Reikšmių vertimas Sūra Sūra Al-Chaakkah - Dagbanių k. vertimas - Kilniojo Korano enciklopedija

Sūra Al-Chaakkah

Aja (Korano eilutė): 1

ٱلۡحَآقَّةُ

1. Din ku tooi mɔŋ (din yɛn niŋ ka di kala amii, dina n-nyɛ Chiyaama).

Aja (Korano eilutė): 2

مَا ٱلۡحَآقَّةُ

2. Bo n-leei nyɛ din ku tooi mɔŋ (din yɛn niŋ ka di kala amii maa)?

Aja (Korano eilutė): 3

وَمَآ أَدۡرَىٰكَ مَا ٱلۡحَآقَّةُ

3. Yaha! (Yaa nyini Annabi)! Bo n-leei baŋsi a din ku tooi mɔŋ?

Aja (Korano eilutė): 4

كَذَّبَتۡ ثَمُودُ وَعَادُۢ بِٱلۡقَارِعَةِ

4. Samuudu mini Aadunim’^[11]daa labsi suhi ni tobu (Chiyaama dali) ʒiri.

[11] Samuudunima n-daa nyɛ Annabi Salihu niriba, ka Aadunim’ daa nyɛ Annabi Hudu niriba.

Aja (Korano eilutė): 5

فَأَمَّا ثَمُودُ فَأُهۡلِكُواْ بِٱلطَّاغِيَةِ

5. Amaa! Samuudu nim’ bana, bɛ daa niŋ bala hallaka ni tahigu din nyɛ zaɣikpeeni.

Aja (Korano eilutė): 6

وَأَمَّا عَادٞ فَأُهۡلِكُواْ بِرِيحٖ صَرۡصَرٍ عَاتِيَةٖ

6. Yaha! Amaa! Aadunima, ka bɛ niŋ ba hallaka ni pɔhim shεli din mali wɔri, ka di kumsi lahi be, ka mali yaa.

Aja (Korano eilutė): 7

سَخَّرَهَا عَلَيۡهِمۡ سَبۡعَ لَيَالٖ وَثَمَٰنِيَةَ أَيَّامٍ حُسُومٗاۖ فَتَرَى ٱلۡقَوۡمَ فِيهَا صَرۡعَىٰ كَأَنَّهُمۡ أَعۡجَازُ نَخۡلٍ خَاوِيَةٖ

7. O (Naawuni) daa tim li mi na bɛ zuɣu yuŋ diba ayɔpoin ni dabsa anii, ka di kuli pa taba zuɣu, dinzuɣu ka a nya ninsalinim’ di puuni, ka bɛ nyɛla ban dondoya kamani dobino tigbir’ shɛŋa din lu n-doya.

Aja (Korano eilutė): 8

فَهَلۡ تَرَىٰ لَهُم مِّنۢ بَاقِيَةٖ

8. (Yaa nyini ŋun gbilsiri tibli)! Di nibɔŋɔ, a lahi nyari bɛ puuni so ŋun kpalim?

Aja (Korano eilutė): 9

وَجَآءَ فِرۡعَوۡنُ وَمَن قَبۡلَهُۥ وَٱلۡمُؤۡتَفِكَٰتُ بِٱلۡخَاطِئَةِ

9. Ka Fir’auna mi gba kana, ni ninvuɣu shεba ban daa kana pɔi ni bana, n-ti pahi ninvuɣu shεba bɛ ni daa lebi bɛ tiŋgbani pili (Annabi Lutu niriba), domin bɛ tuumbεri zuɣu.

Aja (Korano eilutė): 10

فَعَصَوۡاْ رَسُولَ رَبِّهِمۡ فَأَخَذَهُمۡ أَخۡذَةٗ رَّابِيَةً

10.Ka bɛ kpe bɛ Duuma (Naawuni) tumo taali ni, dinzuɣu ka O gbaai ba gbaari shεli din biɛrim pahira.

Aja (Korano eilutė): 11

إِنَّا لَمَّا طَغَا ٱلۡمَآءُ حَمَلۡنَٰكُمۡ فِي ٱلۡجَارِيَةِ

11. Achiika! Saha shεli kom ni daa kpe m-pali tiŋgbani ni, ka Ti kpiɣi ya niŋŋarim maa puuni.

Aja (Korano eilutė): 12

لِنَجۡعَلَهَا لَكُمۡ تَذۡكِرَةٗ وَتَعِيَهَآ أُذُنٞ وَٰعِيَةٞ

12. Domin Ti (Tinim’ Naawuni) zaŋ li leei wa’azu tin ya, ka tibli din yɛn wum li ka tilgi gu di maŋa.

Aja (Korano eilutė): 13

فَإِذَا نُفِخَ فِي ٱلصُّورِ نَفۡخَةٞ وَٰحِدَةٞ

13. Dinzuɣubɛ (Malaaika) yi ti piɛbsi kikaa ni yim zuɣu.

Aja (Korano eilutė): 14

وَحُمِلَتِ ٱلۡأَرۡضُ وَٱلۡجِبَالُ فَدُكَّتَا دَكَّةٗ وَٰحِدَةٗ

14. Ka bɛ kpiɣi tiŋgbani mini zoya, ka nyɛm li nyɛmbu yim.

Aja (Korano eilutė): 15

فَيَوۡمَئِذٖ وَقَعَتِ ٱلۡوَاقِعَةُ

15. Tɔ! Dindali maa ka din yɛn niŋ maa shiri yɛn niŋ.

Aja (Korano eilutė): 16

وَٱنشَقَّتِ ٱلسَّمَآءُ فَهِيَ يَوۡمَئِذٖ وَاهِيَةٞ

16. Yaha! Dindali maa ka sagbana yɛn tahibɔɣi, ka leei zaɣigbariŋ.

Aja (Korano eilutė): 17

وَٱلۡمَلَكُ عَلَىٰٓ أَرۡجَآئِهَاۚ وَيَحۡمِلُ عَرۡشَ رَبِّكَ فَوۡقَهُمۡ يَوۡمَئِذٖ ثَمَٰنِيَةٞ

17. Ka Malaaikanim’ ʒe di yεɣali kam. Ka Maalaaikanim’ anii yɛn ti ʒi a Duuma Daali’arshi (nam garo) bɛ zuɣu ni.

Aja (Korano eilutė): 18

يَوۡمَئِذٖ تُعۡرَضُونَ لَا تَخۡفَىٰ مِنكُمۡ خَافِيَةٞ

18. Dindali maa ka bɛ yɛn ti zaŋ ya nzali Naawuni tooni, ka nyɛvulilana so ku tooi sɔɣi yi puuni.

Aja (Korano eilutė): 19

فَأَمَّا مَنۡ أُوتِيَ كِتَٰبَهُۥ بِيَمِينِهِۦ فَيَقُولُ هَآؤُمُ ٱقۡرَءُواْ كِتَٰبِيَهۡ

19. Amaa! Bɛ yi ti ti so o litaafi o nudirigu zuɣu,o ni yεli: “Deemi ya n litaafi ŋɔ maa karim.”

Aja (Korano eilutė): 20

إِنِّي ظَنَنتُ أَنِّي مُلَٰقٍ حِسَابِيَهۡ

20. Achiika! Mani daa dihitabli (Dunia puuni) kadama n-nyɛla ŋun yɛn ti laɣim ni n saliya karibu.

Aja (Korano eilutė): 21

فَهُوَ فِي عِيشَةٖ رَّاضِيَةٖ

21. Dinzuɣu, ka o nyɛla ŋun be bεri shɛli puuni bɛ ni niŋ yɛdda.

Aja (Korano eilutė): 22

فِي جَنَّةٍ عَالِيَةٖ

22. Alizanda shɛli din duhi zuɣusaa la puuni.

Aja (Korano eilutė): 23

قُطُوفُهَا دَانِيَةٞ

23. Ka di (Alizanda maa) binwola kuli be yoma (n-ti ŋun bɔri li).

Aja (Korano eilutė): 24

كُلُواْ وَٱشۡرَبُواْ هَنِيٓـَٔۢا بِمَآ أَسۡلَفۡتُمۡ فِي ٱلۡأَيَّامِ ٱلۡخَالِيَةِ

24. (Ka bɛ yεli ba): “Dim ya ka nyu yolsigu puuni, domin yi ni daa daŋsi tum tuun’ shεŋa dabsa din garila puuni (Dunia).”

Aja (Korano eilutė): 25

وَأَمَّا مَنۡ أُوتِيَ كِتَٰبَهُۥ بِشِمَالِهِۦ فَيَقُولُ يَٰلَيۡتَنِي لَمۡ أُوتَ كِتَٰبِيَهۡ

25. Amaa! Ninvuɣu so bɛ ni ti o litaafi ni o nuzaa, tɔ!Oni ti yεli: “M-baye, bε yi di kuli bi ti ma n litaafi ŋɔ gba.”

Aja (Korano eilutė): 26

وَلَمۡ أَدۡرِ مَا حِسَابِيَهۡ

26. Yaha! M-bi mi bɛ ni yɛn kari ma saliya shɛli.

Aja (Korano eilutė): 27

يَٰلَيۡتَهَا كَانَتِ ٱلۡقَاضِيَةَ

27. Mbaye, di (kpibu maa) yi di kuli nyɛla yim zuɣu (Dunia puuni).

Aja (Korano eilutė): 28

مَآ أَغۡنَىٰ عَنِّي مَالِيَهۡۜ

28. M buni (arzichi) bi tooi niŋ ma anfaani shɛli.

Aja (Korano eilutė): 29

هَلَكَ عَنِّي سُلۡطَٰنِيَهۡ

29. N yiko (daliri) naai ya ka chε ma.

Aja (Korano eilutė): 30

خُذُوهُ فَغُلُّوهُ

30. (Ka Naawuni yεli Malaaikanima)! “Gbaami ya o, ka lo o ni bandi.”

Aja (Korano eilutė): 31

ثُمَّ ٱلۡجَحِيمَ صَلُّوهُ

31. Din nyaaŋa, zaŋmi ya o n-ti labi ʒehiimi (buɣum) ni.

Aja (Korano eilutė): 32

ثُمَّ فِي سِلۡسِلَةٖ ذَرۡعُهَا سَبۡعُونَ ذِرَاعٗا فَٱسۡلُكُوهُ

32. Din nyaaŋa, lom ya o ni zoligu din waɣilim nyɛ nuu ŋmεbu pihiyɔpoin, ka zaŋ yao niŋ di puuni.

Aja (Korano eilutė): 33

إِنَّهُۥ كَانَ لَا يُؤۡمِنُ بِٱللَّهِ ٱلۡعَظِيمِ

33. Achiika! O daa nyɛla ninvuɣu so ŋun bi ti Naawuni so Ŋun galsi maa yεlimaŋli.

Aja (Korano eilutė): 34

وَلَا يَحُضُّ عَلَىٰ طَعَامِ ٱلۡمِسۡكِينِ

34. Omi bi kpaŋsiri ninsalinima nandana dihibu.

Aja (Korano eilutė): 35

فَلَيۡسَ لَهُ ٱلۡيَوۡمَ هَٰهُنَا حَمِيمٞ

35. Dinzuɣu, zuŋɔ o ka zosim kpe.

Aja (Korano eilutė): 36

وَلَا طَعَامٌ إِلَّا مِنۡ غِسۡلِينٖ

36. O mi ka bindir’ shεli m-pahila yum kom (ʒim ni mari).

Aja (Korano eilutė): 37

لَّا يَأۡكُلُهُۥٓ إِلَّا ٱلۡخَٰطِـُٔونَ

37. So bi diri li naɣila tuumbiεri nima.

Aja (Korano eilutė): 38

فَلَآ أُقۡسِمُ بِمَا تُبۡصِرُونَ

38. Dinzuɣu M (Mani Naawuni) po yi (ninsalinim’) ni nyari shɛli.

Aja (Korano eilutė): 39

وَمَا لَا تُبۡصِرُونَ

39. Ni yi ni bi nyari shɛli.

Aja (Korano eilutė): 40

إِنَّهُۥ لَقَوۡلُ رَسُولٖ كَرِيمٖ

40. Achiika! Di (Alkur’aani) nyɛla tuun’ so (Annabi Muhammadu) ŋun mali jilma la yεltɔɣa.

Aja (Korano eilutė): 41

وَمَا هُوَ بِقَوۡلِ شَاعِرٖۚ قَلِيلٗا مَّا تُؤۡمِنُونَ

41. Yaha! Di pala yiliyindi so yεltɔɣa, bɛla ka yi tiri Naawuni yεlimaŋli.

Aja (Korano eilutė): 42

وَلَا بِقَوۡلِ كَاهِنٖۚ قَلِيلٗا مَّا تَذَكَّرُونَ

42. Di mi pala baɣaso yεltɔɣa, biɛla ka yi teeri Naawuni yεla.

Aja (Korano eilutė): 43

تَنزِيلٞ مِّن رَّبِّ ٱلۡعَٰلَمِينَ

43. Di (Alkur’aani) nyɛla bɛ ni siɣisi shɛli ka di yi binnamda Duuma sani na.

Aja (Korano eilutė): 44

وَلَوۡ تَقَوَّلَ عَلَيۡنَا بَعۡضَ ٱلۡأَقَاوِيلِ

44. Yaha! O (Annabi Muhammadu) yi di ŋma ʒi’ shεŋa m-pa Ti (Tinim’ Naawuni).

Aja (Korano eilutė): 45

لَأَخَذۡنَا مِنۡهُ بِٱلۡيَمِينِ

45. Achiika! Ti naan gbaai o ni nudirigu.

Aja (Korano eilutė): 46

ثُمَّ لَقَطَعۡنَا مِنۡهُ ٱلۡوَتِينَ

46. Din nyaaŋa, Ti naan ŋmaagi o kukojilgu (ka o kpi).

Aja (Korano eilutė): 47

فَمَا مِنكُم مِّنۡ أَحَدٍ عَنۡهُ حَٰجِزِينَ

47. Yi mi puuni so naan ku tooi taɣi o (Annabi Muhammadu) ka chɛ Ti (Tinim’ Naawuni) daazaaba.

Aja (Korano eilutė): 48

وَإِنَّهُۥ لَتَذۡكِرَةٞ لِّلۡمُتَّقِينَ

48. Yaha! Achiika! Di (Alkur’aani) nyɛla teebu n-zaŋ ti wuntizɔriba.

Aja (Korano eilutė): 49

وَإِنَّا لَنَعۡلَمُ أَنَّ مِنكُم مُّكَذِّبِينَ

49. Yaha! Achiika! Ti mi ni ʒirinim’ be yi (ninsalinim’) puuni.

Aja (Korano eilutė): 50

وَإِنَّهُۥ لَحَسۡرَةٌ عَلَى ٱلۡكَٰفِرِينَ

50. Yaha! Achiika! Di yɛn ti nyɛla ashaara n-zaŋ ti chεfurinima (Zaadali).

Aja (Korano eilutė): 51

وَإِنَّهُۥ لَحَقُّ ٱلۡيَقِينِ

51. Yaha! Achiika! Di (Alkur’aani) nyɛla yεlimaŋli ka nyɛ din dihitabli.

Aja (Korano eilutė): 52

فَسَبِّحۡ بِٱسۡمِ رَبِّكَ ٱلۡعَظِيمِ

52. Dinzuɣu, simsim a Duuma So Ŋun nam galsi maa yuli.