ߞߘߐ ߟߎ߬ ߘߟߊߡߌ߬ߘߊ߬ߟߌ ߝߐߘߊ ߘߏ߫ ߓߎߘߎ߲ߛߊߟߌ ߝߐߘߊ - ߛߊߥߊ߯ߤߟߌߞߊ߲ ߘߟߊߡߌ߬ߘߊ - ߊ߳ߺߓߑߘߎ-ߟߟߊ߯ߤߌ߫ ߡߎ߬ߤߊߡߡߊߘߎ߫ ߣߌ߫ ߣߊ߯ߛ߫ߌߙߎ߫ ߞ߭ߊ߬ߡߌ߯ߛߎ߫ ߓߟߏ߫ - ߞߎ߬ߙߣߊ߬ ߞߟߊߒߞߋ ߔߘߋߞߎ

Surat At-Takwir

ߟߝߊߙߌ ߘߏ߫: 1

إِذَا ٱلشَّمۡسُ كُوِّرَتۡ

Pindi jua litakapokunjwa, na mwangaza wake ukaondoka.

ߟߝߊߙߌ ߘߏ߫: 2

وَإِذَا ٱلنُّجُومُ ٱنكَدَرَتۡ

Na pindi nyota zitakapopuputika na nuru yake ikafutika.

ߟߝߊߙߌ ߘߏ߫: 3

وَإِذَا ٱلۡجِبَالُ سُيِّرَتۡ

Na pindi majabali yatakapoondoshawa kwenye uso wa ardhi yakawa ni vumbi linaloenea.

ߟߝߊߙߌ ߘߏ߫: 4

وَإِذَا ٱلۡعِشَارُ عُطِّلَتۡ

Na pindi ngamia wenye mimba watakapoachwa na kupuuzwa.

ߟߝߊߙߌ ߘߏ߫: 5

وَإِذَا ٱلۡوُحُوشُ حُشِرَتۡ

Na pindi wanyama mwitu watakapokusanywa na kutangamanishwa, ili Mwenyezi Mungu Awape nafasi ya kulipizana wao kwa wao.

ߟߝߊߙߌ ߘߏ߫: 6

وَإِذَا ٱلۡبِحَارُ سُجِّرَتۡ

Na pindi bahari zitakapowashwa moto zikawa ni moto unaowaka.

ߟߝߊߙߌ ߘߏ߫: 7

وَإِذَا ٱلنُّفُوسُ زُوِّجَتۡ

Na pindi nafsi zitakapokutanishwa na mfano wake na sampuli yake.

ߟߝߊߙߌ ߘߏ߫: 8

وَإِذَا ٱلۡمَوۡءُۥدَةُ سُئِلَتۡ

Na pindi mtoto wa kike aliyezikwa akiwa hai atakapoulizwa, Siku ya Kiyama, suala la kumbembeleza na kumkejeli aliyemzika:

ߟߝߊߙߌ ߘߏ߫: 9

بِأَيِّ ذَنۢبٖ قُتِلَتۡ

ni kwa dhambi gani ilikuwa kuzikwa kwake?

ߟߝߊߙߌ ߘߏ߫: 10

وَإِذَا ٱلصُّحُفُ نُشِرَتۡ

Na pindi kurasa za matendo zitakapoonyeshwa.

ߟߝߊߙߌ ߘߏ߫: 11

وَإِذَا ٱلسَّمَآءُ كُشِطَتۡ

Na pindi mbingu zitakapong’olewa na kuondoshwa zilipokuwa.

ߟߝߊߙߌ ߘߏ߫: 12

وَإِذَا ٱلۡجَحِيمُ سُعِّرَتۡ

Na pindi Moto utakapowashwa na ukawaka.

ߟߝߊߙߌ ߘߏ߫: 13

وَإِذَا ٱلۡجَنَّةُ أُزۡلِفَتۡ

Na pindi Pepo , Nyumba ya Neema, itakaposongezewa watu wake wachamungu.

ߟߝߊߙߌ ߘߏ߫: 14

عَلِمَتۡ نَفۡسٞ مَّآ أَحۡضَرَتۡ

Litakapotokea hilo, itayakinisha kila nafsi na kujua kile ilichokitanguliza cha kheri au shari.

ߟߝߊߙߌ ߘߏ߫: 15

فَلَآ أُقۡسِمُ بِٱلۡخُنَّسِ

Anaapa Mwenyezi Mungu Mtukufu kwa nyota zinazofichika nuru yake mchana,

ߟߝߊߙߌ ߘߏ߫: 16

ٱلۡجَوَارِ ٱلۡكُنَّسِ

zinazotembea na zinazoghibu katika anga zake.

ߟߝߊߙߌ ߘߏ߫: 17

وَٱلَّيۡلِ إِذَا عَسۡعَسَ

Na Anaapa kwa usiku unapojitokeza na giza lake.

ߟߝߊߙߌ ߘߏ߫: 18

وَٱلصُّبۡحِ إِذَا تَنَفَّسَ

Na kwa asubuhi unapojitokeza mwangaza wake.

ߟߝߊߙߌ ߘߏ߫: 19

إِنَّهُۥ لَقَوۡلُ رَسُولٖ كَرِيمٖ

Hakika Qur’ani ni ujumbe wa mjumbe mtukufu , naye ni Jibrili, amani imshukike.

ߟߝߊߙߌ ߘߏ߫: 20

ذِي قُوَّةٍ عِندَ ذِي ٱلۡعَرۡشِ مَكِينٖ

Mwenye nguvu katika kuyapitisha yale anayoamrishwa. Mwenye cheo cha juu kwa Mwenyezi Mungu. Anayesikilizwa na Malaika.

ߟߝߊߙߌ ߘߏ߫: 21

مُّطَاعٖ ثَمَّ أَمِينٖ

Anayeaminiwa juu ya Wahyi anaoteremka nao.

ߟߝߊߙߌ ߘߏ߫: 22

وَمَا صَاحِبُكُم بِمَجۡنُونٖ

Hakuwa Muhammad mnayemjua ni mwendawazimu.

ߟߝߊߙߌ ߘߏ߫: 23

وَلَقَدۡ رَءَاهُ بِٱلۡأُفُقِ ٱلۡمُبِينِ

Na kwa hakika Muhammad alimuona Jibrili anayemjia na utume katika pambizo kubwa.

ߟߝߊߙߌ ߘߏ߫: 24

وَمَا هُوَ عَلَى ٱلۡغَيۡبِ بِضَنِينٖ

Wala yeye hafanyi ubakhili katika kufikisha Wahyi.

ߟߝߊߙߌ ߘߏ߫: 25

وَمَا هُوَ بِقَوۡلِ شَيۡطَٰنٖ رَّجِيمٖ

Wala haikuwa hii Qur’ani ni neno la Shetani aliyefukuzwa na kutolewa kwenye rehema ya Mwenyezi Mungu. Lakini Qur’ani hii ni maneno ya Mwenyezi Mungu na ni Wahyi wake.

ߟߝߊߙߌ ߘߏ߫: 26

فَأَيۡنَ تَذۡهَبُونَ

Akili zenu zawapeleka wapi katika kukanusha baada ya hoja hizi zilizo wazi na zenye nguvu?

ߟߝߊߙߌ ߘߏ߫: 27

إِنۡ هُوَ إِلَّا ذِكۡرٞ لِّلۡعَٰلَمِينَ

Hayakuwa haya isipokuwa ni mawaidha kutoka kwa Mwenyezi Mungu yanapewa watu wote.

ߟߝߊߙߌ ߘߏ߫: 28

لِمَن شَآءَ مِنكُمۡ أَن يَسۡتَقِيمَ

Kwa atakaye, kati yenu, kulingana juu ya haki na Imani.

ߟߝߊߙߌ ߘߏ߫: 29

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ

Wala nyinyi hamtotaka isipokuwa kwa matakwa ya Mwenyezi Mungu Mola wa viumbe wote.