ការបកប្រែអត្ថន័យ ជំពូក​ អាល់ម៉ាអ៊ីដះ - ការបកប្រែជាភាសាហ្វីលីពីន (ម៉ាហ្គិនដាណាវ) - មជ្ឍមណ្ឌលបកប្រែរ៉ូវ៉ាទ - លេខ​ទំព័រ 118 - សព្វវចនាធិប្បាយនៃគម្ពីគួរអាន

អាយ៉ាត់: 58

وَإِذَا نَادَيۡتُمۡ إِلَى ٱلصَّلَوٰةِ ٱتَّخَذُوهَا هُزُوٗا وَلَعِبٗاۚ ذَٰلِكَ بِأَنَّهُمۡ قَوۡمٞ لَّا يَعۡقِلُونَ

Endu amayka initawag nu su kadsambayang na nagungat silan endu mindalmet silan, silan a manga taw na dala manga akal nin (dala ungangen nin).

អាយ៉ាត់: 59

قُلۡ يَٰٓأَهۡلَ ٱلۡكِتَٰبِ هَلۡ تَنقِمُونَ مِنَّآ إِلَّآ أَنۡ ءَامَنَّا بِٱللَّهِ وَمَآ أُنزِلَ إِلَيۡنَا وَمَآ أُنزِلَ مِن قَبۡلُ وَأَنَّ أَكۡثَرَكُمۡ فَٰسِقُونَ

Edtalu ka (Muhammad): sekanu a aden kitab nin (Yahudi endu Nasrani) di kami nu galipungetan ya tabya na nangimbenal kami sa Allah endu su initulun nin sa lekami endu su initulun a nawna, na ya madakel sa kanilan na faasiq.

អាយ៉ាត់: 60

قُلۡ هَلۡ أُنَبِّئُكُم بِشَرّٖ مِّن ذَٰلِكَ مَثُوبَةً عِندَ ٱللَّهِۚ مَن لَّعَنَهُ ٱللَّهُ وَغَضِبَ عَلَيۡهِ وَجَعَلَ مِنۡهُمُ ٱلۡقِرَدَةَ وَٱلۡخَنَازِيرَ وَعَبَدَ ٱلطَّٰغُوتَۚ أُوْلَٰٓئِكَ شَرّٞ مَّكَانٗا وَأَضَلُّ عَن سَوَآءِ ٱلسَّبِيلِ

Edtalu ka (Muhammad): panudtulen ku sa lekanu su minuna pan i kawag nin kanu lipunget u sa lekami? Su siksa na lu sa Allah kanu (manga taw) a namulkan nin, endu nalipungetan nin na binaluy nin a manga ubal endu manga babuy endu su sinumimba sa salakaw sa Allah na entuba i nakasagad i kawag nin i kandalpa nin (sa gay a mawli) endu natading sa bantang a lalan.

អាយ៉ាត់: 61

وَإِذَا جَآءُوكُمۡ قَالُوٓاْ ءَامَنَّا وَقَد دَّخَلُواْ بِٱلۡكُفۡرِ وَهُمۡ قَدۡ خَرَجُواْ بِهِۦۚ وَٱللَّهُ أَعۡلَمُ بِمَا كَانُواْ يَكۡتُمُونَ

Endu makawma silan sa lekanu na edtalu silan sa bangimbenal kami, na saben-sabenal a nakaludep silan sa ka-kafir, na lumyu silan sa kafir bun su atay nilan, su Allah na katawan nin i langun na ibagena nilan.

អាយ៉ាត់: 62

وَتَرَىٰ كَثِيرٗا مِّنۡهُمۡ يُسَٰرِعُونَ فِي ٱلۡإِثۡمِ وَٱلۡعُدۡوَٰنِ وَأَكۡلِهِمُ ٱلسُّحۡتَۚ لَبِئۡسَ مَا كَانُواْ يَعۡمَلُونَ

Endu mailay nengka i kadakelan sa kanilan (Yahudi) na ya nilan pamagayasan i kadusan endu kapagukag endu kakan sa haram, na ngin den i kawag nin i kanilan a pinggalebek.

អាយ៉ាត់: 63

لَوۡلَا يَنۡهَىٰهُمُ ٱلرَّبَّٰنِيُّونَ وَٱلۡأَحۡبَارُ عَن قَوۡلِهِمُ ٱلۡإِثۡمَ وَأَكۡلِهِمُ ٱلسُّحۡتَۚ لَبِئۡسَ مَا كَانُواْ يَصۡنَعُونَ

Entuba ka pedsapalan silan nu manga mawngangen (kigkuwan sa kamal) endu su manga ulama sa kapedtalu nilan sa kadusan (kalbutan) endu su kapegkan nilan sa haram, ngin den i kawag nin i kanilan a pebpulungan.

អាយ៉ាត់: 64

وَقَالَتِ ٱلۡيَهُودُ يَدُ ٱللَّهِ مَغۡلُولَةٌۚ غُلَّتۡ أَيۡدِيهِمۡ وَلُعِنُواْ بِمَا قَالُواْۘ بَلۡ يَدَاهُ مَبۡسُوطَتَانِ يُنفِقُ كَيۡفَ يَشَآءُۚ وَلَيَزِيدَنَّ كَثِيرٗا مِّنۡهُم مَّآ أُنزِلَ إِلَيۡكَ مِن رَّبِّكَ طُغۡيَٰنٗا وَكُفۡرٗاۚ وَأَلۡقَيۡنَا بَيۡنَهُمُ ٱلۡعَدَٰوَةَ وَٱلۡبَغۡضَآءَ إِلَىٰ يَوۡمِ ٱلۡقِيَٰمَةِۚ كُلَّمَآ أَوۡقَدُواْ نَارٗا لِّلۡحَرۡبِ أَطۡفَأَهَا ٱللَّهُۚ وَيَسۡعَوۡنَ فِي ٱلۡأَرۡضِ فَسَادٗاۚ وَٱللَّهُ لَا يُحِبُّ ٱلۡمُفۡسِدِينَ

Endu pidtalu nu manga Yahudi, lima nu Allah na di ma-uka (naiketan sa di den makanggay sa limu), su manga lima nilan (a manga Yahudi) i naka-iket sa di ma-uka endu namulkan silan kanu pidtalu nilan, kena! ka su lima nu Allahu na na-uka, pembaranggyan nin su limu nin kanu kyugan nin, endu (su manga Yahudi) na pedsising-guman silan sa madakel (a kapedsupak) kanu initulun sa leka (Muhammad) (a Qur’an) ebpun sa Kadenan nengka na pendupangen nilan endu pigkafiran nilan, na inibetad nami kanu manga pageltan nilan i kapamagukag endu kan-didilipungetaya taman sa kabangkit sa dunya, uman silan tumutud sa apuy na kambunwa (mumbal sa ukit a kambunu-bunu) na ipa-padeng nu Allah endu (bamikal) penggalbek silan sa kanu dalpa sa kabinasan, su Allah na di nin kalinyan i pamakabinasa.