অর্থসমূহের অনুবাদ সূরা সূরা আল-আম্বিয়া - الترجمة الفلبينية المجندناوية - আল-কুরআনুল কারীম বিশ্বকোষ

Al-Anbiya (Su mga Nabi)

আয়াত: 1

ٱقۡتَرَبَ لِلنَّاسِ حِسَابُهُمۡ وَهُمۡ فِي غَفۡلَةٖ مُّعۡرِضُونَ

Pedsiken den kanu mga taw su gay a mauli, na silan na dala gatago sa ginawa nilan sa ingat nilan, pedtaligkudan nilan.

আয়াত: 2

مَا يَأۡتِيهِم مِّن ذِكۡرٖ مِّن رَّبِّهِم مُّحۡدَثٍ إِلَّا ٱسۡتَمَعُوهُ وَهُمۡ يَلۡعَبُونَ

Guna makauma kanilan su Qur-an abpun kanu Allah, na pakikinegen nilan sa bagongaten nilan, andu silan na endadalmet bu.

আয়াত: 3

لَاهِيَةٗ قُلُوبُهُمۡۗ وَأَسَرُّواْ ٱلنَّجۡوَى ٱلَّذِينَ ظَلَمُواْ هَلۡ هَٰذَآ إِلَّا بَشَرٞ مِّثۡلُكُمۡۖ أَفَتَأۡتُونَ ٱلسِّحۡرَ وَأَنتُمۡ تُبۡصِرُونَ

Untengaw i mga atay nilan,andu mamagedunga silan kanu mga kafir, sa dala bun inan (si Muhammad) ka manusya a pagidsan tanu bun, nginan unutan nu i sih'r a katawanu bun i sih'r?

আয়াত: 4

قَالَ رَبِّي يَعۡلَمُ ٱلۡقَوۡلَ فِي ٱلسَّمَآءِ وَٱلۡأَرۡضِۖ وَهُوَ ٱلسَّمِيعُ ٱلۡعَلِيمُ

Tigu (Muhammad) kadnan ku su kadtalu siya sa langit andu siya sa lupa,andu sekanin a pakakineg a mataw.

আয়াত: 5

بَلۡ قَالُوٓاْ أَضۡغَٰثُ أَحۡلَٰمِۭ بَلِ ٱفۡتَرَىٰهُ بَلۡ هُوَ شَاعِرٞ فَلۡيَأۡتِنَا بِـَٔايَةٖ كَمَآ أُرۡسِلَ ٱلۡأَوَّلُونَ

Ugayda pidtalu nilan (namba Qur-an anan) na nakadsisimbul a taginepen, atawa inidtebu nin, atawa baayok, i sya nin i tandanin sa mana su nangawna a sinugo.

আয়াত: 6

مَآ ءَامَنَتۡ قَبۡلَهُم مِّن قَرۡيَةٍ أَهۡلَكۡنَٰهَآۖ أَفَهُمۡ يُؤۡمِنُونَ

Dala bun kanu nangawna a mga taw, kanu dalpa a nakailay sa tanda a bininasa nami, ka di bun silan mangimbenal.

আয়াত: 7

وَمَآ أَرۡسَلۡنَا قَبۡلَكَ إِلَّا رِجَالٗا نُّوحِيٓ إِلَيۡهِمۡۖ فَسۡـَٔلُوٓاْ أَهۡلَ ٱلذِّكۡرِ إِن كُنتُمۡ لَا تَعۡلَمُونَ

Andu dala sinugu nami a nauna salka (Muhammad) ya tabiya na mga mama a pe- wahyan nami silan, idsay nu su taw a mataw, kanu dinu katawan.

আয়াত: 8

وَمَا جَعَلۡنَٰهُمۡ جَسَدٗا لَّا يَأۡكُلُونَ ٱلطَّعَامَ وَمَا كَانُواْ خَٰلِدِينَ

Andu dala nami baluya silan (su sinugo) sa pagelin lawas a di keman sa pegken, andu dala kanilan i di matay silan.

আয়াত: 9

ثُمَّ صَدَقۡنَٰهُمُ ٱلۡوَعۡدَ فَأَنجَيۡنَٰهُمۡ وَمَن نَّشَآءُ وَأَهۡلَكۡنَا ٱلۡمُسۡرِفِينَ

Mauli na tinuman nami kanilan su pasad (tioba) na linepasami silan andu su nag- kahanda nami, na bininasa nami menem su napan-dalbut.

আয়াত: 10

لَقَدۡ أَنزَلۡنَآ إِلَيۡكُمۡ كِتَٰبٗا فِيهِ ذِكۡرُكُمۡۚ أَفَلَا تَعۡقِلُونَ

10 .Saben-sabenal a pinatulon nami salkanu (Qur- an) sa nakadalem lun su makag-kapiya salkanu, na ngintu ka di kanu magungangen?

আয়াত: 11

وَكَمۡ قَصَمۡنَا مِن قَرۡيَةٖ كَانَتۡ ظَالِمَةٗ وَأَنشَأۡنَا بَعۡدَهَا قَوۡمًا ءَاخَرِينَ

Andu madakel i dalpa a bininasa nami sa dupang, andu mauli na pinambuwat nami i mga taw a salakaw kanilan.

আয়াত: 12

فَلَمَّآ أَحَسُّواْ بَأۡسَنَآ إِذَا هُم مِّنۡهَا يَرۡكُضُونَ

Guna nilan madsagipa su tiyuba nami (pakauma den) na balalagoy silan.

আয়াত: 13

لَا تَرۡكُضُواْ وَٱرۡجِعُوٓاْ إِلَىٰ مَآ أُتۡرِفۡتُمۡ فِيهِ وَمَسَٰكِنِكُمۡ لَعَلَّكُمۡ تُسۡـَٔلُونَ

(tig nu Malaa-ikah) da kanu balalagoy, zalumani nu bun su kananam nu sa (mapiya) andu su pegkalbenanu, ka basi kaidsang kanu.

আয়াত: 14

قَالُواْ يَٰوَيۡلَنَآ إِنَّا كُنَّا ظَٰلِمِينَ

Ya nilan nadtalu na nabinasa tanu sabap sa kafir tanu.

আয়াত: 15

فَمَا زَالَت تِّلۡكَ دَعۡوَىٰهُمۡ حَتَّىٰ جَعَلۡنَٰهُمۡ حَصِيدًا خَٰمِدِينَ

Di den gapinda into ba a kadtalu nilan, taman sa binaloy nami silan sa mana den pinagagani a minatay.

আয়াত: 16

وَمَا خَلَقۡنَا ٱلسَّمَآءَ وَٱلۡأَرۡضَ وَمَا بَيۡنَهُمَا لَٰعِبِينَ

Dikena ya nami kinabinaloy sa langit andu lupa i dala kataganin, ugayda tanda a kapegkagaga nu Allah.

আয়াত: 17

لَوۡ أَرَدۡنَآ أَن نَّتَّخِذَ لَهۡوٗا لَّٱتَّخَذۡنَٰهُ مِن لَّدُنَّآ إِن كُنَّا فَٰعِلِينَ

U pigkahanda nami I kadsimpang sa kaluma atawa mga wata- naya nami binaloy, na sya bun salkami o pinggalbek nami, uged na da nami enggalbeka.

আয়াত: 18

بَلۡ نَقۡذِفُ بِٱلۡحَقِّ عَلَى ٱلۡبَٰطِلِ فَيَدۡمَغُهُۥ فَإِذَا هُوَ زَاهِقٞۚ وَلَكُمُ ٱلۡوَيۡلُ مِمَّا تَصِفُونَ

Uged na tabangan nami su bantang kanu baatil, na maponasin, na mailing su baatil, andu lekanu a mga kafir i naraka (sabap) kanu kadtalunu. (aden kaluma-watanu Allah)

আয়াত: 19

وَلَهُۥ مَن فِي ٱلسَّمَٰوَٰتِ وَٱلۡأَرۡضِۚ وَمَنۡ عِندَهُۥ لَا يَسۡتَكۡبِرُونَ عَنۡ عِبَادَتِهِۦ وَلَا يَسۡتَحۡسِرُونَ

Andu kanu Allah su dalem nu mga langit andu su lupa, andu su Malaa-ikat na di silan pemamasla sa simba nilan sa Allah,andu di silan gasemu na di galugat.

আয়াত: 20

يُسَبِّحُونَ ٱلَّيۡلَ وَٱلنَّهَارَ لَا يَفۡتُرُونَ

Di gapinda i tasbih nilan sa magabi-malmag.

আয়াত: 21

أَمِ ٱتَّخَذُوٓاْ ءَالِهَةٗ مِّنَ ٱلۡأَرۡضِ هُمۡ يُنشِرُونَ

,Atawa minumbal bun silan sa mga kadnan sya sa lupa a mga watu, mga ka yu, a di maka- pambibyag sa minatay?

আয়াত: 22

لَوۡ كَانَ فِيهِمَآ ءَالِهَةٌ إِلَّا ٱللَّهُ لَفَسَدَتَاۚ فَسُبۡحَٰنَ ٱللَّهِ رَبِّ ٱلۡعَرۡشِ عَمَّا يَصِفُونَ

U naduwa timan bu i kadnan- atawa aden bu mga kadnan a salakaw sa Allah na nabinasa su dunya, maha-sutie su Allah a kadnanu Ar'sh, kanu langunu kadtalunu mga Mushrik

আয়াত: 23

لَا يُسۡـَٔلُ عَمَّا يَفۡعَلُ وَهُمۡ يُسۡـَٔلُونَ

23 .Di kaidsan (su Allah) sa galbekin, silan (a inaden) i kaidsan kanu mga galbekilan.

আয়াত: 24

أَمِ ٱتَّخَذُواْ مِن دُونِهِۦٓ ءَالِهَةٗۖ قُلۡ هَاتُواْ بُرۡهَٰنَكُمۡۖ هَٰذَا ذِكۡرُ مَن مَّعِيَ وَذِكۡرُ مَن قَبۡلِيۚ بَلۡ أَكۡثَرُهُمۡ لَا يَعۡلَمُونَ ٱلۡحَقَّۖ فَهُم مُّعۡرِضُونَ

Kena ba minumbal silan sa salakaw sa Allah a mga kadnan? edtaluka (Muhammad) kanilan i pambuat nu i tindegou, ka nan su Qur-an a tindeg nami andu su nangawna salaki, ugayda ya madakel kanilan i mataw sa haqq, na pembalawagan nilan su haqq.

আয়াত: 25

وَمَآ أَرۡسَلۡنَا مِن قَبۡلِكَ مِن رَّسُولٍ إِلَّا نُوحِيٓ إِلَيۡهِ أَنَّهُۥ لَآ إِلَٰهَ إِلَّآ أَنَا۠ فَٱعۡبُدُونِ

Andu dala sinugu nami a nawna salka (Muhammad) a sinugu. Ya tabiya na ipe-wahyie nami salkanin i dala kadnan a wagib a pedsimban ya tabiya na saki, na simbaaku nu sa pakaisa-isa nubo a kadnan.

আয়াত: 26

وَقَالُواْ ٱتَّخَذَ ٱلرَّحۡمَٰنُ وَلَدٗاۗ سُبۡحَٰنَهُۥۚ بَلۡ عِبَادٞ مُّكۡرَمُونَ

Andu pidatlu nilan i namaluli su Allah sa wata, mahasutie su Allah, su mga Malaa-ikat na mga ulipenin a mga mapulu.

আয়াত: 27

لَا يَسۡبِقُونَهُۥ بِٱلۡقَوۡلِ وَهُم بِأَمۡرِهِۦ يَعۡمَلُونَ

Andu di silan kaunanan a kadtalu, andu silan nandaw i sugowan kanilan na peng-galbeken nilan.

আয়াত: 28

يَعۡلَمُ مَا بَيۡنَ أَيۡدِيهِمۡ وَمَا خَلۡفَهُمۡ وَلَا يَشۡفَعُونَ إِلَّا لِمَنِ ٱرۡتَضَىٰ وَهُم مِّنۡ خَشۡيَتِهِۦ مُشۡفِقُونَ

Katawan nu Allah su galbekilan, andu su danilan pan mang-galbek, andu di silan maka-safaat-ya tabiya na su sinugotanin, andu silan na su gilkilan sa Allah na di gadala kanilan i geda- geda.

আয়াত: 29

۞ وَمَن يَقُلۡ مِنۡهُمۡ إِنِّيٓ إِلَٰهٞ مِّن دُونِهِۦ فَذَٰلِكَ نَجۡزِيهِ جَهَنَّمَۚ كَذَٰلِكَ نَجۡزِي ٱلظَّٰلِمِينَ

Entaini makadtalo kanilan sa saki na kadnan aku a salakaw sa Allah na balasan nami sa naraka Jahannam, mamba i kabalas kanu mga taw a talimboten.

আয়াত: 30

أَوَلَمۡ يَرَ ٱلَّذِينَ كَفَرُوٓاْ أَنَّ ٱلسَّمَٰوَٰتِ وَٱلۡأَرۡضَ كَانَتَا رَتۡقٗا فَفَتَقۡنَٰهُمَاۖ وَجَعَلۡنَا مِنَ ٱلۡمَآءِ كُلَّ شَيۡءٍ حَيٍّۚ أَفَلَا يُؤۡمِنُونَ

Ngintu di gailainu mga kafir atwa da nilan katawi su mga langit andu su lupa sa pagaanay na dala makbpitas-na pinabpitas nami? andu binaloy nami ebpon sa ig sa nauyag i langona enggaga-isa, na di silan mangimbenal.

আয়াত: 31

وَجَعَلۡنَا فِي ٱلۡأَرۡضِ رَوَٰسِيَ أَن تَمِيدَ بِهِمۡ وَجَعَلۡنَا فِيهَا فِجَاجٗا سُبُلٗا لَّعَلَّهُمۡ يَهۡتَدُونَ

Andu binaloy nami sya sa lupa i mga palaw a pakatigel kanilan sa di kang-gagalbeku lupa, andu binaloy nami i kaukitan na mga lalan, ka malmu lemo kanilan i maka-tuntol silan kanu kahanda nilan.

আয়াত: 32

وَجَعَلۡنَا ٱلسَّمَآءَ سَقۡفٗا مَّحۡفُوظٗاۖ وَهُمۡ عَنۡ ءَايَٰتِهَا مُعۡرِضُونَ

Andu binaloy name(su Allah) su langit a nakatep sa di makabetad sa lupa, andu silan (a kafir) na su mga tanda nami na dinilan pedsulimanen.

আয়াত: 33

وَهُوَ ٱلَّذِي خَلَقَ ٱلَّيۡلَ وَٱلنَّهَارَ وَٱلشَّمۡسَ وَٱلۡقَمَرَۖ كُلّٞ فِي فَلَكٖ يَسۡبَحُونَ

Tuwantu na su Allah i minaloy sa magabi andu malmag, andu senang andu ulan ulan, umani-isa na bagukit sa lalanin.

আয়াত: 34

وَمَا جَعَلۡنَا لِبَشَرٖ مِّن قَبۡلِكَ ٱلۡخُلۡدَۖ أَفَإِيْن مِّتَّ فَهُمُ ٱلۡخَٰلِدُونَ

Dala binaloy nami a manusya a nauna salka (Muhammad) a di matay, na matay ka bun-na silan pan i di matay?!

আয়াত: 35

كُلُّ نَفۡسٖ ذَآئِقَةُ ٱلۡمَوۡتِۗ وَنَبۡلُوكُم بِٱلشَّرِّ وَٱلۡخَيۡرِ فِتۡنَةٗۖ وَإِلَيۡنَا تُرۡجَعُونَ

Langona barangyawa na makananam sa kapatay, andu pembataun nami sekanu sa mapasang andu mapiya (sya sa dunya) andu siya kanu bun makambalingan salaki.

আয়াত: 36

وَإِذَا رَءَاكَ ٱلَّذِينَ كَفَرُوٓاْ إِن يَتَّخِذُونَكَ إِلَّا هُزُوًا أَهَٰذَا ٱلَّذِي يَذۡكُرُ ءَالِهَتَكُمۡ وَهُم بِذِكۡرِ ٱلرَّحۡمَٰنِ هُمۡ كَٰفِرُونَ

Amayka nailay ka (Muhammad) nu mga kafir- na dala pakaidan nilan salka- ya tabiya na pagumpakeng kanilan, sa yanilan edtalun na: nambesemba i mama anan a pedtakudi sa kadnan nu? andu silan na kanu kalabit kanu Allah na gafir(nalipatanan) silan.

আয়াত: 37

خُلِقَ ٱلۡإِنسَٰنُ مِنۡ عَجَلٖۚ سَأُوْرِيكُمۡ ءَايَٰتِي فَلَا تَسۡتَعۡجِلُونِ

Binaloy su manusiya sa masasaw, na ipailay ku salkanu su mga tanda ku, na dakanu pedsasaw.

আয়াত: 38

وَيَقُولُونَ مَتَىٰ هَٰذَا ٱلۡوَعۡدُ إِن كُنتُمۡ صَٰدِقِينَ

Andu pedtalon nilan: na kanu i kauma na pasad a siksa amayka benal kanu a mga sinugo?

আয়াত: 39

لَوۡ يَعۡلَمُ ٱلَّذِينَ كَفَرُواْ حِينَ لَا يَكُفُّونَ عَن وُجُوهِهِمُ ٱلنَّارَ وَلَا عَن ظُهُورِهِمۡ وَلَا هُمۡ يُنصَرُونَ

U katawanu mga kafir bu su kutika a di kalapisan su benengilan kanu naraka andu su mga bigkubungilan andu di silan katabangan na- di nilan madtalu.

আয়াত: 40

بَلۡ تَأۡتِيهِم بَغۡتَةٗ فَتَبۡهَتُهُمۡ فَلَا يَسۡتَطِيعُونَ رَدَّهَا وَلَا هُمۡ يُنظَرُونَ

Ugayda makauma kanilan sa matekao-a maka- bengang kanilan, na di nilan magaga temolak, andu dala kanilan i makakisu i waqtu nin.

আয়াত: 41

وَلَقَدِ ٱسۡتُهۡزِئَ بِرُسُلٖ مِّن قَبۡلِكَ فَحَاقَ بِٱلَّذِينَ سَخِرُواْ مِنۡهُم مَّا كَانُواْ بِهِۦ يَسۡتَهۡزِءُونَ

Saben-sabenal a pina-gumpak nilan bun su mga sinugo a nauna salka, na nakadadzang kanu mga taw a bangungat su siksa nu kab- pagungat nilan kanu mga sinugu nu Allah.

আয়াত: 42

قُلۡ مَن يَكۡلَؤُكُم بِٱلَّيۡلِ وَٱلنَّهَارِ مِنَ ٱلرَّحۡمَٰنِۚ بَلۡ هُمۡ عَن ذِكۡرِ رَبِّهِم مُّعۡرِضُونَ

Edtaluka (Muhammad) kanilan o entayn i tumuldo salkanu kanu magabi andu malmag amayka makatulon su siksa nu Allah? dala kanilan i tadem kanu Allah.

আয়াত: 43

أَمۡ لَهُمۡ ءَالِهَةٞ تَمۡنَعُهُم مِّن دُونِنَاۚ لَا يَسۡتَطِيعُونَ نَصۡرَ أَنفُسِهِمۡ وَلَا هُم مِّنَّا يُصۡحَبُونَ

Atawa su mga kadnan nilan i makatabang kanilan a salakaw salkami, di magaganu mga barahala i kataabangilan sa ginawa nilan, andu dala makatuldo kanilan a makabpun salkami.

আয়াত: 44

بَلۡ مَتَّعۡنَا هَٰٓؤُلَآءِ وَءَابَآءَهُمۡ حَتَّىٰ طَالَ عَلَيۡهِمُ ٱلۡعُمُرُۗ أَفَلَا يَرَوۡنَ أَنَّا نَأۡتِي ٱلۡأَرۡضَ نَنقُصُهَا مِنۡ أَطۡرَافِهَآۚ أَفَهُمُ ٱلۡغَٰلِبُونَ

Ugayd na ini-kalimo nami silan andu su mga lukes nilan, taman sa migkalandu su umor nilan, na dinilan gailay i pegkulangan nami su dulunan o mga lupa (a peg-kamalan nilan) na silan pa basi i pakatu. (pakagaga)?!

আয়াত: 45

قُلۡ إِنَّمَآ أُنذِرُكُم بِٱلۡوَحۡيِۚ وَلَا يَسۡمَعُ ٱلصُّمُّ ٱلدُّعَآءَ إِذَا مَا يُنذَرُونَ

Edtaluka (Muhammad) i niya ku ibangindaw na wahie, and di makakineg su bisu sa enggaten, amayka enggaten silan.

আয়াত: 46

وَلَئِن مَّسَّتۡهُمۡ نَفۡحَةٞ مِّنۡ عَذَابِ رَبِّكَ لَيَقُولُنَّ يَٰوَيۡلَنَآ إِنَّا كُنَّا ظَٰلِمِينَ

Amayka nakauma sa kanilan i paydu gayd kanu siksa nu kadnan nengka, na yanilan edtalun na nabinasa tanu sa kinag-kafir tanu.

আয়াত: 47

وَنَضَعُ ٱلۡمَوَٰزِينَ ٱلۡقِسۡطَ لِيَوۡمِ ٱلۡقِيَٰمَةِ فَلَا تُظۡلَمُ نَفۡسٞ شَيۡـٔٗاۖ وَإِن كَانَ مِثۡقَالَ حَبَّةٖ مِّنۡ خَرۡدَلٍ أَتَيۡنَا بِهَاۗ وَكَفَىٰ بِنَا حَٰسِبِينَ

Andu ibetad nami su timbangan a bantang sa gay a mawli na dala madtalimbut apiya sakataw apiya paydu, apiyan ngin den i kanutin apiya mana bu lagas a manot na makambuat nami bun, ka mapiya i kadtimbang nami.

আয়াত: 48

وَلَقَدۡ ءَاتَيۡنَا مُوسَىٰ وَهَٰرُونَ ٱلۡفُرۡقَانَ وَضِيَآءٗ وَذِكۡرٗا لِّلۡمُتَّقِينَ

Saben-sabenal a inenggay nami kani Moosa andu si Haroon su kitab (taurat) andu tutulo andu indawan kanu mga magilek sa Allah.

আয়াত: 49

ٱلَّذِينَ يَخۡشَوۡنَ رَبَّهُم بِٱلۡغَيۡبِ وَهُم مِّنَ ٱلسَّاعَةِ مُشۡفِقُونَ

Silan a mga taw na kagilekan sa kadnan nilan sa gayb, andu silan na su gay a mauli na bangandamen nilan.

আয়াত: 50

وَهَٰذَا ذِكۡرٞ مُّبَارَكٌ أَنزَلۡنَٰهُۚ أَفَأَنتُمۡ لَهُۥ مُنكِرُونَ

Andu namba a indawan a barakat, initulon nami, na nginto ka sekanu bun i mungkir lon?.

আয়াত: 51

۞ وَلَقَدۡ ءَاتَيۡنَآ إِبۡرَٰهِيمَ رُشۡدَهُۥ مِن قَبۡلُ وَكُنَّا بِهِۦ عَٰلِمِينَ

Andu inenggay nami kani Ibrahem su tutulu sa dapan mabalig, andu katawan nami i nakadait salkanin.

আয়াত: 52

إِذۡ قَالَ لِأَبِيهِ وَقَوۡمِهِۦ مَا هَٰذِهِ ٱلتَّمَاثِيلُ ٱلَّتِيٓ أَنتُمۡ لَهَا عَٰكِفُونَ

Andu pidtalunu Ibrahim kani ama nin andu su mga taw nin: ngini niya ba mga barahala a niya a pedtakenanu?. (pedsimbanu)

আয়াত: 53

قَالُواْ وَجَدۡنَآ ءَابَآءَنَا لَهَا عَٰبِدِينَ

Tigilan nailingan nami kanu mga kalukesan nami a pedsimban nilan.

আয়াত: 54

قَالَ لَقَدۡ كُنتُمۡ أَنتُمۡ وَءَابَآؤُكُمۡ فِي ضَلَٰلٖ مُّبِينٖ

Tignu Ibrahim: saben-sabenal a sekanu andu su mga lukes nu na natading silan sa mapayag.

আয়াত: 55

قَالُوٓاْ أَجِئۡتَنَا بِٱلۡحَقِّ أَمۡ أَنتَ مِنَ ٱللَّٰعِبِينَ

Tigilan: aden nait nengka a bantang (a agama)? atawa ka pendalmet ka bo?

আয়াত: 56

قَالَ بَل رَّبُّكُمۡ رَبُّ ٱلسَّمَٰوَٰتِ وَٱلۡأَرۡضِ ٱلَّذِي فَطَرَهُنَّ وَأَنَا۠ عَلَىٰ ذَٰلِكُم مِّنَ ٱلشَّٰهِدِينَ

Tignu Ibrahem kadnan nu na su kadnanu mga langit andu su lupa, antuba i minaluy lun, andu kuyog aku kanu midsaksi.

আয়াত: 57

وَتَٱللَّهِ لَأَكِيدَنَّ أَصۡنَٰمَكُم بَعۡدَ أَن تُوَلُّواْ مُدۡبِرِينَ

Ibet sa Allah na pamakaidanan ku i mga barahala nu anan sa ulyana kataligkudo sa kaulinu.

আয়াত: 58

فَجَعَلَهُمۡ جُذَٰذًا إِلَّا كَبِيرٗا لَّهُمۡ لَعَلَّهُمۡ إِلَيۡهِ يَرۡجِعُونَ

Ya pinakidan nu Ibrahem kanu mga barahala na linupetin ya tabiya na su masla nin (i danin lupeta) ka andu nilan mailay, (inipasalanin i piku kanu masla a barahala)

আয়াত: 59

قَالُواْ مَن فَعَلَ هَٰذَا بِـَٔالِهَتِنَآ إِنَّهُۥ لَمِنَ ٱلظَّٰلِمِينَ

Yanilan nadtalu na entayn i namakid sa mga kadnan nami a nya? entuba a taw (linemupetun) na nakasagadi kadupangin.

আয়াত: 60

قَالُواْ سَمِعۡنَا فَتٗى يَذۡكُرُهُمۡ يُقَالُ لَهُۥٓ إِبۡرَٰهِيمُ

Tigu madakel: nakinegami i baguwata a baguway-way lun, sa yanin kun ngala na bedtun sa Ibrahem.

আয়াত: 61

قَالُواْ فَأۡتُواْ بِهِۦ عَلَىٰٓ أَعۡيُنِ ٱلنَّاسِ لَعَلَّهُمۡ يَشۡهَدُونَ

Tigilan: pasyanu, ka andu mailay nu mga taw, ka andu silan makad-saksi sa sekanin ba i namakid kanu mga kadnan.

আয়াত: 62

قَالُوٓاْ ءَأَنتَ فَعَلۡتَ هَٰذَا بِـَٔالِهَتِنَا يَٰٓإِبۡرَٰهِيمُ

Tigilan: seka ba i namakaid sa mga kadnan nami a nya o Ibrahem?

আয়াত: 63

قَالَ بَلۡ فَعَلَهُۥ كَبِيرُهُمۡ هَٰذَا فَسۡـَٔلُوهُمۡ إِن كَانُواْ يَنطِقُونَ

Tignu Ibrahem: namba i namungkid na masla nilan anan, idsay nu banan amayka makadtalu?

আয়াত: 64

فَرَجَعُوٓاْ إِلَىٰٓ أَنفُسِهِمۡ فَقَالُوٓاْ إِنَّكُمۡ أَنتُمُ ٱلظَّٰلِمُونَ

Yanilan nambalinganan su ginawa nilan, yanilan nadtalu na sekanu bun i mga dupang.

আয়াত: 65

ثُمَّ نُكِسُواْ عَلَىٰ رُءُوسِهِمۡ لَقَدۡ عَلِمۡتَ مَا هَٰٓؤُلَآءِ يَنطِقُونَ

Mauli na sinemangul silan sa kabpalawa, tigilan: saben-sabenal a natawan nengka bun (Ibrahem) i di makadtalu i kadnan nami.

আয়াত: 66

قَالَ أَفَتَعۡبُدُونَ مِن دُونِ ٱللَّهِ مَا لَا يَنفَعُكُمۡ شَيۡـٔٗا وَلَا يَضُرُّكُمۡ

Tignu Ibrahem: nanduken ka pedsimbanu i salakaw sa Allah a da kataganin salkanu? dikanu nin kagkaidan.

আয়াত: 67

أُفّٖ لَّكُمۡ وَلِمَا تَعۡبُدُونَ مِن دُونِ ٱللَّهِۚ أَفَلَا تَعۡقِلُونَ

Ngin den a kaledsik i lekanu, andu pedsimbanu anan a salakaw sa Allah, dikanu paka-pagitung?

আয়াত: 68

قَالُواْ حَرِّقُوهُ وَٱنصُرُوٓاْ ءَالِهَتَكُمۡ إِن كُنتُمۡ فَٰعِلِينَ

Tigilan: tutung nu ( si Ibrahem) andu tabanginu su mga kadnanu amayka enggalbekenu i katabangu lun.

আয়াত: 69

قُلۡنَا يَٰنَارُ كُونِي بَرۡدٗا وَسَلَٰمًا عَلَىٰٓ إِبۡرَٰهِيمَ

(tigu Allah) Pidtalu nami kanu apoy egka-tenggaw ka,andu lepas ka si Ibrahem.

আয়াত: 70

وَأَرَادُواْ بِهِۦ كَيۡدٗا فَجَعَلۡنَٰهُمُ ٱلۡأَخۡسَرِينَ

Pegkiyugan nilan pembinasa, na binaloy nami silan i nangalugi.

আয়াত: 71

وَنَجَّيۡنَٰهُ وَلُوطًا إِلَى ٱلۡأَرۡضِ ٱلَّتِي بَٰرَكۡنَا فِيهَا لِلۡعَٰلَمِينَ

Linepas nami (si Ibrahem) andu si Lut lukanu dalpa a barakat kanu dunya.

আয়াত: 72

وَوَهَبۡنَا لَهُۥٓ إِسۡحَٰقَ وَيَعۡقُوبَ نَافِلَةٗۖ وَكُلّٗا جَعَلۡنَا صَٰلِحِينَ

Andu inenggay nami salkanin si Ishaq andu si Ya'cob a buwang o pinangeni nin, andu silan na binaloy nami a mga salih.

আয়াত: 73

وَجَعَلۡنَٰهُمۡ أَئِمَّةٗ يَهۡدُونَ بِأَمۡرِنَا وَأَوۡحَيۡنَآ إِلَيۡهِمۡ فِعۡلَ ٱلۡخَيۡرَٰتِ وَإِقَامَ ٱلصَّلَوٰةِ وَإِيتَآءَ ٱلزَّكَوٰةِۖ وَكَانُواْ لَنَا عَٰبِدِينَ

Andu binaloy nami silan a kangaunutan a tumutulo kanu kasuguwan nami, andu su wahie nami kanilan sa kanggalbek sa mapiya, andu katunay sa sambayang andu kanggay sa Zakat, andu sekami i pedsimban nilan.

আয়াত: 74

وَلُوطًا ءَاتَيۡنَٰهُ حُكۡمٗا وَعِلۡمٗا وَنَجَّيۡنَٰهُ مِنَ ٱلۡقَرۡيَةِ ٱلَّتِي كَانَت تَّعۡمَلُ ٱلۡخَبَٰٓئِثَۚ إِنَّهُمۡ كَانُواْ قَوۡمَ سَوۡءٖ فَٰسِقِينَ

Su Lutt- inenggan nami sa hukuman andu kataw, andu linepas nami kanu dalpa santuba ada dalpa na penggalbek i taw nin sa maledsik, silan a mga taw na sagad i kaledsikin, benal a mga taw a nakalyu silan sa inugot sa Allah.

আয়াত: 75

وَأَدۡخَلۡنَٰهُ فِي رَحۡمَتِنَآۖ إِنَّهُۥ مِنَ ٱلصَّٰلِحِينَ

Pinaludep nami (si Lot) kanu limu nami, ka sekanina kuyog kanu mga taw a salih((mga mapya).

আয়াত: 76

وَنُوحًا إِذۡ نَادَىٰ مِن قَبۡلُ فَٱسۡتَجَبۡنَا لَهُۥ فَنَجَّيۡنَٰهُ وَأَهۡلَهُۥ مِنَ ٱلۡكَرۡبِ ٱلۡعَظِيمِ

Andu su Nuoh, tinawagin su kadnanin kanu nawna a timpo, na tinalima nami sekanin andu su pamilya nin kanu lidu na ginawa nilan a masla.

আয়াত: 77

وَنَصَرۡنَٰهُ مِنَ ٱلۡقَوۡمِ ٱلَّذِينَ كَذَّبُواْ بِـَٔايَٰتِنَآۚ إِنَّهُمۡ كَانُواْ قَوۡمَ سَوۡءٖ فَأَغۡرَقۡنَٰهُمۡ أَجۡمَعِينَ

Tinabangan nami sekanin kanu mga taw a napandalbut kanu mga ayatan nami, ka mawag into a mga taw, na pinageled nami silan langun. (kanu degan a masla).

আয়াত: 78

وَدَاوُۥدَ وَسُلَيۡمَٰنَ إِذۡ يَحۡكُمَانِ فِي ٱلۡحَرۡثِ إِذۡ نَفَشَتۡ فِيهِ غَنَمُ ٱلۡقَوۡمِ وَكُنَّا لِحُكۡمِهِمۡ شَٰهِدِينَ

Labit ka si Daud andu si Sulaiman, kina- kukum nilan kanu pamulan andu su kambing, sa tinadtabu kambing su pamulan, andu kadsaksiyan nami su hukuman nilan duwa.

আয়াত: 79

فَفَهَّمۡنَٰهَا سُلَيۡمَٰنَۚ وَكُلًّا ءَاتَيۡنَا حُكۡمٗا وَعِلۡمٗاۚ وَسَخَّرۡنَا مَعَ دَاوُۥدَ ٱلۡجِبَالَ يُسَبِّحۡنَ وَٱلطَّيۡرَۚ وَكُنَّا فَٰعِلِينَ

Pinasabutan nami si Sulaiman (sa Hukuman) andu umani-isa kanilan na inenggan nami sa hukuman andu kataw, andu pinandayan nami kanu Daud su palaw a bagamung ped-tasbih, maytu bun su papanuk, sekami a (Allah) i ming-galbek santuba.

আয়াত: 80

وَعَلَّمۡنَٰهُ صَنۡعَةَ لَبُوسٖ لَّكُمۡ لِتُحۡصِنَكُم مِّنۢ بَأۡسِكُمۡۖ فَهَلۡ أَنتُمۡ شَٰكِرُونَ

Pinakatawan nami kanu Daud i ka-umbal sa balegkas sa kambunua (kelong) sa maka-alaw sa perang, na wagib i kadsukur sa Allah.

আয়াত: 81

وَلِسُلَيۡمَٰنَ ٱلرِّيحَ عَاصِفَةٗ تَجۡرِي بِأَمۡرِهِۦٓ إِلَى ٱلۡأَرۡضِ ٱلَّتِي بَٰرَكۡنَا فِيهَاۚ وَكُنَّا بِكُلِّ شَيۡءٍ عَٰلِمِينَ

Kanu Sulaiman i sambel a mabagel sa balalagoy sa susuwanin lukanu lupa a pinam-barakatin (lusa Sham) andu sekami (Allah) kanu langunu enggaga-isa na katawan nami.

আয়াত: 82

وَمِنَ ٱلشَّيَٰطِينِ مَن يَغُوصُونَ لَهُۥ وَيَعۡمَلُونَ عَمَلٗا دُونَ ذَٰلِكَۖ وَكُنَّا لَهُمۡ حَٰفِظِينَ

Ped kanu shaytan i paped-senebenin sa lagat, andu aden pan salakaw a galbekan, andu pedtuldun nami silan.

আয়াত: 83

۞ وَأَيُّوبَ إِذۡ نَادَىٰ رَبَّهُۥٓ أَنِّي مَسَّنِيَ ٱلضُّرُّ وَأَنتَ أَرۡحَمُ ٱلرَّٰحِمِينَ

Ando su Ayyub kanu kinan-dua nin, kadnan ku nasugata ku na pakag-kaid, andu seka i muna a malimo kanu langunu malimo.

আয়াত: 84

فَٱسۡتَجَبۡنَا لَهُۥ فَكَشَفۡنَا مَا بِهِۦ مِن ضُرّٖۖ وَءَاتَيۡنَٰهُ أَهۡلَهُۥ وَمِثۡلَهُم مَّعَهُمۡ رَحۡمَةٗ مِّنۡ عِندِنَا وَذِكۡرَىٰ لِلۡعَٰبِدِينَ

Tinalima nami salkanin, sa inawa nami salkanin su pakagkaid, andu inuyagami salkanin su mga wata nin andu aden pan mapiya a limo abpun salkami,andu indawan kanu barasimba.

আয়াত: 85

وَإِسۡمَٰعِيلَ وَإِدۡرِيسَ وَذَا ٱلۡكِفۡلِۖ كُلّٞ مِّنَ ٱلصَّٰبِرِينَ

Andu su Ismael andu si Idris andu si Dhu'l-Kifl. umani-isa kanilan na kuyog kanu mga Salih(Mga mapya a taw).

আয়াত: 86

وَأَدۡخَلۡنَٰهُمۡ فِي رَحۡمَتِنَآۖ إِنَّهُم مِّنَ ٱلصَّٰلِحِينَ

Pinaludep nami silan kanu limu nami ka silan na mga taw a Salih(Mga mapya a taw).

আয়াত: 87

وَذَا ٱلنُّونِ إِذ ذَّهَبَ مُغَٰضِبٗا فَظَنَّ أَن لَّن نَّقۡدِرَ عَلَيۡهِ فَنَادَىٰ فِي ٱلظُّلُمَٰتِ أَن لَّآ إِلَٰهَ إِلَّآ أَنتَ سُبۡحَٰنَكَ إِنِّي كُنتُ مِنَ ٱلظَّٰلِمِينَ

Labit ka su Yunus sa kinaganatin sa galipungetanin su mga taw nin, sa inantapin i di nami makena sekanin, na nakan-dua kanu dalem a maliboteng (kalibotenganu lagat, kalibotenganu magabi, andu siya kanu tiyana seda) sa benal a dala kdanan a pedsimban ya tabiya na seka (Allah), mahasutie a kadnan, nakuyog aku kanu mga taw a Zalim.

আয়াত: 88

فَٱسۡتَجَبۡنَا لَهُۥ وَنَجَّيۡنَٰهُ مِنَ ٱلۡغَمِّۚ وَكَذَٰلِكَ نُـۨجِي ٱلۡمُؤۡمِنِينَ

Na tinalima nami salkanin, andu linepas nami sekanin kanu lido na ginawanin, andu mamba i kalepas nami kanu mga Mu'min.

আয়াত: 89

وَزَكَرِيَّآ إِذۡ نَادَىٰ رَبَّهُۥ رَبِّ لَا تَذَرۡنِي فَرۡدٗا وَأَنتَ خَيۡرُ ٱلۡوَٰرِثِينَ

Andu si Zacariyyah a min-dua sa kadnan nin sa kadnan ku di aku pedtagak sa isa kubu sa dala wata ku, andu seka i mapiya gayd a maka- warith.

আয়াত: 90

فَٱسۡتَجَبۡنَا لَهُۥ وَوَهَبۡنَا لَهُۥ يَحۡيَىٰ وَأَصۡلَحۡنَا لَهُۥ زَوۡجَهُۥٓۚ إِنَّهُمۡ كَانُواْ يُسَٰرِعُونَ فِي ٱلۡخَيۡرَٰتِ وَيَدۡعُونَنَا رَغَبٗا وَرَهَبٗاۖ وَكَانُواْ لَنَا خَٰشِعِينَ

Tinalima nami salkanin, andu inenggay nami salkanin si Yahya, andu pinagkapiya nami salkanin su kaluma nin, ka silan na bamagayasan nilan i mga mapiya, andu pedsimban kami nilan sa lilini andu andam (sa siksa) andu silan na mga magilk. (sa Allah).

আয়াত: 91

وَٱلَّتِيٓ أَحۡصَنَتۡ فَرۡجَهَا فَنَفَخۡنَا فِيهَا مِن رُّوحِنَا وَجَعَلۡنَٰهَا وَٱبۡنَهَآ ءَايَةٗ لِّلۡعَٰلَمِينَ

Andu su silan a mga babay a mapiya i lawasin (Maryam) na iniyupan nami abpun sa bagel nami, andu binaloy nami sekanin andu su wata nin a tanda siya sa dunya.

আয়াত: 92

إِنَّ هَٰذِهِۦٓ أُمَّتُكُمۡ أُمَّةٗ وَٰحِدَةٗ وَأَنَا۠ رَبُّكُمۡ فَٱعۡبُدُونِ

Su niya ba a agama nu a Islam na satiman bu, andu saki bu i kadnan nu, na paka-isa akunu bu a simbanu.

আয়াত: 93

وَتَقَطَّعُوٓاْ أَمۡرَهُم بَيۡنَهُمۡۖ كُلٌّ إِلَيۡنَا رَٰجِعُونَ

Mimbida-bida (Yahudie-kristyan) a di mamagayun, na umani-isa kanilan na siya bun makauli salaki.

আয়াত: 94

فَمَن يَعۡمَلۡ مِنَ ٱلصَّٰلِحَٰتِ وَهُوَ مُؤۡمِنٞ فَلَا كُفۡرَانَ لِسَعۡيِهِۦ وَإِنَّا لَهُۥ كَٰتِبُونَ

Nantayni enggalbek kanu mga mapiya a Mu'min sekanin na dala makasapal kanu balasin, andu sekami (Allah) kanu mga galbekin na ipedsulat nami salkanin.

আয়াত: 95

وَحَرَٰمٌ عَلَىٰ قَرۡيَةٍ أَهۡلَكۡنَٰهَآ أَنَّهُمۡ لَا يَرۡجِعُونَ

Andu iniharam kanu mga taw a bininasa nami sabap sa kadupang nilan- i makam-balingan pan silan siya sa dunya.

আয়াত: 96

حَتَّىٰٓ إِذَا فُتِحَتۡ يَأۡجُوجُ وَمَأۡجُوجُ وَهُم مِّن كُلِّ حَدَبٖ يَنسِلُونَ

Taman sa amayka inuka (kabukatan) su kalyu nu Ya'juj andu si Ma'juj, na mamagayas silan kanu mga bukulud.

আয়াত: 97

وَٱقۡتَرَبَ ٱلۡوَعۡدُ ٱلۡحَقُّ فَإِذَا هِيَ شَٰخِصَةٌ أَبۡصَٰرُ ٱلَّذِينَ كَفَرُواْ يَٰوَيۡلَنَا قَدۡ كُنَّا فِي غَفۡلَةٖ مِّنۡ هَٰذَا بَلۡ كُنَّا ظَٰلِمِينَ

Nakasupeg su pasad a Haqq, na ingunu tudtul na mapayag den kanu mga mata nu kafir su sinupak nilan, (yanilan bu madtalu) na nabinasa tanu, ka benal a dala sabut tanu sa niya ba, kena ka sekitanu na mga kafir tanu.

আয়াত: 98

إِنَّكُمۡ وَمَا تَعۡبُدُونَ مِن دُونِ ٱللَّهِ حَصَبُ جَهَنَّمَ أَنتُمۡ لَهَا وَٰرِدُونَ

Sekanu (mga sakuto) andu su mga kadnan nu a salakaw sa Allah na ibpelaleg sa naraka, sekanu i pakadalem kanu naraka.

আয়াত: 99

لَوۡ كَانَ هَٰٓؤُلَآءِ ءَالِهَةٗ مَّا وَرَدُوهَاۖ وَكُلّٞ فِيهَا خَٰلِدُونَ

Umana bu ka tidtu a mga kadnan-na di silan makaludep (sa naraka) andu langun nilan na dala kalyunin sa naraka.

আয়াত: 100

لَهُمۡ فِيهَا زَفِيرٞ وَهُمۡ فِيهَا لَا يَسۡمَعُونَ

Silan sa naraka na belenggak, dala making nilan. (sa katanug na sebu nu apoy)

আয়াত: 101

إِنَّ ٱلَّذِينَ سَبَقَتۡ لَهُم مِّنَّا ٱلۡحُسۡنَىٰٓ أُوْلَٰٓئِكَ عَنۡهَا مُبۡعَدُونَ

benal a silan a mga taw a nawna den salkami i kapiya nilan, na mawatan silan sa naraka.

আয়াত: 102

لَا يَسۡمَعُونَ حَسِيسَهَاۖ وَهُمۡ فِي مَا ٱشۡتَهَتۡ أَنفُسُهُمۡ خَٰلِدُونَ

Di nilan makineg i suwara nu naraka, andu silan-nandaw i kalinyan nu ginawa nilan na gakuwa nilan, tatap silan sa surga.

আয়াত: 103

لَا يَحۡزُنُهُمُ ٱلۡفَزَعُ ٱلۡأَكۡبَرُ وَتَتَلَقَّىٰهُمُ ٱلۡمَلَٰٓئِكَةُ هَٰذَا يَوۡمُكُمُ ٱلَّذِي كُنتُمۡ تُوعَدُونَ

Di malidu i ginawa nilan kanu makatekaw a masla (kagubal sa dunya) andu bagalun silan o mga Malaa-ikat, sa yanilan edtalun: na nya demba su gay a pinagadilan nu. (sa makuanu siya sa surga)

আয়াত: 104

يَوۡمَ نَطۡوِي ٱلسَّمَآءَ كَطَيِّ ٱلسِّجِلِّ لِلۡكُتُبِۚ كَمَا بَدَأۡنَآ أَوَّلَ خَلۡقٖ نُّعِيدُهُۥۚ وَعۡدًا عَلَيۡنَآۚ إِنَّا كُنَّا فَٰعِلِينَ

Su gay a lulonen nami su langit sa mana su kalulun sa kaltas, sa mana su paganay a kinabaloy nami lun i kam-balinganami lun, pasad salkami sa enggalbeken nami.

আয়াত: 105

وَلَقَدۡ كَتَبۡنَا فِي ٱلزَّبُورِ مِنۢ بَعۡدِ ٱلذِّكۡرِ أَنَّ ٱلۡأَرۡضَ يَرِثُهَا عِبَادِيَ ٱلصَّٰلِحُونَ

Saben-sabenal a inisulat nami lu kanu mga kitab a nawna (Zabur, Taurat Injil, andu Qur-an) sa uliyan na lusa (Lauh Al-Mahfudz), su lupa na yabun makawarith lun na su mga ulipeng ku a Salih.

আয়াত: 106

إِنَّ فِي هَٰذَا لَبَلَٰغٗا لِّقَوۡمٍ عَٰبِدِينَ

Benal su Qur-an na natabuan gayd a makapa- surga kanu bamedsimba sa Allah.

আয়াত: 107

وَمَآ أَرۡسَلۡنَٰكَ إِلَّا رَحۡمَةٗ لِّلۡعَٰلَمِينَ

Dala kinsugu nami salka (Muhammad) a dikena limu kanu dunya.

আয়াত: 108

قُلۡ إِنَّمَا يُوحَىٰٓ إِلَيَّ أَنَّمَآ إِلَٰهُكُمۡ إِلَٰهٞ وَٰحِدٞۖ فَهَلۡ أَنتُم مُّسۡلِمُونَ

Edtaluka (Muhammad) ini-wahie salaki-i kadnan nu na kadnan a satimanin bu (Allah) na ngintu sinangkupan nu i namba?

আয়াত: 109

فَإِن تَوَلَّوۡاْ فَقُلۡ ءَاذَنتُكُمۡ عَلَىٰ سَوَآءٖۖ وَإِنۡ أَدۡرِيٓ أَقَرِيبٌ أَم بَعِيدٞ مَّا تُوعَدُونَ

Na amayka menda silan (di nilan taliman) nadtaluka kanilan (Muhammad) i kambunuwa, ka lekanu na sakalbu(iba) salaki, andu diku katawan o masupeg atawa mawatan pan su siksa salkanu.

আয়াত: 110

إِنَّهُۥ يَعۡلَمُ ٱلۡجَهۡرَ مِنَ ٱلۡقَوۡلِ وَيَعۡلَمُ مَا تَكۡتُمُونَ

Su Allah i mataw sa mapayag a kadtalu, andu katawanin pan su ibagema nu.

আয়াত: 111

وَإِنۡ أَدۡرِي لَعَلَّهُۥ فِتۡنَةٞ لَّكُمۡ وَمَتَٰعٌ إِلَىٰ حِينٖ

Diku katawan, basi tyuba salkanu andu gagalu a kapenanam-nanam. (sa dunya)

আয়াত: 112

قَٰلَ رَبِّ ٱحۡكُم بِٱلۡحَقِّۗ وَرَبُّنَا ٱلرَّحۡمَٰنُ ٱلۡمُسۡتَعَانُ عَلَىٰ مَا تَصِفُونَ

Edtaluka (Muhammad) i kadnan ku kukum ka (su pagelatan nami) sa haqq, andu kadnan nami na malimu a paped-tabangan kanu kadtalu nilan (sa aden kaluma andu wata nu Allah) sa papendalbuten aku nilan.