ការបកប្រែអត្ថន័យ ជំពូក​ អាល់អាំពីយ៉ាក - ការបកប្រែជាភាសាហ្វីលីពីន (ម៉ាហ្គិនដាណាវ) - មជ្ឍមណ្ឌលបកប្រែរ៉ូវ៉ាទ - សព្វវចនាធិប្បាយនៃគម្ពីគួរអាន

Al-Anbiya

អាយ៉ាត់: 1

ٱقۡتَرَبَ لِلنَّاسِ حِسَابُهُمۡ وَهُمۡ فِي غَفۡلَةٖ مُّعۡرِضُونَ

Pedsiken den kanu manga taw su gay a mawli na silan na dala gatagu sa ginawa nilan sa ingat nilan, pedtaligkudan nilan.

អាយ៉ាត់: 2

مَا يَأۡتِيهِم مِّن ذِكۡرٖ مِّن رَّبِّهِم مُّحۡدَثٍ إِلَّا ٱسۡتَمَعُوهُ وَهُمۡ يَلۡعَبُونَ

Guna makawma kanilan su Qur’an ebpun kanu Allah na pakikinegen nilan sa bagungaten nilan endu silan na endadalemet bu.

អាយ៉ាត់: 3

لَاهِيَةٗ قُلُوبُهُمۡۗ وَأَسَرُّواْ ٱلنَّجۡوَى ٱلَّذِينَ ظَلَمُواْ هَلۡ هَٰذَآ إِلَّا بَشَرٞ مِّثۡلُكُمۡۖ أَفَتَأۡتُونَ ٱلسِّحۡرَ وَأَنتُمۡ تُبۡصِرُونَ

Untengaw i manga atay nilan endu mamagedunga silan kanu manga kafir sa dala bun inan (si Muhammad) ka manusya a pagidsan tanu bun, nginan unutan nu i sih'r a katawan nu bun i sih'r?

អាយ៉ាត់: 4

قَالَ رَبِّي يَعۡلَمُ ٱلۡقَوۡلَ فِي ٱلسَّمَآءِ وَٱلۡأَرۡضِۖ وَهُوَ ٱلسَّمِيعُ ٱلۡعَلِيمُ

Tig nu (Muhammad): kadenan ku su kadtalu siya sa langit endu siya sa lupa endu sekanin a pakakineg a mataw.

អាយ៉ាត់: 5

بَلۡ قَالُوٓاْ أَضۡغَٰثُ أَحۡلَٰمِۭ بَلِ ٱفۡتَرَىٰهُ بَلۡ هُوَ شَاعِرٞ فَلۡيَأۡتِنَا بِـَٔايَةٖ كَمَآ أُرۡسِلَ ٱلۡأَوَّلُونَ

Ugayda pidtalu nilan (namba Qur’an anan) na nakadsisimbul a taginepen atawa inidtebu nin atawa bayuk, i-sya nin i tandanin sa mana su nangawna a sinugu.

អាយ៉ាត់: 6

مَآ ءَامَنَتۡ قَبۡلَهُم مِّن قَرۡيَةٍ أَهۡلَكۡنَٰهَآۖ أَفَهُمۡ يُؤۡمِنُونَ

Dala bun kanu nangawna a manga taw kanu dalpa a nakailay sa tanda a bininasa nami ka di bun silan mangimbenal.

អាយ៉ាត់: 7

وَمَآ أَرۡسَلۡنَا قَبۡلَكَ إِلَّا رِجَالٗا نُّوحِيٓ إِلَيۡهِمۡۖ فَسۡـَٔلُوٓاْ أَهۡلَ ٱلذِّكۡرِ إِن كُنتُمۡ لَا تَعۡلَمُونَ

Endu dala sinugu nami a nawna sa leka (Muhammad) ya tabiya na manga mama a pe- wahiyan nami silan, idsay nu su taw a mataw kanu di nu katawan.

អាយ៉ាត់: 8

وَمَا جَعَلۡنَٰهُمۡ جَسَدٗا لَّا يَأۡكُلُونَ ٱلطَّعَامَ وَمَا كَانُواْ خَٰلِدِينَ

Endu dala nami baluya silan (su sinugu) sa pagelin lawas a di keman sa pegken endu dala kanilan i di matay silan.

អាយ៉ាត់: 9

ثُمَّ صَدَقۡنَٰهُمُ ٱلۡوَعۡدَ فَأَنجَيۡنَٰهُمۡ وَمَن نَّشَآءُ وَأَهۡلَكۡنَا ٱلۡمُسۡرِفِينَ

Mawli na tinuman nami kanilan su pasad (tyuba) na linepas nami silan endu su nagkahanda nami na bininasa nami menem su napandalebut.

អាយ៉ាត់: 10

لَقَدۡ أَنزَلۡنَآ إِلَيۡكُمۡ كِتَٰبٗا فِيهِ ذِكۡرُكُمۡۚ أَفَلَا تَعۡقِلُونَ

Saben-sabenal a pinatulun nami sa lekanu (Qur’ an) sa nakadalem lun su makagkapiya sa lekanu na ngintu ka di kanu magungangen?

អាយ៉ាត់: 11

وَكَمۡ قَصَمۡنَا مِن قَرۡيَةٖ كَانَتۡ ظَالِمَةٗ وَأَنشَأۡنَا بَعۡدَهَا قَوۡمًا ءَاخَرِينَ

Endu madakel i dalpa a bininasa nami sa dupang endu mawli na pinambuwat nami i manga taw a salakaw kanilan.

អាយ៉ាត់: 12

فَلَمَّآ أَحَسُّواْ بَأۡسَنَآ إِذَا هُم مِّنۡهَا يَرۡكُضُونَ

Guna nilan madsagipa su tiyuba nami (sa pakawma den) na balalaguy silan.

អាយ៉ាត់: 13

لَا تَرۡكُضُواْ وَٱرۡجِعُوٓاْ إِلَىٰ مَآ أُتۡرِفۡتُمۡ فِيهِ وَمَسَٰكِنِكُمۡ لَعَلَّكُمۡ تُسۡـَٔلُونَ

(Tig nu malaikat): da kanu balalaguy, edsalumani nu bun su kananam nu sa (mapiya) endu su pegkalebenan nu ka basi kaidsan kanu.

អាយ៉ាត់: 14

قَالُواْ يَٰوَيۡلَنَآ إِنَّا كُنَّا ظَٰلِمِينَ

Ya nilan nadtalu: nabinasa tanu sabap sa kafir tanu.

អាយ៉ាត់: 15

فَمَا زَالَت تِّلۡكَ دَعۡوَىٰهُمۡ حَتَّىٰ جَعَلۡنَٰهُمۡ حَصِيدًا خَٰمِدِينَ

Di den gapinda lu ba a kadtalu nilan taman sa binaluy nami silan sa mana den pinagagani a minatay.

អាយ៉ាត់: 16

وَمَا خَلَقۡنَا ٱلسَّمَآءَ وَٱلۡأَرۡضَ وَمَا بَيۡنَهُمَا لَٰعِبِينَ

Di kena ya nami kinabinaluy sa langit endu lupa i dala katagan nin ugayda tanda a kapegkagaga nu Allah.

អាយ៉ាត់: 17

لَوۡ أَرَدۡنَآ أَن نَّتَّخِذَ لَهۡوٗا لَّٱتَّخَذۡنَٰهُ مِن لَّدُنَّآ إِن كُنَّا فَٰعِلِينَ

U pigkahanda nami i kadsimpang sa kaluma atawa manga wata na ya nami binaluy na sya bun sa lekami u pinggalebek nami, ugayd na da nami enggalbeka.

អាយ៉ាត់: 18

بَلۡ نَقۡذِفُ بِٱلۡحَقِّ عَلَى ٱلۡبَٰطِلِ فَيَدۡمَغُهُۥ فَإِذَا هُوَ زَاهِقٞۚ وَلَكُمُ ٱلۡوَيۡلُ مِمَّا تَصِفُونَ

Ugayd na tabangan nami su bantang kanu baatil na mapunas (su baatil) na ma-iling su baatil, endu lekanu a manga kafir i naraka (sabap) kanu kadtalu nu (aden kaluma/wata nu Allah).

អាយ៉ាត់: 19

وَلَهُۥ مَن فِي ٱلسَّمَٰوَٰتِ وَٱلۡأَرۡضِۚ وَمَنۡ عِندَهُۥ لَا يَسۡتَكۡبِرُونَ عَنۡ عِبَادَتِهِۦ وَلَا يَسۡتَحۡسِرُونَ

Endu kanu Allah su dalem nu manga langit endu su lupa endu su malaikat na di silan pemamasla sa simba nilan sa Allah endu di silan gasemu na di galugat.

អាយ៉ាត់: 20

يُسَبِّحُونَ ٱلَّيۡلَ وَٱلنَّهَارَ لَا يَفۡتُرُونَ

Di gapinda i tasbih nilan sa magabi-malamag.

អាយ៉ាត់: 21

أَمِ ٱتَّخَذُوٓاْ ءَالِهَةٗ مِّنَ ٱلۡأَرۡضِ هُمۡ يُنشِرُونَ

Atawa minumbal bun silan sa manga kadenan sya sa lupa a manga watu manga kayu a di maka pambibyag sa minatay?

អាយ៉ាត់: 22

لَوۡ كَانَ فِيهِمَآ ءَالِهَةٌ إِلَّا ٱللَّهُ لَفَسَدَتَاۚ فَسُبۡحَٰنَ ٱللَّهِ رَبِّ ٱلۡعَرۡشِ عَمَّا يَصِفُونَ

U naduwa timan bu i kadenan atawa aden bu manga kadenan a salakaw sa Allah na nabinasa su dunya, mahasuti su Allah a Kadenan nu Ar'sh kanu langun nu kadtalu nu manga mushrik.

អាយ៉ាត់: 23

لَا يُسۡـَٔلُ عَمَّا يَفۡعَلُ وَهُمۡ يُسۡـَٔلُونَ

Di kaidsan (su Allah) sa galebekin, silan (a inaden) i kaidsan kanu manga galbek nilan.

អាយ៉ាត់: 24

أَمِ ٱتَّخَذُواْ مِن دُونِهِۦٓ ءَالِهَةٗۖ قُلۡ هَاتُواْ بُرۡهَٰنَكُمۡۖ هَٰذَا ذِكۡرُ مَن مَّعِيَ وَذِكۡرُ مَن قَبۡلِيۚ بَلۡ أَكۡثَرُهُمۡ لَا يَعۡلَمُونَ ٱلۡحَقَّۖ فَهُم مُّعۡرِضُونَ

Kena ba minumbal silan sa salakaw sa Allah a manga kadenan? Edtalu ka (Muhammad) kanilan: pambuwat nu i tindeg nu ka nan su Qur’an a tindeg nami endu su nangawna sa laki, ugayda ya madakel kanilan i di mataw sa haqq, na pembalawagan nilan su haqq.

អាយ៉ាត់: 25

وَمَآ أَرۡسَلۡنَا مِن قَبۡلِكَ مِن رَّسُولٍ إِلَّا نُوحِيٓ إِلَيۡهِ أَنَّهُۥ لَآ إِلَٰهَ إِلَّآ أَنَا۠ فَٱعۡبُدُونِ

Endu dala sinugu nami a nawna sa leka (Muhammad) a sinugu ya tabiya na ipe-wahi nami sa lekanin i dala kadenan a wagib a pedsimban ya tabiya na saki, na simba aku nu sa pakaisa-isa nu bu a kadenan.

អាយ៉ាត់: 26

وَقَالُواْ ٱتَّخَذَ ٱلرَّحۡمَٰنُ وَلَدٗاۗ سُبۡحَٰنَهُۥۚ بَلۡ عِبَادٞ مُّكۡرَمُونَ

Endu pidatlu nilan: namaluli su Allah sa wata, mahasuti su Allah, su manga malaikat na manga ulipen nin a manga mapulu.

អាយ៉ាត់: 27

لَا يَسۡبِقُونَهُۥ بِٱلۡقَوۡلِ وَهُم بِأَمۡرِهِۦ يَعۡمَلُونَ

Endu di silan ka-unanan a kadtalu endu silan na endaw i suguwan kanilan na penggalebeken nilan.

អាយ៉ាត់: 28

يَعۡلَمُ مَا بَيۡنَ أَيۡدِيهِمۡ وَمَا خَلۡفَهُمۡ وَلَا يَشۡفَعُونَ إِلَّا لِمَنِ ٱرۡتَضَىٰ وَهُم مِّنۡ خَشۡيَتِهِۦ مُشۡفِقُونَ

Katawan nu Allah su galebek nilan endu su da nilan pan manggalebek endu di silan makasafaat ya tabya na su sinugutan nin endu silan na su gilek nilan sa Allah na di gadala kanilan i geda-geda.

អាយ៉ាត់: 29

۞ وَمَن يَقُلۡ مِنۡهُمۡ إِنِّيٓ إِلَٰهٞ مِّن دُونِهِۦ فَذَٰلِكَ نَجۡزِيهِ جَهَنَّمَۚ كَذَٰلِكَ نَجۡزِي ٱلظَّٰلِمِينَ

Entayn i makadtalu kanilan sa saki na kadenan aku a salakaw sa Allah na balasan nami sa naraka jahannam, mamba i kabalas kanu manga taw a salimbuten.

អាយ៉ាត់: 30

أَوَلَمۡ يَرَ ٱلَّذِينَ كَفَرُوٓاْ أَنَّ ٱلسَّمَٰوَٰتِ وَٱلۡأَرۡضَ كَانَتَا رَتۡقٗا فَفَتَقۡنَٰهُمَاۖ وَجَعَلۡنَا مِنَ ٱلۡمَآءِ كُلَّ شَيۡءٍ حَيٍّۚ أَفَلَا يُؤۡمِنُونَ

Ngintu di gailay nu manga kafir (da nilan katawi) su manga langit endu su lupa sa paganay na dala makabpitas na pinabpitas nami? Endu binaluy nami ebpun sa ig sa nawyag i langun na enggaga-isa na di silan mangimbenal.

អាយ៉ាត់: 31

وَجَعَلۡنَا فِي ٱلۡأَرۡضِ رَوَٰسِيَ أَن تَمِيدَ بِهِمۡ وَجَعَلۡنَا فِيهَا فِجَاجٗا سُبُلٗا لَّعَلَّهُمۡ يَهۡتَدُونَ

Endu binaluy nami sya sa lupa i manga palaw a pakatigel kanilan sa di kanggagalebek nu lupa endu binaluy nami i ka-ukitan na manga lalan ka malemu lemu kanilan i maka-tuntul silan kanu kahanda nilan.

អាយ៉ាត់: 32

وَجَعَلۡنَا ٱلسَّمَآءَ سَقۡفٗا مَّحۡفُوظٗاۖ وَهُمۡ عَنۡ ءَايَٰتِهَا مُعۡرِضُونَ

Endu binaluy nami (Allah) su langit a naka-atep sa di makabetad sa lupa endu silan (a kafir) na su manga tanda nami na di nilan pedsulimanen.

អាយ៉ាត់: 33

وَهُوَ ٱلَّذِي خَلَقَ ٱلَّيۡلَ وَٱلنَّهَارَ وَٱلشَّمۡسَ وَٱلۡقَمَرَۖ كُلّٞ فِي فَلَكٖ يَسۡبَحُونَ

Endu sekanin (Allah) i minaluy sa magabi endu malamag, endu senang endu ulan ulan, umani-isa na bagukit sa lalanin.

អាយ៉ាត់: 34

وَمَا جَعَلۡنَا لِبَشَرٖ مِّن قَبۡلِكَ ٱلۡخُلۡدَۖ أَفَإِيْن مِّتَّ فَهُمُ ٱلۡخَٰلِدُونَ

Dala binaluy nami a manusya a nawna sa leka (Muhammad) a di matay na matay ka bun na silan pan i di matay?!

អាយ៉ាត់: 35

كُلُّ نَفۡسٖ ذَآئِقَةُ ٱلۡمَوۡتِۗ وَنَبۡلُوكُم بِٱلشَّرِّ وَٱلۡخَيۡرِ فِتۡنَةٗۖ وَإِلَيۡنَا تُرۡجَعُونَ

Langun na barangyawa na makananam sa kapatay endu pembatalun nami sekanu sa mapasang endu mapiya (sya sa dunya) endu siya kanu bun makambalingan sa laki.

អាយ៉ាត់: 36

وَإِذَا رَءَاكَ ٱلَّذِينَ كَفَرُوٓاْ إِن يَتَّخِذُونَكَ إِلَّا هُزُوًا أَهَٰذَا ٱلَّذِي يَذۡكُرُ ءَالِهَتَكُمۡ وَهُم بِذِكۡرِ ٱلرَّحۡمَٰنِ هُمۡ كَٰفِرُونَ

Amayka nailay ka (Muhammad) nu manga kafir na dala pakaydan nilan sa leka ya tabiya na pagumpaken ka nilan sa ya nilan edtalun na: nan ba besen i mama anan a pedtakudi sa kadenan nu? endu silan na kanu kalabit kanu Allah na gafir (nalipatanan) silan.

អាយ៉ាត់: 37

خُلِقَ ٱلۡإِنسَٰنُ مِنۡ عَجَلٖۚ سَأُوْرِيكُمۡ ءَايَٰتِي فَلَا تَسۡتَعۡجِلُونِ

Binaluy su manusiya sa masasaw na ipailay ku sa lekanu su manga tanda ku na da kanu pedsasaw.

អាយ៉ាត់: 38

وَيَقُولُونَ مَتَىٰ هَٰذَا ٱلۡوَعۡدُ إِن كُنتُمۡ صَٰدِقِينَ

Endu pedtalun nilan: na kanu i kawma na pasad a siksa amayka benal kanu a manga sinugu?

អាយ៉ាត់: 39

لَوۡ يَعۡلَمُ ٱلَّذِينَ كَفَرُواْ حِينَ لَا يَكُفُّونَ عَن وُجُوهِهِمُ ٱلنَّارَ وَلَا عَن ظُهُورِهِمۡ وَلَا هُمۡ يُنصَرُونَ

U katawan nu manga kafir bu su kutika a di kalapisan su beneng nilan kanu naraka endu su manga bigkugung nilan endu di silan katabangan na di nilan madtalu.

អាយ៉ាត់: 40

بَلۡ تَأۡتِيهِم بَغۡتَةٗ فَتَبۡهَتُهُمۡ فَلَا يَسۡتَطِيعُونَ رَدَّهَا وَلَا هُمۡ يُنظَرُونَ

Ugaid na makawma kanilan sa matekaw a maka bengang kanilan na di nilan magaga temulak endu dala kanilan i makakisu i waktu nin.

អាយ៉ាត់: 41

وَلَقَدِ ٱسۡتُهۡزِئَ بِرُسُلٖ مِّن قَبۡلِكَ فَحَاقَ بِٱلَّذِينَ سَخِرُواْ مِنۡهُم مَّا كَانُواْ بِهِۦ يَسۡتَهۡزِءُونَ

Saben-sabenal a pinagumpak nilan bun su manga sinugu a nauna sa leka na nakadadsang kanu manga taw a bangungat su siksa nu kabpagungat nilan kanu manga sinugu nu Allah.

អាយ៉ាត់: 42

قُلۡ مَن يَكۡلَؤُكُم بِٱلَّيۡلِ وَٱلنَّهَارِ مِنَ ٱلرَّحۡمَٰنِۚ بَلۡ هُمۡ عَن ذِكۡرِ رَبِّهِم مُّعۡرِضُونَ

Edtalu ka (Muhammad) kanilan u entayn i tumuldu sa lekanu kanu magabi endu malamag amayka makatulun su siksa nu Allah? Dala kanilan i tadem kanu Allah.

អាយ៉ាត់: 43

أَمۡ لَهُمۡ ءَالِهَةٞ تَمۡنَعُهُم مِّن دُونِنَاۚ لَا يَسۡتَطِيعُونَ نَصۡرَ أَنفُسِهِمۡ وَلَا هُم مِّنَّا يُصۡحَبُونَ

Atawa su manga kadenan nilan i makatabang kanilan a salakaw sa lekami, di magaga nu manga barahala i katabang nilan sa ginawa nilan endu dala makatuldu kanilan a makabpun sa lekami.

អាយ៉ាត់: 44

بَلۡ مَتَّعۡنَا هَٰٓؤُلَآءِ وَءَابَآءَهُمۡ حَتَّىٰ طَالَ عَلَيۡهِمُ ٱلۡعُمُرُۗ أَفَلَا يَرَوۡنَ أَنَّا نَأۡتِي ٱلۡأَرۡضَ نَنقُصُهَا مِنۡ أَطۡرَافِهَآۚ أَفَهُمُ ٱلۡغَٰلِبُونَ

Ugayd na inikalimu nami silan endu su manga lukes nilan taman sa migkalendu su umur nilan na di nilan gailay i pegkulangan nami su dulunan nu manga lupa (a pegkamalan nilan) na silan pan basi i paka-atu (pakagaga)?

អាយ៉ាត់: 45

قُلۡ إِنَّمَآ أُنذِرُكُم بِٱلۡوَحۡيِۚ وَلَا يَسۡمَعُ ٱلصُّمُّ ٱلدُّعَآءَ إِذَا مَا يُنذَرُونَ

Edtalu ka (Muhammad): ya ku ibangindaw na wahi, endu di makakineg su bisu sa enggaten amayka enggaten silan.

អាយ៉ាត់: 46

وَلَئِن مَّسَّتۡهُمۡ نَفۡحَةٞ مِّنۡ عَذَابِ رَبِّكَ لَيَقُولُنَّ يَٰوَيۡلَنَآ إِنَّا كُنَّا ظَٰلِمِينَ

Amayka nakawma sa kanilan i paydu gayd kanu siksa nu kadenan nengka na ya nilan edtalun na nabinasa tanu sa kinag-kafir tanu.

អាយ៉ាត់: 47

وَنَضَعُ ٱلۡمَوَٰزِينَ ٱلۡقِسۡطَ لِيَوۡمِ ٱلۡقِيَٰمَةِ فَلَا تُظۡلَمُ نَفۡسٞ شَيۡـٔٗاۖ وَإِن كَانَ مِثۡقَالَ حَبَّةٖ مِّنۡ خَرۡدَلٍ أَتَيۡنَا بِهَاۗ وَكَفَىٰ بِنَا حَٰسِبِينَ

Endu ibetad nami su timbangan a bantang sa gay a mawli na dala madsalimbut apiya sakataw apiya paydu apiya ngin den i kanawtin apiya mana bu lagas a manawt na makambuwat nami bun ka mapiya i kadtimbang nami.

អាយ៉ាត់: 48

وَلَقَدۡ ءَاتَيۡنَا مُوسَىٰ وَهَٰرُونَ ٱلۡفُرۡقَانَ وَضِيَآءٗ وَذِكۡرٗا لِّلۡمُتَّقِينَ

Saben-sabenal a inenggay nami kani Musa endu si Harun su kitab (Taurat) endu tutulu endu indawan kanu manga magilek sa Allah.

អាយ៉ាត់: 49

ٱلَّذِينَ يَخۡشَوۡنَ رَبَّهُم بِٱلۡغَيۡبِ وَهُم مِّنَ ٱلسَّاعَةِ مُشۡفِقُونَ

Silan a manga taw na kagilekan sa kadenan nilan sa gayb endu silan na su gay a mawli na pangandamen nilan.

អាយ៉ាត់: 50

وَهَٰذَا ذِكۡرٞ مُّبَارَكٌ أَنزَلۡنَٰهُۚ أَفَأَنتُمۡ لَهُۥ مُنكِرُونَ

Endu namba a indawan a barakat, initulun nami, na ngintu ka sekanu bun i mungkir lun?

អាយ៉ាត់: 51

۞ وَلَقَدۡ ءَاتَيۡنَآ إِبۡرَٰهِيمَ رُشۡدَهُۥ مِن قَبۡلُ وَكُنَّا بِهِۦ عَٰلِمِينَ

Endu inenggay nami kani Ibrahim su tutulu sa dapan mabalig endu katawan nami i nakadayt sa lekanin.

អាយ៉ាត់: 52

إِذۡ قَالَ لِأَبِيهِ وَقَوۡمِهِۦ مَا هَٰذِهِ ٱلتَّمَاثِيلُ ٱلَّتِيٓ أَنتُمۡ لَهَا عَٰكِفُونَ

Endu pidtalu nu Ibrahim kani ama nin endu su manga taw nin: ngin i nyaba manga barahala a niya a pedtakenan nu (pedsimbanu)?

អាយ៉ាត់: 53

قَالُواْ وَجَدۡنَآ ءَابَآءَنَا لَهَا عَٰبِدِينَ

Tig nilan: nailingan nami kanu manga kalukesan nami a pedsimban nilan.

អាយ៉ាត់: 54

قَالَ لَقَدۡ كُنتُمۡ أَنتُمۡ وَءَابَآؤُكُمۡ فِي ضَلَٰلٖ مُّبِينٖ

Tig nu Ibrahim; saben-sabenal a sekanu endu su manga lukes nu na natading silan sa mapayag.

អាយ៉ាត់: 55

قَالُوٓاْ أَجِئۡتَنَا بِٱلۡحَقِّ أَمۡ أَنتَ مِنَ ٱللَّٰعِبِينَ

Tig nilan: aden na-it nengka a bantang (a agama), atawa ka pendalemet ka bu?

អាយ៉ាត់: 56

قَالَ بَل رَّبُّكُمۡ رَبُّ ٱلسَّمَٰوَٰتِ وَٱلۡأَرۡضِ ٱلَّذِي فَطَرَهُنَّ وَأَنَا۠ عَلَىٰ ذَٰلِكُم مِّنَ ٱلشَّٰهِدِينَ

Tig nu Ibrahim: kadenan nu na su kadenan nu manga langit endu su lupa, entuba i minaluy lun, endu kuyug aku kanu midsaksi.

អាយ៉ាត់: 57

وَتَٱللَّهِ لَأَكِيدَنَّ أَصۡنَٰمَكُم بَعۡدَ أَن تُوَلُّواْ مُدۡبِرِينَ

Endu idsapa ku sa Allah na pamakaydanan ku i manga barahala nu anan sa ulyana kataligkud nu sa kawli nu.

អាយ៉ាត់: 58

فَجَعَلَهُمۡ جُذَٰذًا إِلَّا كَبِيرٗا لَّهُمۡ لَعَلَّهُمۡ إِلَيۡهِ يَرۡجِعُونَ

Ya pinakaydan nu Ibrahim kanu manga barahala na linupetin ya tabiya na su masla nin (i da nin lupeta) ka endu nilan mailay (inipasalay nin i piku kanu masela a barahala).

អាយ៉ាត់: 59

قَالُواْ مَن فَعَلَ هَٰذَا بِـَٔالِهَتِنَآ إِنَّهُۥ لَمِنَ ٱلظَّٰلِمِينَ

Ya nilan nadtalu: entayn i namakayd sa manga Kadenan nami a nya? Entuba a taw (linemupet lun) na nakasagad i kadupang nin.

អាយ៉ាត់: 60

قَالُواْ سَمِعۡنَا فَتٗى يَذۡكُرُهُمۡ يُقَالُ لَهُۥٓ إِبۡرَٰهِيمُ

Tig nu madakel: nakineg nami i baguwata a baguway-way lun sa yanin kun ngala na bedtun sa Ibrahim.

អាយ៉ាត់: 61

قَالُواْ فَأۡتُواْ بِهِۦ عَلَىٰٓ أَعۡيُنِ ٱلنَّاسِ لَعَلَّهُمۡ يَشۡهَدُونَ

Tig nilan: pa sya nu ka endu mailay nu manga taw ka endu silan makadsaksi sa sekanin ba i namakayd kanu manga kadenan.

អាយ៉ាត់: 62

قَالُوٓاْ ءَأَنتَ فَعَلۡتَ هَٰذَا بِـَٔالِهَتِنَا يَٰٓإِبۡرَٰهِيمُ

Tig nilan: seka ba i namakayd sa manga kadenan nami a nya O Ibrahim?

អាយ៉ាត់: 63

قَالَ بَلۡ فَعَلَهُۥ كَبِيرُهُمۡ هَٰذَا فَسۡـَٔلُوهُمۡ إِن كَانُواْ يَنطِقُونَ

Tig nu Ibrahim: namba i namungkayd na masla nilan anan idsay nu banan amayka makadtalu?

អាយ៉ាត់: 64

فَرَجَعُوٓاْ إِلَىٰٓ أَنفُسِهِمۡ فَقَالُوٓاْ إِنَّكُمۡ أَنتُمُ ٱلظَّٰلِمُونَ

Ya nilan nambalinganan su ginawa nilan ya nilan nadtalu na sekanu bun i manga dupang.

អាយ៉ាត់: 65

ثُمَّ نُكِسُواْ عَلَىٰ رُءُوسِهِمۡ لَقَدۡ عَلِمۡتَ مَا هَٰٓؤُلَآءِ يَنطِقُونَ

Mawli na sinemangul silan sa kabpalawa, tigilan: saben-sabenal a natawan nengka bun (Ibrahim) i di makadtalu i kadenan nami.

អាយ៉ាត់: 66

قَالَ أَفَتَعۡبُدُونَ مِن دُونِ ٱللَّهِ مَا لَا يَنفَعُكُمۡ شَيۡـٔٗا وَلَا يَضُرُّكُمۡ

Tig nu Ibrahim: na enduken ka pedsimban nu i salakaw sa Allah a da kataganin sa lekanu, di kanu nin kagkaydan?

អាយ៉ាត់: 67

أُفّٖ لَّكُمۡ وَلِمَا تَعۡبُدُونَ مِن دُونِ ٱللَّهِۚ أَفَلَا تَعۡقِلُونَ

Ngin den a kaledsik i lekanu, endu pedsimban nu anan a salakaw sa Allah, di kanu pakapagitung?

អាយ៉ាត់: 68

قَالُواْ حَرِّقُوهُ وَٱنصُرُوٓاْ ءَالِهَتَكُمۡ إِن كُنتُمۡ فَٰعِلِينَ

Tig nilan: tutung nu (si Ibrahim) endu tabangi nu su manga kadenan nu amayka enggalebeken nu i katabang nu lun.

អាយ៉ាត់: 69

قُلۡنَا يَٰنَارُ كُونِي بَرۡدٗا وَسَلَٰمًا عَلَىٰٓ إِبۡرَٰهِيمَ

(Tig nu Allah): pidtalu nami kanu apuy egkatenggaw ka endu lepas ka si Ibrahim.

អាយ៉ាត់: 70

وَأَرَادُواْ بِهِۦ كَيۡدٗا فَجَعَلۡنَٰهُمُ ٱلۡأَخۡسَرِينَ

Pegkiyugan nilan pembinasa na binaluy nami silan i nangalugi.

អាយ៉ាត់: 71

وَنَجَّيۡنَٰهُ وَلُوطًا إِلَى ٱلۡأَرۡضِ ٱلَّتِي بَٰرَكۡنَا فِيهَا لِلۡعَٰلَمِينَ

Linepas nami (si Ibrahim) endu si Lut lu kanu dalpa a barakat kanu dunya.

អាយ៉ាត់: 72

وَوَهَبۡنَا لَهُۥٓ إِسۡحَٰقَ وَيَعۡقُوبَ نَافِلَةٗۖ وَكُلّٗا جَعَلۡنَا صَٰلِحِينَ

Endu inenggay nami sa lekanin si Ishaq endu si Ya'kub a buwang nu pinangeni nin endu silan na binaluy nami a manga salih.

អាយ៉ាត់: 73

وَجَعَلۡنَٰهُمۡ أَئِمَّةٗ يَهۡدُونَ بِأَمۡرِنَا وَأَوۡحَيۡنَآ إِلَيۡهِمۡ فِعۡلَ ٱلۡخَيۡرَٰتِ وَإِقَامَ ٱلصَّلَوٰةِ وَإِيتَآءَ ٱلزَّكَوٰةِۖ وَكَانُواْ لَنَا عَٰبِدِينَ

Endu binaluy nami silan a kanga-unutan a tumutulu kanu kasuguwan nami endu su wahi nami kanilan sa kanggalebek sa mapiya endu katunay sa sambayang endu kanggay sa zakat endu sekami i pedsimban nilan.

អាយ៉ាត់: 74

وَلُوطًا ءَاتَيۡنَٰهُ حُكۡمٗا وَعِلۡمٗا وَنَجَّيۡنَٰهُ مِنَ ٱلۡقَرۡيَةِ ٱلَّتِي كَانَت تَّعۡمَلُ ٱلۡخَبَٰٓئِثَۚ إِنَّهُمۡ كَانُواْ قَوۡمَ سَوۡءٖ فَٰسِقِينَ

Su Lut na inenggan nami sa hukuman endu kataw, endu linepas nami kanu dalpa sa entuba a dalpa na penggalebek i taw nin sa maledsik, silan a manga taw na sagad i kaledsikin, benal a manga taw a nakalyu silan sa inugut sa Allah.

អាយ៉ាត់: 75

وَأَدۡخَلۡنَٰهُ فِي رَحۡمَتِنَآۖ إِنَّهُۥ مِنَ ٱلصَّٰلِحِينَ

Pinaludep nami (si Lut) kanu limu nami ka sekanin na kuyug kanu manga taw a salih.

អាយ៉ាត់: 76

وَنُوحًا إِذۡ نَادَىٰ مِن قَبۡلُ فَٱسۡتَجَبۡنَا لَهُۥ فَنَجَّيۡنَٰهُ وَأَهۡلَهُۥ مِنَ ٱلۡكَرۡبِ ٱلۡعَظِيمِ

Endu su Nuh, tinawag in su Kadenan nin kanu nawna a timpu na tinalima nami sekanin endu su pamilya nin kanu lidu na ginawa nilan a masla.

អាយ៉ាត់: 77

وَنَصَرۡنَٰهُ مِنَ ٱلۡقَوۡمِ ٱلَّذِينَ كَذَّبُواْ بِـَٔايَٰتِنَآۚ إِنَّهُمۡ كَانُواْ قَوۡمَ سَوۡءٖ فَأَغۡرَقۡنَٰهُمۡ أَجۡمَعِينَ

Tinabangan nami sekanin kanu manga taw a napandalebut kanu manga ayatan nami ka mawag intu a manga taw, na pinageled nami silan langun. (kanu degan a masla).

អាយ៉ាត់: 78

وَدَاوُۥدَ وَسُلَيۡمَٰنَ إِذۡ يَحۡكُمَانِ فِي ٱلۡحَرۡثِ إِذۡ نَفَشَتۡ فِيهِ غَنَمُ ٱلۡقَوۡمِ وَكُنَّا لِحُكۡمِهِمۡ شَٰهِدِينَ

Labit ka si Daud endu si Sulayman, kinakukum nilan kanu pamulan endu su kambing sa tinadtab nu kambing su pamulan endu kadsaksiyan nami su hukuman nilan duwa.

អាយ៉ាត់: 79

فَفَهَّمۡنَٰهَا سُلَيۡمَٰنَۚ وَكُلًّا ءَاتَيۡنَا حُكۡمٗا وَعِلۡمٗاۚ وَسَخَّرۡنَا مَعَ دَاوُۥدَ ٱلۡجِبَالَ يُسَبِّحۡنَ وَٱلطَّيۡرَۚ وَكُنَّا فَٰعِلِينَ

Pinasabutan nami si Sulayman (sa hukuman) endu umani-isa kanilan na inenggan nami sa hukuman endu kataw, endu pinandayan nami kanu Daud su palaw a bagamung pedtasbih maytu bun su papanuk, sekami (Allah) i minggalbek sa entuba.

អាយ៉ាត់: 80

وَعَلَّمۡنَٰهُ صَنۡعَةَ لَبُوسٖ لَّكُمۡ لِتُحۡصِنَكُم مِّنۢ بَأۡسِكُمۡۖ فَهَلۡ أَنتُمۡ شَٰكِرُونَ

Pinakatawan nami kanu Daud i kaumbal sa balegkas sa kambunuwa (kelong) sa maka-alaw sa pedang, na wagib i kadsukur sa Allah.

អាយ៉ាត់: 81

وَلِسُلَيۡمَٰنَ ٱلرِّيحَ عَاصِفَةٗ تَجۡرِي بِأَمۡرِهِۦٓ إِلَى ٱلۡأَرۡضِ ٱلَّتِي بَٰرَكۡنَا فِيهَاۚ وَكُنَّا بِكُلِّ شَيۡءٍ عَٰلِمِينَ

Kanu Sulayman i sambel a mabagel sa balalaguy sa susuwanin lu kanu lupa a pinambarakat nin (lu sa Sham) endu sekami (Allah) kanu langun nu enggaga-isa na katawan nami.

អាយ៉ាត់: 82

وَمِنَ ٱلشَّيَٰطِينِ مَن يَغُوصُونَ لَهُۥ وَيَعۡمَلُونَ عَمَلٗا دُونَ ذَٰلِكَۖ وَكُنَّا لَهُمۡ حَٰفِظِينَ

Endu ped kanu Shaytan i papedseneben nin sa lagat, endu aden pan salakaw a galebekan endu pedtuldun nami silan.

អាយ៉ាត់: 83

۞ وَأَيُّوبَ إِذۡ نَادَىٰ رَبَّهُۥٓ أَنِّي مَسَّنِيَ ٱلضُّرُّ وَأَنتَ أَرۡحَمُ ٱلرَّٰحِمِينَ

Endu su Ayyub kanu kinandu’a nin, kadenan ku nasugat aku na pakagkayd endu seka i muna a malimu kanu langun u malimu.

អាយ៉ាត់: 84

فَٱسۡتَجَبۡنَا لَهُۥ فَكَشَفۡنَا مَا بِهِۦ مِن ضُرّٖۖ وَءَاتَيۡنَٰهُ أَهۡلَهُۥ وَمِثۡلَهُم مَّعَهُمۡ رَحۡمَةٗ مِّنۡ عِندِنَا وَذِكۡرَىٰ لِلۡعَٰبِدِينَ

Tinalima nami sa lekanin sa inawa nami sa lekanin su pakagkayd endu inuyag nami sa lekanin su manga wata nin endu aden pan mapiya a limu ebpun sa lekami endu indawan kanu barasimba.

អាយ៉ាត់: 85

وَإِسۡمَٰعِيلَ وَإِدۡرِيسَ وَذَا ٱلۡكِفۡلِۖ كُلّٞ مِّنَ ٱلصَّٰبِرِينَ

Endu su Ismail endu si Idris endu si Dhulkifl, umani-isa kanilan na kuyug kanu manga salih.

អាយ៉ាត់: 86

وَأَدۡخَلۡنَٰهُمۡ فِي رَحۡمَتِنَآۖ إِنَّهُم مِّنَ ٱلصَّٰلِحِينَ

Pinaludep nami silan kanu limu nami ka silan na manga taw a salih.

អាយ៉ាត់: 87

وَذَا ٱلنُّونِ إِذ ذَّهَبَ مُغَٰضِبٗا فَظَنَّ أَن لَّن نَّقۡدِرَ عَلَيۡهِ فَنَادَىٰ فِي ٱلظُّلُمَٰتِ أَن لَّآ إِلَٰهَ إِلَّآ أَنتَ سُبۡحَٰنَكَ إِنِّي كُنتُ مِنَ ٱلظَّٰلِمِينَ

Labit ka su Yunus sa kinaganat nin sa galipungetan nin su manga taw nin sa inantap nin i di nami makena sekanin na nakandu’a kanu dalem a malibuteng (kalibutengan nu lagat, kalibutengan nu magabi, endu siya kanu tiyan na seda) sa: benal a dala Kadenan a pedsimban ya tabiya na seka (Allah), mahasuti a kadenan, nakuyug aku kanu manga taw a dhaalim.

អាយ៉ាត់: 88

فَٱسۡتَجَبۡنَا لَهُۥ وَنَجَّيۡنَٰهُ مِنَ ٱلۡغَمِّۚ وَكَذَٰلِكَ نُـۨجِي ٱلۡمُؤۡمِنِينَ

Na tinalima nami sa lekanin endu linepas nami sekanin kanu lidu na ginawa nin endu mamba i kalepas nami kanu manga mu'min.

អាយ៉ាត់: 89

وَزَكَرِيَّآ إِذۡ نَادَىٰ رَبَّهُۥ رَبِّ لَا تَذَرۡنِي فَرۡدٗا وَأَنتَ خَيۡرُ ٱلۡوَٰرِثِينَ

Endu si Zakariya a mindu’a sa kadenan nin sa: kadenan ku di aku pedtagak sa isa ku bu sa dala wata ku endu seka i mapiya gayd a makawaris.

អាយ៉ាត់: 90

فَٱسۡتَجَبۡنَا لَهُۥ وَوَهَبۡنَا لَهُۥ يَحۡيَىٰ وَأَصۡلَحۡنَا لَهُۥ زَوۡجَهُۥٓۚ إِنَّهُمۡ كَانُواْ يُسَٰرِعُونَ فِي ٱلۡخَيۡرَٰتِ وَيَدۡعُونَنَا رَغَبٗا وَرَهَبٗاۖ وَكَانُواْ لَنَا خَٰشِعِينَ

Tinalima nami sa lekanin endu inenggay nami sa lekanin si Yahya endu pinagkapiya nami sa lekanin su kaluma nin ka silan na bamagayasan nilan i manga mapiya endu pedsimban kami nilan sa lilini endu andam (sa siksa) endu silan na manga magilek (sa Allah).

អាយ៉ាត់: 91

وَٱلَّتِيٓ أَحۡصَنَتۡ فَرۡجَهَا فَنَفَخۡنَا فِيهَا مِن رُّوحِنَا وَجَعَلۡنَٰهَا وَٱبۡنَهَآ ءَايَةٗ لِّلۡعَٰلَمِينَ

Endu su silan a manga babay a mapiya i lawas nin (Maryam) na iniyupan nami ebpun sa bagel nami endu binaluy nami sekanin endu su wata nin a tanda siya sa dunya.

អាយ៉ាត់: 92

إِنَّ هَٰذِهِۦٓ أُمَّتُكُمۡ أُمَّةٗ وَٰحِدَةٗ وَأَنَا۠ رَبُّكُمۡ فَٱعۡبُدُونِ

Su niya ba a agama nu a Islam na satiman bu, endu saki bu i Kadenan nu na paka-isa aku nu bu a simban nu.

អាយ៉ាត់: 93

وَتَقَطَّعُوٓاْ أَمۡرَهُم بَيۡنَهُمۡۖ كُلٌّ إِلَيۡنَا رَٰجِعُونَ

Mimbida-bida (Yahudi endu Nasrani) a di mamagayun na umani-isa kanilan na siya bun makawli sa laki.

អាយ៉ាត់: 94

فَمَن يَعۡمَلۡ مِنَ ٱلصَّٰلِحَٰتِ وَهُوَ مُؤۡمِنٞ فَلَا كُفۡرَانَ لِسَعۡيِهِۦ وَإِنَّا لَهُۥ كَٰتِبُونَ

Na entayn i enggalebek kanu manga mapiya a mu'min sekanin na dala makasapal kanu balasin endu sekami (Allah) kanu manga galebekin na ipedsulat nami sa lekanin.

អាយ៉ាត់: 95

وَحَرَٰمٌ عَلَىٰ قَرۡيَةٍ أَهۡلَكۡنَٰهَآ أَنَّهُمۡ لَا يَرۡجِعُونَ

Endu iniharam kanu manga taw a bininasa nami sabap sa kadupang nilan i makambalingan pan silan siya sa dunya.

អាយ៉ាត់: 96

حَتَّىٰٓ إِذَا فُتِحَتۡ يَأۡجُوجُ وَمَأۡجُوجُ وَهُم مِّن كُلِّ حَدَبٖ يَنسِلُونَ

Taman sa amayka inuka (kabukatan) su kalyu nu Ya'juj endu si Ma'juj na mamagayas silan kanu manga bukulud.

អាយ៉ាត់: 97

وَٱقۡتَرَبَ ٱلۡوَعۡدُ ٱلۡحَقُّ فَإِذَا هِيَ شَٰخِصَةٌ أَبۡصَٰرُ ٱلَّذِينَ كَفَرُواْ يَٰوَيۡلَنَا قَدۡ كُنَّا فِي غَفۡلَةٖ مِّنۡ هَٰذَا بَلۡ كُنَّا ظَٰلِمِينَ

Nakasupeg su pasad a haqq, na langun u tudtul na mapayag den kanu manga mata nu kafir su sinupak nilan, (ya nilan bu madtalu) na nabinasa tanu, ka benal a dala sabut tanu sa niya ba kena ka sekitanu na manga kafir tanu.

អាយ៉ាត់: 98

إِنَّكُمۡ وَمَا تَعۡبُدُونَ مِن دُونِ ٱللَّهِ حَصَبُ جَهَنَّمَ أَنتُمۡ لَهَا وَٰرِدُونَ

Sekanu (manga sakutu) endu su manga kadenan nu a salakaw sa Allah na ibpelaleg sa naraka, sekanu i pakadalem kanu naraka.

អាយ៉ាត់: 99

لَوۡ كَانَ هَٰٓؤُلَآءِ ءَالِهَةٗ مَّا وَرَدُوهَاۖ وَكُلّٞ فِيهَا خَٰلِدُونَ

Umana bu ka tidtu a manga kadenan na di silan makaludep (sa naraka) endu langun nilan na da kalyu nin sa naraka.

អាយ៉ាត់: 100

لَهُمۡ فِيهَا زَفِيرٞ وَهُمۡ فِيهَا لَا يَسۡمَعُونَ

Silan sa naraka na belenggak, da makineg nilan (sa katanug na sebu nu apuy).

អាយ៉ាត់: 101

إِنَّ ٱلَّذِينَ سَبَقَتۡ لَهُم مِّنَّا ٱلۡحُسۡنَىٰٓ أُوْلَٰٓئِكَ عَنۡهَا مُبۡعَدُونَ

Benal a silan a manga taw a nawna den sa lekami kapiya nilan na mawatan silan sa naraka.

អាយ៉ាត់: 102

لَا يَسۡمَعُونَ حَسِيسَهَاۖ وَهُمۡ فِي مَا ٱشۡتَهَتۡ أَنفُسُهُمۡ خَٰلِدُونَ

Di nilan makineg i suwara nu naraka endu silan na endaw i kalinyan nu ginawa nilan na gakuwa nilan, tatap silan sa surga.

អាយ៉ាត់: 103

لَا يَحۡزُنُهُمُ ٱلۡفَزَعُ ٱلۡأَكۡبَرُ وَتَتَلَقَّىٰهُمُ ٱلۡمَلَٰٓئِكَةُ هَٰذَا يَوۡمُكُمُ ٱلَّذِي كُنتُمۡ تُوعَدُونَ

Di malidu i ginawa nilan kanu makatekaw a masla (kagubal sa dunya) endu bagalun silan nu manga malaikat sa ya nilan edtalun na: nya den ba su gay a pinagadilan nu (sa makwa nu siya sa surga).

អាយ៉ាត់: 104

يَوۡمَ نَطۡوِي ٱلسَّمَآءَ كَطَيِّ ٱلسِّجِلِّ لِلۡكُتُبِۚ كَمَا بَدَأۡنَآ أَوَّلَ خَلۡقٖ نُّعِيدُهُۥۚ وَعۡدًا عَلَيۡنَآۚ إِنَّا كُنَّا فَٰعِلِينَ

Su gay a lulunen nami su langit sa mana su kalulun sa kaltas sa mana su paganay a kinabaluy nami lun i kambalingan nami lun, pasad sa lekami sa enggalebeken nami.

អាយ៉ាត់: 105

وَلَقَدۡ كَتَبۡنَا فِي ٱلزَّبُورِ مِنۢ بَعۡدِ ٱلذِّكۡرِ أَنَّ ٱلۡأَرۡضَ يَرِثُهَا عِبَادِيَ ٱلصَّٰلِحُونَ

Saben-sabenal a inisulat nami lu kanu manga kitab a nawna (Zabur, Taurat, Injil, endu Qur’an) sa uliyan na lu sa (Lawh Al-Mahfudh), su lupa na ya bun makawaris lun na su manga ulipen ku a salih.

អាយ៉ាត់: 106

إِنَّ فِي هَٰذَا لَبَلَٰغٗا لِّقَوۡمٍ عَٰبِدِينَ

Benal su Qur’an na natabuan gayd a makapa- surga kanu bamedsimba sa Allah.

អាយ៉ាត់: 107

وَمَآ أَرۡسَلۡنَٰكَ إِلَّا رَحۡمَةٗ لِّلۡعَٰلَمِينَ

Da kinasugu nami sa leka (Muhammad) a di kena limu kanu dunya.

អាយ៉ាត់: 108

قُلۡ إِنَّمَا يُوحَىٰٓ إِلَيَّ أَنَّمَآ إِلَٰهُكُمۡ إِلَٰهٞ وَٰحِدٞۖ فَهَلۡ أَنتُم مُّسۡلِمُونَ

Edtalu ka (Muhammad): iniwahi sa laki i Kadenan nu na Kadenan a satimanin bu (Allah) na ngintu sinangkupan nu i namba?

អាយ៉ាត់: 109

فَإِن تَوَلَّوۡاْ فَقُلۡ ءَاذَنتُكُمۡ عَلَىٰ سَوَآءٖۖ وَإِنۡ أَدۡرِيٓ أَقَرِيبٌ أَم بَعِيدٞ مَّا تُوعَدُونَ

Na amayka menda silan (di nilan taliman) na edtalu ka kanilan (Muhammad) i kambunuwa, ka lekanu na sakalebu sa laki endu diku katawan u masupeg atawa mawatan pan su siksa sa lekanu.

អាយ៉ាត់: 110

إِنَّهُۥ يَعۡلَمُ ٱلۡجَهۡرَ مِنَ ٱلۡقَوۡلِ وَيَعۡلَمُ مَا تَكۡتُمُونَ

Su Allah i mataw sa mapayag a kadtalu, endu katawanin pan su ibagema nu.

អាយ៉ាត់: 111

وَإِنۡ أَدۡرِي لَعَلَّهُۥ فِتۡنَةٞ لَّكُمۡ وَمَتَٰعٌ إِلَىٰ حِينٖ

Di ku katawan, basi tyuba sa lekanu endu gagalu a kapenanam-nanam (sa dunya).

អាយ៉ាត់: 112

قَٰلَ رَبِّ ٱحۡكُم بِٱلۡحَقِّۗ وَرَبُّنَا ٱلرَّحۡمَٰنُ ٱلۡمُسۡتَعَانُ عَلَىٰ مَا تَصِفُونَ

Edtalu ka (Muhammad): Kadenan ku kukum ka (su pagelatan nami) sa haqq, endu Kadenan nami a malimu na papedtabang kami kanu kadtalu nilan (sa aden kaluma endu wata nu Allah) sa papendalebuten aku nilan.