വിശുദ്ധ ഖുർആൻ പരിഭാഷ - ഫിലിപ്പീൻ പരിഭാഷ (മഗിൻഡനാവോ) - റുവാദ് തർജമ സെൻ്റർ * - വിവർത്തനങ്ങളുടെ സൂചിക
۞ سَيَقُولُ ٱلسُّفَهَآءُ مِنَ ٱلنَّاسِ مَا وَلَّىٰهُمۡ عَن قِبۡلَتِهِمُ ٱلَّتِي كَانُواْ عَلَيۡهَاۚ قُل لِّلَّهِ ٱلۡمَشۡرِقُ وَٱلۡمَغۡرِبُۚ يَهۡدِي مَن يَشَآءُ إِلَىٰ صِرَٰطٖ مُّسۡتَقِيمٖ
Di ebplis na edtalun nu manga da sabutin ebpun kanu manga taw (Yahudi) u ngin napadtaligkud sa kanilan sa kanu qiblat nilan (Baytul Maqdis) a ya nilan kaaden na pedsangulan nilan? Edtalu ka (Muhammad): kanu Allah su sebangan endu sedepan, tutulun nin entayn i magkahanda nin sa kanu lalan a matidtu.
അറബി ഖുർആൻ വിവരണങ്ങൾ:
وَكَذَٰلِكَ جَعَلۡنَٰكُمۡ أُمَّةٗ وَسَطٗا لِّتَكُونُواْ شُهَدَآءَ عَلَى ٱلنَّاسِ وَيَكُونَ ٱلرَّسُولُ عَلَيۡكُمۡ شَهِيدٗاۗ وَمَا جَعَلۡنَا ٱلۡقِبۡلَةَ ٱلَّتِي كُنتَ عَلَيۡهَآ إِلَّا لِنَعۡلَمَ مَن يَتَّبِعُ ٱلرَّسُولَ مِمَّن يَنقَلِبُ عَلَىٰ عَقِبَيۡهِۚ وَإِن كَانَتۡ لَكَبِيرَةً إِلَّا عَلَى ٱلَّذِينَ هَدَى ٱللَّهُۗ وَمَا كَانَ ٱللَّهُ لِيُضِيعَ إِيمَٰنَكُمۡۚ إِنَّ ٱللَّهَ بِٱلنَّاسِ لَرَءُوفٞ رَّحِيمٞ
Endu metu bun a binaluy nami sekanu a maginged (umat) a labi a mapya ka endu kanu maaden a manga saksi kanu manga taw, endu maaden su sinugu sa lekanu sa saksi, endu da nami baluya su qiblat a pedsangulan nengka ya tabya na endu nami katawan u entayn i bagunut kanu sinugu kanu entayn semulang sa lekanin endu apya ya nin kaaden (i kapebpalin sa qiblat) na masela ya tabya na su silan a tinutulu nu Allah, endu kena ya kaaden nu Allah i dadagen nin su palityala (kabangimbenal) nu, saben-sabenal na su Allah kanu manga taw na labi a penggagaw a labi a malimu.
അറബി ഖുർആൻ വിവരണങ്ങൾ:
قَدۡ نَرَىٰ تَقَلُّبَ وَجۡهِكَ فِي ٱلسَّمَآءِۖ فَلَنُوَلِّيَنَّكَ قِبۡلَةٗ تَرۡضَىٰهَاۚ فَوَلِّ وَجۡهَكَ شَطۡرَ ٱلۡمَسۡجِدِ ٱلۡحَرَامِۚ وَحَيۡثُ مَا كُنتُمۡ فَوَلُّواْ وُجُوهَكُمۡ شَطۡرَهُۥۗ وَإِنَّ ٱلَّذِينَ أُوتُواْ ٱلۡكِتَٰبَ لَيَعۡلَمُونَ أَنَّهُ ٱلۡحَقُّ مِن رَّبِّهِمۡۗ وَمَا ٱللَّهُ بِغَٰفِلٍ عَمَّا يَعۡمَلُونَ
Saben-sabenal na gailay nami su kapedtingada nengka (Muhammad) sa langit na di ebplis na pasangulen nami seka sa qiblat a galinyan nengka, na isangul nengka den su beneng nengka sa kanu Masjidil Haram endu apiya endaw kanu maaden na isangul nu su manga beneng nu kanu qiblat endu saben-sabenal na su silan a naenggan sa kitab, na di ebplis na katawan nilan i saben-sabenal na sekanin i benal a nakebpunkanu pedtyakap kanilan (Allah) endu dala sa Allah i limpangan nin i penggalebeken nilan.
അറബി ഖുർആൻ വിവരണങ്ങൾ:
وَلَئِنۡ أَتَيۡتَ ٱلَّذِينَ أُوتُواْ ٱلۡكِتَٰبَ بِكُلِّ ءَايَةٖ مَّا تَبِعُواْ قِبۡلَتَكَۚ وَمَآ أَنتَ بِتَابِعٖ قِبۡلَتَهُمۡۚ وَمَا بَعۡضُهُم بِتَابِعٖ قِبۡلَةَ بَعۡضٖۚ وَلَئِنِ ٱتَّبَعۡتَ أَهۡوَآءَهُم مِّنۢ بَعۡدِ مَا جَآءَكَ مِنَ ٱلۡعِلۡمِ إِنَّكَ إِذٗا لَّمِنَ ٱلظَّٰلِمِينَ
Endu apiya inenggay nengka kanu silan a natingguma na kitab (Yahudi endu Nasrani) i langun na tanda na di nilan unutan i qiblat nengka endu kena nengka bagunutan su qiblat nilan endu dala kanu sabad sa kanilan i kaunut kanu qiblat nu sabad, endu amayka unutan nengka i kyug nu manga ginawa nilan sa ulyan na kinauma sa leka na kataw, saben-sabenal na seka metun na nakuyug kanu manga taw a manga salimbuten.
അറബി ഖുർആൻ വിവരണങ്ങൾ:
വിശുദ്ധ ഖുർആൻ പരിഭാഷ - ഫിലിപ്പീൻ പരിഭാഷ (മഗിൻഡനാവോ) - റുവാദ് തർജമ സെൻ്റർ - വിവർത്തനങ്ങളുടെ സൂചിക
റബ്‌വ ഇസ്‌ലാമിക് ദഅ്വാ ആൻഡ് ഗൈഡൻസ് സെൻററിൻ്റെയും കോൺടെന്റ് ഇൻ ലാംഗ്വേജസ് സർവീസ് അസോസിയേഷൻ്റെയും സഹകരണത്തോടെ മർകസ് റുവാദ് തർജമ വിഭാഗം വിവർത്തനം ചെയ്തത്.