ߞߘߐ ߟߎ߬ ߘߟߊߡߌ߬ߘߊ߬ߟߌ ߝߐߘߊ ߘߏ߫ ߞߎ߲߬ߠߊ߬ߓߌߘߌ߲߬ߟߊ߲ ߝߐߘߊ - ߦߊ߯ߺߎ߯ߞߊ߲ ߘߟߊߡߌߘߊ - ߞߎ߬ߙߣߊ߬ ߞߟߊߒߞߋ ߔߘߋߞߎ

Al-Ghâshiah

ߟߝߊߙߌ ߘߏ߫: 1

هَلۡ أَتَىٰكَ حَدِيثُ ٱلۡغَٰشِيَةِ

Ana jinyyiche abali ja chakuunichila (ŵandu ni yogoyo yakwe, jajili Kiyama)?

ߟߝߊߙߌ ߘߏ߫: 2

وُجُوهٞ يَوۡمَئِذٍ خَٰشِعَةٌ

Ngope sine lyele lisikulyo sichiŵa syakunyosyeka.

ߟߝߊߙߌ ߘߏ߫: 3

عَامِلَةٞ نَّاصِبَةٞ

Syasyapanganyisye masengo (gasambi ku duniya), syakupela (nikwaluka ku Akhera).

ߟߝߊߙߌ ߘߏ߫: 4

تَصۡلَىٰ نَارًا حَامِيَةٗ

Sichijinjila ku Moto Wakupoteka nnope.

ߟߝߊߙߌ ߘߏ߫: 5

تُسۡقَىٰ مِنۡ عَيۡنٍ ءَانِيَةٖ

Sichimwesyedwa mu tutumule jwansemule kusyene.

ߟߝߊߙߌ ߘߏ߫: 6

لَّيۡسَ لَهُمۡ طَعَامٌ إِلَّا مِن ضَرِيعٖ

Ngasakola ŵanganyao yakulya ikaŵeje miŵa janchongwe.

ߟߝߊߙߌ ߘߏ߫: 7

لَّا يُسۡمِنُ وَلَا يُغۡنِي مِن جُوعٖ

Jangajimbasya soni jangakamuchisya ku sala.

ߟߝߊߙߌ ߘߏ߫: 8

وُجُوهٞ يَوۡمَئِذٖ نَّاعِمَةٞ

Ngope sine lyele lisikulyo sichiŵa m’chindimba.

ߟߝߊߙߌ ߘߏ߫: 9

لِّسَعۡيِهَا رَاضِيَةٞ

Ligongo lya masengo gakwe (gambone) sichiŵa syakusengwa.

ߟߝߊߙߌ ߘߏ߫: 10

فِي جَنَّةٍ عَالِيَةٖ

Ku Mbepo Japenani.

ߟߝߊߙߌ ߘߏ߫: 11

لَّا تَسۡمَعُ فِيهَا لَٰغِيَةٗ

Ngasisija kupikana kwalakweko yangali mate.

ߟߝߊߙߌ ߘߏ߫: 12

فِيهَا عَيۡنٞ جَارِيَةٞ

Kweleko kwana tutumule jwakujilimaga.

ߟߝߊߙߌ ߘߏ߫: 13

فِيهَا سُرُرٞ مَّرۡفُوعَةٞ

Kweleko kwana itengu yauchimbichimbi yenyakulidwe.

ߟߝߊߙߌ ߘߏ߫: 14

وَأَكۡوَابٞ مَّوۡضُوعَةٞ

Ni migawo jeŵichidwe (chilepe).

ߟߝߊߙߌ ߘߏ߫: 15

وَنَمَارِقُ مَصۡفُوفَةٞ

Ni misago jejalidwe mu ntungo wambone.

ߟߝߊߙߌ ߘߏ߫: 16

وَزَرَابِيُّ مَبۡثُوثَةٌ

Ni yakutandika yaofuofu yetandichidwe posepose.

ߟߝߊߙߌ ߘߏ߫: 17

أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ

Ana ngakujiona ngamiya yajatite kagumbidwe?

ߟߝߊߙߌ ߘߏ߫: 18

وَإِلَى ٱلسَّمَآءِ كَيۡفَ رُفِعَتۡ

Ni liwunde yalyatite kanyakulidwe?

ߟߝߊߙߌ ߘߏ߫: 19

وَإِلَى ٱلۡجِبَالِ كَيۡفَ نُصِبَتۡ

Ni matumbi yagatite kasimichidwe?

ߟߝߊߙߌ ߘߏ߫: 20

وَإِلَى ٱلۡأَرۡضِ كَيۡفَ سُطِحَتۡ

Ni litaka yalyatite katandichidwe?

ߟߝߊߙߌ ߘߏ߫: 21

فَذَكِّرۡ إِنَّمَآ أَنتَ مُذَكِّرٞ

Basi kumbusyani, chisimu mmwejo ni nkukumbusya.

ߟߝߊߙߌ ߘߏ߫: 22

لَّسۡتَ عَلَيۡهِم بِمُصَيۡطِرٍ

Nganim'batu mmwe ŵakwakanganichisya ŵanganyao (chikulupi).

ߟߝߊߙߌ ߘߏ߫: 23

إِلَّا مَن تَوَلَّىٰ وَكَفَرَ

Ikaŵeje jwatagalauche (kuleka masengo gambone) ni kufulu (kuleka Usilamu),

ߟߝߊߙߌ ߘߏ߫: 24

فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ

Basi Allah tachinnagasya ni ilagasyo yekulungwa nnope.

ߟߝߊߙߌ ߘߏ߫: 25

إِنَّ إِلَيۡنَآ إِيَابَهُمۡ

Chisimu Kukwetu pe ni kwakuujila kwao.

ߟߝߊߙߌ ߘߏ߫: 26

ثُمَّ إِنَّ عَلَيۡنَا حِسَابَهُم

Soni chisimu kuŵalanjidwa kwao kuli Nowe.