പരിഭാഷ അദ്ധ്യായം ആലുഇംറാൻ - ഫിലിപ്പീൻ പരിഭാഷ (മഗിൻഡനാവോ) - റുവാദ് തർജമ സെൻ്റർ - പേജ് നമ്പർ 52 - വിശുദ്ധ ഖുർആൻ വിജ്ഞാനകോശം

ആയത്ത്: 16

ٱلَّذِينَ يَقُولُونَ رَبَّنَآ إِنَّنَآ ءَامَنَّا فَٱغۡفِرۡ لَنَا ذُنُوبَنَا وَقِنَا عَذَابَ ٱلنَّارِ

Su silan a nya nilan kadtalu: pedtyakap sa lekami (Allah), saben-sabenal na sekami na nalityala (nangimbenal) kami na ampun ka sa lekami su manga dusa nami endu dalindingi kami nengka kanu siksa sa naraka.

ആയത്ത്: 17

ٱلصَّٰبِرِينَ وَٱلصَّٰدِقِينَ وَٱلۡقَٰنِتِينَ وَٱلۡمُنفِقِينَ وَٱلۡمُسۡتَغۡفِرِينَ بِٱلۡأَسۡحَارِ

Manga masabar, endu manga bantang, endu manga bamaginugut endu manga bamembaranggya, endu manga babagampun sa kulimpusan nu magabi.

ആയത്ത്: 18

شَهِدَ ٱللَّهُ أَنَّهُۥ لَآ إِلَٰهَ إِلَّا هُوَ وَٱلۡمَلَٰٓئِكَةُ وَأُوْلُواْ ٱلۡعِلۡمِ قَآئِمَۢا بِٱلۡقِسۡطِۚ لَآ إِلَٰهَ إِلَّا هُوَ ٱلۡعَزِيزُ ٱلۡحَكِيمُ

Pidsaksyan nu Allah i saben-sabenal na sekanin na da kadenan ya tabya sekanin, endu su malaikat, endu su manga balailmu a baninindeg sa bantang, da kadenan ya tabya na sekanin a labi a mapulu a mawngangen.

ആയത്ത്: 19

إِنَّ ٱلدِّينَ عِندَ ٱللَّهِ ٱلۡإِسۡلَٰمُۗ وَمَا ٱخۡتَلَفَ ٱلَّذِينَ أُوتُواْ ٱلۡكِتَٰبَ إِلَّا مِنۢ بَعۡدِ مَا جَآءَهُمُ ٱلۡعِلۡمُ بَغۡيَۢا بَيۡنَهُمۡۗ وَمَن يَكۡفُرۡ بِـَٔايَٰتِ ٱللَّهِ فَإِنَّ ٱللَّهَ سَرِيعُ ٱلۡحِسَابِ

Saben-sabenal na su agama kanu Allah na Islam, endu da embida-bida su silan a inenggan sa kitab ya tabya na ulyan nu nganin a kinawma sa kanilan nu ilmu sa katipwan sa pageltan nilan, endu entayn i egkafir sa kanu manga tanda nu Allah na saben-sabenal na su Allah na mangagan i kwinta.

ആയത്ത്: 20

فَإِنۡ حَآجُّوكَ فَقُلۡ أَسۡلَمۡتُ وَجۡهِيَ لِلَّهِ وَمَنِ ٱتَّبَعَنِۗ وَقُل لِّلَّذِينَ أُوتُواْ ٱلۡكِتَٰبَ وَٱلۡأُمِّيِّـۧنَ ءَأَسۡلَمۡتُمۡۚ فَإِنۡ أَسۡلَمُواْ فَقَدِ ٱهۡتَدَواْۖ وَّإِن تَوَلَّوۡاْ فَإِنَّمَا عَلَيۡكَ ٱلۡبَلَٰغُۗ وَٱللَّهُ بَصِيرُۢ بِٱلۡعِبَادِ

Na amayka ibpalawa ka nilan (Muhammad) na edtalu ka i inisangkup ku su beneng ku sa Allah endu su entayn i minunut sa laki endu edtalu ka kanu silan a inenggan sa kitab endu su kena manga sabut i ngintu sinemangkup kanu? na amayka sinemangkup silan na sabenal-sabenal a natutulu silan, endu amayka tinemaligkud silan na nya bu palyogat sa leka na kapedsampay, endu su Allah na labi a pakailay kanu manga ulipen.

ആയത്ത്: 21

إِنَّ ٱلَّذِينَ يَكۡفُرُونَ بِـَٔايَٰتِ ٱللَّهِ وَيَقۡتُلُونَ ٱلنَّبِيِّـۧنَ بِغَيۡرِ حَقّٖ وَيَقۡتُلُونَ ٱلَّذِينَ يَأۡمُرُونَ بِٱلۡقِسۡطِ مِنَ ٱلنَّاسِ فَبَشِّرۡهُم بِعَذَابٍ أَلِيمٍ

Saben-sabenal na su silan a bamegkafir kanu manga tanda nu Allah endu bamunun nilan su manga nabi sa kena bantang endu pembunun nilan su silan a bamedsugu sa bantang ebpun kanu manga taw, na panudtul ka (Muhammad) sa kanilan i siksa a masakit.

ആയത്ത്: 22

أُوْلَٰٓئِكَ ٱلَّذِينَ حَبِطَتۡ أَعۡمَٰلُهُمۡ فِي ٱلدُّنۡيَا وَٱلۡأٓخِرَةِ وَمَا لَهُم مِّن نَّٰصِرِينَ

Entuba silan i nabinasa i manga galbekan nilan sya sa dunya endu gay a mawli endu da sa kanilan i makadtabang.