Reikšmių vertimas Sūra Al-Kijaamah - Vertimas į somaliečių k. - Abdullah Hasan Jakūb - Kilniojo Korano enciklopedija

Al-qiyaamah

Aja (Korano eilutė): 1

لَآ أُقۡسِمُ بِيَوۡمِ ٱلۡقِيَٰمَةِ

1. Waxaan ku dhaartay Maalinta Qiyaamaha.

1. Al-Qiyaamah: Qiyaamaha, waa iska soo saaridda qubuuraha dhimashada kaddib.

Aja (Korano eilutė): 2

وَلَآ أُقۡسِمُ بِٱلنَّفۡسِ ٱللَّوَّامَةِ

2. Waxaan (kaloo) ku dhaartay nafta is eedda ^[2] 'in la idin soo bixin Aakhirada'.

2. Waa mu’minka, ee is canaanta markuu ku dhaco denbi ama gef oo ka xumaada.

Aja (Korano eilutė): 3

أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ

3. Ma wuxuu aadmigu moodaa inaanaan isu soo kulmineyn lafahiisa?

Aja (Korano eilutė): 4

بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ

4. Haayoo, Waxaan karnaa inaan sinno oo sidoodii ka yeelno farahiisa oo dhan.

Aja (Korano eilutė): 5

بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ

5. Wuxuuse Aadmigu dooni inuu beeniyo waxa ka horreeya 'ee sugaya' ^[3].

3. Macnaha waa inuu denbi isaga sii socdo. Waxaana loola jeedaa qofka gaalka ah ee beeniya maalinta xisaabta ee iska wata shirkiga iyo macaasidiisa.

Aja (Korano eilutė): 6

يَسۡـَٔلُ أَيَّانَ يَوۡمُ ٱلۡقِيَٰمَةِ

6. Wuxuu weydiin: Waa Goorma Maalinta Qiyaamaha?

Aja (Korano eilutė): 7

فَإِذَا بَرِقَ ٱلۡبَصَرُ

7. Ee marka araggu argagaxo (taagmo).

Aja (Korano eilutė): 8

وَخَسَفَ ٱلۡقَمَرُ

8. Oo dayaxu madoobaado.

Aja (Korano eilutė): 9

وَجُمِعَ ٱلشَّمۡسُ وَٱلۡقَمَرُ

9. Oo la kulmiyo qorraxda iyo dayaxa.

Aja (Korano eilutė): 10

يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ

10. Aadmigu wuxuu Maalintaas odhan: Xaggee loo cararaa?

Aja (Korano eilutė): 11

كَلَّا لَا وَزَرَ

11. Mayee! Ma jiro agab (meel la magan galo).

Aja (Korano eilutė): 12

إِلَىٰ رَبِّكَ يَوۡمَئِذٍ ٱلۡمُسۡتَقَرُّ

12. Xagga Rabbigaa (Keliya) buu ahaan Maalintaa meesha agabka ah.

Aja (Korano eilutė): 13

يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ

13. Waxaa looga warrami Aadmiga Maalintaas wuxuu hormarsaday iyo wuxuu dib marsaday.

Aja (Korano eilutė): 14

بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٞ

14. Balse Aadmigu wuxuu ku marag furi naftiisa Isagaana is og.

Aja (Korano eilutė): 15

وَلَوۡ أَلۡقَىٰ مَعَاذِيرَهُۥ

15. Si kasta hadduu u cudurdaarto (wax uma tarto cudur daarasho).

Aja (Korano eilutė): 16

لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ

16. Ha ku dhaqaajin (Nabiyow) carrabkaaga (markuu Waxyigu soo degayo) inaad ku degdegto (Qur’aanka akhrintiisa).

Aja (Korano eilutė): 17

إِنَّ عَلَيۡنَا جَمۡعَهُۥ وَقُرۡءَانَهُۥ

17. Xaqiiq, waa xil Annaga na saaran inaan ku kulminno (laabtaada, ku xifdisiinno) oo kuu (sahalno) akhrintiisa (iyo fahankiisa).

Aja (Korano eilutė): 18

فَإِذَا قَرَأۡنَٰهُ فَٱتَّبِعۡ قُرۡءَانَهُۥ

18. Ee markaan akhrinno (Jabriil kuu akhriyo) u raarici (maqalka) akhriskiisa.

Aja (Korano eilutė): 19

ثُمَّ إِنَّ عَلَيۡنَا بَيَانَهُۥ

19. Kaddib xaqiiq Annaggay na saaran tahay inaan kuu caddeyno (fasirkiisa).

Aja (Korano eilutė): 20

كَلَّا بَلۡ تُحِبُّونَ ٱلۡعَاجِلَةَ

20. Mayee se, waxaad jeceshihiin noloshatan (adduunka) ee durba tageysa.

Aja (Korano eilutė): 21

وَتَذَرُونَ ٱلۡأٓخِرَةَ

21. Oo dayacdaan Aakhirada.

Aja (Korano eilutė): 22

وُجُوهٞ يَوۡمَئِذٖ نَّاضِرَةٌ

22. Wejiyo Maalintaas way ifi.

Aja (Korano eilutė): 23

إِلَىٰ رَبِّهَا نَاظِرَةٞ

23. Xagga Rabbigood iyagoo eegaya;

Aja (Korano eilutė): 24

وَوُجُوهٞ يَوۡمَئِذِۭ بَاسِرَةٞ

24. Wejiyo (kale) Maalintaas waxay ahaan kuwo kuduudsan.

Aja (Korano eilutė): 25

تَظُنُّ أَن يُفۡعَلَ بِهَا فَاقِرَةٞ

25. Waxay hubtaa in lagu fali balaayo weyn;

Aja (Korano eilutė): 26

كَلَّآ إِذَا بَلَغَتِ ٱلتَّرَاقِيَ

26. Mayee, markay (naftu) soo gaarto mirgiga (waqtiga geerida).

Aja (Korano eilutė): 27

وَقِيلَ مَنۡۜ رَاقٖ

27. Oo la yidhaahdo: Yaa ku tufi oo dabiibi?

Aja (Korano eilutė): 28

وَظَنَّ أَنَّهُ ٱلۡفِرَاقُ

28. Oo yaqiinsado inay tahay (waqtigii) tagidda (geerida).

Aja (Korano eilutė): 29

وَٱلۡتَفَّتِ ٱلسَّاقُ بِٱلسَّاقِ

29.Oo lagu isku maro labada jeeni (kafno).

Aja (Korano eilutė): 30

إِلَىٰ رَبِّكَ يَوۡمَئِذٍ ٱلۡمَسَاقُ

30. Waa xagga Rabbigaa Maalintaas halka laysu wadaa.

Aja (Korano eilutė): 31

فَلَا صَدَّقَ وَلَا صَلَّىٰ

31. (Gaalkuse) ma rumeyn (Xaqa) mana tukan.

Aja (Korano eilutė): 32

وَلَٰكِن كَذَّبَ وَتَوَلَّىٰ

32. Wuuse beeniyey oo jeesaday.

Aja (Korano eilutė): 33

ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ

33. Markaasuu aaday xagga ehelkiisa isagoo u socda si kibir iyo faan leh.

Aja (Korano eilutė): 34

أَوۡلَىٰ لَكَ فَأَوۡلَىٰ

34. Dhowaa hooggaagu oo dhowaa.

Aja (Korano eilutė): 35

ثُمَّ أَوۡلَىٰ لَكَ فَأَوۡلَىٰٓ

35. Haddana dhowaa hoggaagu oo dhowaa.

Aja (Korano eilutė): 36

أَيَحۡسَبُ ٱلۡإِنسَٰنُ أَن يُتۡرَكَ سُدًى

36. Ma wuxuu Aadmigu moodaa in looga tegi bilaash (ujeeddo la'aan)?

Aja (Korano eilutė): 37

أَلَمۡ يَكُ نُطۡفَةٗ مِّن مَّنِيّٖ يُمۡنَىٰ

37. Miyuusan aheyn mani-nool oo la dhibciyo?

Aja (Korano eilutė): 38

ثُمَّ كَانَ عَلَقَةٗ فَخَلَقَ فَسَوَّىٰ

38. Markaas noqota xinjir oo (Alle) abuuro qaab wanaagsanna u yeelo.

Aja (Korano eilutė): 39

فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ

39. Oo ka yeelo labo nooc, lab iyo dheddig.

Aja (Korano eilutė): 40

أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ

40.Miyuusan Kaasi (Alle) awoodin inuu soo nooleeyo maytida ^[4]?

4. Haayoo wuu Karaa.