対訳 章 巻き上げる章 - スワヒリ語対訳 - Abdullah Muhammad and Nasir Khamis - クルアーン百科事典

Surat At-Takwir

節: 1

إِذَا ٱلشَّمۡسُ كُوِّرَتۡ

Pindi jua litakapokunjwa, na mwangaza wake ukaondoka.

節: 2

وَإِذَا ٱلنُّجُومُ ٱنكَدَرَتۡ

Na pindi nyota zitakapopuputika na nuru yake ikafutika.

節: 3

وَإِذَا ٱلۡجِبَالُ سُيِّرَتۡ

Na pindi majabali yatakapoondoshawa kwenye uso wa ardhi yakawa ni vumbi linaloenea.

節: 4

وَإِذَا ٱلۡعِشَارُ عُطِّلَتۡ

Na pindi ngamia wenye mimba watakapoachwa na kupuuzwa.

節: 5

وَإِذَا ٱلۡوُحُوشُ حُشِرَتۡ

Na pindi wanyama mwitu watakapokusanywa na kutangamanishwa, ili Mwenyezi Mungu Awape nafasi ya kulipizana wao kwa wao.

節: 6

وَإِذَا ٱلۡبِحَارُ سُجِّرَتۡ

Na pindi bahari zitakapowashwa moto zikawa ni moto unaowaka.

節: 7

وَإِذَا ٱلنُّفُوسُ زُوِّجَتۡ

Na pindi nafsi zitakapokutanishwa na mfano wake na sampuli yake.

節: 8

وَإِذَا ٱلۡمَوۡءُۥدَةُ سُئِلَتۡ

Na pindi mtoto wa kike aliyezikwa akiwa hai atakapoulizwa, Siku ya Kiyama, suala la kumbembeleza na kumkejeli aliyemzika:

節: 9

بِأَيِّ ذَنۢبٖ قُتِلَتۡ

ni kwa dhambi gani ilikuwa kuzikwa kwake?

節: 10

وَإِذَا ٱلصُّحُفُ نُشِرَتۡ

Na pindi kurasa za matendo zitakapoonyeshwa.

節: 11

وَإِذَا ٱلسَّمَآءُ كُشِطَتۡ

Na pindi mbingu zitakapong’olewa na kuondoshwa zilipokuwa.

節: 12

وَإِذَا ٱلۡجَحِيمُ سُعِّرَتۡ

Na pindi Moto utakapowashwa na ukawaka.

節: 13

وَإِذَا ٱلۡجَنَّةُ أُزۡلِفَتۡ

Na pindi Pepo , Nyumba ya Neema, itakaposongezewa watu wake wachamungu.

節: 14

عَلِمَتۡ نَفۡسٞ مَّآ أَحۡضَرَتۡ

Litakapotokea hilo, itayakinisha kila nafsi na kujua kile ilichokitanguliza cha kheri au shari.

節: 15

فَلَآ أُقۡسِمُ بِٱلۡخُنَّسِ

Anaapa Mwenyezi Mungu Mtukufu kwa nyota zinazofichika nuru yake mchana,

節: 16

ٱلۡجَوَارِ ٱلۡكُنَّسِ

zinazotembea na zinazoghibu katika anga zake.

節: 17

وَٱلَّيۡلِ إِذَا عَسۡعَسَ

Na Anaapa kwa usiku unapojitokeza na giza lake.

節: 18

وَٱلصُّبۡحِ إِذَا تَنَفَّسَ

Na kwa asubuhi unapojitokeza mwangaza wake.

節: 19

إِنَّهُۥ لَقَوۡلُ رَسُولٖ كَرِيمٖ

Hakika Qur’ani ni ujumbe wa mjumbe mtukufu , naye ni Jibrili, amani imshukike.

節: 20

ذِي قُوَّةٍ عِندَ ذِي ٱلۡعَرۡشِ مَكِينٖ

Mwenye nguvu katika kuyapitisha yale anayoamrishwa. Mwenye cheo cha juu kwa Mwenyezi Mungu. Anayesikilizwa na Malaika.

節: 21

مُّطَاعٖ ثَمَّ أَمِينٖ

Anayeaminiwa juu ya Wahyi anaoteremka nao.

節: 22

وَمَا صَاحِبُكُم بِمَجۡنُونٖ

Hakuwa Muhammad mnayemjua ni mwendawazimu.

節: 23

وَلَقَدۡ رَءَاهُ بِٱلۡأُفُقِ ٱلۡمُبِينِ

Na kwa hakika Muhammad alimuona Jibrili anayemjia na utume katika pambizo kubwa.

節: 24

وَمَا هُوَ عَلَى ٱلۡغَيۡبِ بِضَنِينٖ

Wala yeye hafanyi ubakhili katika kufikisha Wahyi.

節: 25

وَمَا هُوَ بِقَوۡلِ شَيۡطَٰنٖ رَّجِيمٖ

Wala haikuwa hii Qur’ani ni neno la Shetani aliyefukuzwa na kutolewa kwenye rehema ya Mwenyezi Mungu. Lakini Qur’ani hii ni maneno ya Mwenyezi Mungu na ni Wahyi wake.

節: 26

فَأَيۡنَ تَذۡهَبُونَ

Akili zenu zawapeleka wapi katika kukanusha baada ya hoja hizi zilizo wazi na zenye nguvu?

節: 27

إِنۡ هُوَ إِلَّا ذِكۡرٞ لِّلۡعَٰلَمِينَ

Hayakuwa haya isipokuwa ni mawaidha kutoka kwa Mwenyezi Mungu yanapewa watu wote.

節: 28

لِمَن شَآءَ مِنكُمۡ أَن يَسۡتَقِيمَ

Kwa atakaye, kati yenu, kulingana juu ya haki na Imani.

節: 29

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ

Wala nyinyi hamtotaka isipokuwa kwa matakwa ya Mwenyezi Mungu Mola wa viumbe wote.