وه‌رگێڕانی ماناكان سوره‌تی سورەتی المعارج - الترجمة الكيروندية - فرەفەرهەنگی قورئانی پیرۆز

SURATU L-MA’AARIJ

ئایه‌تی: 1

سَأَلَ سَآئِلُۢ بِعَذَابٖ وَاقِعٖ

Yarasavye umusavyi^[1] igihano gitegerezwa gushika;

[1] Yitwa An-Nadhru mwene Al-Haarith

ئایه‌تی: 2

لِّلۡكَٰفِرِينَ لَيۡسَ لَهُۥ دَافِعٞ

Kizoshikira abagarariji ku musi w’izuka, nta n’umwe ashoboye kugihagarika;

ئایه‌تی: 3

مِّنَ ٱللَّهِ ذِي ٱلۡمَعَارِجِ

Kiva ku Mana Allah, Nyeninzira zicamwo gusa abamalayika mu kirere;

ئایه‌تی: 4

تَعۡرُجُ ٱلۡمَلَٰٓئِكَةُ وَٱلرُّوحُ إِلَيۡهِ فِي يَوۡمٖ كَانَ مِقۡدَارُهُۥ خَمۡسِينَ أَلۡفَ سَنَةٖ

Abamalayika hamwe na Mutimamweranda Jibrili, bazoduga muri izo nzira baja ku Mana Allah, ku musi w’izuka, ku ntureka zawo uzoba ungana n’imyaka yo kw’isi ibihumbi mirongo itanu^[2].

[2] Uwo, ni wo musi w'iharurirwa ry'ibiremwa no kubicira urutunganye. Ku mwemeramana, azowubona ari akanya gato, kangana n'umwanya isengesho rimwe rimara.

ئایه‌تی: 5

فَٱصۡبِرۡ صَبۡرٗا جَمِيلًا

Ntumwa y’Imana! Ihanganire ata kwidogera itebura ry’abagarariji mu kwihutira gusaba ko bohanwa.

ئایه‌تی: 6

إِنَّهُمۡ يَرَوۡنَهُۥ بَعِيدٗا

Mu vy’ukuri, abagarariji babona ko ibihano vyo kuri uwo musi biri kure cane, bitazonabashikira;

ئایه‌تی: 7

وَنَرَىٰهُ قَرِيبٗا

Na Twe Allah, Tukabibona ko nyabuna biri hafi cane, kandi bitegerezwa gushika.

ئایه‌تی: 8

يَوۡمَ تَكُونُ ٱلسَّمَآءُ كَٱلۡمُهۡلِ

Umusi ijuru ryabaye nk’ubutare bw’umujumpu bwayongejwe;

ئایه‌تی: 9

وَتَكُونُ ٱلۡجِبَالُ كَٱلۡعِهۡنِ

Imisozi nayo ikaba nk’ubwoya bwashwiragijwe n’umuyaga mu kirere;

ئایه‌تی: 10

وَلَا يَسۡـَٔلُ حَمِيمٌ حَمِيمٗا

Umugenzi, ntazobaza mugenziwe uko amerewe.

ئایه‌تی: 11

يُبَصَّرُونَهُمۡۚ يَوَدُّ ٱلۡمُجۡرِمُ لَوۡ يَفۡتَدِي مِنۡ عَذَابِ يَوۡمِئِذِۭ بِبَنِيهِ

Abakunzi bazobonana banamenyane, maze umunyavyaha yipfuze ko yotuma yigomboza mu bihano vy’uwo musi, abana biwe;

ئایه‌تی: 12

وَصَٰحِبَتِهِۦ وَأَخِيهِ

N’umukenyezi wiwe, hamwe na mwenewabo;

ئایه‌تی: 13

وَفَصِيلَتِهِ ٱلَّتِي تُـٔۡوِيهِ

N'abo akomokako, bahora bamurwanako kw’isi;

ئایه‌تی: 14

وَمَن فِي ٱلۡأَرۡضِ جَمِيعٗا ثُمَّ يُنجِيهِ

Hamwe rero n’ibiremwa vyose vyo kw’isi; yiyumvira ko ivyo vyose vyomurokora mu bihano.

ئایه‌تی: 15

كَلَّآۖ إِنَّهَا لَظَىٰ

Nateshwe ate, arahumba! Si nk’uko avyipfuza, ntibazomurokora namba. Mu vy’ukuri uburuhukiro bwiwe, ni mu muriro wa Jahannamu ururumba n’inguvu nyinshi;

ئایه‌تی: 16

نَزَّاعَةٗ لِّلشَّوَىٰ

Ushishura urukoba rw’umutwe n’urw’ibindi bihimba vy’umubiri;

ئایه‌تی: 17

تَدۡعُواْ مَنۡ أَدۡبَرَ وَتَوَلَّىٰ

Uhamagara uwo wese yirengagiza ukuri akiri kw'isi, akanagenza umugongo mu kutumvira Imana Allah n’Intumwa yayo;

ئایه‌تی: 18

وَجَمَعَ فَأَوۡعَىٰٓ

Yishinga kwegeranya no kuziganya amatungo yiwe; atayatangako ishikanwa-bwirizwa, n’izindi mperezwa.

ئایه‌تی: 19

۞ إِنَّ ٱلۡإِنسَٰنَ خُلِقَ هَلُوعًا

Mu vy’ukuri, kiremwa-muntu yaremanwe igihababu;

ئایه‌تی: 20

إِذَا مَسَّهُ ٱلشَّرُّ جَزُوعٗا

Iyo akozweko n’ikiza c’ubukene canke indwara n'ibindi, ntiyihangana;

ئایه‌تی: 21

وَإِذَا مَسَّهُ ٱلۡخَيۡرُ مَنُوعًا

N’iyo yorohewe mu buzima, aba ingumyi;

ئایه‌تی: 22

إِلَّا ٱلۡمُصَلِّينَ

Havuyemwo gusa abasenga;

ئایه‌تی: 23

ٱلَّذِينَ هُمۡ عَلَىٰ صَلَاتِهِمۡ دَآئِمُونَ

Batsimbataza amasengesho yabo ku mwanya wayo bakamizako;

ئایه‌تی: 24

وَٱلَّذِينَ فِيٓ أَمۡوَٰلِهِمۡ حَقّٞ مَّعۡلُومٞ

N’abafise umugabane uzwi mu matungo yabo, bagaheza bakawutangako ishikanwa-bwirizwa;

ئایه‌تی: 25

لِّلسَّآئِلِ وَٱلۡمَحۡرُومِ

Bagahereza umukene yubahuka agasega n’uwipfa agasoni, ntasabirize.

ئایه‌تی: 26

وَٱلَّذِينَ يُصَدِّقُونَ بِيَوۡمِ ٱلدِّينِ

Havuyemwo n’abemera umusi w’impera, bakawitegurira mu gukora ivyiza bitegetswe;

ئایه‌تی: 27

وَٱلَّذِينَ هُم مِّنۡ عَذَابِ رَبِّهِم مُّشۡفِقُونَ

N’abatinya ibihano bivuye ku Mana yabo Rurema Allah, maze bakavyiyubara;

ئایه‌تی: 28

إِنَّ عَذَابَ رَبِّهِمۡ غَيۡرُ مَأۡمُونٖ

Mu vy’ukuri ibihano vy’Imana yabo Rurema Allah, nta wokwijajara akiha amahoro mu kwiyemeza ko azobikira;

ئایه‌تی: 29

وَٱلَّذِينَ هُمۡ لِفُرُوجِهِمۡ حَٰفِظُونَ

N’abacungera ubwambure bwabo, ntibasambane;

ئایه‌تی: 30

إِلَّا عَلَىٰٓ أَزۡوَٰجِهِمۡ أَوۡ مَا مَلَكَتۡ أَيۡمَٰنُهُمۡ فَإِنَّهُمۡ غَيۡرُ مَلُومِينَ

Kiretse gusa ku bakenyezi babo, canke abari mu minwe yabo mu ncoreke. Kuri abo rero, nta mwikomo bazogirirwa, nta kabi kabo.

ئایه‌تی: 31

فَمَنِ ٱبۡتَغَىٰ وَرَآءَ ذَٰلِكَ فَأُوْلَٰٓئِكَ هُمُ ٱلۡعَادُونَ

Mugabo abazorengera ku bitari ivyo, bazoba barenze imbibe z’ibirekuwe, bavogereye imbibe z’ibibujijwe;

ئایه‌تی: 32

وَٱلَّذِينَ هُمۡ لِأَمَٰنَٰتِهِمۡ وَعَهۡدِهِمۡ رَٰعُونَ

N’abacungera imbitso baragijwe n’Imana Allah n’izo babikijwe n’abantu, bagashitsa n’amasezerano biyemeje;

ئایه‌تی: 33

وَٱلَّذِينَ هُم بِشَهَٰدَٰتِهِمۡ قَآئِمُونَ

N’ababa ivyabona vy’ukuri mu kutanyegeza canke guhindura ukuri bazi;

ئایه‌تی: 34

وَٱلَّذِينَ هُمۡ عَلَىٰ صَلَاتِهِمۡ يُحَافِظُونَ

N’abasenga amasengesho yabo bakayatunganya nk’uko bisabwa.

ئایه‌تی: 35

أُوْلَٰٓئِكَ فِي جَنَّٰتٖ مُّكۡرَمُونَ

Abo barangwa n’izo ngeso nziza rero, bazoterwa iteka mu Bwami bw’ijuru bwuzuye inema.

ئایه‌تی: 36

فَمَالِ ٱلَّذِينَ كَفَرُواْ قِبَلَكَ مُهۡطِعِينَ

Mbega, ni igiki gituma abagararije Imana Allah bahurumbira kuza bagukanuriye amaso!

ئایه‌تی: 37

عَنِ ٱلۡيَمِينِ وَعَنِ ٱلشِّمَالِ عِزِينَ

Bagukikije iburyo n’ibubamfu bwawe, bari mu migwimigwi, batangazwa n’ubutumwa ubashikiriza!

ئایه‌تی: 38

أَيَطۡمَعُ كُلُّ ٱمۡرِيٕٖ مِّنۡهُمۡ أَن يُدۡخَلَ جَنَّةَ نَعِيمٖ

Mbega umwe wese muri bo, yipfuza kwinjizwa mu Bwami bw’ijuru bwuzuye inema; nk’abislamu bicisha bugufi!

ئایه‌تی: 39

كَلَّآۖ إِنَّا خَلَقۡنَٰهُم مِّمَّا يَعۡلَمُونَ

Nibateshwe bate, barahumba! Si nk’uko bavyipfuza, ntibazopfa babwinjiye. Mu vy’ukuri Twebwe Allah, Twabaremye mu mazi y’intanga bazi.

ئایه‌تی: 40

فَلَآ أُقۡسِمُ بِرَبِّ ٱلۡمَشَٰرِقِ وَٱلۡمَغَٰرِبِ إِنَّا لَقَٰدِرُونَ

Jewe Allah, Ndarahiye kw’izina ryanje, Jewe Imana Muremyi Yaremye ubuseruko n’uburengero vy'izuba, vy'ukwezi n'ivy'izindi nyenyeri^[3], ko Twebwe Allah Dushoboye vyose!

[3] Imana Allah Yarahiye kuri ivyo vyose, kuko harimwo ivyemezo vyerekana ubushobozi n'ububasha vy'uko Ishoboye kuzura ibiremwa.

ئایه‌تی: 41

عَلَىٰٓ أَن نُّبَدِّلَ خَيۡرٗا مِّنۡهُمۡ وَمَا نَحۡنُ بِمَسۡبُوقِينَ

Turashoboye kubahindura mu kubasubiriza hakaza ibindi biremwa nkabo, vyubaha Imana Allah kubarusha, kandi ntitwonanirwa n’ivyo!

ئایه‌تی: 42

فَذَرۡهُمۡ يَخُوضُواْ وَيَلۡعَبُواْ حَتَّىٰ يُلَٰقُواْ يَوۡمَهُمُ ٱلَّذِي يُوعَدُونَ

Kubera ivyo rero, bareke gutyo babandanye guhakana no gufyinata, kugeza aho bazokwibonera ubwabo uwo musi wabo w'izuka basezeraniwe ko bazohanwa;

ئایه‌تی: 43

يَوۡمَ يَخۡرُجُونَ مِنَ ٱلۡأَجۡدَاثِ سِرَاعٗا كَأَنَّهُمۡ إِلَىٰ نُصُبٖ يُوفِضُونَ

Umusi bazutse bava mu kuzimu banyaragasa, nk’aho boba basiganwa gushika ku bigirwamana bahora basenga kw’isi, bishinze imbere yabo;

ئایه‌تی: 44

خَٰشِعَةً أَبۡصَٰرُهُمۡ تَرۡهَقُهُمۡ ذِلَّةٞۚ ذَٰلِكَ ٱلۡيَوۡمُ ٱلَّذِي كَانُواْ يُوعَدُونَ

Amaso yabo, azoba araba hasi ku guteterwa, bagayitse. Uwo rero, ni wa musi bari barasezeraniwe bakiri kw’isi ko uzobashikira, bakawuhakana.