対訳 章 送られるもの章 - الترجمة الكيروندية - クルアーン百科事典

SURATU L-MURSALAAT

節: 1

وَٱلۡمُرۡسَلَٰتِ عُرۡفٗا

Jewe Allah, Ndarahiye ku miyaga y’urukurikirane!

節: 2

فَٱلۡعَٰصِفَٰتِ عَصۡفٗا

No ku miyaga y’igihuhusi!

節: 3

وَٱلنَّٰشِرَٰتِ نَشۡرٗا

No ku bamalayika bajejwe ikwiragiza ry’ibicu vy’imvura mu kirere!

節: 4

فَٱلۡفَٰرِقَٰتِ فَرۡقٗا

No ku bamalayika bajana ijambo ry’Imana Allah ritandukanya ukuri n’ikinyoma, rigatandukanya ikirekuwe n’ikizira!

節: 5

فَٱلۡمُلۡقِيَٰتِ ذِكۡرًا

No ku bamalayika bashikiriza ubutumwa barungikanwe ku Ntumwa z’Imana Allah;

節: 6

عُذۡرًا أَوۡ نُذۡرًا

Kugira ngo bakureho ivyitwazo ku bagarariji, babagabishe no ku bihano vy’Imana Allah!

節: 7

إِنَّمَا تُوعَدُونَ لَوَٰقِعٞ

Mu vy’ukuri ibi vyose mwagabishijweko^[1], nta nkeka ko bizoba ata gisivya.

[1] Mu vyerekeye izuka ry’ibiremwa, iharurirwa ryavyo, no ku vyerekeye impera y’umwe wese ku co yakoze. Ivyo vyose rero, nta nkeka ko bitegerezwa kuba.

節: 8

فَإِذَا ٱلنُّجُومُ طُمِسَتۡ

Igihe inyenyeri zazimye, ntizisubire kwaka;

節: 9

وَإِذَا ٱلسَّمَآءُ فُرِجَتۡ

Igihe n’ijuru ryase imigaga;

節: 10

وَإِذَا ٱلۡجِبَالُ نُسِفَتۡ

Igihe n’imisozi yanyitse;

節: 11

وَإِذَا ٱلرُّسُلُ أُقِّتَتۡ

Igihe n’Intumwa z’Imana zahawe umwanya wo kwagiriza abo zarungitsweko;

節: 12

لِأَيِّ يَوۡمٍ أُجِّلَتۡ

Ni ku musi uwuhe zirindirijweko kubagiriza?

節: 13

لِيَوۡمِ ٱلۡفَصۡلِ

Ni ku musi w’ubutungane ku biremwa.

節: 14

وَمَآ أَدۡرَىٰكَ مَا يَوۡمُ ٱلۡفَصۡلِ

Mbega, ni igiki cokumenyesha uwo musi w’ubutungane uwo ari wo?

節: 15

وَيۡلٞ يَوۡمَئِذٖ لِّلۡمُكَذِّبِينَ

Ibihano nya bihano kuri uwo musi, ni ivy’abahakana bivuye inyuma umusi w’umuhero.

節: 16

أَلَمۡ نُهۡلِكِ ٱلۡأَوَّلِينَ

Mbega, ntitwahoneje abahakanyi b’aho hambere ku kubera igarariza ryabo ry’Intumwa!

節: 17

ثُمَّ نُتۡبِعُهُمُ ٱلۡأٓخِرِينَ

Hanyuma Tubakurikiza abandi bakurikiye mu nyuma, bakagarariza nkabo!

節: 18

كَذَٰلِكَ نَفۡعَلُ بِٱلۡمُجۡرِمِينَ

Ni nk’ukwo nyene rero Twebwe Allah, Tuzogira inkozi z’ikibi mu babangikanyamana b’i Makka bahakanye Intumwa y’Imana (nyakugira amahoro n’impuhwe z’Imana Allah).

節: 19

وَيۡلٞ يَوۡمَئِذٖ لِّلۡمُكَذِّبِينَ

Ibihano nya bihano kuri uwo musi, ni ivy’abahakana bivuye inyuma Imana Imwe Rudende Allah, Intumwa zayo, izuka ry’ibiremwa n’iharurirwa ryavyo.

節: 20

أَلَمۡ نَخۡلُقكُّم مِّن مَّآءٖ مَّهِينٖ

Mbega babangikanyamana! Twebwe Allah, ntitwabaremye mu mazi y’intanga agayitse!

節: 21

فَجَعَلۡنَٰهُ فِي قَرَارٖ مَّكِينٍ

Hanyuma Tuyashira mu gitereko gikingiwe c’umugore!

節: 22

إِلَىٰ قَدَرٖ مَّعۡلُومٖ

Gushika ku kiringo categekanijwe kizwi n’Imana Allah;

節: 23

فَقَدَرۡنَا فَنِعۡمَ ٱلۡقَٰدِرُونَ

Turaheza Tuyatunganyamwo ikiremwa-muntu gikwiye. Emwe! Ni Twebwe Allah, Abeza bo gutunganya indemo kurusha.

節: 24

وَيۡلٞ يَوۡمَئِذٖ لِّلۡمُكَذِّبِينَ

Ibihano nya bihano kuri uwo musi, ni ivy’abahakana bivuye inyuma ubushobozi bw’Imana Allah bwo kurema no kuzura abapfuye.

節: 25

أَلَمۡ نَجۡعَلِ ٱلۡأَرۡضَ كِفَاتًا

Mbega Twebwe Allah, ntitwagize isi kuba iyegeranirizo!

節: 26

أَحۡيَآءٗ وَأَمۡوَٰتٗا

Ry’abagihema bagendagenda kuri yo n’abasandavye bashingurwa muri yo!

節: 27

وَجَعَلۡنَا فِيهَا رَوَٰسِيَ شَٰمِخَٰتٖ وَأَسۡقَيۡنَٰكُم مَّآءٗ فُرَاتٗا

Tuyishirako n’imisozi ishimitse miremire kugira ngo iturure, Tubanywesha n’amazi meza y’umusarara!

節: 28

وَيۡلٞ يَوۡمَئِذٖ لِّلۡمُكَذِّبِينَ

Ibihano nya bihano kuri uwo musi, ni ivy’abahakana bivuye inyuma inema z’Imana Allah.

節: 29

ٱنطَلِقُوٓاْ إِلَىٰ مَا كُنتُم بِهِۦ تُكَذِّبُونَ

Abamalayika bacungereye umuriro wa Jahannamu, bazobwira abagarariji bati: “Nimugende muri vya bihano mwahora muhakana ko mutazohabwa;

節: 30

ٱنطَلِقُوٓاْ إِلَىٰ ظِلّٖ ذِي ثَلَٰثِ شُعَبٖ

Nimugende mu gitutu c’umuriro wa Jahannamu gifise imfuruka zitatu;

節: 31

لَّا ظَلِيلٖ وَلَا يُغۡنِي مِنَ ٱللَّهَبِ

Si igitutu gikingira ubushuhe bw’uwo musi. Ntikizonabuza ko bababurwa n’urubeya rw’umuriro.

節: 32

إِنَّهَا تَرۡمِي بِشَرَرٖ كَٱلۡقَصۡرِ

Mu vy’ukuri uwo muriro wa Jahannamu, ucira amasase angana n’igorofa amahanga.

節: 33

كَأَنَّهُۥ جِمَٰلَتٞ صُفۡرٞ

Isase rimwe riva muri wo, riguruka rimeze nk’ingamiya z’ibara ryirabura rija gusa n’umuhondo.

節: 34

وَيۡلٞ يَوۡمَئِذٖ لِّلۡمُكَذِّبِينَ

Ibihano nya bihano kuri uwo musi, ni ivy’abahakana bivuye inyuma umusi w’izuka ry’ibiremwa n’intureka zawo.

節: 35

هَٰذَا يَوۡمُ لَا يَنطِقُونَ

Uwo musi w’izuka, ni umusi abahakanyi batazoronka ico bavuga cobungura.

節: 36

وَلَا يُؤۡذَنُ لَهُمۡ فَيَعۡتَذِرُونَ

Nta n’uburenganzira bazohabwa bwo kuvuga ngo biregure kuko batazoronka ico bireguza.

節: 37

وَيۡلٞ يَوۡمَئِذٖ لِّلۡمُكَذِّبِينَ

Ibihano nya bihano kuri uwo musi, ni ivy’abahakana bivuye inyuma ibizoshika ku musi w’umuhero.

節: 38

هَٰذَا يَوۡمُ ٱلۡفَصۡلِۖ جَمَعۡنَٰكُمۡ وَٱلۡأَوَّلِينَ

Uwo musi, ni umusi wo gutandukanya ukuri n’ikinyoma, Twabakoranije mwebwe abagarariji mu bantu barungikiwe Intumwa Muhamadi (nyakugira amahoro n’impuhwe z’Imana Allah) hamwe n’abagarariji b’aho hambere.

節: 39

فَإِن كَانَ لَكُمۡ كَيۡدٞ فَكِيدُونِ

Nimwaba rero mufise uburyo bwo kwigobotora mu bihano, nimubukoreshe muheze mukire ibihano vy’Imana Allah.

節: 40

وَيۡلٞ يَوۡمَئِذٖ لِّلۡمُكَذِّبِينَ

Ibihano nya bihano kuri uwo musi, ni ivy’abahakana bivuye inyuma Imana Allah, Intumwa, Ibitabu vyayo n’umusi w’imperuka.

節: 41

إِنَّ ٱلۡمُتَّقِينَ فِي ظِلَٰلٖ وَعُيُونٖ

Mu vy’ukuri, abagamburukiramana batinya ibihano vy'Imana Allah mu kwubahiriza amabwirizwa yayo bakiri kw’isi, bazoba bari mu gatutu k'ibiti vy'ivyamwa katigera karenga, ahari n’inzuzi zitemba;

節: 42

وَفَوَٰكِهَ مِمَّا يَشۡتَهُونَ

N’ivyamwa bitandukanye mu vyo bipfuza;

節: 43

كُلُواْ وَٱشۡرَبُواْ هَنِيٓـَٔۢا بِمَا كُنتُمۡ تَعۡمَلُونَ

Bazobwirwa n'Imana Allah bati: “Nimufungure mwongere munywe n’akayabagu kenshi, ku vyiza mwari mwarakoze kw’isi.

節: 44

إِنَّا كَذَٰلِكَ نَجۡزِي ٱلۡمُحۡسِنِينَ

Mu vy’ukuri Twebwe Allah, ukwo ni ko Duhemba abagwaneza”.

節: 45

وَيۡلٞ يَوۡمَئِذٖ لِّلۡمُكَذِّبِينَ

Ibihano nya bihano kuri uwo musi, ni ivy’abahakana bivuye inyuma umusi w’impera n’iharurirwa ry’ibiremwa.

節: 46

كُلُواْ وَتَمَتَّعُواْ قَلِيلًا إِنَّكُم مُّجۡرِمُونَ

Abahakanyi na bo bazoheza babwirwe bakiri kw’isi bati: “Nimufungure, muryoherwe akanya gato. Mu vy’ukuri, mwebwe muri inkozi z’ikibi”.

節: 47

وَيۡلٞ يَوۡمَئِذٖ لِّلۡمُكَذِّبِينَ

Ibihano nya bihano kuri uwo musi, ni ivy’abahakana bivuye inyuma Imana Allah.

節: 48

وَإِذَا قِيلَ لَهُمُ ٱرۡكَعُواْ لَا يَرۡكَعُونَ

Iyo babwiwe bati: “Enda rero nyabuna nimusenge mwunamire Imana Allah, ntibasenga ngo bayunamire”.

節: 49

وَيۡلٞ يَوۡمَئِذٖ لِّلۡمُكَذِّبِينَ

Ibihano nya bihano kuri uwo musi, ni ivy’abahakana bivuye inyuma Qor’ani n’amabwirizwa y’Imana Allah.

節: 50

فَبِأَيِّ حَدِيثِۭ بَعۡدَهُۥ يُؤۡمِنُونَ

Batemeye Qor’ani ntagatifu, ni ikihe gitabu inyuma ya Qor’ani bokwemera!