対訳 章 凝血章 - ヤオ語対訳 - クルアーン百科事典

Al-‘Alaq

節: 1

ٱقۡرَأۡ بِٱسۡمِ رَبِّكَ ٱلَّذِي خَلَقَ

Soomani mu lina lya Ambuje ŵenu (Allah) ŵaagumbile.

節: 2

خَلَقَ ٱلۡإِنسَٰنَ مِنۡ عَلَقٍ

Agumbile mundu kuumila mu chipande chamyasi jekamatane.

節: 3

ٱقۡرَأۡ وَرَبُّكَ ٱلۡأَكۡرَمُ

Soomani! Soni Ambuje ŵenu ni Ŵantuka kusyene.

節: 4

ٱلَّذِي عَلَّمَ بِٱلۡقَلَمِ

Aŵala ŵaajiganyisye (kulemba) ni chakulembela.

節: 5

عَلَّمَ ٱلۡإِنسَٰنَ مَا لَمۡ يَعۡلَمۡ

An'jiganyisye mundu yaŵalekaga ngaimanya.

節: 6

كَلَّآ إِنَّ ٱلۡإِنسَٰنَ لَيَطۡغَىٰٓ

Yakuona! Chisimu mundu akuŵaga jwakusumba mpika (pa kulikwesya).

節: 7

أَن رَّءَاهُ ٱسۡتَغۡنَىٰٓ

Ligongo lyakuliona kusichila.

節: 8

إِنَّ إِلَىٰ رَبِّكَ ٱلرُّجۡعَىٰٓ

Chisimu kwa Ambuje ŵenu pe (Allah) ni kwakuujila.

節: 9

أَرَءَيۡتَ ٱلَّذِي يَنۡهَىٰ

Ana mum'bweni ajula jwaakuŵa nkunkaanya,

節: 10

عَبۡدًا إِذَا صَلَّىٰٓ

Kapolo (jwa Allah) ndema jajukusaka kuswali?

節: 11

أَرَءَيۡتَ إِن كَانَ عَلَى ٱلۡهُدَىٰٓ

Ana nkuyiona uli najuŵaga (Muhammadi ﷺ) juli pachongoko?

節: 12

أَوۡ أَمَرَ بِٱلتَّقۡوَىٰٓ

Kapena jukulamula ya woga (wakun'jogopa Allah)?

節: 13

أَرَءَيۡتَ إِن كَذَّبَ وَتَوَلَّىٰٓ

Nambi nkuyiona uli naŵaga (Abujahalio) akukanila ni kusyulula?

節: 14

أَلَمۡ يَعۡلَم بِأَنَّ ٱللَّهَ يَرَىٰ

Ana ngaakumanyilila yanti Allah akwaona (yaakutenda)?

節: 15

كَلَّا لَئِن لَّمۡ يَنتَهِ لَنَسۡفَعَۢا بِٱلنَّاصِيَةِ

Ngwamba! Chisimu naga ngaakuleka, chiitwawuta umbo syapewuwo (pakwaponya ku Moto).

節: 16

نَاصِيَةٖ كَٰذِبَةٍ خَاطِئَةٖ

Liwuwo lyakwe lyaunami soni lyakulemwa.

節: 17

فَلۡيَدۡعُ نَادِيَهُۥ

Basi ŵaaŵilanje ŵandu ŵakwe (kuti ankamuchisye).

節: 18

سَنَدۡعُ ٱلزَّبَانِيَةَ

Nowe chitwaŵilanje Azabaniya (asilikali ŵa ku Moto).

節: 19

كَلَّا لَا تُطِعۡهُ وَٱسۡجُدۡۤ وَٱقۡتَرِب۩

Ngwamba! Mmwe ngasimunkunda jwalakwejo, nambo nsujuduji (kuswali) ni n’diŵandichisyeje (kwa Allah).