ

Sε Nsoromma (nhyerεnee) pepa firi hͻ,

Versetto: 9

وَإِذَا ٱلسَّمَآءُ فُرِجَتۡ

Na sε ͻsoro sunsuan asin-asini,

Versetto: 10

وَإِذَا ٱلۡجِبَالُ نُسِفَتۡ

Na sε mmepͻ bubu gͻsͻͻ,

Versetto: 11

وَإِذَا ٱلرُّسُلُ أُقِّتَتۡ

Na sε εberε a yɛahyε ama Asomafoͻ no duru hͻ a,

Versetto: 12

لِأَيِّ يَوۡمٍ أُجِّلَتۡ

Yεde ahyε da bεn?

Versetto: 13

لِيَوۡمِ ٱلۡفَصۡلِ

Yεde ahyε Aseni Da (anaa nokorε ne nkontompo mpaapaamu Da no).

Versetto: 14

وَمَآ أَدۡرَىٰكَ مَا يَوۡمُ ٱلۡفَصۡلِ

Ԑdeεn na εbεkyerε wo sεdeε Aseni Da no (huu) siteε?

Versetto: 15

وَيۡلٞ يَوۡمَئِذٖ لِّلۡمُكَذِّبِينَ

Saa Da no, due nka wͻn a wͻfaa (Owusͻreε Da) no sε atorͻsεm no.

Versetto: 16

أَلَمۡ نُهۡلِكِ ٱلۡأَوَّلِينَ

Yɛansεe adikanfoͻ no (a wͻannye annie) no?

Versetto: 17

ثُمَّ نُتۡبِعُهُمُ ٱلۡأٓخِرِينَ

Saa ara na Yεbεma nkyirimma yi nso atoa wͻn soͻ.

Versetto: 18

كَذَٰلِكَ نَفۡعَلُ بِٱلۡمُجۡرِمِينَ

Saa ara na Yεdeyε abͻneεfoͻ no.

Versetto: 19

وَيۡلٞ يَوۡمَئِذٖ لِّلۡمُكَذِّبِينَ

Saa Da no, due nka wͻn a wͻfaa (Owusͻreε Da) no sε atorͻsεm no.