Reikšmių vertimas Sūra Al-Mursalaat - Vertimas į kirgizų k. - Šams Ad-Din Hakimov - Puslapio numeris 580 - Kilniojo Korano enciklopedija

Мурсалат

Aja (Korano eilutė): 1

وَٱلۡمُرۡسَلَٰتِ عُرۡفٗا

Ант ичемин, (ааламдарды башкарууга тиешелүү илахий) үрп-адат боюнча жиберилген (периштелер) менен;

Aja (Korano eilutė): 2

فَٱلۡعَٰصِفَٰتِ عَصۡفٗا

Өтө катуу жүргөн шамалдар менен;

Aja (Korano eilutė): 3

وَٱلنَّٰشِرَٰتِ نَشۡرٗا

(Булуттарды Аллах каалаган багытка) таратуучу (периштелер) менен;

Aja (Korano eilutė): 4

فَٱلۡفَٰرِقَٰتِ فَرۡقٗا

(Акыйкат менен жалганды) ажыратып бере турган (Куран аяттары) менен;

Aja (Korano eilutė): 5

فَٱلۡمُلۡقِيَٰتِ ذِكۡرًا

(Пайгамбарларга Аллах тарабынан жиберилген) илахий кабарды ташуучу периштелер менен;

Aja (Korano eilutė): 6

عُذۡرًا أَوۡ نُذۡرًا

(Ал периштелердин вахий алып келиши, чынчылдарга) үзүр-кечирим, (бузукуларга) эскертүү болушу үчүн.

Aja (Korano eilutė): 7

إِنَّمَا تُوعَدُونَ لَوَٰقِعٞ

(Оо, адамдар!) силерге убада кылынган Күн^[1] албетте болуучу!

[1] Кыямат

Aja (Korano eilutė): 8

فَإِذَا ٱلنُّجُومُ طُمِسَتۡ

Жылдыздар(дын нуру) өчүрүлүп,

Aja (Korano eilutė): 9

وَإِذَا ٱلسَّمَآءُ فُرِجَتۡ

Асман (аңырайып) ачылып,

Aja (Korano eilutė): 10

وَإِذَا ٱلۡجِبَالُ نُسِفَتۡ

Тоолор (тытылган жүн сыяктуу) сапырылып калганда…

Aja (Korano eilutė): 11

وَإِذَا ٱلرُّسُلُ أُقِّتَتۡ

Жана пайгамбарларга (үммөттөрүнүн сот-сурагына күбө болууга) убакыт берилгенде… (ошондо гана Кыямат кайым болуп, акыйкат менен жалган ажырайт).

Aja (Korano eilutė): 12

لِأَيِّ يَوۡمٍ أُجِّلَتۡ

(Пенделердин сот-сурагы) кайсы күнгө белгиленген эле?

Aja (Korano eilutė): 13

لِيَوۡمِ ٱلۡفَصۡلِ

Ажыратуу күнүнө!^[1]

[1] Ал күндө бардык элдер бир майданга пайгамбарлары менен бирге чогултулуп, алардын күбөлүгүндө сурак кылынат. Ошол сурактан кийин акыйкат жалгандан ажырайт, жакшылар жамандан ажырайт.

Aja (Korano eilutė): 14

وَمَآ أَدۡرَىٰكَ مَا يَوۡمُ ٱلۡفَصۡلِ

(Оо, Мухаммад)? сен ажыратуу күнү кандай күн экенин билбейсиң.^[1]

[1] Аллах үйрөтмөйүнчө пайгамбарыбыз саллаллоху алайхи ва саллам кайып кабарларын билген эмес. Аллах таала кабар бергенден кийин гана бул күн жөнүндө көп хадистерди айткан. Ошол хадистердин биринде мындай деген: “Кыямат күндө адамдар чогултулганда, баштарын күн куйкалап, көздөрү чекчейген бойдон асманды тиктеп кырк жыл ажыратуу күнүн күтүшөт.” (Куртубий). Башка хадистерде айтылышы боюнча ошол күтүү күндөрүндө Аллахтын көлөкөсүнөн башка эч бир көлөкө болбойт. Аллах каалаган ыймандуу адамдар Аллахтын көлөкөсүнө калкаланып жан сакташат.

Aja (Korano eilutė): 15

وَيۡلٞ يَوۡمَئِذٖ لِّلۡمُكَذِّبِينَ

Ал күндө (Акыретти) жалганга чыгаргандарга азап!^[1]

[1] Биз “азап” деп которгон сөздүн арабчасы “увайл”. Жалпысынан алганда Увайл – бул тозоктогу өтө жийиркеничтүү жана өтө сасык чуңкур. Ага тозокулардын күйгөн жарааттарынан сыркыган ириңдер жана башка ыпылас чыгындылар агып турат. Аллах сактасын!

Aja (Korano eilutė): 16

أَلَمۡ نُهۡلِكِ ٱلۡأَوَّلِينَ

Биз абалкыларды (азап менен кармап) өлтүрбөдүк беле?!^[1]

[1] Аллах таала акыретти жалган дегендерди ушул дүйнөдө да көп жазалаган. Нух коомунун, Лут коомунун, Аад жана Самуд элдеринин аянычтуу кыйроолору азыркы жана кийинки каапырлар үчүн сабак болууга тийиш.

Aja (Korano eilutė): 17

ثُمَّ نُتۡبِعُهُمُ ٱلۡأٓخِرِينَ

Анан акыркы (каапыр)ларды да (дал ошондой тагдыр менен) аларды ээрчитип койдук!

Aja (Korano eilutė): 18

كَذَٰلِكَ نَفۡعَلُ بِٱلۡمُجۡرِمِينَ

Биз кылмышкер адамдар менен ушундай (мамиле) кылабыз.

Aja (Korano eilutė): 19

وَيۡلٞ يَوۡمَئِذٖ لِّلۡمُكَذِّبِينَ

Ал Күнү (Акыретти) «жалган» дегендерге азап!