ការបកប្រែអត្ថន័យ ជំពូក​ សូរ៉ោះអាន់ណាច់ម៍ - ការបកប្រែជាភាសាគីនីវ៉ាន់ដា - សព្វវចនាធិប្បាយនៃគម្ពីគួរអាន

Annajmi (Inyenyeri)

អាយ៉ាត់: 1

وَٱلنَّجۡمِ إِذَا هَوَىٰ

Ndahiye inyenyeri igihe irenga!

អាយ៉ាត់: 2

مَا ضَلَّ صَاحِبُكُمۡ وَمَا غَوَىٰ

(Ko uyu) mugenzi wanyu (Intumwa Muhamadi) atigeze ayoba ndetse ko atigeze anateshuka (ku nzira y’ukuri).

អាយ៉ាត់: 3

وَمَا يَنطِقُ عَنِ ٱلۡهَوَىٰٓ

Nta n’ubwo avuga ashingiye ku marangamutima ye.

អាយ៉ាត់: 4

إِنۡ هُوَ إِلَّا وَحۡيٞ يُوحَىٰ

Ahubwo (ibyo avuga) ni ibyo ahishurirwa (na Allah).

អាយ៉ាត់: 5

عَلَّمَهُۥ شَدِيدُ ٱلۡقُوَىٰ

Yigishijwe (iyi Qur’an) n’umunyembaraga cyane (Malayika Jibrilu),

អាយ៉ាត់: 6

ذُو مِرَّةٖ فَٱسۡتَوَىٰ

Ufite ububasha kandi utagira inenge, wagaragariye (Intumwa Muhamadi) mu ishusho ye y’ukuri,

អាយ៉ាត់: 7

وَهُوَ بِٱلۡأُفُقِ ٱلۡأَعۡلَىٰ

Ubwo (Malayika Jibrilu) yari mu kirere cyo hejuru.

អាយ៉ាត់: 8

ثُمَّ دَنَا فَتَدَلَّىٰ

Nuko yegera (Intumwa Muhamadi), maze aramanuka akomeza kuyegera,

អាយ៉ាត់: 9

فَكَانَ قَابَ قَوۡسَيۡنِ أَوۡ أَدۡنَىٰ

(Yamwegereye) mu ntera ingana n’iri hagati y’amahembe abiri y’umuheto cyangwa bugufi kurushaho.

អាយ៉ាត់: 10

فَأَوۡحَىٰٓ إِلَىٰ عَبۡدِهِۦ مَآ أَوۡحَىٰ

Nuko (Allah) ahishurira umugaragu we (Muhamadi, abinyujije kuri Malayika Jibrilu) ibyo yagombaga kumuhishurira byose.

អាយ៉ាត់: 11

مَا كَذَبَ ٱلۡفُؤَادُ مَا رَأَىٰٓ

Umutima (wa Muhamadi) ntiwigeze ubeshya ku byo wabonye.

អាយ៉ាត់: 12

أَفَتُمَٰرُونَهُۥ عَلَىٰ مَا يَرَىٰ

None se muramugisha impaka ku byo yabonye (ubwo yazamukaga mu ijuru rya karindwi)?

អាយ៉ាត់: 13

وَلَقَدۡ رَءَاهُ نَزۡلَةً أُخۡرَىٰ

Kandi rwose (Muhamadi) yaramubonye (Malayika Jibrilu) ubwo yamanukaga ku yindi nshuro,

អាយ៉ាត់: 14

عِندَ سِدۡرَةِ ٱلۡمُنتَهَىٰ

Ubwo yari kuri Sidrat-il-Muntaha (Igiti cya nyuma),^[1]

[1] Sidratil-Mun’tahaa: Ni igiti kiri hafi ya Ar’shi, cyiswe igiti cya nyuma kuko nta kiremwa na kimwe kikirenga.

អាយ៉ាត់: 15

عِندَهَا جَنَّةُ ٱلۡمَأۡوَىٰٓ

Ni na ho hari ubuturo bw’ijuru (ry’abemeramana).

អាយ៉ាត់: 16

إِذۡ يَغۡشَى ٱلسِّدۡرَةَ مَا يَغۡشَىٰ

Ubwo icyo giti (Sidrat) cyatwikirwaga n’ibyagitwikiriye (urumuri rutangaje).

អាយ៉ាត់: 17

مَا زَاغَ ٱلۡبَصَرُ وَمَا طَغَىٰ

Indoro (y’Intumwa y’Imana) ntiyigeze itana, cyangwa ngo irengere (imbibi yari yashyiriweho).

អាយ៉ាត់: 18

لَقَدۡ رَأَىٰ مِنۡ ءَايَٰتِ رَبِّهِ ٱلۡكُبۡرَىٰٓ

Mu by’ukuri (Intumwa Muhamadi) yabonye bimwe mu bitangaza bihambaye bya Nyagasani wayo.

អាយ៉ាត់: 19

أَفَرَءَيۡتُمُ ٱللَّٰتَ وَٱلۡعُزَّىٰ

Ese ntimutekereza (ku bigirwamana musenga); Laata na Uza,

អាយ៉ាត់: 20

وَمَنَوٰةَ ٱلثَّالِثَةَ ٱلۡأُخۡرَىٰٓ

Ndetse na Manaata, ikindi (kigirwamana) cya gatatu?

អាយ៉ាត់: 21

أَلَكُمُ ٱلذَّكَرُ وَلَهُ ٱلۡأُنثَىٰ

Ese mwibwira ko mufite abana b’abahungu naho We (Allah) akagira ab’abakobwa?

អាយ៉ាត់: 22

تِلۡكَ إِذٗا قِسۡمَةٞ ضِيزَىٰٓ

Iryo ryaba ari igabana ribogamye.

អាយ៉ាត់: 23

إِنۡ هِيَ إِلَّآ أَسۡمَآءٞ سَمَّيۡتُمُوهَآ أَنتُمۡ وَءَابَآؤُكُم مَّآ أَنزَلَ ٱللَّهُ بِهَا مِن سُلۡطَٰنٍۚ إِن يَتَّبِعُونَ إِلَّا ٱلظَّنَّ وَمَا تَهۡوَى ٱلۡأَنفُسُۖ وَلَقَدۡ جَآءَهُم مِّن رَّبِّهِمُ ٱلۡهُدَىٰٓ

Ibyo (bigirwamana) nta kindi biri cyo usibye kuba ari amazina masa mwabihimbiye, mwe n’abakurambere banyu, Allah atigeze abahera uburenganzira. Rwose nta kindi bakurikira kitari ugukekeranya ndetse n’ibyo imitima (yabo) irarikira. Kandi mu by’ukuri bagezweho n’umuyoboro uturutse kwa Nyagasani wabo.

អាយ៉ាត់: 24

أَمۡ لِلۡإِنسَٰنِ مَا تَمَنَّىٰ

Ese (mutekereza ko) umuntu yabona ibyo yifuza byose?

អាយ៉ាត់: 25

فَلِلَّهِ ٱلۡأٓخِرَةُ وَٱلۡأُولَىٰ

Allah ni We Mugenga w’ubuzima bw’imperuka n’ubw’isi.

អាយ៉ាត់: 26

۞ وَكَم مِّن مَّلَكٖ فِي ٱلسَّمَٰوَٰتِ لَا تُغۡنِي شَفَٰعَتُهُمۡ شَيۡـًٔا إِلَّا مِنۢ بَعۡدِ أَن يَأۡذَنَ ٱللَّهُ لِمَن يَشَآءُ وَيَرۡضَىٰٓ

None se ni bangahe mu bamalayika bari mu birere, ubuvugizi bwabo butazigera bugira icyo bumara Allah atabanje kubitangira uburenganzira bikagirira akamaro uwo ashatse kandi yishimira?

អាយ៉ាត់: 27

إِنَّ ٱلَّذِينَ لَا يُؤۡمِنُونَ بِٱلۡأٓخِرَةِ لَيُسَمُّونَ ٱلۡمَلَٰٓئِكَةَ تَسۡمِيَةَ ٱلۡأُنثَىٰ

Mu by’ukuri abatemera imperuka bita abamalayika amazina y’igitsina gore,

អាយ៉ាត់: 28

وَمَا لَهُم بِهِۦ مِنۡ عِلۡمٍۖ إِن يَتَّبِعُونَ إِلَّا ٱلظَّنَّۖ وَإِنَّ ٱلظَّنَّ لَا يُغۡنِي مِنَ ٱلۡحَقِّ شَيۡـٔٗا

Kandi ibyo nta bumenyi babifitiye. Ndetse nta kindi bakurikira kitari ugukekeranya, kandi rwose ugukeka nta cyo kuvuze imbere y’ukuri.

អាយ៉ាត់: 29

فَأَعۡرِضۡ عَن مَّن تَوَلَّىٰ عَن ذِكۡرِنَا وَلَمۡ يُرِدۡ إِلَّا ٱلۡحَيَوٰةَ ٱلدُّنۡيَا

Bityo, irengagize wa wundi wateye umugongo urwibutso rwacu nta kindi ashaka uretse ubuzima bw’isi.

អាយ៉ាត់: 30

ذَٰلِكَ مَبۡلَغُهُم مِّنَ ٱلۡعِلۡمِۚ إِنَّ رَبَّكَ هُوَ أَعۡلَمُ بِمَن ضَلَّ عَن سَبِيلِهِۦ وَهُوَ أَعۡلَمُ بِمَنِ ٱهۡتَدَىٰ

(Ibyo bavuga) ni ho ubumenyi bwabo bugarukira. Mu by’ukuri Nyagasani wawe ni We uzi neza uwayobye inzira ye, kandi ni na We uzi neza abayobotse.

អាយ៉ាត់: 31

وَلِلَّهِ مَا فِي ٱلسَّمَٰوَٰتِ وَمَا فِي ٱلۡأَرۡضِ لِيَجۡزِيَ ٱلَّذِينَ أَسَٰٓـُٔواْ بِمَا عَمِلُواْ وَيَجۡزِيَ ٱلَّذِينَ أَحۡسَنُواْ بِٱلۡحُسۡنَى

Kandi ibiri mu birere n’ibiri mu isi ni ibya Allah, (yashyizeho ayo mategeko) kugira ngo ahane inkozi z’ibibi kubera ibyo zakoze, ndetse anahembe ibyiza (ijuru) abakora ibyiza,

អាយ៉ាត់: 32

ٱلَّذِينَ يَجۡتَنِبُونَ كَبَٰٓئِرَ ٱلۡإِثۡمِ وَٱلۡفَوَٰحِشَ إِلَّا ٱللَّمَمَۚ إِنَّ رَبَّكَ وَٰسِعُ ٱلۡمَغۡفِرَةِۚ هُوَ أَعۡلَمُ بِكُمۡ إِذۡ أَنشَأَكُم مِّنَ ٱلۡأَرۡضِ وَإِذۡ أَنتُمۡ أَجِنَّةٞ فِي بُطُونِ أُمَّهَٰتِكُمۡۖ فَلَا تُزَكُّوٓاْ أَنفُسَكُمۡۖ هُوَ أَعۡلَمُ بِمَنِ ٱتَّقَىٰٓ

Ba bandi birinda ibyaha bikomeye n’ibikozasoni uretse kuba bagwa mu byaha byoroshye; mu by’ukuri imbabazi za Nyagasani wawe ziragutse. Ni We ubazi neza kuva yabarema abakuye mu gitaka, n’igihe mwari insoro muri nyababyeyi za ba nyoko. Bityo, ntimukigire abere kuko ari We uzi neza umugandukira.

អាយ៉ាត់: 33

أَفَرَءَيۡتَ ٱلَّذِي تَوَلَّىٰ

Ese (yewe Muhamadi) wabonye wa wundi wateye umugongo (akanga kumvira Allah)?

អាយ៉ាត់: 34

وَأَعۡطَىٰ قَلِيلٗا وَأَكۡدَىٰٓ

Akanatanga bike (mu byo twamuhaye), nyuma akabireka burundu?

អាយ៉ាត់: 35

أَعِندَهُۥ عِلۡمُ ٱلۡغَيۡبِ فَهُوَ يَرَىٰٓ

Ese yaba afite ubumenyi bw’ibitagaragara akaba abona (ko ibyo Intumwa Muhamadi yahishuriwe atari ukuri)?

អាយ៉ាត់: 36

أَمۡ لَمۡ يُنَبَّأۡ بِمَا فِي صُحُفِ مُوسَىٰ

Cyangwa ntiyabwiwe ibiri mu bitabo bya Musa,

អាយ៉ាត់: 37

وَإِبۡرَٰهِيمَ ٱلَّذِي وَفَّىٰٓ

Ndetse n’ibiri mu bya Ibrahimu wasohoje ubutumwa,

អាយ៉ាត់: 38

أَلَّا تَزِرُ وَازِرَةٞ وِزۡرَ أُخۡرَىٰ

Ko nta we uzikorera umutwaro w’undi,

អាយ៉ាត់: 39

وَأَن لَّيۡسَ لِلۡإِنسَٰنِ إِلَّا مَا سَعَىٰ

Kandi ko nta cyo umuntu azabona (ku munsi w’imperuka) usibye ibyo yashyizemo umuhate,

អាយ៉ាត់: 40

وَأَنَّ سَعۡيَهُۥ سَوۡفَ يُرَىٰ

Kandi ko umuhate we uzagaragara (ku munsi w’imperuka).

អាយ៉ាត់: 41

ثُمَّ يُجۡزَىٰهُ ٱلۡجَزَآءَ ٱلۡأَوۡفَىٰ

Maze akazabihemberwa ibihembo byuzuye.

អាយ៉ាត់: 42

وَأَنَّ إِلَىٰ رَبِّكَ ٱلۡمُنتَهَىٰ

Kandi ko iherezo (rya buri kintu) ari kwa Nyagasani wawe.

អាយ៉ាត់: 43

وَأَنَّهُۥ هُوَ أَضۡحَكَ وَأَبۡكَىٰ

Kandi ko ari We (Allah) utera guseka (kwishima) no kurira (kubabara).

អាយ៉ាត់: 44

وَأَنَّهُۥ هُوَ أَمَاتَ وَأَحۡيَا

No kuba ari We wisubiza ubuzima ndetse akanabutanga.

អាយ៉ាត់: 45

وَأَنَّهُۥ خَلَقَ ٱلزَّوۡجَيۡنِ ٱلذَّكَرَ وَٱلۡأُنثَىٰ

No kuba ari we waremye ibitsina byombi, gabo na gore,

អាយ៉ាត់: 46

مِن نُّطۡفَةٍ إِذَا تُمۡنَىٰ

Mu ntanga igihe zisohowe.

អាយ៉ាត់: 47

وَأَنَّ عَلَيۡهِ ٱلنَّشۡأَةَ ٱلۡأُخۡرَىٰ

No kuba ari We uzarema bundi bushya (azura abapfuye),

អាយ៉ាត់: 48

وَأَنَّهُۥ هُوَ أَغۡنَىٰ وَأَقۡنَىٰ

No kuba ari We utanga ubukungu akanatuma abantu bagira ibyo bigezaho,

អាយ៉ាត់: 49

وَأَنَّهُۥ هُوَ رَبُّ ٱلشِّعۡرَىٰ

No kuba ari We Nyagasani wa Shi’ira,^[1]

[1] Shi’ira ni inyenyeri Abarabu b’ababangikanyamana bajyaga basenga mbere y’Ubuyisilamu.

អាយ៉ាត់: 50

وَأَنَّهُۥٓ أَهۡلَكَ عَادًا ٱلۡأُولَىٰ

No kuba ari We woretse aba Adi bo hambere,

អាយ៉ាត់: 51

وَثَمُودَاْ فَمَآ أَبۡقَىٰ

N’aba Thamudu ntiyagira uwo asigaza,

អាយ៉ាត់: 52

وَقَوۡمَ نُوحٖ مِّن قَبۡلُۖ إِنَّهُمۡ كَانُواْ هُمۡ أَظۡلَمَ وَأَطۡغَىٰ

Na mbere yabo, (yoretse) abantu ba Nuhu. Mu by’ukuri bari inkozi z’ibibi bakaba n’abarengera (amategeko ya Allah) bikabije.

អាយ៉ាត់: 53

وَٱلۡمُؤۡتَفِكَةَ أَهۡوَىٰ

Ndetse n’imidugudu (ya Sodoma) yabirinduwe, ni We wayibirinduye (ibyari hasi bijya hejuru n’ibyari hejuru bijya hasi).

អាយ៉ាត់: 54

فَغَشَّىٰهَا مَا غَشَّىٰ

Nuko (iyo midugudu) itwikirwa n’ibyayitwikiriye (ibihano bigizwe n’amabuye).

អាយ៉ាត់: 55

فَبِأَيِّ ءَالَآءِ رَبِّكَ تَتَمَارَىٰ

None se (yewe muntu) ni izihe nema za Nyagasani wawe ushidikanyaho (ko atari ize)?

អាយ៉ាត់: 56

هَٰذَا نَذِيرٞ مِّنَ ٱلنُّذُرِ ٱلۡأُولَىٰٓ

Uyu (Muhamadi) ni umwe mu (ruhererekane rw’) ababurizi bo hambere.

អាយ៉ាត់: 57

أَزِفَتِ ٱلۡأٓزِفَةُ

Umunsi w’imperuka uregereje.

អាយ៉ាត់: 58

لَيۡسَ لَهَا مِن دُونِ ٱللَّهِ كَاشِفَةٌ

Nta kindi cyawukumira usibye Allah (ushobora kuwihutisha cyangwa akawutinza).

អាយ៉ាត់: 59

أَفَمِنۡ هَٰذَا ٱلۡحَدِيثِ تَعۡجَبُونَ

None se mutangajwe n’aya magambo (ya Qur’an)?

អាយ៉ាត់: 60

وَتَضۡحَكُونَ وَلَا تَبۡكُونَ

Mukaba museka (muyihakana) aho kurira!

អាយ៉ាត់: 61

وَأَنتُمۡ سَٰمِدُونَ

Muhugiye mu bibarangaza!

អាយ៉ាត់: 62

فَٱسۡجُدُواْۤ لِلَّهِۤ وَٱعۡبُدُواْ۩

Bityo, nimwubamire Allah munamugaragire (wenyine).