対訳 章 タ―・ハー章 - チェルケス語対訳 - ルゥワード翻訳事業センター - クルアーン百科事典

タ―・ハー章

節: 1

طه

ТIа ха

節: 2

مَآ أَنزَلۡنَا عَلَيۡكَ ٱلۡقُرۡءَانَ لِتَشۡقَىٰٓ

КъурIэныр къыпхуедгъэхакъым уигъэнэщхъеину

節: 3

إِلَّا تَذۡكِرَةٗ لِّمَن يَخۡشَىٰ

Ар тхьэ шынагъуэ зыхэлъхэм щхьэкIэ гум къэзыгъэкIыжу аращ

節: 4

تَنزِيلٗا مِّمَّنۡ خَلَقَ ٱلۡأَرۡضَ وَٱلسَّمَٰوَٰتِ ٱلۡعُلَى

ЩIымрэ уафэ лъагэхэмрэ къэзыгъэхъуам къригъэхащ ар

節: 5

ٱلرَّحۡمَٰنُ عَلَى ٱلۡعَرۡشِ ٱسۡتَوَىٰ

ГущIэгъущIым Хьэршым зыщхьэщиIэтыкIащ

節: 6

لَهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِ وَمَا بَيۡنَهُمَا وَمَا تَحۡتَ ٱلثَّرَىٰ

Абы ейщ уафэхэми щыIэр, щIылъэми щыIэр, абыхэм яку дэлъри, щIым и щIагъым щIэлъри

節: 7

وَإِن تَجۡهَرۡ بِٱلۡقَوۡلِ فَإِنَّهُۥ يَعۡلَمُ ٱلسِّرَّ وَأَخۡفَى

Уи псалъэр ину жыпIэми, Абы ещIэр ущэхуари щIэхъумари

節: 8

ٱللَّهُ لَآ إِلَٰهَ إِلَّا هُوَۖ لَهُ ٱلۡأَسۡمَآءُ ٱلۡحُسۡنَىٰ

Алыхьыращ, Абы нэгъуэщI Тхьэ щыIэкъым, цIэ дахэхэри иIэщ

節: 9

وَهَلۡ أَتَىٰكَ حَدِيثُ مُوسَىٰٓ

Мусэ и хъыбарыр къыбнэсакъэ уэ?

節: 10

إِذۡ رَءَا نَارٗا فَقَالَ لِأَهۡلِهِ ٱمۡكُثُوٓاْ إِنِّيٓ ءَانَسۡتُ نَارٗا لَّعَلِّيٓ ءَاتِيكُم مِّنۡهَا بِقَبَسٍ أَوۡ أَجِدُ عَلَى ٱلنَّارِ هُدٗى

Абы мафIэ къилъагъури и Iыхьлыхэм яжриIащ: "Мыбдежым фыкъанэ, сэ мафIэ къэслъэгъуащи, е пхъапэ пысыкIа къыфхуэсхьынщ, е мафIэм и деж гъуэгу къыщызгъуэтынщ"

節: 11

فَلَمَّآ أَتَىٰهَا نُودِيَ يَٰمُوسَىٰٓ

Абдежым къыщысым, абы еджахэщ: "Уэ, Мусэ!

節: 12

إِنِّيٓ أَنَا۠ رَبُّكَ فَٱخۡلَعۡ نَعۡلَيۡكَ إِنَّكَ بِٱلۡوَادِ ٱلۡمُقَدَّسِ طُوٗى

Сэращ ипэжыпIэкIэ уи Тхьэр, уи вакъэхэр щых, ауз лъапIэ ТIууам ущыIэщ уэ

節: 13

وَأَنَا ٱخۡتَرۡتُكَ فَٱسۡتَمِعۡ لِمَا يُوحَىٰٓ

Сэ уэ укъыхэсхащи, къыпхуезгъэхым едэIу

節: 14

إِنَّنِيٓ أَنَا ٱللَّهُ لَآ إِلَٰهَ إِلَّآ أَنَا۠ فَٱعۡبُدۡنِي وَأَقِمِ ٱلصَّلَوٰةَ لِذِكۡرِيٓ

ИпэжыпIэкIэ Сэращ Алыхьыр, Сэ нэгъуэщI тхьэ щыIэкъым, аращи къысхуэпщылI, нэмэзи щIы, уигу сыкъэкIыжын папщIэ

節: 15

إِنَّ ٱلسَّاعَةَ ءَاتِيَةٌ أَكَادُ أُخۡفِيهَا لِتُجۡزَىٰ كُلُّ نَفۡسِۭ بِمَا تَسۡعَىٰ

Сыхьэтыр шэч хэмылъу къэкIуэнущ, ар соущэхур Сэ, цIыху къэскIэ къилэжьар къылъысыжын щхьэкIэ

節: 16

فَلَا يَصُدَّنَّكَ عَنۡهَا مَن لَّا يُؤۡمِنُ بِهَا وَٱتَّبَعَ هَوَىٰهُ فَتَرۡدَىٰ

Абырэ уэрэ фи яку домыгъыхьэ ар зи фIэщ мыхъуауэ и хуеиныгъэхэм кIэлъыкIуэхэм, ухэкIуэдэнущ итIанэ

節: 17

وَمَا تِلۡكَ بِيَمِينِكَ يَٰمُوسَىٰ

Сыт а уи 1э ижьымк1и п1ыгъыр уэ, Мусэ?

節: 18

قَالَ هِيَ عَصَايَ أَتَوَكَّؤُاْ عَلَيۡهَا وَأَهُشُّ بِهَا عَلَىٰ غَنَمِي وَلِيَ فِيهَا مَـَٔارِبُ أُخۡرَىٰ

Абы жиIащ: "Мыр си башыращ, абы зытызогъащIэр, си мэлхэри зэхузохус абыкIэ, нэгъуэщI зыгуэрхэри изощIэр"

節: 19

قَالَ أَلۡقِهَا يَٰمُوسَىٰ

Жи1ащ: "Хыф1эдзэт ар, Мусэ"

節: 20

فَأَلۡقَىٰهَا فَإِذَا هِيَ حَيَّةٞ تَسۡعَىٰ

Ар щыхыфIидзэм, блэуэ псынщIэу зигъэхъейуэ щIидзащ

節: 21

قَالَ خُذۡهَا وَلَا تَخَفۡۖ سَنُعِيدُهَا سِيرَتَهَا ٱلۡأُولَىٰ

Абы жиIащ: "Къащтэ ар, икIи умышынэ, ипэкIэ зэрыщытам хуэдэ къабзэу дыщIыжынщ

節: 22

وَٱضۡمُمۡ يَدَكَ إِلَىٰ جَنَاحِكَ تَخۡرُجۡ بَيۡضَآءَ مِنۡ غَيۡرِ سُوٓءٍ ءَايَةً أُخۡرَىٰ

Уи Iэр уи джабэм кIэрыкъузэ, хужьыбзэ хъуауэ къыкIэрыпхыжынщ, узым и бэгухэм щыщ къытемынэжауэ, ар иджыри зы нэщэнэщ

節: 23

لِنُرِيَكَ مِنۡ ءَايَٰتِنَا ٱلۡكُبۡرَى

Ди нэщэнэшхуэхэм щыщи уэдгъэлъагъунщ

節: 24

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

Фирхьэуным и деж кIуэ, ар гъунэхэм егъэлеяуэ щхьэдэкIащ"

節: 25

قَالَ رَبِّ ٱشۡرَحۡ لِي صَدۡرِي

Абы (Мусэ) жриIащ: "Си Тхьэ, си бгъэр схузэIух!

節: 26

وَيَسِّرۡ لِيٓ أَمۡرِي

Си Iуэхури псынщIэ схуэщI!

節: 27

وَٱحۡلُلۡ عُقۡدَةٗ مِّن لِّسَانِي

Си бзэри къегъэутIыпщ

節: 28

يَفۡقَهُواْ قَوۡلِي

Абыхэм жысIэр къагурыIуэн щхьэкIэ

節: 29

وَٱجۡعَل لِّي وَزِيرٗا مِّنۡ أَهۡلِي

Си Iыхьлыхэм щыщи дэIэпыкъуэгъу схуэщI

節: 30

هَٰرُونَ أَخِي

Си къуэш Хьэрун

節: 31

ٱشۡدُدۡ بِهِۦٓ أَزۡرِي

АбыкIэ си къарур хэгъахъуэ

節: 32

وَأَشۡرِكۡهُ فِيٓ أَمۡرِي

Ари си Iуэхум къыхэгъыхьэ

節: 33

كَيۡ نُسَبِّحَكَ كَثِيرٗا

Зэгъусэу Уи щытхъур куэдрэ тIэтыным щхьэкIэ

節: 34

وَنَذۡكُرَكَ كَثِيرًا

Куэдри Уи гугъу тщIыным щхьэкIэ

節: 35

إِنَّكَ كُنتَ بِنَا بَصِيرٗا

ИпэжыпIэкIэ, Уэ дыболъагъур дэ!"

節: 36

قَالَ قَدۡ أُوتِيتَ سُؤۡلَكَ يَٰمُوسَىٰ

Жи1ащ: "Узщ1элъэ1уар къоттащ, уэ Мусэ

節: 37

وَلَقَدۡ مَنَنَّا عَلَيۡكَ مَرَّةً أُخۡرَىٰٓ

Иджыри ипэкIэ фIыгъуэхэр пхуэтщIат Дэ

節: 38

إِذۡ أَوۡحَيۡنَآ إِلَىٰٓ أُمِّكَ مَا يُوحَىٰٓ

Уи анэм игу щитлъхьатэм уэхьи:

節: 39

أَنِ ٱقۡذِفِيهِ فِي ٱلتَّابُوتِ فَٱقۡذِفِيهِ فِي ٱلۡيَمِّ فَلۡيُلۡقِهِ ٱلۡيَمُّ بِٱلسَّاحِلِ يَأۡخُذۡهُ عَدُوّٞ لِّي وَعَدُوّٞ لَّهُۥۚ وَأَلۡقَيۡتُ عَلَيۡكَ مَحَبَّةٗ مِّنِّي وَلِتُصۡنَعَ عَلَىٰ عَيۡنِيٓ

Ар пхъуантэм илъхьи псым хэдзэ, итIанэ ар псым къыхидзыжынущ и Iуфэм. Абдежым Сэри езыми ди бийм ищтэнущ ар. Си лъагъуныгъэм щыщ къыпхуезгъэхри, Си Нэгум ущIэтурэ уапIащ

節: 40

إِذۡ تَمۡشِيٓ أُخۡتُكَ فَتَقُولُ هَلۡ أَدُلُّكُمۡ عَلَىٰ مَن يَكۡفُلُهُۥۖ فَرَجَعۡنَٰكَ إِلَىٰٓ أُمِّكَ كَيۡ تَقَرَّ عَيۡنُهَا وَلَا تَحۡزَنَۚ وَقَتَلۡتَ نَفۡسٗا فَنَجَّيۡنَٰكَ مِنَ ٱلۡغَمِّ وَفَتَنَّٰكَ فُتُونٗاۚ فَلَبِثۡتَ سِنِينَ فِيٓ أَهۡلِ مَدۡيَنَ ثُمَّ جِئۡتَ عَلَىٰ قَدَرٖ يَٰمُوسَىٰ

Уи шыпхъур къакIуэри яжриIащ: "Фэзгъэлъагъун ар фхуэзыпIын?" Апхуэдэу уи анэм и деж укъэдгъэкIуэжащ, гу къыпщихуэжыну икIи мынэщхъеину. ИтIанэ цIыху быукIащ, ауэ Дэ гукъеуэм укъедгъэлри гугъуехь хуабжь птетлъхьащ, удгъэунэхуну. Мэдйян лъэпкъым илъэс бжыгъэкIэ уахэтащ уэ, итIанэ пIалъэм техуэу укъэкIуащ уэ, Мусэ

節: 41

وَٱصۡطَنَعۡتُكَ لِنَفۡسِي

Сэ укъыхэсхащ уэ Сэ щхьэкIэ

節: 42

ٱذۡهَبۡ أَنتَ وَأَخُوكَ بِـَٔايَٰتِي وَلَا تَنِيَا فِي ذِكۡرِي

Уэрэ уи къуэшымрэ фыкIуэ, Си нэщэнэхэр фIыгъыу, икIи фемышу Си гугъу фщIы

節: 43

ٱذۡهَبَآ إِلَىٰ فِرۡعَوۡنَ إِنَّهُۥ طَغَىٰ

Фирхьэуным и деж фыкIуэ, ар гъунэхэм егъэлеяуэ щхьэдэкIащ

節: 44

فَقُولَا لَهُۥ قَوۡلٗا لَّيِّنٗا لَّعَلَّهُۥ يَتَذَكَّرُ أَوۡ يَخۡشَىٰ

Псалъэ щабэ жефIэ абы, игу къэкIыжынкIэ мэхъу е шынэнкIэ мэхъур"

節: 45

قَالَا رَبَّنَآ إِنَّنَا نَخَافُ أَن يَفۡرُطَ عَلَيۡنَآ أَوۡ أَن يَطۡغَىٰ

А тIум жаIащ: "Ди Тхьэ, дэ дошынэр ар гузавэу тезыр къыттрилъхьэнкIэ, е залымыгъэ гуэр къыдищIылIэнкIэ"

節: 46

قَالَ لَا تَخَافَآۖ إِنَّنِي مَعَكُمَآ أَسۡمَعُ وَأَرَىٰ

Абы жиIащ: "Фымышынэ, Сэ сывигъусэщ, зэхызохыр икIи солъагъур

節: 47

فَأۡتِيَاهُ فَقُولَآ إِنَّا رَسُولَا رَبِّكَ فَأَرۡسِلۡ مَعَنَا بَنِيٓ إِسۡرَٰٓءِيلَ وَلَا تُعَذِّبۡهُمۡۖ قَدۡ جِئۡنَٰكَ بِـَٔايَةٖ مِّن رَّبِّكَۖ وَٱلسَّلَٰمُ عَلَىٰ مَنِ ٱتَّبَعَ ٱلۡهُدَىٰٓ

ТIури зэгъусэу абы и деж фыкIуи жефIэ: "Дэ уи Тхьэм дрилIыкIуэхэщ, аращи Исраил и бынхэр ди гъусэу къэгъакIуэ, абыхэм хьэзаб ятомылъхьэ, дэ уи Тхьэм и нэщэнэхэр къыпхуэтхьащ. ИкIи мамырыгъэр техуэ, гъуэгу захуэм ирикIуэм

節: 48

إِنَّا قَدۡ أُوحِيَ إِلَيۡنَآ أَنَّ ٱلۡعَذَابَ عَلَىٰ مَن كَذَّبَ وَتَوَلَّىٰ

Дэ къытхуехащ хьэзабыр зэрыхуэфащэр пцIыуэ ар зыбжымрэ, зи щIыбыр хуэзыгъазэмрэ"

節: 49

قَالَ فَمَن رَّبُّكُمَا يَٰمُوسَىٰ

Абы жи1ащ: "Уэ Мусэ, ат1э хэт фэ т1ум фи Тхьэр?"

節: 50

قَالَ رَبُّنَا ٱلَّذِيٓ أَعۡطَىٰ كُلَّ شَيۡءٍ خَلۡقَهُۥ ثُمَّ هَدَىٰ

ЖиIащ: "Ди Тхьэр къигъэщIауэ хъуам теплъэ езыту итIанэ гъуэгу захуэр языгъэлъэгъуаращ"

節: 51

قَالَ فَمَا بَالُ ٱلۡقُرُونِ ٱلۡأُولَىٰ

Абы жиIащ: "Япэрей лIэщIыгъуэхэм сыт атIэ я Iуэхур?"

節: 52

قَالَ عِلۡمُهَا عِندَ رَبِّي فِي كِتَٰبٖۖ لَّا يَضِلُّ رَبِّي وَلَا يَنسَى

ЖиIащ: "Абы теухуа щIэныгъэр си Тхьэм и деж щыIэщ, тхылъым иту, си Тхьэр гъуащэкъым икIи зыри щыгъупщэкъым"

節: 53

ٱلَّذِي جَعَلَ لَكُمُ ٱلۡأَرۡضَ مَهۡدٗا وَسَلَكَ لَكُمۡ فِيهَا سُبُلٗا وَأَنزَلَ مِنَ ٱلسَّمَآءِ مَآءٗ فَأَخۡرَجۡنَا بِهِۦٓ أَزۡوَٰجٗا مِّن نَّبَاتٖ شَتَّىٰ

ЩIыр псэупIэ фхуэзыщIар, гъуэгухэри фхухэзышар, уафэми псы къыфхуезыгъэхар, абыкIэ сыт хуэдэ къэкIыгъэми щыщ тIурытIурэ щIым къыфхуэдгъэкIащ

節: 54

كُلُواْ وَٱرۡعَوۡاْ أَنۡعَٰمَكُمۡۚ إِنَّ فِي ذَٰلِكَ لَأٓيَٰتٖ لِّأُوْلِي ٱلنُّهَىٰ

Фшхы икIи щывгъэхъу фи былымхэр, ипэжыпIэкIэ ахэр нэщэнэ нахуэхэщ, акъыл зиIэхэм папщIэ

節: 55

۞ مِنۡهَا خَلَقۡنَٰكُمۡ وَفِيهَا نُعِيدُكُمۡ وَمِنۡهَا نُخۡرِجُكُمۡ تَارَةً أُخۡرَىٰ

Абым фыкъыхэтщIыкIащ, абыми фыхэдгъэхьэжынущ, итIанэ иджыри зэ абым фыкъыхэтшыжынущ

節: 56

وَلَقَدۡ أَرَيۡنَٰهُ ءَايَٰتِنَا كُلَّهَا فَكَذَّبَ وَأَبَىٰ

Абым ди нэщэнэхэр псори едгъэлъэгъуащ, ауэ пцIыуэ ибжри и фIэщ хъуакъым

節: 57

قَالَ أَجِئۡتَنَا لِتُخۡرِجَنَا مِنۡ أَرۡضِنَا بِسِحۡرِكَ يَٰمُوسَىٰ

Абы жи1ащ: "Уэ, Мусэ, ди щ1ым уи удыгъэмк1э дипшыну укъэк1уауэ ара?"

節: 58

فَلَنَأۡتِيَنَّكَ بِسِحۡرٖ مِّثۡلِهِۦ فَٱجۡعَلۡ بَيۡنَنَا وَبَيۡنَكَ مَوۡعِدٗا لَّا نُخۡلِفُهُۥ نَحۡنُ وَلَآ أَنتَ مَكَانٗا سُوٗى

Арамэ абым хуэдэ щхъухь дэри къыпхуэтхьынщ, пIалъэ уэрэ дэрэ ди якум гъэув, дэри уэри абым демыпцIыжу щIыпIэ зэIуха гуэрым и деж"

節: 59

قَالَ مَوۡعِدُكُمۡ يَوۡمُ ٱلزِّينَةِ وَأَن يُحۡشَرَ ٱلنَّاسُ ضُحٗى

Абы жиIащ: "Фи пIалъэр махуэшхуэращ, цIыхухэри жьыуэ къызэхурырес"

節: 60

فَتَوَلَّىٰ فِرۡعَوۡنُ فَجَمَعَ كَيۡدَهُۥ ثُمَّ أَتَىٰ

Фирхьэуным и щIыбыр къигъазэри и хьилэгъэр игъэхьэзыращ, итIанэ ар къэсащ

節: 61

قَالَ لَهُم مُّوسَىٰ وَيۡلَكُمۡ لَا تَفۡتَرُواْ عَلَى ٱللَّهِ كَذِبٗا فَيُسۡحِتَكُم بِعَذَابٖۖ وَقَدۡ خَابَ مَنِ ٱفۡتَرَىٰ

Мусэ абыхэм яжриIащ: "Уей мыгъуэ, Алыхьым пцIы тевмылъхьэ, ар мыхъумэ хьэзабыр къыфтрилъхьэнщи фигъэкIуэдынщ. ИкIи хэкIуэдащ Алыхьым пцIы тезылъхьэр"

節: 62

فَتَنَٰزَعُوٓاْ أَمۡرَهُم بَيۡنَهُمۡ وَأَسَرُّواْ ٱلنَّجۡوَىٰ

Ахэр я Iуэхум щхьэкIэ зэдауэхэу щытахэщ икIи я псалъэхэр яущэхуауэ къагъэнащ

節: 63

قَالُوٓاْ إِنۡ هَٰذَٰنِ لَسَٰحِرَٰنِ يُرِيدَانِ أَن يُخۡرِجَاكُم مِّنۡ أَرۡضِكُم بِسِحۡرِهِمَا وَيَذۡهَبَا بِطَرِيقَتِكُمُ ٱلۡمُثۡلَىٰ

Абыхэм жаIащ: "Мы тIур удщ, абыхэм я щхъухьымкIэ фи щIым фырахуну хуейуэ аращ, итIанэ ахэр фэ фи гъуэгу дахащэм ирикIуэнухэщ

節: 64

فَأَجۡمِعُواْ كَيۡدَكُمۡ ثُمَّ ٱئۡتُواْ صَفّٗاۚ وَقَدۡ أَفۡلَحَ ٱلۡيَوۡمَ مَنِ ٱسۡتَعۡلَىٰ

Аращи фи хьилагъэхэмкIэ фызэгурыIуэ, итIанэ сатырурэ фыкъэувхэ. ЕхъулIащ нобэ текIуэнур"

節: 65

قَالُواْ يَٰمُوسَىٰٓ إِمَّآ أَن تُلۡقِيَ وَإِمَّآ أَن نَّكُونَ أَوَّلَ مَنۡ أَلۡقَىٰ

ЖаIащ: "Уэ Мусэ, е уэ хыфIэбдзэнщ, е дэ япэ хыфIэддзэнущ"

節: 66

قَالَ بَلۡ أَلۡقُواْۖ فَإِذَا حِبَالُهُمۡ وَعِصِيُّهُمۡ يُخَيَّلُ إِلَيۡهِ مِن سِحۡرِهِمۡ أَنَّهَا تَسۡعَىٰ

Абы жиIащ: "Хьэуэ, фэ хыфIэвдзэ". ИтIанэ къыфIагъэщIащ абыхэм я кIапсэхэмрэ, я башхэмрэ щхъухьым щхьэкIэ загъэхъей хуэдэу

節: 67

فَأَوۡجَسَ فِي نَفۡسِهِۦ خِيفَةٗ مُّوسَىٰ

Мусэ и гум абдежым шынэ щиущэхуащ

節: 68

قُلۡنَا لَا تَخَفۡ إِنَّكَ أَنتَ ٱلۡأَعۡلَىٰ

Абы жетIащ: "Умышынэ, уэращ текIуэнур

節: 69

وَأَلۡقِ مَا فِي يَمِينِكَ تَلۡقَفۡ مَا صَنَعُوٓاْۖ إِنَّمَا صَنَعُواْ كَيۡدُ سَٰحِرٖۖ وَلَا يُفۡلِحُ ٱلسَّاحِرُ حَيۡثُ أَتَىٰ

ХыфIэдзэ уи Iэ ижьымкIэ пIыгъыр, абыхэм ящIахэр псори ишхынущ, абыхэм ящIахэр удым и щхъухьщ. ИкIи дэнэ мыкIуами удыр ехъулIэнукъым"

節: 70

فَأُلۡقِيَ ٱلسَّحَرَةُ سُجَّدٗا قَالُوٓاْ ءَامَنَّا بِرَبِّ هَٰرُونَ وَمُوسَىٰ

Абдежым удхэм я щхьэхэр щIым тралъхьэри жаIащ: "Ди фIэщ хъуащ Хьэрунрэ Мусэрэ я Тхьэр"

節: 71

قَالَ ءَامَنتُمۡ لَهُۥ قَبۡلَ أَنۡ ءَاذَنَ لَكُمۡۖ إِنَّهُۥ لَكَبِيرُكُمُ ٱلَّذِي عَلَّمَكُمُ ٱلسِّحۡرَۖ فَلَأُقَطِّعَنَّ أَيۡدِيَكُمۡ وَأَرۡجُلَكُم مِّنۡ خِلَٰفٖ وَلَأُصَلِّبَنَّكُمۡ فِي جُذُوعِ ٱلنَّخۡلِ وَلَتَعۡلَمُنَّ أَيُّنَآ أَشَدُّ عَذَابٗا وَأَبۡقَىٰ

Абы (фирхьэуным) жиIащ: "Ар фи фIэщ фщIауэ ара сэ унафэ къывэзмыт щIыкIэ? Мыр фи нэхъыщхьэу удыгъэр фэзгъащIэращ атIэ! Арамэ фи Iэхэмрэ фи лъакъуэхэмрэ зэблэдзауэ пызудынщи пальмэхэм я лъэдийхэм фесIулIынщ. ИтIанэ къэфщIэнщ хэт дэ тIум зи хьэзабыр нэхъ гуащIэ икIи нэхъ кIыхь!"

節: 72

قَالُواْ لَن نُّؤۡثِرَكَ عَلَىٰ مَا جَآءَنَا مِنَ ٱلۡبَيِّنَٰتِ وَٱلَّذِي فَطَرَنَاۖ فَٱقۡضِ مَآ أَنتَ قَاضٍۖ إِنَّمَا تَقۡضِي هَٰذِهِ ٱلۡحَيَوٰةَ ٱلدُّنۡيَآ

Абыхэм жаIащ: "Уэ япэ уидгъэщынукъым дэ нэщэнэу къытхуэкIуахэм икIи дэ дыкъэзыгъэхъуам. ПщIэну узыхуейр щIэ, уэ мы дуней закъуэращ узыхуейр къыщыдэпщIэфынур

節: 73

إِنَّآ ءَامَنَّا بِرَبِّنَا لِيَغۡفِرَ لَنَا خَطَٰيَٰنَا وَمَآ أَكۡرَهۡتَنَا عَلَيۡهِ مِنَ ٱلسِّحۡرِۗ وَٱللَّهُ خَيۡرٞ وَأَبۡقَىٰٓ

Дэ ди Тхьэр ди фIэщ хъуащ къытхуигъэгъун щхьэкIэ гъуэщэныгъэу тщIахэр, икIи уэ егъэзыгъэкIэ щхъухьу дэбгъэщIахэр. Алыхьыращ нэхъыфIыри, игъащIэкIэ къанэри"

節: 74

إِنَّهُۥ مَن يَأۡتِ رَبَّهُۥ مُجۡرِمٗا فَإِنَّ لَهُۥ جَهَنَّمَ لَا يَمُوتُ فِيهَا وَلَا يَحۡيَىٰ

И тхьэм и деж мыхъумыщIакIуэу зыгъэзэжым хуэфащэр жыхьэнэмэщ, зэи щымылIэу абдежым икIи псэ къыIумыхьэжу

節: 75

وَمَن يَأۡتِهِۦ مُؤۡمِنٗا قَدۡ عَمِلَ ٱلصَّٰلِحَٰتِ فَأُوْلَٰٓئِكَ لَهُمُ ٱلدَّرَجَٰتُ ٱلۡعُلَىٰ

АтIэ Iиман къэзыхьауэ Абы хуэкIуэжыр, фIыхэри ищIауэ, абыхэм яхуэфащэщ увыпIэ лъагъэхэр

節: 76

جَنَّٰتُ عَدۡنٖ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَاۚ وَذَٰلِكَ جَزَآءُ مَن تَزَكَّىٰ

жэнэт къыздэнэнухэр, псыхэр къыщIэжхэу, игъащIэкIэ къинэхэу - аращ хуэфащэр къабзагъэ зезыхьахэм

節: 77

وَلَقَدۡ أَوۡحَيۡنَآ إِلَىٰ مُوسَىٰٓ أَنۡ أَسۡرِ بِعِبَادِي فَٱضۡرِبۡ لَهُمۡ طَرِيقٗا فِي ٱلۡبَحۡرِ يَبَسٗا لَّا تَخَٰفُ دَرَكٗا وَلَا تَخۡشَىٰ

Мусэ хуедгъэхащ уэхьи: "Си пщылIхэм я гъусэу жэщым дэкIи хым лъагъуэ гъущэ яхухэш. Умышынэ къыплъэщIыхьэнхэу икIи умыгужьей"

節: 78

فَأَتۡبَعَهُمۡ فِرۡعَوۡنُ بِجُنُودِهِۦ فَغَشِيَهُم مِّنَ ٱلۡيَمِّ مَا غَشِيَهُمۡ

Абыхэм яужь фирхьэуныр и дзэр щIыгъуу ихьащ, ахэр псори хым щIихъумахэщ

節: 79

وَأَضَلَّ فِرۡعَوۡنُ قَوۡمَهُۥ وَمَا هَدَىٰ

Фирхьэуным и лъэпкъыр щигъэуащ икIи захуэм хуишахэкъым

節: 80

يَٰبَنِيٓ إِسۡرَٰٓءِيلَ قَدۡ أَنجَيۡنَٰكُم مِّنۡ عَدُوِّكُمۡ وَوَٰعَدۡنَٰكُمۡ جَانِبَ ٱلطُّورِ ٱلۡأَيۡمَنَ وَنَزَّلۡنَا عَلَيۡكُمُ ٱلۡمَنَّ وَٱلسَّلۡوَىٰ

Уэ Исраил и бынхэ, фи бийм фыкъедгъэлащ, икIи ТIурым и джабэ ижьым псалъэ быдэ фэттащ, мэннымрэ ныбгъуэхэмри къыфхуедгъэхащ

節: 81

كُلُواْ مِن طَيِّبَٰتِ مَا رَزَقۡنَٰكُمۡ وَلَا تَطۡغَوۡاْ فِيهِ فَيَحِلَّ عَلَيۡكُمۡ غَضَبِيۖ وَمَن يَحۡلِلۡ عَلَيۡهِ غَضَبِي فَقَدۡ هَوَىٰ

Фшхы фIыгъуэу фэттахэм щыщ, ауэ евмыгъэлей абыхэм, армыхъумэ Си губжьыр къыфтехуэнщ. Си губжьыр зытехуэр псори атIэ хэкIуэдащ

節: 82

وَإِنِّي لَغَفَّارٞ لِّمَن تَابَ وَءَامَنَ وَعَمِلَ صَٰلِحٗا ثُمَّ ٱهۡتَدَىٰ

ИкIи Сэ тобэ къэзыхьым хузогъэгъур сытым щыгъуи, Iиман къихьауэ, фIыхэр ищIэу икIи захуэм тету щытмэ

節: 83

۞ وَمَآ أَعۡجَلَكَ عَن قَوۡمِكَ يَٰمُوسَىٰ

Уэ Мусэ, сыт уи лъэпкъым ипэ зыщ1ибгъэщар уэ?

節: 84

قَالَ هُمۡ أُوْلَآءِ عَلَىٰٓ أَثَرِي وَعَجِلۡتُ إِلَيۡكَ رَبِّ لِتَرۡضَىٰ

Абым жиIащ: "Месыр ахэри си ужьым итхэщ, сэ сыгузэващ, Уи деж псынщIэу сыкъэсыну, аразы ухъун щхьэкIэ"

節: 85

قَالَ فَإِنَّا قَدۡ فَتَنَّا قَوۡمَكَ مِنۢ بَعۡدِكَ وَأَضَلَّهُمُ ٱلسَّامِرِيُّ

Абы (Алыхьым) жиIащ: "Дэ уи лъэпкъыр дгъэунэхуащ уи ужькIэ, икIи ахэр самирийм щигъэуахэщ"

節: 86

فَرَجَعَ مُوسَىٰٓ إِلَىٰ قَوۡمِهِۦ غَضۡبَٰنَ أَسِفٗاۚ قَالَ يَٰقَوۡمِ أَلَمۡ يَعِدۡكُمۡ رَبُّكُمۡ وَعۡدًا حَسَنًاۚ أَفَطَالَ عَلَيۡكُمُ ٱلۡعَهۡدُ أَمۡ أَرَدتُّمۡ أَن يَحِلَّ عَلَيۡكُمۡ غَضَبٞ مِّن رَّبِّكُمۡ فَأَخۡلَفۡتُم مَّوۡعِدِي

Мусэ къигъэзэжащ и лъэпкъым идеж губжьауэ икIи нэщхъейуэ. Абы жиIащ: "Уэ лъэпкъ, фи Тхьэм псалъэ быдэ дахэ къывитакъэ? ПIалъэр кIыхьыщэ къыфщыхъуауэ ара фэ е фи Тхьэм и губжьыр къыфтехуэну фыхуеяуэ ара псалъэу къызэфтам фыщIепцIыжар?"

節: 87

قَالُواْ مَآ أَخۡلَفۡنَا مَوۡعِدَكَ بِمَلۡكِنَا وَلَٰكِنَّا حُمِّلۡنَآ أَوۡزَارٗا مِّن زِينَةِ ٱلۡقَوۡمِ فَقَذَفۡنَٰهَا فَكَذَٰلِكَ أَلۡقَى ٱلسَّامِرِيُّ

Абыхэм жаIащ: "Дэ дыхуейуэ псалъэ уэттам депцIыжакъым. А лъэпкъым я зызэрагъэщIэращIэ лъапIэхэр хьэлъэу тIыгъти, ахэр мафIэм хэддзащ, самирийми хидзащ"

節: 88

فَأَخۡرَجَ لَهُمۡ عِجۡلٗا جَسَدٗا لَّهُۥ خُوَارٞ فَقَالُواْ هَٰذَآ إِلَٰهُكُمۡ وَإِلَٰهُ مُوسَىٰ فَنَسِيَ

Абым къахухищIыкIащ танэм и пкъыр бууэ. ИтIанэ абыхэм жаIащ: "Мыращ фи тхьэри, Мусэ и тхьэри, ауэ абы щыгъупщэжащи аращ"

節: 89

أَفَلَا يَرَوۡنَ أَلَّا يَرۡجِعُ إِلَيۡهِمۡ قَوۡلٗا وَلَا يَمۡلِكُ لَهُمۡ ضَرّٗا وَلَا نَفۡعٗا

Абыхэм ямылъагъуу ара зы псалъи къазэрыжимыIэжыр икIи фIыкIи IейкIи зыри къазэрахуимыщIэфыр?

節: 90

وَلَقَدۡ قَالَ لَهُمۡ هَٰرُونُ مِن قَبۡلُ يَٰقَوۡمِ إِنَّمَا فُتِنتُم بِهِۦۖ وَإِنَّ رَبَّكُمُ ٱلرَّحۡمَٰنُ فَٱتَّبِعُونِي وَأَطِيعُوٓاْ أَمۡرِي

Абыхэм ипэкIэ Хьэрун яжриIат: "Уэ лъэпкъ, абыкIэ фагъэунэхур фэ. Фи Тхьэр ГущIэгъущIращи, си ужьым фыкъиуви, си унафэм фыхуэжыIэщIэ"

節: 91

قَالُواْ لَن نَّبۡرَحَ عَلَيۡهِ عَٰكِفِينَ حَتَّىٰ يَرۡجِعَ إِلَيۡنَا مُوسَىٰ

Абыхэм жаIащ: "Абым дыхуэпщылIыныр щыдгъэтынукъым, Мусэ къимыгъэзэжыху ди деж"

節: 92

قَالَ يَٰهَٰرُونُ مَا مَنَعَكَ إِذۡ رَأَيۡتَهُمۡ ضَلُّوٓاْ

Абы жи1ащ: "Хьэрун, сыт укъэзгъэувы1ар ахэр зэрыщыуар щыплъагъум?"

節: 93

أَلَّا تَتَّبِعَنِۖ أَفَعَصَيۡتَ أَمۡرِي

Сэ си ужьым щхьэ укъимыхьа? Си унафэм утекIауэ ара?"

節: 94

قَالَ يَبۡنَؤُمَّ لَا تَأۡخُذۡ بِلِحۡيَتِي وَلَا بِرَأۡسِيٓۖ إِنِّي خَشِيتُ أَن تَقُولَ فَرَّقۡتَ بَيۡنَ بَنِيٓ إِسۡرَٰٓءِيلَ وَلَمۡ تَرۡقُبۡ قَوۡلِي

Абы (Хьэрун) жиIащ: "Уэ си анэм и къуэ, си жьакIэм уемыIэ, си щхьэми аращ, сышынауэ арат сэ: - Исраил и бынхэр зэщхьэщыпхуахэщ, сэ бжесIари бгъэзэщIакъым", - къызжепIэну"

節: 95

قَالَ فَمَا خَطۡبُكَ يَٰسَٰمِرِيُّ

Абы жи1ащ: "Уэ сыт жып1энур, уэ, самирий?"

節: 96

قَالَ بَصُرۡتُ بِمَا لَمۡ يَبۡصُرُواْ بِهِۦ فَقَبَضۡتُ قَبۡضَةٗ مِّنۡ أَثَرِ ٱلرَّسُولِ فَنَبَذۡتُهَا وَكَذَٰلِكَ سَوَّلَتۡ لِي نَفۡسِي

Абы жиIащ: "Абыхэм ямылъагъур слъэгъуащ сэ, лIыкIуэм и лъэужьым щыщ щIыгу IэмыщIэ къасщтэри абым хэслъхьащ, апхуэдэу си псэм ар схуигъэдэхащ"

節: 97

قَالَ فَٱذۡهَبۡ فَإِنَّ لَكَ فِي ٱلۡحَيَوٰةِ أَن تَقُولَ لَا مِسَاسَۖ وَإِنَّ لَكَ مَوۡعِدٗا لَّن تُخۡلَفَهُۥۖ وَٱنظُرۡ إِلَىٰٓ إِلَٰهِكَ ٱلَّذِي ظَلۡتَ عَلَيۡهِ عَاكِفٗاۖ لَّنُحَرِّقَنَّهُۥ ثُمَّ لَنَنسِفَنَّهُۥ فِي ٱلۡيَمِّ نَسۡفًا

(Мусэ) жиIащ: "КIуэ, мы дунейм сытым щыгъуи жыпIэн хуеинущ: "Сэ фыкъыслъэмыIус, фэри сыфлъэIускъым". ИкIи пIалъэ узэмыпцIыжын къыппэщылъщ. Еплъыт а уи тхьэуэ узыхуэпщылIтэм: ар дгъэсынущ, итIанэ абы и сахуэр хым тетпхъэжынущ

節: 98

إِنَّمَآ إِلَٰهُكُمُ ٱللَّهُ ٱلَّذِي لَآ إِلَٰهَ إِلَّا هُوَۚ وَسِعَ كُلَّ شَيۡءٍ عِلۡمٗا

Фэ фи Тхьэр Алыхьыращ, Абы нэгъуэщI тхьэ щыIэкъым. Абы и щIэныгъэмкIэ сытри зэщIеубыдэр"

節: 99

كَذَٰلِكَ نَقُصُّ عَلَيۡكَ مِنۡ أَنۢبَآءِ مَا قَدۡ سَبَقَۚ وَقَدۡ ءَاتَيۡنَٰكَ مِن لَّدُنَّا ذِكۡرٗا

Апхуэдэу пхудоIуатэр ипэкIэ щыIахэм я хъыбархэм щыщ, икIи уэттагъэххэщ гум къэзыгъэкIыжыр

節: 100

مَّنۡ أَعۡرَضَ عَنۡهُ فَإِنَّهُۥ يَحۡمِلُ يَوۡمَ ٱلۡقِيَٰمَةِ وِزۡرًا

Абым и щIыбыр хуэзыгъазэм Къемэт махуэм хьэлъэ ихьынущ

節: 101

خَٰلِدِينَ فِيهِۖ وَسَآءَ لَهُمۡ يَوۡمَ ٱلۡقِيَٰمَةِ حِمۡلٗا

ИгъащIэкIэ апхуэдэу къэнэнухэщ, Къемэт махуэми абыхэм я хьэлъэр сытым хуэдэу Iеищэ!

節: 102

يَوۡمَ يُنفَخُ فِي ٱلصُّورِۚ وَنَحۡشُرُ ٱلۡمُجۡرِمِينَ يَوۡمَئِذٖ زُرۡقٗا

А махуэм Бжьэм епщэнухэщ, икIи а махуэм мыхъумыщIагъэ зыщIахэр ущхъуэнтIауэ зэхуэтхусынущ

節: 103

يَتَخَٰفَتُونَ بَيۡنَهُمۡ إِن لَّبِثۡتُمۡ إِلَّا عَشۡرٗا

Ахэр зэIущащэхэу жаIэнущ: "Абдежым (дунейм) махуипщI нэхъ фыщыIакъым"

節: 104

نَّحۡنُ أَعۡلَمُ بِمَا يَقُولُونَ إِذۡ يَقُولُ أَمۡثَلُهُمۡ طَرِيقَةً إِن لَّبِثۡتُمۡ إِلَّا يَوۡمٗا

Дэ нэхъыфIу дощIэр абыхэм жаIэхэр, абыхэм я нэхъыфIым жиIэнущ: "Зы махуэ нэхъ фыщыIакъым абдежым"

節: 105

وَيَسۡـَٔلُونَكَ عَنِ ٱلۡجِبَالِ فَقُلۡ يَنسِفُهَا رَبِّي نَسۡفٗا

Къущхьэхэм щхьэкIэ къоупщIхэр ахэр, атIэ жыIэ: "Си Тхьэм ахэр зэхигъэлъэлъэнущи

節: 106

فَيَذَرُهَا قَاعٗا صَفۡصَفٗا

джафэу зыри къытемыкIэжу къигъэнэнущ

節: 107

لَّا تَرَىٰ فِيهَا عِوَجٗا وَلَآ أَمۡتٗا

кумбхэри, теIэтыкIауэ зыгуэри щомылъагъужу"

節: 108

يَوۡمَئِذٖ يَتَّبِعُونَ ٱلدَّاعِيَ لَا عِوَجَ لَهُۥۖ وَخَشَعَتِ ٱلۡأَصۡوَاتُ لِلرَّحۡمَٰنِ فَلَا تَسۡمَعُ إِلَّا هَمۡسٗا

А махуэм ахэр гъуом иужь итхэу кIуэнухэщ, зыщIыпIи емыкIуэкIхэу. Я макъхэр ГущIэгъущIым и пащхьэм ягъэцIыкIунущ, макъ щэху фIэкIаи зэхэпхынукъым

節: 109

يَوۡمَئِذٖ لَّا تَنفَعُ ٱلشَّفَٰعَةُ إِلَّا مَنۡ أَذِنَ لَهُ ٱلرَّحۡمَٰنُ وَرَضِيَ لَهُۥ قَوۡلٗا

А махуэм зыри къыщхьэщыжыну зыми хуитынукъым, ГущIэгъущIым зыхуидахэу, зи псалъэхэмкIэ ар зыхуэарэзыхэм мыхъумэ

節: 110

يَعۡلَمُ مَا بَيۡنَ أَيۡدِيهِمۡ وَمَا خَلۡفَهُمۡ وَلَا يُحِيطُونَ بِهِۦ عِلۡمٗا

Абым ещIэр къапэщылъыр, я щIыбым къагъэнари, ауэ абыхэм я щIэныгъэм Ар зэщIиубыдэкъым

節: 111

۞ وَعَنَتِ ٱلۡوُجُوهُ لِلۡحَيِّ ٱلۡقَيُّومِۖ وَقَدۡ خَابَ مَنۡ حَمَلَ ظُلۡمٗا

Псэум, Псоми ящхьэщытым и пащхьэм нэгухэр хуагъэцIыкIунущ, икIи залымыгъэ зезыхьахэр хэкIуэдахэщ

節: 112

وَمَن يَعۡمَلۡ مِنَ ٱلصَّٰلِحَٰتِ وَهُوَ مُؤۡمِنٞ فَلَا يَخَافُ ظُلۡمٗا وَلَا هَضۡمٗا

ФIыхэр зыщIэр абы, Iиман хэлъу, ар щышынэкъым залымыгъэ кърахынуи, ягъэмэщIэнуи

節: 113

وَكَذَٰلِكَ أَنزَلۡنَٰهُ قُرۡءَانًا عَرَبِيّٗا وَصَرَّفۡنَا فِيهِ مِنَ ٱلۡوَعِيدِ لَعَلَّهُمۡ يَتَّقُونَ أَوۡ يُحۡدِثُ لَهُمۡ ذِكۡرٗا

Ар хьэрыпыбзэкIэ КъурIэну къедгъэхащ, зэрыдгъэшынэхэри нэгъэсауэ абдежым ягурыдгъэIуащ, ахэр шынэнкIэ мэхъур е ягу къэкIыжынкIэ мэхъур

節: 114

فَتَعَٰلَى ٱللَّهُ ٱلۡمَلِكُ ٱلۡحَقُّۗ وَلَا تَعۡجَلۡ بِٱلۡقُرۡءَانِ مِن قَبۡلِ أَن يُقۡضَىٰٓ إِلَيۡكَ وَحۡيُهُۥۖ وَقُل رَّبِّ زِدۡنِي عِلۡمٗا

Псом нэхърэ нэхъ лъагэщ Алыхьыр, Пащтыхь пэжыр! Умыгузавэ КъурIэным уеджэну ар къыпхуемыхауэ икIэм нэс, икIи жыIэ: "Си Тхьэ, си щIэныгъэр схухэгъахъуэ!"

節: 115

وَلَقَدۡ عَهِدۡنَآ إِلَىٰٓ ءَادَمَ مِن قَبۡلُ فَنَسِيَ وَلَمۡ نَجِدۡ لَهُۥ عَزۡمٗا

ИпэкIэ Iэдэм псалъэ быдэ къыIитхат, ауэ абы щыгъупщэжат, икIи хущIэкъуныгъэ быдэ хэлъу дгъуэтакъым абы

節: 116

وَإِذۡ قُلۡنَا لِلۡمَلَٰٓئِكَةِ ٱسۡجُدُواْ لِأٓدَمَ فَسَجَدُوٓاْ إِلَّآ إِبۡلِيسَ أَبَىٰ

МелыӀычхэм унафэ яхуэтщӀащ Ӏэдэм щхьэщэ хуащӀыну. Псоми щхьэщэ хуащӀащ, ауэ Ӏиблис идакъым

節: 117

فَقُلۡنَا يَٰٓـَٔادَمُ إِنَّ هَٰذَا عَدُوّٞ لَّكَ وَلِزَوۡجِكَ فَلَا يُخۡرِجَنَّكُمَا مِنَ ٱلۡجَنَّةِ فَتَشۡقَىٰٓ

Дэ жытIащ: "Уэ Iэдэм, мыр уэри, уи щхьэгъусэми фи бийщ. Фыхуэсакъ абы жэнэтым фыкъримышыну, итIанэ насыпыншэ ухъунщ

節: 118

إِنَّ لَكَ أَلَّا تَجُوعَ فِيهَا وَلَا تَعۡرَىٰ

Абдежым уэ умэжэлIэнукъым икIи пцIанэу укъэнэнукъым

節: 119

وَأَنَّكَ لَا تَظۡمَؤُاْ فِيهَا وَلَا تَضۡحَىٰ

ИкIи абдежым псыхуэлIи хуабэ Iеи зыхэпщIэнукъым"

節: 120

فَوَسۡوَسَ إِلَيۡهِ ٱلشَّيۡطَٰنُ قَالَ يَٰٓـَٔادَمُ هَلۡ أَدُلُّكَ عَلَىٰ شَجَرَةِ ٱلۡخُلۡدِ وَمُلۡكٖ لَّا يَبۡلَىٰ

Ауэ шейтIаныр абы еIущащэу щIидзащ, абы жиIащ: "Уэ Iэдэм, уэзгъэлъагъун жыг игъащIэкIэ уигъэпсэуну, мыкIуэдыж унафи къыуитыну?"

節: 121

فَأَكَلَا مِنۡهَا فَبَدَتۡ لَهُمَا سَوۡءَٰتُهُمَا وَطَفِقَا يَخۡصِفَانِ عَلَيۡهِمَا مِن وَرَقِ ٱلۡجَنَّةِۚ وَعَصَىٰٓ ءَادَمُ رَبَّهُۥ فَغَوَىٰ

ТIуми абы щыщ яшхри, я укIытапIэхэр къыщылъагъуэм, жэнэтым и тхьэпэхэмкIэ щIахъумэу щIадзащ. Апхуэдэу Iэдэм и Тхьэм и унафэм едэIуакъым

節: 122

ثُمَّ ٱجۡتَبَٰهُ رَبُّهُۥ فَتَابَ عَلَيۡهِ وَهَدَىٰ

ИтIанэ абы и Тхьэм ар къыхихри, и тобэр къабыл ищIащ, гъуэгу захуэми тришащ

節: 123

قَالَ ٱهۡبِطَا مِنۡهَا جَمِيعَۢاۖ بَعۡضُكُمۡ لِبَعۡضٍ عَدُوّٞۖ فَإِمَّا يَأۡتِيَنَّكُم مِّنِّي هُدٗى فَمَنِ ٱتَّبَعَ هُدَايَ فَلَا يَضِلُّ وَلَا يَشۡقَىٰ

Абы жиIащ: "Псори зэгъусэу фикI мыбы, зыр адрейм и бийуэ фыщытынущ. Си дежым къикIауэ гъуэгу захуэр къыфхуэкIуэмэ, а захуэм тетыр гъуэщэнукъым икIи насыпыншэ хъунукъым

節: 124

وَمَنۡ أَعۡرَضَ عَن ذِكۡرِي فَإِنَّ لَهُۥ مَعِيشَةٗ ضَنكٗا وَنَحۡشُرُهُۥ يَوۡمَ ٱلۡقِيَٰمَةِ أَعۡمَىٰ

Ауэ Сэ гум къэзыгъэкIыжу къезгъэхам зи щIыб хуэзыгъазэм, гъащIэ хьэлъэ хуэфащэщ, Къемэт махуэми нэфу къэдгъэхъужынущ"

節: 125

قَالَ رَبِّ لِمَ حَشَرۡتَنِيٓ أَعۡمَىٰ وَقَدۡ كُنتُ بَصِيرٗا

Абы жиIэнущ: "Си Тхьэ, щхьэ нэфу сыкъэбгъэхъужа, слъагъуу сыщыта пэтрэ?"

節: 126

قَالَ كَذَٰلِكَ أَتَتۡكَ ءَايَٰتُنَا فَنَسِيتَهَاۖ وَكَذَٰلِكَ ٱلۡيَوۡمَ تُنسَىٰ

ЖиIэнущ: "Апхуэдэу Ди нэщэнэхэр къыпхуэкIуат, ауэ пщыгъупщащ. Апхуэдэуи нобэ уащыгъупщэнущ"

節: 127

وَكَذَٰلِكَ نَجۡزِي مَنۡ أَسۡرَفَ وَلَمۡ يُؤۡمِنۢ بِـَٔايَٰتِ رَبِّهِۦۚ وَلَعَذَابُ ٱلۡأٓخِرَةِ أَشَدُّ وَأَبۡقَىٰٓ

Апхуэдэу леягъэ зезыхьам, и Тхьэм и нэщэнэхэр зи фIэщ мыхъуам хуэфащэр яттынущ, ахърэтым и хьэзабри нэхъ гуащIэжщ икIи зэпымычщ

節: 128

أَفَلَمۡ يَهۡدِ لَهُمۡ كَمۡ أَهۡلَكۡنَا قَبۡلَهُم مِّنَ ٱلۡقُرُونِ يَمۡشُونَ فِي مَسَٰكِنِهِمۡۚ إِنَّ فِي ذَٰلِكَ لَأٓيَٰتٖ لِّأُوْلِي ٱلنُّهَىٰ

Ахэр захуагъэм къыхуишакъэ езыхэм япэкIэ лIыщIыгъуэу дгъэкIуэдахэу зи псэупIэу щытахэм къызэракIухьыр? Акъыл зиIэхэм папщIэ ар нэщэнэхэщ

節: 129

وَلَوۡلَا كَلِمَةٞ سَبَقَتۡ مِن رَّبِّكَ لَكَانَ لِزَامٗا وَأَجَلٞ مُّسَمّٗى

Уи Тхьэм и псалъэ ипэкIэ итар мыхъуатэмэ къатехуэнут ар, ауэ пIалъэр гъэнэхуащ

節: 130

فَٱصۡبِرۡ عَلَىٰ مَا يَقُولُونَ وَسَبِّحۡ بِحَمۡدِ رَبِّكَ قَبۡلَ طُلُوعِ ٱلشَّمۡسِ وَقَبۡلَ غُرُوبِهَاۖ وَمِنۡ ءَانَآيِٕ ٱلَّيۡلِ فَسَبِّحۡ وَأَطۡرَافَ ٱلنَّهَارِ لَعَلَّكَ تَرۡضَىٰ

Шэчыныгъэ зыхэгъэлъ абыхэм жаIэм щхьэкIэ, уи Тхьэми и щIыхьыр гъэин фIыщIэ хуэпщIурэ дыгъэр къыкъуэмыкI щIыкIи, къуэмыхьэж щIыкIи, Ар гъэлъапIэ жэщым икIыхьагъкIи, махуэр щыщIидзэми, щиухми. Уэ арэзы ухъункIэ мэхъур

節: 131

وَلَا تَمُدَّنَّ عَيۡنَيۡكَ إِلَىٰ مَا مَتَّعۡنَا بِهِۦٓ أَزۡوَٰجٗا مِّنۡهُمۡ زَهۡرَةَ ٱلۡحَيَوٰةِ ٱلدُّنۡيَا لِنَفۡتِنَهُمۡ فِيهِۚ وَرِزۡقُ رَبِّكَ خَيۡرٞ وَأَبۡقَىٰ

Абыхэм ящыщу зыгуэр мы дунейм и фIыгъуэхэм щыщу зэттахэм уемыплъ уэ, ар дгъэунэхунхэм щхьэкIэщ. Уи Тхьэм и ерыскъыр атIэ нэхъыфIщ икIи къыпхуэнэжыпэнущ

節: 132

وَأۡمُرۡ أَهۡلَكَ بِٱلصَّلَوٰةِ وَٱصۡطَبِرۡ عَلَيۡهَاۖ لَا نَسۡـَٔلُكَ رِزۡقٗاۖ نَّحۡنُ نَرۡزُقُكَۗ وَٱلۡعَٰقِبَةُ لِلتَّقۡوَىٰ

Уи Iыхьлыхэм нэмэз ящIыну унафэ яхуэщI, уэри бэшэчу ар щIы. Дэ ерыскъы къыдэптыну дыкъолъэIукъым, атIэ Дэращ уэ ерыскъы къозытыр. Тхьэшынагъуэ зыхэлъхэм я кIэухыращ фIыр

節: 133

وَقَالُواْ لَوۡلَا يَأۡتِينَا بِـَٔايَةٖ مِّن رَّبِّهِۦٓۚ أَوَلَمۡ تَأۡتِهِم بَيِّنَةُ مَا فِي ٱلصُّحُفِ ٱلۡأُولَىٰ

Абыхэм жаIащ: "И Тхьэм и деж къикIауэ нэщэнэ щхьэ къытхуимыхьрэ?" Къахуемыхауэ ара абыхэм ипэрей Тхылъхэм иту нэщэнэ нахуэхэр?

節: 134

وَلَوۡ أَنَّآ أَهۡلَكۡنَٰهُم بِعَذَابٖ مِّن قَبۡلِهِۦ لَقَالُواْ رَبَّنَا لَوۡلَآ أَرۡسَلۡتَ إِلَيۡنَا رَسُولٗا فَنَتَّبِعَ ءَايَٰتِكَ مِن قَبۡلِ أَن نَّذِلَّ وَنَخۡزَىٰ

Ахэр ипэкIэ къахуеха хьэзабкIэ дгъэкIуэдахэтэмэ, жаIэнут: "Ди Тхьэ, лIыкIуэ къытхуэбгъэкIуатэмэ аратэкъэ Уи нэщэнэхэм дытетынут гъэцIыкIуа икIи гъэпуда дымыхъу щIыкIэ"

節: 135

قُلۡ كُلّٞ مُّتَرَبِّصٞ فَتَرَبَّصُواْۖ فَسَتَعۡلَمُونَ مَنۡ أَصۡحَٰبُ ٱلصِّرَٰطِ ٱلسَّوِيِّ وَمَنِ ٱهۡتَدَىٰ

ЖыIэ: "Псори йожьэхэр, фэри фежьэ, къэфщIэнущ итIанэ хэт гъуэгу захуэм тетми, хэт лъагъуэ захуэм ирикIуэми"