Traduzione dei significati Sura An-Naba’ - الترجمة القيرغيزية للمختصر في تفسير القرآن الكريم - L'Enciclopedia del Nobile Corano

Наба

Alcuni scopi di questa Sura comprendono:

بيان أدلة القدرة على البعث والتخويف من العاقبة.

Кайра тирилтүүгө кудуреттүү экендигине далилдерди баяндоо жана акыбеттин жаман болуп калуусун эскертип коркутуу.

---

Versetto: 1

عَمَّ يَتَسَآءَلُونَ

Аллах мушриктерге Өз элчисин жибергенден кийин алар бири-биринен эмне тууралуу сурап жатышат?

Versetto: 2

عَنِ ٱلنَّبَإِ ٱلۡعَظِيمِ

Алар бири-биринен улуу Кабар тууралуу сурап жатышат. Ал алардын пайгамбарына түшүрүлгөн, өзүнө кайра тирилүүнү камтыган – бул Куран.

Versetto: 3

ٱلَّذِي هُمۡ فِيهِ مُخۡتَلِفُونَ

Алар талашып-тартышкан бул Куранды сыйкыр же поэзия же төлгөчүлүк же байыркылардын уламыштары деп сыпатташат.

Versetto: 4

كَلَّا سَيَعۡلَمُونَ

Абал алар ойлогондой эмес! Куранды жалганга чыгаргандар жакында жалгандарынын акыбети жаман болорун билишет.

Versetto: 5

ثُمَّ كَلَّا سَيَعۡلَمُونَ

Андан соң аларга аны дагы баса белгиледи.

Versetto: 6

أَلَمۡ نَجۡعَلِ ٱلۡأَرۡضَ مِهَٰدٗا

Биз алар үчүн жерди турукташууга ылайыктуу тегиз кылып койбодукпу?

Versetto: 7

وَٱلۡجِبَالَ أَوۡتَادٗا

Ал силкилдебеш үчүн анын үстүнө тоолорду казык кылдабыкпы?

Versetto: 8

وَخَلَقۡنَٰكُمۡ أَزۡوَٰجٗا

Оо, адамдар! Биз силерди ар кандай түрдө жараттык, араңарда эркектер жана аялдар бар.

Versetto: 9

وَجَعَلۡنَا نَوۡمَكُمۡ سُبَاتٗا

Силер тиричиликти токтотуп эс алууңар үчүн уйкуңарды кылдык.

Versetto: 10

وَجَعَلۡنَا ٱلَّيۡلَ لِبَاسٗا

Жана силер үчүн караңгы түндү уяттуу жериңерди жапкан кийим сыяктуу тосмо кылдык.

Versetto: 11

وَجَعَلۡنَا ٱلنَّهَارَ مَعَاشٗا

Ал эми күндүздү жумуш кылуу жана ырыскы издөө үчүн майдан кылдык.

Versetto: 12

وَبَنَيۡنَا فَوۡقَكُمۡ سَبۡعٗا شِدَادٗا

Жана силердин үстүңөргө бекем курулуштагы жана кынтыксыз жасалыштагы жети асманды курдук.

Versetto: 13

وَجَعَلۡنَا سِرَاجٗا وَهَّاجٗا

Жана Күндү абдан жалындап жаркыраган чырак кылдык.

Versetto: 14

وَأَنزَلۡنَا مِنَ ٱلۡمُعۡصِرَٰتِ مَآءٗ ثَجَّاجٗا

Жана жамгыр жаай турган мезгили келген булуттардан нөшөрлөп куюлган суу түшүрдүк.

Versetto: 15

لِّنُخۡرِجَ بِهِۦ حَبّٗا وَنَبَاتٗا

Аны менен ар кандай түрдөгү дандарды жана өсүмдүктөрдү чыгаруу үчүн.

Versetto: 16

وَجَنَّٰتٍ أَلۡفَافًا

Жана бак-дарактарынын бутактары бири-бирине кирип чырмалышкан бакчаларды чыгаруу үчүн.

Versetto: 17

إِنَّ يَوۡمَ ٱلۡفَصۡلِ كَانَ مِيقَٰتٗا

Макулуктардын ортосун ажыратуучу күн кечикпестен келе турган бир убакытка белгиленген.

Versetto: 18

يَوۡمَ يُنفَخُ فِي ٱلصُّورِ فَتَأۡتُونَ أَفۡوَاجٗا

Ал күнү периште экинчи жолу кернейди тартат. Оо, адамдар! Ошондо силер топ-топ болуп келесиңер.

Versetto: 19

وَفُتِحَتِ ٱلسَّمَآءُ فَكَانَتۡ أَبۡوَٰبٗا

Асман ачылып, анда ачылган эшиктер сыяктуу тешиктер пайда болот.

Versetto: 20

وَسُيِّرَتِ ٱلۡجِبَالُ فَكَانَتۡ سَرَابًا

Тоолор жылып, бырыксыган чаңга айланат жана закым сыяктуу болуп калат.

Versetto: 21

إِنَّ جَهَنَّمَ كَانَتۡ مِرۡصَادٗا

Чындыгында тозок аңдып күтүп туруучу.

Versetto: 22

لِّلطَّٰغِينَ مَـَٔابٗا

Жана залымдар кайтып баруучу жай.

Versetto: 23

لَّٰبِثِينَ فِيهَآ أَحۡقَابٗا

Алар ал жакта акыры жок замандар жана кылымдар бою калышат.

Versetto: 24

لَّا يَذُوقُونَ فِيهَا بَرۡدٗا وَلَا شَرَابًا

Алар ал жакта тозоктун ысыгын муздаткан салкын абаны да, моокумду кандырган суусундукту да татышпайт.

Versetto: 25

إِلَّا حَمِيمٗا وَغَسَّاقٗا

Алар өтө ысык сууну жана тозоктогулардан аккан ириңди гана татышат.

Versetto: 26

جَزَآءٗ وِفَاقًا

Бул алардын каапырлыгына жана адашуусуна ылайыктуу жаза!

Versetto: 27

إِنَّهُمۡ كَانُواْ لَا يَرۡجُونَ حِسَابٗا

Чындыгында алар дүйнөдө Аллахтын акыреттеги сурагынан коркушкан эмес. Анткени алар кайра тирилүүгө ишенишкен жок. Эгерде алар кайра тирилүүдөн корккондо, анда Аллахка ыйман келтирип, жакшылык иштерди кылышмак.

Versetto: 28

وَكَذَّبُواْ بِـَٔايَٰتِنَا كِذَّابٗا

Жана алар элчибизге түшүргөн аяттарыбызды ачык түрдө жалганга чыгарышты.

Versetto: 29

وَكُلَّ شَيۡءٍ أَحۡصَيۡنَٰهُ كِتَٰبٗا

Биз алардын иш-аракеттерине байланыштуу бардык нерселерди эсептеп тактап койдук. Ал алардын амал баракчаларында жазылган.

Versetto: 30

فَذُوقُواْ فَلَن نَّزِيدَكُمۡ إِلَّا عَذَابًا

Эй, залымдар! Бул түбөлүктүү азапты таткыла! Эми Биз азабыңардын үстүнө азапты көбөйтөбүз.

Alcuni insegnamenti da trarre da questi versi sono:

• إحكام الله للخلق دلالة على قدرته على إعادته.

Аллахтын кынтыксыз жаратуусу – Анын кайра жаратууга болгон кудуреттүүлүгүнө далил болот.

• الطغيان سبب دخول النار.

Зулумдук кылуу тозокко кирүүгө себеп болот.

• مضاعفة العذاب على الكفار.

Каапырларга азаптын эселеп берилүүсү.

Versetto: 31

إِنَّ لِلۡمُتَّقِينَ مَفَازًا

Чындыгында Раббисинин буйруктарын аткарып, тыйгандарын таштап Андан корккондор үчүн көздөгөндөрүнө жеткирген жеңиш орду бар, ал – бейиш.

Versetto: 32

حَدَآئِقَ وَأَعۡنَٰبٗا

Бакчалар жана жүзүмзарлар бар.

Versetto: 33

وَكَوَاعِبَ أَتۡرَابٗا

Бирдей курактагы көкүрөгү тирсийген селкилер бар.

Versetto: 34

وَكَأۡسٗا دِهَاقٗا

Мелтилдеген шарап кеселер бар.

Versetto: 35

لَّا يَسۡمَعُونَ فِيهَا لَغۡوٗا وَلَا كِذَّٰبٗا

Алар бейиште жалган жана калп сөздөрдү угушпайт жана бири-бирине жалган да айтышпайт.

Versetto: 36

جَزَآءٗ مِّن رَّبِّكَ عَطَآءً حِسَابٗا

Мына ушулардын баарысы Аллахтын аларга берген жетиштүү белеги жана сыйлыгы.

Versetto: 37

رَّبِّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا ٱلرَّحۡمَٰنِۖ لَا يَمۡلِكُونَ مِنۡهُ خِطَابٗا

Ал – асмандар менен жердин жана алардын ортосунда нерселердин Раббиси, дүйнөнүн жана акыреттин Ырайымдуусу. Ал уруксат бермейинче, жердегилердин же асмандагылардын эч кимиси Андан сурай албайт.

Versetto: 38

يَوۡمَ يَقُومُ ٱلرُّوحُ وَٱلۡمَلَٰٓئِكَةُ صَفّٗاۖ لَّا يَتَكَلَّمُونَ إِلَّا مَنۡ أَذِنَ لَهُ ٱلرَّحۡمَٰنُ وَقَالَ صَوَابٗا

Жебреил жана периштелер сап-сап болуп турган күнү Ырайымдуу шапаат кылууга уруксат бергендер гана башка бирөөгө шапаат кылуу тууралуу сүйлөй алат жана Аллахка гана сыйынууга чакырган сөз сыяктуу тууралыкты айтат.

Versetto: 39

ذَٰلِكَ ٱلۡيَوۡمُ ٱلۡحَقُّۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا

Силерге баяндалган бул нерсе – анын болорунда эч кандай шек-күмөнү болбогон күн. Ким ал күндө Аллахтын азабынан кутулууну кааласа, анда ага карай жолду тутунуп, Раббисин ыраазы кылган жакшылык иштерди кылсын.

Versetto: 40

إِنَّآ أَنذَرۡنَٰكُمۡ عَذَابٗا قَرِيبٗا يَوۡمَ يَنظُرُ ٱلۡمَرۡءُ مَا قَدَّمَتۡ يَدَاهُ وَيَقُولُ ٱلۡكَافِرُ يَٰلَيۡتَنِي كُنتُ تُرَٰبَۢا

Оо, адамдар! Биз силерге жакында болуучу азапты эскерттик. Ал күндө адам баласы дүйнөдө кылган иштерин көрөт жана каапыр адам азаптан кутулууну тилеп мындай дейт: «Аттиң-ай! Кыямат күнү жаныбарларга «топуракка айлангыла!» деп айтылганда мен дагы аларга окшоп топуракка айланып кетсем кана!».

Alcuni insegnamenti da trarre da questi versi sono:

• التقوى سبب دخول الجنة.

Такыбалык – бейишке кирүүгө себеп болот.

• تذكر أهوال القيامة دافع للعمل الصالح.

Кыямат коркунучтарын эстөө – жакшылык иштерге түрткү берет.

• قبض روح الكافر بشدّة وعنف، وقبض روح المؤمن برفق ولين.

Каапырдын жаны катаалдык жана оройлук менен алынат. Ал эми ыймандуунун жаны жеңилдик жана жумшактык менен алынат.