د معناګانو ژباړه سورت انبیاء - فلیپیني (المجندناو) ژباړه - د رواد الترجمة مرکز - د قرآن کریم دائرة المعارف

Al-Anbiya

آیت: 1

ٱقۡتَرَبَ لِلنَّاسِ حِسَابُهُمۡ وَهُمۡ فِي غَفۡلَةٖ مُّعۡرِضُونَ

Pedsiken den kanu manga taw su gay a mawli na silan na dala gatagu sa ginawa nilan sa ingat nilan, pedtaligkudan nilan.

آیت: 2

مَا يَأۡتِيهِم مِّن ذِكۡرٖ مِّن رَّبِّهِم مُّحۡدَثٍ إِلَّا ٱسۡتَمَعُوهُ وَهُمۡ يَلۡعَبُونَ

Guna makawma kanilan su Qur’an ebpun kanu Allah na pakikinegen nilan sa bagungaten nilan endu silan na endadalemet bu.

آیت: 3

لَاهِيَةٗ قُلُوبُهُمۡۗ وَأَسَرُّواْ ٱلنَّجۡوَى ٱلَّذِينَ ظَلَمُواْ هَلۡ هَٰذَآ إِلَّا بَشَرٞ مِّثۡلُكُمۡۖ أَفَتَأۡتُونَ ٱلسِّحۡرَ وَأَنتُمۡ تُبۡصِرُونَ

Untengaw i manga atay nilan endu mamagedunga silan kanu manga kafir sa dala bun inan (si Muhammad) ka manusya a pagidsan tanu bun, nginan unutan nu i sih'r a katawan nu bun i sih'r?

آیت: 4

قَالَ رَبِّي يَعۡلَمُ ٱلۡقَوۡلَ فِي ٱلسَّمَآءِ وَٱلۡأَرۡضِۖ وَهُوَ ٱلسَّمِيعُ ٱلۡعَلِيمُ

Tig nu (Muhammad): kadenan ku su kadtalu siya sa langit endu siya sa lupa endu sekanin a pakakineg a mataw.

آیت: 5

بَلۡ قَالُوٓاْ أَضۡغَٰثُ أَحۡلَٰمِۭ بَلِ ٱفۡتَرَىٰهُ بَلۡ هُوَ شَاعِرٞ فَلۡيَأۡتِنَا بِـَٔايَةٖ كَمَآ أُرۡسِلَ ٱلۡأَوَّلُونَ

Ugayda pidtalu nilan (namba Qur’an anan) na nakadsisimbul a taginepen atawa inidtebu nin atawa bayuk, i-sya nin i tandanin sa mana su nangawna a sinugu.

آیت: 6

مَآ ءَامَنَتۡ قَبۡلَهُم مِّن قَرۡيَةٍ أَهۡلَكۡنَٰهَآۖ أَفَهُمۡ يُؤۡمِنُونَ

Dala bun kanu nangawna a manga taw kanu dalpa a nakailay sa tanda a bininasa nami ka di bun silan mangimbenal.

آیت: 7

وَمَآ أَرۡسَلۡنَا قَبۡلَكَ إِلَّا رِجَالٗا نُّوحِيٓ إِلَيۡهِمۡۖ فَسۡـَٔلُوٓاْ أَهۡلَ ٱلذِّكۡرِ إِن كُنتُمۡ لَا تَعۡلَمُونَ

Endu dala sinugu nami a nawna sa leka (Muhammad) ya tabiya na manga mama a pe- wahiyan nami silan, idsay nu su taw a mataw kanu di nu katawan.

آیت: 8

وَمَا جَعَلۡنَٰهُمۡ جَسَدٗا لَّا يَأۡكُلُونَ ٱلطَّعَامَ وَمَا كَانُواْ خَٰلِدِينَ

Endu dala nami baluya silan (su sinugu) sa pagelin lawas a di keman sa pegken endu dala kanilan i di matay silan.

آیت: 9

ثُمَّ صَدَقۡنَٰهُمُ ٱلۡوَعۡدَ فَأَنجَيۡنَٰهُمۡ وَمَن نَّشَآءُ وَأَهۡلَكۡنَا ٱلۡمُسۡرِفِينَ

Mawli na tinuman nami kanilan su pasad (tyuba) na linepas nami silan endu su nagkahanda nami na bininasa nami menem su napandalebut.

آیت: 10

لَقَدۡ أَنزَلۡنَآ إِلَيۡكُمۡ كِتَٰبٗا فِيهِ ذِكۡرُكُمۡۚ أَفَلَا تَعۡقِلُونَ

Saben-sabenal a pinatulun nami sa lekanu (Qur’ an) sa nakadalem lun su makagkapiya sa lekanu na ngintu ka di kanu magungangen?

آیت: 11

وَكَمۡ قَصَمۡنَا مِن قَرۡيَةٖ كَانَتۡ ظَالِمَةٗ وَأَنشَأۡنَا بَعۡدَهَا قَوۡمًا ءَاخَرِينَ

Endu madakel i dalpa a bininasa nami sa dupang endu mawli na pinambuwat nami i manga taw a salakaw kanilan.

آیت: 12

فَلَمَّآ أَحَسُّواْ بَأۡسَنَآ إِذَا هُم مِّنۡهَا يَرۡكُضُونَ

Guna nilan madsagipa su tiyuba nami (sa pakawma den) na balalaguy silan.

آیت: 13

لَا تَرۡكُضُواْ وَٱرۡجِعُوٓاْ إِلَىٰ مَآ أُتۡرِفۡتُمۡ فِيهِ وَمَسَٰكِنِكُمۡ لَعَلَّكُمۡ تُسۡـَٔلُونَ

(Tig nu malaikat): da kanu balalaguy, edsalumani nu bun su kananam nu sa (mapiya) endu su pegkalebenan nu ka basi kaidsan kanu.

آیت: 14

قَالُواْ يَٰوَيۡلَنَآ إِنَّا كُنَّا ظَٰلِمِينَ

Ya nilan nadtalu: nabinasa tanu sabap sa kafir tanu.

آیت: 15

فَمَا زَالَت تِّلۡكَ دَعۡوَىٰهُمۡ حَتَّىٰ جَعَلۡنَٰهُمۡ حَصِيدًا خَٰمِدِينَ

Di den gapinda lu ba a kadtalu nilan taman sa binaluy nami silan sa mana den pinagagani a minatay.

آیت: 16

وَمَا خَلَقۡنَا ٱلسَّمَآءَ وَٱلۡأَرۡضَ وَمَا بَيۡنَهُمَا لَٰعِبِينَ

Di kena ya nami kinabinaluy sa langit endu lupa i dala katagan nin ugayda tanda a kapegkagaga nu Allah.

آیت: 17

لَوۡ أَرَدۡنَآ أَن نَّتَّخِذَ لَهۡوٗا لَّٱتَّخَذۡنَٰهُ مِن لَّدُنَّآ إِن كُنَّا فَٰعِلِينَ

U pigkahanda nami i kadsimpang sa kaluma atawa manga wata na ya nami binaluy na sya bun sa lekami u pinggalebek nami, ugayd na da nami enggalbeka.

آیت: 18

بَلۡ نَقۡذِفُ بِٱلۡحَقِّ عَلَى ٱلۡبَٰطِلِ فَيَدۡمَغُهُۥ فَإِذَا هُوَ زَاهِقٞۚ وَلَكُمُ ٱلۡوَيۡلُ مِمَّا تَصِفُونَ

Ugayd na tabangan nami su bantang kanu baatil na mapunas (su baatil) na ma-iling su baatil, endu lekanu a manga kafir i naraka (sabap) kanu kadtalu nu (aden kaluma/wata nu Allah).

آیت: 19

وَلَهُۥ مَن فِي ٱلسَّمَٰوَٰتِ وَٱلۡأَرۡضِۚ وَمَنۡ عِندَهُۥ لَا يَسۡتَكۡبِرُونَ عَنۡ عِبَادَتِهِۦ وَلَا يَسۡتَحۡسِرُونَ

Endu kanu Allah su dalem nu manga langit endu su lupa endu su malaikat na di silan pemamasla sa simba nilan sa Allah endu di silan gasemu na di galugat.

آیت: 20

يُسَبِّحُونَ ٱلَّيۡلَ وَٱلنَّهَارَ لَا يَفۡتُرُونَ

Di gapinda i tasbih nilan sa magabi-malamag.

آیت: 21

أَمِ ٱتَّخَذُوٓاْ ءَالِهَةٗ مِّنَ ٱلۡأَرۡضِ هُمۡ يُنشِرُونَ

Atawa minumbal bun silan sa manga kadenan sya sa lupa a manga watu manga kayu a di maka pambibyag sa minatay?

آیت: 22

لَوۡ كَانَ فِيهِمَآ ءَالِهَةٌ إِلَّا ٱللَّهُ لَفَسَدَتَاۚ فَسُبۡحَٰنَ ٱللَّهِ رَبِّ ٱلۡعَرۡشِ عَمَّا يَصِفُونَ

U naduwa timan bu i kadenan atawa aden bu manga kadenan a salakaw sa Allah na nabinasa su dunya, mahasuti su Allah a Kadenan nu Ar'sh kanu langun nu kadtalu nu manga mushrik.

آیت: 23

لَا يُسۡـَٔلُ عَمَّا يَفۡعَلُ وَهُمۡ يُسۡـَٔلُونَ

Di kaidsan (su Allah) sa galebekin, silan (a inaden) i kaidsan kanu manga galbek nilan.

آیت: 24

أَمِ ٱتَّخَذُواْ مِن دُونِهِۦٓ ءَالِهَةٗۖ قُلۡ هَاتُواْ بُرۡهَٰنَكُمۡۖ هَٰذَا ذِكۡرُ مَن مَّعِيَ وَذِكۡرُ مَن قَبۡلِيۚ بَلۡ أَكۡثَرُهُمۡ لَا يَعۡلَمُونَ ٱلۡحَقَّۖ فَهُم مُّعۡرِضُونَ

Kena ba minumbal silan sa salakaw sa Allah a manga kadenan? Edtalu ka (Muhammad) kanilan: pambuwat nu i tindeg nu ka nan su Qur’an a tindeg nami endu su nangawna sa laki, ugayda ya madakel kanilan i di mataw sa haqq, na pembalawagan nilan su haqq.

آیت: 25

وَمَآ أَرۡسَلۡنَا مِن قَبۡلِكَ مِن رَّسُولٍ إِلَّا نُوحِيٓ إِلَيۡهِ أَنَّهُۥ لَآ إِلَٰهَ إِلَّآ أَنَا۠ فَٱعۡبُدُونِ

Endu dala sinugu nami a nawna sa leka (Muhammad) a sinugu ya tabiya na ipe-wahi nami sa lekanin i dala kadenan a wagib a pedsimban ya tabiya na saki, na simba aku nu sa pakaisa-isa nu bu a kadenan.

آیت: 26

وَقَالُواْ ٱتَّخَذَ ٱلرَّحۡمَٰنُ وَلَدٗاۗ سُبۡحَٰنَهُۥۚ بَلۡ عِبَادٞ مُّكۡرَمُونَ

Endu pidatlu nilan: namaluli su Allah sa wata, mahasuti su Allah, su manga malaikat na manga ulipen nin a manga mapulu.

آیت: 27

لَا يَسۡبِقُونَهُۥ بِٱلۡقَوۡلِ وَهُم بِأَمۡرِهِۦ يَعۡمَلُونَ

Endu di silan ka-unanan a kadtalu endu silan na endaw i suguwan kanilan na penggalebeken nilan.

آیت: 28

يَعۡلَمُ مَا بَيۡنَ أَيۡدِيهِمۡ وَمَا خَلۡفَهُمۡ وَلَا يَشۡفَعُونَ إِلَّا لِمَنِ ٱرۡتَضَىٰ وَهُم مِّنۡ خَشۡيَتِهِۦ مُشۡفِقُونَ

Katawan nu Allah su galebek nilan endu su da nilan pan manggalebek endu di silan makasafaat ya tabya na su sinugutan nin endu silan na su gilek nilan sa Allah na di gadala kanilan i geda-geda.

آیت: 29

۞ وَمَن يَقُلۡ مِنۡهُمۡ إِنِّيٓ إِلَٰهٞ مِّن دُونِهِۦ فَذَٰلِكَ نَجۡزِيهِ جَهَنَّمَۚ كَذَٰلِكَ نَجۡزِي ٱلظَّٰلِمِينَ

Entayn i makadtalu kanilan sa saki na kadenan aku a salakaw sa Allah na balasan nami sa naraka jahannam, mamba i kabalas kanu manga taw a salimbuten.

آیت: 30

أَوَلَمۡ يَرَ ٱلَّذِينَ كَفَرُوٓاْ أَنَّ ٱلسَّمَٰوَٰتِ وَٱلۡأَرۡضَ كَانَتَا رَتۡقٗا فَفَتَقۡنَٰهُمَاۖ وَجَعَلۡنَا مِنَ ٱلۡمَآءِ كُلَّ شَيۡءٍ حَيٍّۚ أَفَلَا يُؤۡمِنُونَ

Ngintu di gailay nu manga kafir (da nilan katawi) su manga langit endu su lupa sa paganay na dala makabpitas na pinabpitas nami? Endu binaluy nami ebpun sa ig sa nawyag i langun na enggaga-isa na di silan mangimbenal.

آیت: 31

وَجَعَلۡنَا فِي ٱلۡأَرۡضِ رَوَٰسِيَ أَن تَمِيدَ بِهِمۡ وَجَعَلۡنَا فِيهَا فِجَاجٗا سُبُلٗا لَّعَلَّهُمۡ يَهۡتَدُونَ

Endu binaluy nami sya sa lupa i manga palaw a pakatigel kanilan sa di kanggagalebek nu lupa endu binaluy nami i ka-ukitan na manga lalan ka malemu lemu kanilan i maka-tuntul silan kanu kahanda nilan.

آیت: 32

وَجَعَلۡنَا ٱلسَّمَآءَ سَقۡفٗا مَّحۡفُوظٗاۖ وَهُمۡ عَنۡ ءَايَٰتِهَا مُعۡرِضُونَ

Endu binaluy nami (Allah) su langit a naka-atep sa di makabetad sa lupa endu silan (a kafir) na su manga tanda nami na di nilan pedsulimanen.

آیت: 33

وَهُوَ ٱلَّذِي خَلَقَ ٱلَّيۡلَ وَٱلنَّهَارَ وَٱلشَّمۡسَ وَٱلۡقَمَرَۖ كُلّٞ فِي فَلَكٖ يَسۡبَحُونَ

Endu sekanin (Allah) i minaluy sa magabi endu malamag, endu senang endu ulan ulan, umani-isa na bagukit sa lalanin.

آیت: 34

وَمَا جَعَلۡنَا لِبَشَرٖ مِّن قَبۡلِكَ ٱلۡخُلۡدَۖ أَفَإِيْن مِّتَّ فَهُمُ ٱلۡخَٰلِدُونَ

Dala binaluy nami a manusya a nawna sa leka (Muhammad) a di matay na matay ka bun na silan pan i di matay?!

آیت: 35

كُلُّ نَفۡسٖ ذَآئِقَةُ ٱلۡمَوۡتِۗ وَنَبۡلُوكُم بِٱلشَّرِّ وَٱلۡخَيۡرِ فِتۡنَةٗۖ وَإِلَيۡنَا تُرۡجَعُونَ

Langun na barangyawa na makananam sa kapatay endu pembatalun nami sekanu sa mapasang endu mapiya (sya sa dunya) endu siya kanu bun makambalingan sa laki.

آیت: 36

وَإِذَا رَءَاكَ ٱلَّذِينَ كَفَرُوٓاْ إِن يَتَّخِذُونَكَ إِلَّا هُزُوًا أَهَٰذَا ٱلَّذِي يَذۡكُرُ ءَالِهَتَكُمۡ وَهُم بِذِكۡرِ ٱلرَّحۡمَٰنِ هُمۡ كَٰفِرُونَ

Amayka nailay ka (Muhammad) nu manga kafir na dala pakaydan nilan sa leka ya tabiya na pagumpaken ka nilan sa ya nilan edtalun na: nan ba besen i mama anan a pedtakudi sa kadenan nu? endu silan na kanu kalabit kanu Allah na gafir (nalipatanan) silan.

آیت: 37

خُلِقَ ٱلۡإِنسَٰنُ مِنۡ عَجَلٖۚ سَأُوْرِيكُمۡ ءَايَٰتِي فَلَا تَسۡتَعۡجِلُونِ

Binaluy su manusiya sa masasaw na ipailay ku sa lekanu su manga tanda ku na da kanu pedsasaw.

آیت: 38

وَيَقُولُونَ مَتَىٰ هَٰذَا ٱلۡوَعۡدُ إِن كُنتُمۡ صَٰدِقِينَ

Endu pedtalun nilan: na kanu i kawma na pasad a siksa amayka benal kanu a manga sinugu?

آیت: 39

لَوۡ يَعۡلَمُ ٱلَّذِينَ كَفَرُواْ حِينَ لَا يَكُفُّونَ عَن وُجُوهِهِمُ ٱلنَّارَ وَلَا عَن ظُهُورِهِمۡ وَلَا هُمۡ يُنصَرُونَ

U katawan nu manga kafir bu su kutika a di kalapisan su beneng nilan kanu naraka endu su manga bigkugung nilan endu di silan katabangan na di nilan madtalu.

آیت: 40

بَلۡ تَأۡتِيهِم بَغۡتَةٗ فَتَبۡهَتُهُمۡ فَلَا يَسۡتَطِيعُونَ رَدَّهَا وَلَا هُمۡ يُنظَرُونَ

Ugaid na makawma kanilan sa matekaw a maka bengang kanilan na di nilan magaga temulak endu dala kanilan i makakisu i waktu nin.

آیت: 41

وَلَقَدِ ٱسۡتُهۡزِئَ بِرُسُلٖ مِّن قَبۡلِكَ فَحَاقَ بِٱلَّذِينَ سَخِرُواْ مِنۡهُم مَّا كَانُواْ بِهِۦ يَسۡتَهۡزِءُونَ

Saben-sabenal a pinagumpak nilan bun su manga sinugu a nauna sa leka na nakadadsang kanu manga taw a bangungat su siksa nu kabpagungat nilan kanu manga sinugu nu Allah.

آیت: 42

قُلۡ مَن يَكۡلَؤُكُم بِٱلَّيۡلِ وَٱلنَّهَارِ مِنَ ٱلرَّحۡمَٰنِۚ بَلۡ هُمۡ عَن ذِكۡرِ رَبِّهِم مُّعۡرِضُونَ

Edtalu ka (Muhammad) kanilan u entayn i tumuldu sa lekanu kanu magabi endu malamag amayka makatulun su siksa nu Allah? Dala kanilan i tadem kanu Allah.

آیت: 43

أَمۡ لَهُمۡ ءَالِهَةٞ تَمۡنَعُهُم مِّن دُونِنَاۚ لَا يَسۡتَطِيعُونَ نَصۡرَ أَنفُسِهِمۡ وَلَا هُم مِّنَّا يُصۡحَبُونَ

Atawa su manga kadenan nilan i makatabang kanilan a salakaw sa lekami, di magaga nu manga barahala i katabang nilan sa ginawa nilan endu dala makatuldu kanilan a makabpun sa lekami.

آیت: 44

بَلۡ مَتَّعۡنَا هَٰٓؤُلَآءِ وَءَابَآءَهُمۡ حَتَّىٰ طَالَ عَلَيۡهِمُ ٱلۡعُمُرُۗ أَفَلَا يَرَوۡنَ أَنَّا نَأۡتِي ٱلۡأَرۡضَ نَنقُصُهَا مِنۡ أَطۡرَافِهَآۚ أَفَهُمُ ٱلۡغَٰلِبُونَ

Ugayd na inikalimu nami silan endu su manga lukes nilan taman sa migkalendu su umur nilan na di nilan gailay i pegkulangan nami su dulunan nu manga lupa (a pegkamalan nilan) na silan pan basi i paka-atu (pakagaga)?

آیت: 45

قُلۡ إِنَّمَآ أُنذِرُكُم بِٱلۡوَحۡيِۚ وَلَا يَسۡمَعُ ٱلصُّمُّ ٱلدُّعَآءَ إِذَا مَا يُنذَرُونَ

Edtalu ka (Muhammad): ya ku ibangindaw na wahi, endu di makakineg su bisu sa enggaten amayka enggaten silan.

آیت: 46

وَلَئِن مَّسَّتۡهُمۡ نَفۡحَةٞ مِّنۡ عَذَابِ رَبِّكَ لَيَقُولُنَّ يَٰوَيۡلَنَآ إِنَّا كُنَّا ظَٰلِمِينَ

Amayka nakawma sa kanilan i paydu gayd kanu siksa nu kadenan nengka na ya nilan edtalun na nabinasa tanu sa kinag-kafir tanu.

آیت: 47

وَنَضَعُ ٱلۡمَوَٰزِينَ ٱلۡقِسۡطَ لِيَوۡمِ ٱلۡقِيَٰمَةِ فَلَا تُظۡلَمُ نَفۡسٞ شَيۡـٔٗاۖ وَإِن كَانَ مِثۡقَالَ حَبَّةٖ مِّنۡ خَرۡدَلٍ أَتَيۡنَا بِهَاۗ وَكَفَىٰ بِنَا حَٰسِبِينَ

Endu ibetad nami su timbangan a bantang sa gay a mawli na dala madsalimbut apiya sakataw apiya paydu apiya ngin den i kanawtin apiya mana bu lagas a manawt na makambuwat nami bun ka mapiya i kadtimbang nami.

آیت: 48

وَلَقَدۡ ءَاتَيۡنَا مُوسَىٰ وَهَٰرُونَ ٱلۡفُرۡقَانَ وَضِيَآءٗ وَذِكۡرٗا لِّلۡمُتَّقِينَ

Saben-sabenal a inenggay nami kani Musa endu si Harun su kitab (Taurat) endu tutulu endu indawan kanu manga magilek sa Allah.

آیت: 49

ٱلَّذِينَ يَخۡشَوۡنَ رَبَّهُم بِٱلۡغَيۡبِ وَهُم مِّنَ ٱلسَّاعَةِ مُشۡفِقُونَ

Silan a manga taw na kagilekan sa kadenan nilan sa gayb endu silan na su gay a mawli na pangandamen nilan.

آیت: 50

وَهَٰذَا ذِكۡرٞ مُّبَارَكٌ أَنزَلۡنَٰهُۚ أَفَأَنتُمۡ لَهُۥ مُنكِرُونَ

Endu namba a indawan a barakat, initulun nami, na ngintu ka sekanu bun i mungkir lun?

آیت: 51

۞ وَلَقَدۡ ءَاتَيۡنَآ إِبۡرَٰهِيمَ رُشۡدَهُۥ مِن قَبۡلُ وَكُنَّا بِهِۦ عَٰلِمِينَ

Endu inenggay nami kani Ibrahim su tutulu sa dapan mabalig endu katawan nami i nakadayt sa lekanin.

آیت: 52

إِذۡ قَالَ لِأَبِيهِ وَقَوۡمِهِۦ مَا هَٰذِهِ ٱلتَّمَاثِيلُ ٱلَّتِيٓ أَنتُمۡ لَهَا عَٰكِفُونَ

Endu pidtalu nu Ibrahim kani ama nin endu su manga taw nin: ngin i nyaba manga barahala a niya a pedtakenan nu (pedsimbanu)?

آیت: 53

قَالُواْ وَجَدۡنَآ ءَابَآءَنَا لَهَا عَٰبِدِينَ

Tig nilan: nailingan nami kanu manga kalukesan nami a pedsimban nilan.

آیت: 54

قَالَ لَقَدۡ كُنتُمۡ أَنتُمۡ وَءَابَآؤُكُمۡ فِي ضَلَٰلٖ مُّبِينٖ

Tig nu Ibrahim; saben-sabenal a sekanu endu su manga lukes nu na natading silan sa mapayag.

آیت: 55

قَالُوٓاْ أَجِئۡتَنَا بِٱلۡحَقِّ أَمۡ أَنتَ مِنَ ٱللَّٰعِبِينَ

Tig nilan: aden na-it nengka a bantang (a agama), atawa ka pendalemet ka bu?

آیت: 56

قَالَ بَل رَّبُّكُمۡ رَبُّ ٱلسَّمَٰوَٰتِ وَٱلۡأَرۡضِ ٱلَّذِي فَطَرَهُنَّ وَأَنَا۠ عَلَىٰ ذَٰلِكُم مِّنَ ٱلشَّٰهِدِينَ

Tig nu Ibrahim: kadenan nu na su kadenan nu manga langit endu su lupa, entuba i minaluy lun, endu kuyug aku kanu midsaksi.

آیت: 57

وَتَٱللَّهِ لَأَكِيدَنَّ أَصۡنَٰمَكُم بَعۡدَ أَن تُوَلُّواْ مُدۡبِرِينَ

Endu idsapa ku sa Allah na pamakaydanan ku i manga barahala nu anan sa ulyana kataligkud nu sa kawli nu.

آیت: 58

فَجَعَلَهُمۡ جُذَٰذًا إِلَّا كَبِيرٗا لَّهُمۡ لَعَلَّهُمۡ إِلَيۡهِ يَرۡجِعُونَ

Ya pinakaydan nu Ibrahim kanu manga barahala na linupetin ya tabiya na su masla nin (i da nin lupeta) ka endu nilan mailay (inipasalay nin i piku kanu masela a barahala).

آیت: 59

قَالُواْ مَن فَعَلَ هَٰذَا بِـَٔالِهَتِنَآ إِنَّهُۥ لَمِنَ ٱلظَّٰلِمِينَ

Ya nilan nadtalu: entayn i namakayd sa manga Kadenan nami a nya? Entuba a taw (linemupet lun) na nakasagad i kadupang nin.

آیت: 60

قَالُواْ سَمِعۡنَا فَتٗى يَذۡكُرُهُمۡ يُقَالُ لَهُۥٓ إِبۡرَٰهِيمُ

Tig nu madakel: nakineg nami i baguwata a baguway-way lun sa yanin kun ngala na bedtun sa Ibrahim.

آیت: 61

قَالُواْ فَأۡتُواْ بِهِۦ عَلَىٰٓ أَعۡيُنِ ٱلنَّاسِ لَعَلَّهُمۡ يَشۡهَدُونَ

Tig nilan: pa sya nu ka endu mailay nu manga taw ka endu silan makadsaksi sa sekanin ba i namakayd kanu manga kadenan.

آیت: 62

قَالُوٓاْ ءَأَنتَ فَعَلۡتَ هَٰذَا بِـَٔالِهَتِنَا يَٰٓإِبۡرَٰهِيمُ

Tig nilan: seka ba i namakayd sa manga kadenan nami a nya O Ibrahim?

آیت: 63

قَالَ بَلۡ فَعَلَهُۥ كَبِيرُهُمۡ هَٰذَا فَسۡـَٔلُوهُمۡ إِن كَانُواْ يَنطِقُونَ

Tig nu Ibrahim: namba i namungkayd na masla nilan anan idsay nu banan amayka makadtalu?

آیت: 64

فَرَجَعُوٓاْ إِلَىٰٓ أَنفُسِهِمۡ فَقَالُوٓاْ إِنَّكُمۡ أَنتُمُ ٱلظَّٰلِمُونَ

Ya nilan nambalinganan su ginawa nilan ya nilan nadtalu na sekanu bun i manga dupang.

آیت: 65

ثُمَّ نُكِسُواْ عَلَىٰ رُءُوسِهِمۡ لَقَدۡ عَلِمۡتَ مَا هَٰٓؤُلَآءِ يَنطِقُونَ

Mawli na sinemangul silan sa kabpalawa, tigilan: saben-sabenal a natawan nengka bun (Ibrahim) i di makadtalu i kadenan nami.

آیت: 66

قَالَ أَفَتَعۡبُدُونَ مِن دُونِ ٱللَّهِ مَا لَا يَنفَعُكُمۡ شَيۡـٔٗا وَلَا يَضُرُّكُمۡ

Tig nu Ibrahim: na enduken ka pedsimban nu i salakaw sa Allah a da kataganin sa lekanu, di kanu nin kagkaydan?

آیت: 67

أُفّٖ لَّكُمۡ وَلِمَا تَعۡبُدُونَ مِن دُونِ ٱللَّهِۚ أَفَلَا تَعۡقِلُونَ

Ngin den a kaledsik i lekanu, endu pedsimban nu anan a salakaw sa Allah, di kanu pakapagitung?

آیت: 68

قَالُواْ حَرِّقُوهُ وَٱنصُرُوٓاْ ءَالِهَتَكُمۡ إِن كُنتُمۡ فَٰعِلِينَ

Tig nilan: tutung nu (si Ibrahim) endu tabangi nu su manga kadenan nu amayka enggalebeken nu i katabang nu lun.

آیت: 69

قُلۡنَا يَٰنَارُ كُونِي بَرۡدٗا وَسَلَٰمًا عَلَىٰٓ إِبۡرَٰهِيمَ

(Tig nu Allah): pidtalu nami kanu apuy egkatenggaw ka endu lepas ka si Ibrahim.

آیت: 70

وَأَرَادُواْ بِهِۦ كَيۡدٗا فَجَعَلۡنَٰهُمُ ٱلۡأَخۡسَرِينَ

Pegkiyugan nilan pembinasa na binaluy nami silan i nangalugi.

آیت: 71

وَنَجَّيۡنَٰهُ وَلُوطًا إِلَى ٱلۡأَرۡضِ ٱلَّتِي بَٰرَكۡنَا فِيهَا لِلۡعَٰلَمِينَ

Linepas nami (si Ibrahim) endu si Lut lu kanu dalpa a barakat kanu dunya.

آیت: 72

وَوَهَبۡنَا لَهُۥٓ إِسۡحَٰقَ وَيَعۡقُوبَ نَافِلَةٗۖ وَكُلّٗا جَعَلۡنَا صَٰلِحِينَ

Endu inenggay nami sa lekanin si Ishaq endu si Ya'kub a buwang nu pinangeni nin endu silan na binaluy nami a manga salih.

آیت: 73

وَجَعَلۡنَٰهُمۡ أَئِمَّةٗ يَهۡدُونَ بِأَمۡرِنَا وَأَوۡحَيۡنَآ إِلَيۡهِمۡ فِعۡلَ ٱلۡخَيۡرَٰتِ وَإِقَامَ ٱلصَّلَوٰةِ وَإِيتَآءَ ٱلزَّكَوٰةِۖ وَكَانُواْ لَنَا عَٰبِدِينَ

Endu binaluy nami silan a kanga-unutan a tumutulu kanu kasuguwan nami endu su wahi nami kanilan sa kanggalebek sa mapiya endu katunay sa sambayang endu kanggay sa zakat endu sekami i pedsimban nilan.

آیت: 74

وَلُوطًا ءَاتَيۡنَٰهُ حُكۡمٗا وَعِلۡمٗا وَنَجَّيۡنَٰهُ مِنَ ٱلۡقَرۡيَةِ ٱلَّتِي كَانَت تَّعۡمَلُ ٱلۡخَبَٰٓئِثَۚ إِنَّهُمۡ كَانُواْ قَوۡمَ سَوۡءٖ فَٰسِقِينَ

Su Lut na inenggan nami sa hukuman endu kataw, endu linepas nami kanu dalpa sa entuba a dalpa na penggalebek i taw nin sa maledsik, silan a manga taw na sagad i kaledsikin, benal a manga taw a nakalyu silan sa inugut sa Allah.

آیت: 75

وَأَدۡخَلۡنَٰهُ فِي رَحۡمَتِنَآۖ إِنَّهُۥ مِنَ ٱلصَّٰلِحِينَ

Pinaludep nami (si Lut) kanu limu nami ka sekanin na kuyug kanu manga taw a salih.

آیت: 76

وَنُوحًا إِذۡ نَادَىٰ مِن قَبۡلُ فَٱسۡتَجَبۡنَا لَهُۥ فَنَجَّيۡنَٰهُ وَأَهۡلَهُۥ مِنَ ٱلۡكَرۡبِ ٱلۡعَظِيمِ

Endu su Nuh, tinawag in su Kadenan nin kanu nawna a timpu na tinalima nami sekanin endu su pamilya nin kanu lidu na ginawa nilan a masla.

آیت: 77

وَنَصَرۡنَٰهُ مِنَ ٱلۡقَوۡمِ ٱلَّذِينَ كَذَّبُواْ بِـَٔايَٰتِنَآۚ إِنَّهُمۡ كَانُواْ قَوۡمَ سَوۡءٖ فَأَغۡرَقۡنَٰهُمۡ أَجۡمَعِينَ

Tinabangan nami sekanin kanu manga taw a napandalebut kanu manga ayatan nami ka mawag intu a manga taw, na pinageled nami silan langun. (kanu degan a masla).

آیت: 78

وَدَاوُۥدَ وَسُلَيۡمَٰنَ إِذۡ يَحۡكُمَانِ فِي ٱلۡحَرۡثِ إِذۡ نَفَشَتۡ فِيهِ غَنَمُ ٱلۡقَوۡمِ وَكُنَّا لِحُكۡمِهِمۡ شَٰهِدِينَ

Labit ka si Daud endu si Sulayman, kinakukum nilan kanu pamulan endu su kambing sa tinadtab nu kambing su pamulan endu kadsaksiyan nami su hukuman nilan duwa.

آیت: 79

فَفَهَّمۡنَٰهَا سُلَيۡمَٰنَۚ وَكُلًّا ءَاتَيۡنَا حُكۡمٗا وَعِلۡمٗاۚ وَسَخَّرۡنَا مَعَ دَاوُۥدَ ٱلۡجِبَالَ يُسَبِّحۡنَ وَٱلطَّيۡرَۚ وَكُنَّا فَٰعِلِينَ

Pinasabutan nami si Sulayman (sa hukuman) endu umani-isa kanilan na inenggan nami sa hukuman endu kataw, endu pinandayan nami kanu Daud su palaw a bagamung pedtasbih maytu bun su papanuk, sekami (Allah) i minggalbek sa entuba.

آیت: 80

وَعَلَّمۡنَٰهُ صَنۡعَةَ لَبُوسٖ لَّكُمۡ لِتُحۡصِنَكُم مِّنۢ بَأۡسِكُمۡۖ فَهَلۡ أَنتُمۡ شَٰكِرُونَ

Pinakatawan nami kanu Daud i kaumbal sa balegkas sa kambunuwa (kelong) sa maka-alaw sa pedang, na wagib i kadsukur sa Allah.

آیت: 81

وَلِسُلَيۡمَٰنَ ٱلرِّيحَ عَاصِفَةٗ تَجۡرِي بِأَمۡرِهِۦٓ إِلَى ٱلۡأَرۡضِ ٱلَّتِي بَٰرَكۡنَا فِيهَاۚ وَكُنَّا بِكُلِّ شَيۡءٍ عَٰلِمِينَ

Kanu Sulayman i sambel a mabagel sa balalaguy sa susuwanin lu kanu lupa a pinambarakat nin (lu sa Sham) endu sekami (Allah) kanu langun nu enggaga-isa na katawan nami.

آیت: 82

وَمِنَ ٱلشَّيَٰطِينِ مَن يَغُوصُونَ لَهُۥ وَيَعۡمَلُونَ عَمَلٗا دُونَ ذَٰلِكَۖ وَكُنَّا لَهُمۡ حَٰفِظِينَ

Endu ped kanu Shaytan i papedseneben nin sa lagat, endu aden pan salakaw a galebekan endu pedtuldun nami silan.

آیت: 83

۞ وَأَيُّوبَ إِذۡ نَادَىٰ رَبَّهُۥٓ أَنِّي مَسَّنِيَ ٱلضُّرُّ وَأَنتَ أَرۡحَمُ ٱلرَّٰحِمِينَ

Endu su Ayyub kanu kinandu’a nin, kadenan ku nasugat aku na pakagkayd endu seka i muna a malimu kanu langun u malimu.

آیت: 84

فَٱسۡتَجَبۡنَا لَهُۥ فَكَشَفۡنَا مَا بِهِۦ مِن ضُرّٖۖ وَءَاتَيۡنَٰهُ أَهۡلَهُۥ وَمِثۡلَهُم مَّعَهُمۡ رَحۡمَةٗ مِّنۡ عِندِنَا وَذِكۡرَىٰ لِلۡعَٰبِدِينَ

Tinalima nami sa lekanin sa inawa nami sa lekanin su pakagkayd endu inuyag nami sa lekanin su manga wata nin endu aden pan mapiya a limu ebpun sa lekami endu indawan kanu barasimba.

آیت: 85

وَإِسۡمَٰعِيلَ وَإِدۡرِيسَ وَذَا ٱلۡكِفۡلِۖ كُلّٞ مِّنَ ٱلصَّٰبِرِينَ

Endu su Ismail endu si Idris endu si Dhulkifl, umani-isa kanilan na kuyug kanu manga salih.

آیت: 86

وَأَدۡخَلۡنَٰهُمۡ فِي رَحۡمَتِنَآۖ إِنَّهُم مِّنَ ٱلصَّٰلِحِينَ

Pinaludep nami silan kanu limu nami ka silan na manga taw a salih.

آیت: 87

وَذَا ٱلنُّونِ إِذ ذَّهَبَ مُغَٰضِبٗا فَظَنَّ أَن لَّن نَّقۡدِرَ عَلَيۡهِ فَنَادَىٰ فِي ٱلظُّلُمَٰتِ أَن لَّآ إِلَٰهَ إِلَّآ أَنتَ سُبۡحَٰنَكَ إِنِّي كُنتُ مِنَ ٱلظَّٰلِمِينَ

Labit ka su Yunus sa kinaganat nin sa galipungetan nin su manga taw nin sa inantap nin i di nami makena sekanin na nakandu’a kanu dalem a malibuteng (kalibutengan nu lagat, kalibutengan nu magabi, endu siya kanu tiyan na seda) sa: benal a dala Kadenan a pedsimban ya tabiya na seka (Allah), mahasuti a kadenan, nakuyug aku kanu manga taw a dhaalim.

آیت: 88

فَٱسۡتَجَبۡنَا لَهُۥ وَنَجَّيۡنَٰهُ مِنَ ٱلۡغَمِّۚ وَكَذَٰلِكَ نُـۨجِي ٱلۡمُؤۡمِنِينَ

Na tinalima nami sa lekanin endu linepas nami sekanin kanu lidu na ginawa nin endu mamba i kalepas nami kanu manga mu'min.

آیت: 89

وَزَكَرِيَّآ إِذۡ نَادَىٰ رَبَّهُۥ رَبِّ لَا تَذَرۡنِي فَرۡدٗا وَأَنتَ خَيۡرُ ٱلۡوَٰرِثِينَ

Endu si Zakariya a mindu’a sa kadenan nin sa: kadenan ku di aku pedtagak sa isa ku bu sa dala wata ku endu seka i mapiya gayd a makawaris.

آیت: 90

فَٱسۡتَجَبۡنَا لَهُۥ وَوَهَبۡنَا لَهُۥ يَحۡيَىٰ وَأَصۡلَحۡنَا لَهُۥ زَوۡجَهُۥٓۚ إِنَّهُمۡ كَانُواْ يُسَٰرِعُونَ فِي ٱلۡخَيۡرَٰتِ وَيَدۡعُونَنَا رَغَبٗا وَرَهَبٗاۖ وَكَانُواْ لَنَا خَٰشِعِينَ

Tinalima nami sa lekanin endu inenggay nami sa lekanin si Yahya endu pinagkapiya nami sa lekanin su kaluma nin ka silan na bamagayasan nilan i manga mapiya endu pedsimban kami nilan sa lilini endu andam (sa siksa) endu silan na manga magilek (sa Allah).

آیت: 91

وَٱلَّتِيٓ أَحۡصَنَتۡ فَرۡجَهَا فَنَفَخۡنَا فِيهَا مِن رُّوحِنَا وَجَعَلۡنَٰهَا وَٱبۡنَهَآ ءَايَةٗ لِّلۡعَٰلَمِينَ

Endu su silan a manga babay a mapiya i lawas nin (Maryam) na iniyupan nami ebpun sa bagel nami endu binaluy nami sekanin endu su wata nin a tanda siya sa dunya.

آیت: 92

إِنَّ هَٰذِهِۦٓ أُمَّتُكُمۡ أُمَّةٗ وَٰحِدَةٗ وَأَنَا۠ رَبُّكُمۡ فَٱعۡبُدُونِ

Su niya ba a agama nu a Islam na satiman bu, endu saki bu i Kadenan nu na paka-isa aku nu bu a simban nu.

آیت: 93

وَتَقَطَّعُوٓاْ أَمۡرَهُم بَيۡنَهُمۡۖ كُلٌّ إِلَيۡنَا رَٰجِعُونَ

Mimbida-bida (Yahudi endu Nasrani) a di mamagayun na umani-isa kanilan na siya bun makawli sa laki.

آیت: 94

فَمَن يَعۡمَلۡ مِنَ ٱلصَّٰلِحَٰتِ وَهُوَ مُؤۡمِنٞ فَلَا كُفۡرَانَ لِسَعۡيِهِۦ وَإِنَّا لَهُۥ كَٰتِبُونَ

Na entayn i enggalebek kanu manga mapiya a mu'min sekanin na dala makasapal kanu balasin endu sekami (Allah) kanu manga galebekin na ipedsulat nami sa lekanin.

آیت: 95

وَحَرَٰمٌ عَلَىٰ قَرۡيَةٍ أَهۡلَكۡنَٰهَآ أَنَّهُمۡ لَا يَرۡجِعُونَ

Endu iniharam kanu manga taw a bininasa nami sabap sa kadupang nilan i makambalingan pan silan siya sa dunya.

آیت: 96

حَتَّىٰٓ إِذَا فُتِحَتۡ يَأۡجُوجُ وَمَأۡجُوجُ وَهُم مِّن كُلِّ حَدَبٖ يَنسِلُونَ

Taman sa amayka inuka (kabukatan) su kalyu nu Ya'juj endu si Ma'juj na mamagayas silan kanu manga bukulud.

آیت: 97

وَٱقۡتَرَبَ ٱلۡوَعۡدُ ٱلۡحَقُّ فَإِذَا هِيَ شَٰخِصَةٌ أَبۡصَٰرُ ٱلَّذِينَ كَفَرُواْ يَٰوَيۡلَنَا قَدۡ كُنَّا فِي غَفۡلَةٖ مِّنۡ هَٰذَا بَلۡ كُنَّا ظَٰلِمِينَ

Nakasupeg su pasad a haqq, na langun u tudtul na mapayag den kanu manga mata nu kafir su sinupak nilan, (ya nilan bu madtalu) na nabinasa tanu, ka benal a dala sabut tanu sa niya ba kena ka sekitanu na manga kafir tanu.

آیت: 98

إِنَّكُمۡ وَمَا تَعۡبُدُونَ مِن دُونِ ٱللَّهِ حَصَبُ جَهَنَّمَ أَنتُمۡ لَهَا وَٰرِدُونَ

Sekanu (manga sakutu) endu su manga kadenan nu a salakaw sa Allah na ibpelaleg sa naraka, sekanu i pakadalem kanu naraka.

آیت: 99

لَوۡ كَانَ هَٰٓؤُلَآءِ ءَالِهَةٗ مَّا وَرَدُوهَاۖ وَكُلّٞ فِيهَا خَٰلِدُونَ

Umana bu ka tidtu a manga kadenan na di silan makaludep (sa naraka) endu langun nilan na da kalyu nin sa naraka.

آیت: 100

لَهُمۡ فِيهَا زَفِيرٞ وَهُمۡ فِيهَا لَا يَسۡمَعُونَ

Silan sa naraka na belenggak, da makineg nilan (sa katanug na sebu nu apuy).

آیت: 101

إِنَّ ٱلَّذِينَ سَبَقَتۡ لَهُم مِّنَّا ٱلۡحُسۡنَىٰٓ أُوْلَٰٓئِكَ عَنۡهَا مُبۡعَدُونَ

Benal a silan a manga taw a nawna den sa lekami kapiya nilan na mawatan silan sa naraka.

آیت: 102

لَا يَسۡمَعُونَ حَسِيسَهَاۖ وَهُمۡ فِي مَا ٱشۡتَهَتۡ أَنفُسُهُمۡ خَٰلِدُونَ

Di nilan makineg i suwara nu naraka endu silan na endaw i kalinyan nu ginawa nilan na gakuwa nilan, tatap silan sa surga.

آیت: 103

لَا يَحۡزُنُهُمُ ٱلۡفَزَعُ ٱلۡأَكۡبَرُ وَتَتَلَقَّىٰهُمُ ٱلۡمَلَٰٓئِكَةُ هَٰذَا يَوۡمُكُمُ ٱلَّذِي كُنتُمۡ تُوعَدُونَ

Di malidu i ginawa nilan kanu makatekaw a masla (kagubal sa dunya) endu bagalun silan nu manga malaikat sa ya nilan edtalun na: nya den ba su gay a pinagadilan nu (sa makwa nu siya sa surga).

آیت: 104

يَوۡمَ نَطۡوِي ٱلسَّمَآءَ كَطَيِّ ٱلسِّجِلِّ لِلۡكُتُبِۚ كَمَا بَدَأۡنَآ أَوَّلَ خَلۡقٖ نُّعِيدُهُۥۚ وَعۡدًا عَلَيۡنَآۚ إِنَّا كُنَّا فَٰعِلِينَ

Su gay a lulunen nami su langit sa mana su kalulun sa kaltas sa mana su paganay a kinabaluy nami lun i kambalingan nami lun, pasad sa lekami sa enggalebeken nami.

آیت: 105

وَلَقَدۡ كَتَبۡنَا فِي ٱلزَّبُورِ مِنۢ بَعۡدِ ٱلذِّكۡرِ أَنَّ ٱلۡأَرۡضَ يَرِثُهَا عِبَادِيَ ٱلصَّٰلِحُونَ

Saben-sabenal a inisulat nami lu kanu manga kitab a nawna (Zabur, Taurat, Injil, endu Qur’an) sa uliyan na lu sa (Lawh Al-Mahfudh), su lupa na ya bun makawaris lun na su manga ulipen ku a salih.

آیت: 106

إِنَّ فِي هَٰذَا لَبَلَٰغٗا لِّقَوۡمٍ عَٰبِدِينَ

Benal su Qur’an na natabuan gayd a makapa- surga kanu bamedsimba sa Allah.

آیت: 107

وَمَآ أَرۡسَلۡنَٰكَ إِلَّا رَحۡمَةٗ لِّلۡعَٰلَمِينَ

Da kinasugu nami sa leka (Muhammad) a di kena limu kanu dunya.

آیت: 108

قُلۡ إِنَّمَا يُوحَىٰٓ إِلَيَّ أَنَّمَآ إِلَٰهُكُمۡ إِلَٰهٞ وَٰحِدٞۖ فَهَلۡ أَنتُم مُّسۡلِمُونَ

Edtalu ka (Muhammad): iniwahi sa laki i Kadenan nu na Kadenan a satimanin bu (Allah) na ngintu sinangkupan nu i namba?

آیت: 109

فَإِن تَوَلَّوۡاْ فَقُلۡ ءَاذَنتُكُمۡ عَلَىٰ سَوَآءٖۖ وَإِنۡ أَدۡرِيٓ أَقَرِيبٌ أَم بَعِيدٞ مَّا تُوعَدُونَ

Na amayka menda silan (di nilan taliman) na edtalu ka kanilan (Muhammad) i kambunuwa, ka lekanu na sakalebu sa laki endu diku katawan u masupeg atawa mawatan pan su siksa sa lekanu.

آیت: 110

إِنَّهُۥ يَعۡلَمُ ٱلۡجَهۡرَ مِنَ ٱلۡقَوۡلِ وَيَعۡلَمُ مَا تَكۡتُمُونَ

Su Allah i mataw sa mapayag a kadtalu, endu katawanin pan su ibagema nu.

آیت: 111

وَإِنۡ أَدۡرِي لَعَلَّهُۥ فِتۡنَةٞ لَّكُمۡ وَمَتَٰعٌ إِلَىٰ حِينٖ

Di ku katawan, basi tyuba sa lekanu endu gagalu a kapenanam-nanam (sa dunya).

آیت: 112

قَٰلَ رَبِّ ٱحۡكُم بِٱلۡحَقِّۗ وَرَبُّنَا ٱلرَّحۡمَٰنُ ٱلۡمُسۡتَعَانُ عَلَىٰ مَا تَصِفُونَ

Edtalu ka (Muhammad): Kadenan ku kukum ka (su pagelatan nami) sa haqq, endu Kadenan nami a malimu na papedtabang kami kanu kadtalu nilan (sa aden kaluma endu wata nu Allah) sa papendalebuten aku nilan.