പരിഭാഷ അദ്ധ്യായം അഅ്റാഫ് - ഫിലിപ്പീൻ പരിഭാഷ (മഗിൻഡനാവോ) - റുവാദ് തർജമ സെൻ്റർ - പേജ് നമ്പർ 167 - വിശുദ്ധ ഖുർആൻ വിജ്ഞാനകോശം

ആയത്ത്: 138

وَجَٰوَزۡنَا بِبَنِيٓ إِسۡرَٰٓءِيلَ ٱلۡبَحۡرَ فَأَتَوۡاْ عَلَىٰ قَوۡمٖ يَعۡكُفُونَ عَلَىٰٓ أَصۡنَامٖ لَّهُمۡۚ قَالُواْ يَٰمُوسَى ٱجۡعَل لَّنَآ إِلَٰهٗا كَمَا لَهُمۡ ءَالِهَةٞۚ قَالَ إِنَّكُمۡ قَوۡمٞ تَجۡهَلُونَ

Endu pinalipus (linepas) nami su tupu nu Israel kanu lagat, nawma nilan i manga taw a pedtamengan nilan i barahala nilan, pidtalu nilan kani Musa: umbali kami sa kadenan a maytu ba sa kadenan nilan, tig nu Musa: sekanu su manga taw na dala sabut nu.

ആയത്ത്: 139

إِنَّ هَٰٓؤُلَآءِ مُتَبَّرٞ مَّا هُمۡ فِيهِ وَبَٰطِلٞ مَّا كَانُواْ يَعۡمَلُونَ

Saben-sabenal sa kanilan (a pedsakutu) na mabinasa bun i galbekan nilan endu mabatalu langun a peng-galbeken nilan.

ആയത്ത്: 140

قَالَ أَغَيۡرَ ٱللَّهِ أَبۡغِيكُمۡ إِلَٰهٗا وَهُوَ فَضَّلَكُمۡ عَلَى ٱلۡعَٰلَمِينَ

Tig nu Musa: salakaw pan sa Allah i kyugan nu a kadenan nu, na inilabi kanu nin (sa kapyanan) kanu taw na dunya.

ആയത്ത്: 141

وَإِذۡ أَنجَيۡنَٰكُم مِّنۡ ءَالِ فِرۡعَوۡنَ يَسُومُونَكُمۡ سُوٓءَ ٱلۡعَذَابِ يُقَتِّلُونَ أَبۡنَآءَكُمۡ وَيَسۡتَحۡيُونَ نِسَآءَكُمۡۚ وَفِي ذَٰلِكُم بَلَآءٞ مِّن رَّبِّكُمۡ عَظِيمٞ

Endu labit ka su kinalepas nami sa lekanu kani Fir’awn sa ped-siksan kanu nin sa mawag a siksa, bamunun nin i manga wata nu a manga mama, ya bu baguyagen na manga babay endu lu ba su tyuba sa lekanu a ebpun sa kadenan nu a masla.

ആയത്ത്: 142

۞ وَوَٰعَدۡنَا مُوسَىٰ ثَلَٰثِينَ لَيۡلَةٗ وَأَتۡمَمۡنَٰهَا بِعَشۡرٖ فَتَمَّ مِيقَٰتُ رَبِّهِۦٓ أَرۡبَعِينَ لَيۡلَةٗۚ وَقَالَ مُوسَىٰ لِأَخِيهِ هَٰرُونَ ٱخۡلُفۡنِي فِي قَوۡمِي وَأَصۡلِحۡ وَلَا تَتَّبِعۡ سَبِيلَ ٱلۡمُفۡسِدِينَ

Endu pibpasadan nami si Musa sa telu-pulu ka magabi endu inumanan nami sa sapulu na sampulna sa pat pulu gay a magabi, na pidtalu nu Musa kanu suled nin a si Harun gantiy aku, kanu manga taw ku endu pagkapiya ka (tuntul ka sa tutulu) endu daka munut kanu manga taw a baminasa.

ആയത്ത്: 143

وَلَمَّا جَآءَ مُوسَىٰ لِمِيقَٰتِنَا وَكَلَّمَهُۥ رَبُّهُۥ قَالَ رَبِّ أَرِنِيٓ أَنظُرۡ إِلَيۡكَۚ قَالَ لَن تَرَىٰنِي وَلَٰكِنِ ٱنظُرۡ إِلَى ٱلۡجَبَلِ فَإِنِ ٱسۡتَقَرَّ مَكَانَهُۥ فَسَوۡفَ تَرَىٰنِيۚ فَلَمَّا تَجَلَّىٰ رَبُّهُۥ لِلۡجَبَلِ جَعَلَهُۥ دَكّٗا وَخَرَّ مُوسَىٰ صَعِقٗاۚ فَلَمَّآ أَفَاقَ قَالَ سُبۡحَٰنَكَ تُبۡتُ إِلَيۡكَ وَأَنَا۠ أَوَّلُ ٱلۡمُؤۡمِنِينَ

Guna mawma nu Musa su waktu (oras) a pasad na pimbityalay nu Kadenan nin, tig nu Musa: Kadenan ku pailay ka pan salaki, tig nu Allah: di aku nengka maylay ugayd na ilayka i palaw anan ka amayka gumanggan su nabetadan nin na mailay aku nengka, guna pembayang-bayang su kadenan nin kanu palaw na nalupit su palaw, nakalundub su Musa sa dala tanud nin, guna maka-imaman na tig nu (Musa): mahasutika, midtawbat ako sa leka, endu saki i paganay a nangimbenal sa leka (su kapabpagilay nu Allah na manawt bu a benal ka mana bu tugku nu kingking na di den penggaga su palaw- hadith ni Tirmidhi).