Reikšmių vertimas Sūra Sūra At-Takuyr - Bantų k. vertimas - Kilniojo Korano enciklopedija

Attak’wiir (Kuzinga)

Aja (Korano eilutė): 1

إِذَا ٱلشَّمۡسُ كُوِّرَتۡ

Igihe izuba rizazingwazingwa (urumuri rwaryo rukazimira),

Aja (Korano eilutė): 2

وَإِذَا ٱلنُّجُومُ ٱنكَدَرَتۡ

N’igihe inyenyeri zizijima,

Aja (Korano eilutė): 3

وَإِذَا ٱلۡجِبَالُ سُيِّرَتۡ

N’igihe imisozi izakurwa mu myanya yayo,

Aja (Korano eilutė): 4

وَإِذَا ٱلۡعِشَارُ عُطِّلَتۡ

N’igihe ingamiya zihaka zizarekwa (ntizitabweho),

Aja (Korano eilutė): 5

وَإِذَا ٱلۡوُحُوشُ حُشِرَتۡ

N’igihe inyamaswa z’inkanzi zizakoranyirizwa hamwe,

Aja (Korano eilutė): 6

وَإِذَا ٱلۡبِحَارُ سُجِّرَتۡ

N’igihe inyanja zizaka umuriro,

Aja (Korano eilutė): 7

وَإِذَا ٱلنُّفُوسُ زُوِّجَتۡ

N’igihe roho zizasubizwa mu mibiri yazo (abeza bakajya ukwabo n’ababi bakajya ukwabo).

Aja (Korano eilutė): 8

وَإِذَا ٱلۡمَوۡءُۥدَةُ سُئِلَتۡ

N’igihe umwana w’umukobwa wahambwe ari muzima azabazwa,^[1]

[1] Mbere y’uko Intumwa y’Imana Muhamadi (Imana imuhe amahoro n’imigisha) ihabwa ubutumwa, Abarabu b’icyo gihe iyo babyaraga umwana w’umukobwa, bamuhambaga ari muzima kuko byabaga ari igisebo ku muryango ngo kuko babonaga nta cyo amaze! Ariko nyuma y’aho Intumwa y’Imana iziye, ibyo byaraciwe. Kuba ari we uzabazwa ni ibigaragaza uburemere bw’icyaha cy’uwamwishe uzaba agiye guhura n’urubanza rukomeye ku munsi w’ibarura.

Aja (Korano eilutė): 9

بِأَيِّ ذَنۢبٖ قُتِلَتۡ

Icyaha yakoze cyatumye yicwa,

Aja (Korano eilutė): 10

وَإِذَا ٱلصُّحُفُ نُشِرَتۡ

N’igihe ibitabo (bikubiyemo ibikorwa byiza n’ibibi bya buri muntu) bizaramburwa (bigakwirakwizwa),

Aja (Korano eilutė): 11

وَإِذَا ٱلسَّمَآءُ كُشِطَتۡ

N’igihe ikirere kizakurwaho igishishwa cyacyo (inyenyeri zavuyeho),

Aja (Korano eilutė): 12

وَإِذَا ٱلۡجَحِيمُ سُعِّرَتۡ

N’igihe umuriro wa Jahanamu uzenyegezwa,

Aja (Korano eilutė): 13

وَإِذَا ٱلۡجَنَّةُ أُزۡلِفَتۡ

N’igihe Ijuru rizigizwa hafi,

Aja (Korano eilutė): 14

عَلِمَتۡ نَفۡسٞ مَّآ أَحۡضَرَتۡ

Icyo gihe buri muntu azamenya ibyo yakoze.

Aja (Korano eilutė): 15

فَلَآ أُقۡسِمُ بِٱلۡخُنَّسِ

Bityo, ndahiye inyenyeri zitagaragara ku manywa zikongera kugaragara nijoro,

Aja (Korano eilutė): 16

ٱلۡجَوَارِ ٱلۡكُنَّسِ

Zigenda zihuta kandi zikanihisha,

Aja (Korano eilutė): 17

وَٱلَّيۡلِ إِذَا عَسۡعَسَ

Nanarahiye ijoro igihe riguye,

Aja (Korano eilutė): 18

وَٱلصُّبۡحِ إِذَا تَنَفَّسَ

N’igitondo igihe gitangaje,

Aja (Korano eilutė): 19

إِنَّهُۥ لَقَوۡلُ رَسُولٖ كَرِيمٖ

Mu by’ukuri (Qur’an) ni ijambo ryazanywe n’Intumwa yubahitse [(Malayika Jibrilu), (riturutse kwa Allah)],

Aja (Korano eilutė): 20

ذِي قُوَّةٍ عِندَ ذِي ٱلۡعَرۡشِ مَكِينٖ

(Iyo ntumwa) ifite imbaraga (n’urwego rwo hejuru) yahawe na nyiri Ar’shi^[1] y’icyubahiro (Allah).

[1] Reba uko twasobanuye iri jambo muri Surat ul A’araf, aya ya 54.

Aja (Korano eilutė): 21

مُّطَاعٖ ثَمَّ أَمِينٖ

Yumvirwa (n’abamalayika mu ijuru) kandi ikaba yizewe (kwa Allah).

Aja (Korano eilutė): 22

وَمَا صَاحِبُكُم بِمَجۡنُونٖ

Kandi (yemwe bahakanyi) mugenzi wanyu (Intumwa Muhamadi ibakomokamo) si umusazi.

Aja (Korano eilutė): 23

وَلَقَدۡ رَءَاهُ بِٱلۡأُفُقِ ٱلۡمُبِينِ

Kandi rwose yamubonye (Malayika Jibrilu) ari mu kirere gikeye.

Aja (Korano eilutė): 24

وَمَا هُوَ عَلَى ٱلۡغَيۡبِ بِضَنِينٖ

Kandi (Intumwa Muhamadi) ntigundira ibyo yahishuriwe (ngo ireke kubyigisha abantu).

Aja (Korano eilutė): 25

وَمَا هُوَ بِقَوۡلِ شَيۡطَٰنٖ رَّجِيمٖ

Kandi (Qur’an) si ijambo rya Shitani wavumwe.

Aja (Korano eilutė): 26

فَأَيۡنَ تَذۡهَبُونَ

None se muragana he?

Aja (Korano eilutė): 27

إِنۡ هُوَ إِلَّا ذِكۡرٞ لِّلۡعَٰلَمِينَ

Mu by’ukuri iyi (Qur’an) nta kindi iri cyo usibye kuba ari urwibutso ku biremwa (byose).

Aja (Korano eilutė): 28

لِمَن شَآءَ مِنكُمۡ أَن يَسۡتَقِيمَ

Kuri wa wundi muri mwe ushaka gukurikira inzira igororotse.

Aja (Korano eilutė): 29

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ

Kandi nta cyo mwashaka (ngo kibe) keretse Allah, Nyagasani w’ibiremwa (byose) aramutse agishatse.