対訳 章 圧倒的事態章 - パシュトー語対訳 - サルフラズ - クルアーン百科事典

غاشیه

節: 1

هَلْ اَتٰىكَ حَدِیْثُ الْغَاشِیَةِ ۟ؕ

ای محمده!ایا تاته دپټوونکي مصیبت خبر رسیدلی دی؟

節: 2

وُجُوْهٌ یَّوْمَىِٕذٍ خَاشِعَةٌ ۟ۙ

په دې ورځ به ځینې مخونه خوار او سپک وي.

節: 3

عَامِلَةٌ نَّاصِبَةٌ ۟ۙ

د ربړونو او ستړتیا نښې به پکې ښکاري.

節: 4

تَصْلٰی نَارًا حَامِیَةً ۟ۙ

ګرم او سوزوونکي اور ته به ورننوځي.

節: 5

تُسْقٰی مِنْ عَیْنٍ اٰنِیَةٍ ۟ؕ

د جوشیدونکې چینې له اوبو څخه به خړوبه کیږي.

節: 6

لَیْسَ لَهُمْ طَعَامٌ اِلَّا مِنْ ضَرِیْعٍ ۟ۙ

پرته له اغزي لرونکي بوټي به یې بل خوراک نه وي.

節: 7

لَّا یُسْمِنُ وَلَا یُغْنِیْ مِنْ جُوْعٍ ۟ؕ

نه چاغوالی کولای شي،او نه د لوږې چاره پرې کیږي.

節: 8

وُجُوْهٌ یَّوْمَىِٕذٍ نَّاعِمَةٌ ۟ۙ

په همدې ورځ به ځینې مخونه ښیرازه او ښکلي وي.

節: 9

لِّسَعْیِهَا رَاضِیَةٌ ۟ۙ

له خپلو کړو څخه به خوښ وي.

節: 10

فِیْ جَنَّةٍ عَالِیَةٍ ۟ۙ

په لوړ جنت کې به اوسیږي.

節: 11

لَّا تَسْمَعُ فِیْهَا لَاغِیَةً ۟ؕ

هلته به هیڅ ډول بابیزه خبرې نه اوري.

節: 12

فِیْهَا عَیْنٌ جَارِیَةٌ ۟ۘ

هلته به تل بهیدونکې چینه وي.

節: 13

فِیْهَا سُرُرٌ مَّرْفُوْعَةٌ ۟ۙ

لوړ او دنګ تختونه به وي.

節: 14

وَّاَكْوَابٌ مَّوْضُوْعَةٌ ۟ۙ

ډک جامونه به ایښوول شوي وي.

節: 15

وَّنَمَارِقُ مَصْفُوْفَةٌ ۟ۙ

بالښتونه به کتار شوي وي.

節: 16

وَّزَرَابِیُّ مَبْثُوْثَةٌ ۟ؕ

او فرشونه به غوړول شوي وي.

節: 17

اَفَلَا یَنْظُرُوْنَ اِلَی الْاِبِلِ كَیْفَ خُلِقَتْ ۟ۥ

ایا(انسانان)اوښ ته نه ګوري چې په څه ډول پيدا شوی دی؟

節: 18

وَاِلَی السَّمَآءِ كَیْفَ رُفِعَتْ ۟ۥ

او اسمان ته نه ګوري چې په کوم کیفیت پورته شوی دی.

節: 19

وَاِلَی الْجِبَالِ كَیْفَ نُصِبَتْ ۟ۥ

او غرونو ته نه ګوري چې څنګه ځای په ځای ودرول شوي دي؟

節: 20

وَاِلَی الْاَرْضِ كَیْفَ سُطِحَتْ ۟

او ځمکې ته نه ګوري په څه ډول غوړول شوې ده؟

節: 21

فَذَكِّرْ ۫— اِنَّمَاۤ اَنْتَ مُذَكِّرٌ ۟ؕ

نو پند ورکړه.ستا دنده پند ورکول دي.

節: 22

لَسْتَ عَلَیْهِمْ بِمُصَۜیْطِرٍ ۟ۙ

ته مکلف نه یې چې په زور یي پرې ومني.

節: 23

اِلَّا مَنْ تَوَلّٰی وَكَفَرَ ۟ۙ

خو که څوک مخ واړوي او د کفر لار خپله کړي.

節: 24

فَیُعَذِّبُهُ اللّٰهُ الْعَذَابَ الْاَكْبَرَ ۟ؕ

نو الله به لوی عذاب ورکړي.

節: 25

اِنَّ اِلَیْنَاۤ اِیَابَهُمْ ۟ۙ

دا پخه خبره ده چې بیرته به مونږ ته راځي.

節: 26

ثُمَّ اِنَّ عَلَیْنَا حِسَابَهُمْ ۟۠

بیا ورسره حساب زمونږ کار دی.