ការបកប្រែអត្ថន័យ ជំពូក​ អាល់ម៉ាអ៊ីដះ - ការបកប្រែជាភាសាហ្វីលីពីន (ម៉ាហ្គិនដាណាវ) - មជ្ឍមណ្ឌលបកប្រែរ៉ូវ៉ាទ - លេខ​ទំព័រ 122 - សព្វវចនាធិប្បាយនៃគម្ពីគួរអាន

អាយ៉ាត់: 84

وَمَا لَنَا لَا نُؤۡمِنُ بِٱللَّهِ وَمَا جَآءَنَا مِنَ ٱلۡحَقِّ وَنَطۡمَعُ أَن يُدۡخِلَنَا رَبُّنَا مَعَ ٱلۡقَوۡمِ ٱلصَّٰلِحِينَ

Panun pan i di nami kapangimbenal sa Allah sa nakawma sa lekami i mapayag (Qur’an) endu kalilinyan nami sa paludepen kami nin (sa surga) sa kaped kami kanu manga taw a mangamapya (saliheen).

អាយ៉ាត់: 85

فَأَثَٰبَهُمُ ٱللَّهُ بِمَا قَالُواْ جَنَّٰتٖ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَاۚ وَذَٰلِكَ جَزَآءُ ٱلۡمُحۡسِنِينَ

Binalasan silan nu Allah sa kanu entu a pidtalu nilan sa paludepen silan sa surga a pilagilay sa kababan nin i manga lawas na ig, dayun sa dayun silan lu ba, namba su balas nu manga taw a manga mapya.

អាយ៉ាត់: 86

وَٱلَّذِينَ كَفَرُواْ وَكَذَّبُواْ بِـَٔايَٰتِنَآ أُوْلَٰٓئِكَ أَصۡحَٰبُ ٱلۡجَحِيمِ

Endu silan a manga kafir endu pinandalbut nilan su manga ayatan nami, na silan i kigkwan kanu apuy sa naraka.

អាយ៉ាត់: 87

يَٰٓأَيُّهَا ٱلَّذِينَ ءَامَنُواْ لَا تُحَرِّمُواْ طَيِّبَٰتِ مَآ أَحَلَّ ٱللَّهُ لَكُمۡ وَلَا تَعۡتَدُوٓاْۚ إِنَّ ٱللَّهَ لَا يُحِبُّ ٱلۡمُعۡتَدِينَ

Hay sekanu anan a manga bamamaginugut (babay-mama)! Di nu ipedsapal su manga mapya a ini-halal nu Allah sa lekanu endu di kanu pedsupak, su Allah na benal a di nin kalilinyan su manga taw a pedsupak.

អាយ៉ាត់: 88

وَكُلُواْ مِمَّا رَزَقَكُمُ ٱللَّهُ حَلَٰلٗا طَيِّبٗاۚ وَٱتَّقُواْ ٱللَّهَ ٱلَّذِيٓ أَنتُم بِهِۦ مُؤۡمِنُونَ

Kan kanu sa kanu inirizki nu Allah sa lekanu a halal a mapya, endu ika-gilek nu su Allah amayka bangimbenal kanu.

អាយ៉ាត់: 89

لَا يُؤَاخِذُكُمُ ٱللَّهُ بِٱللَّغۡوِ فِيٓ أَيۡمَٰنِكُمۡ وَلَٰكِن يُؤَاخِذُكُم بِمَا عَقَّدتُّمُ ٱلۡأَيۡمَٰنَۖ فَكَفَّٰرَتُهُۥٓ إِطۡعَامُ عَشَرَةِ مَسَٰكِينَ مِنۡ أَوۡسَطِ مَا تُطۡعِمُونَ أَهۡلِيكُمۡ أَوۡ كِسۡوَتُهُمۡ أَوۡ تَحۡرِيرُ رَقَبَةٖۖ فَمَن لَّمۡ يَجِدۡ فَصِيَامُ ثَلَٰثَةِ أَيَّامٖۚ ذَٰلِكَ كَفَّٰرَةُ أَيۡمَٰنِكُمۡ إِذَا حَلَفۡتُمۡۚ وَٱحۡفَظُوٓاْ أَيۡمَٰنَكُمۡۚ كَذَٰلِكَ يُبَيِّنُ ٱللَّهُ لَكُمۡ ءَايَٰتِهِۦ لَعَلَّكُمۡ تَشۡكُرُونَ

Di kanu siksan nu Allah kanu kinadsapa nu sa di kena pidtibaba, ugayd na siksan kanu nin kanu kinadsapa nu sa pidtibaba (amayka di matuman) ya nin kaffarah (makapanambi nin) na mapakan sa sapulu ka taw a miskinan sa kangasasangan sa mana su ipapegkan sa kanu pamilya, ataw ka pambanggalan silan, ataw ka mapandaludaya sa ulipen (mangon sa ulipen), entayni di makagaga (apya endaw sa nalabit anan) na ebpwasa sa telu gay, namba i kaffarah na sapa sa pidtibaba endu tyakapi nu su sapa, ka nambay kapebpayag nu Allah kanu manga ayat nin ka malemu-lemu sa lekanu i kadsukur nu.

អាយ៉ាត់: 90

يَٰٓأَيُّهَا ٱلَّذِينَ ءَامَنُوٓاْ إِنَّمَا ٱلۡخَمۡرُ وَٱلۡمَيۡسِرُ وَٱلۡأَنصَابُ وَٱلۡأَزۡلَٰمُ رِجۡسٞ مِّنۡ عَمَلِ ٱلشَّيۡطَٰنِ فَٱجۡتَنِبُوهُ لَعَلَّكُمۡ تُفۡلِحُونَ

Hay sekanu anan a manga bamamaginugut (babay endu mama)! Saben-sabenal su makalangut (langun a embalangan a makabinasa sa akal) endu su kandalmet endu su panunumbalin sya kanu ka sakutu (ansaab), endu su kabpagalamat, na maledsik a galbekan ebpun kanu Shaytan, pananggilay nu ka di ebplis na makauntung kanu.