Check out the new design

Vertaling van de betekenissen Edele Qur'an - Filipijnse vertaling (Maguindanao) - Vertalingspionierscentrum * - Index van vertaling

Vertaling van de betekenissen Surah: al-Hidjr   Vers:
Surah's Index Pagina nummer HTML

Al-Hijr

Vers: 1

الٓرۚ تِلۡكَ ءَايَٰتُ ٱلۡكِتَٰبِ وَقُرۡءَانٖ مُّبِينٖ
Alif-Laam-Ra (su Allah i mataw kanu ma'ana nin), su manga ayatan (tanda) u kitab, endu su Qur’an a mapayag.
Arabische uitleg van de Qur'an:

Vers: 2

رُّبَمَا يَوَدُّ ٱلَّذِينَ كَفَرُواْ لَوۡ كَانُواْ مُسۡلِمِينَ
Di ebplis na makapanganganay su manga kafir (lu sa naraka) sa u nya ba ka Muslim tanu bu (na di tanu matangen sa naraka).
Arabische uitleg van de Qur'an:

Vers: 3

ذَرۡهُمۡ يَأۡكُلُواْ وَيَتَمَتَّعُواْ وَيُلۡهِهِمُ ٱلۡأَمَلُۖ فَسَوۡفَ يَعۡلَمُونَ
Pasagadi ka (Muhammad) i kuman bu endu egkakalini bu silan, endu malimpang silan kanu banganganin nilan, ka di ebplis na katawan nilan bu.
Arabische uitleg van de Qur'an:

Vers: 4

وَمَآ أَهۡلَكۡنَا مِن قَرۡيَةٍ إِلَّا وَلَهَا كِتَابٞ مَّعۡلُومٞ
Endu dala bininasa nami a dalpa, ya tabiya na aden pan kanilan i kitab a gatawan nilan bun.
Arabische uitleg van de Qur'an:

Vers: 5

مَّا تَسۡبِقُ مِنۡ أُمَّةٍ أَجَلَهَا وَمَا يَسۡتَـٔۡخِرُونَ
Di mawna su ummat kanu ajalin u nauma endu dili bun makasundul.
Arabische uitleg van de Qur'an:

Vers: 6

وَقَالُواْ يَٰٓأَيُّهَا ٱلَّذِي نُزِّلَ عَلَيۡهِ ٱلذِّكۡرُ إِنَّكَ لَمَجۡنُونٞ
Endu pidtalu nilan: (Oh Muhammad) seka a tinulunan sa dhikr (Qur’an) na saben-sabenal na seka na buneg ka.
Arabische uitleg van de Qur'an:

Vers: 7

لَّوۡمَا تَأۡتِينَا بِٱلۡمَلَٰٓئِكَةِ إِن كُنتَ مِنَ ٱلصَّٰدِقِينَ
U namba ka ya nengka pambuwaten sa lekami na malaikat amayka naluyug ka kanu manga taw a benal i kadtalu nin.
Arabische uitleg van de Qur'an:

Vers: 8

مَا نُنَزِّلُ ٱلۡمَلَٰٓئِكَةَ إِلَّا بِٱلۡحَقِّ وَمَا كَانُوٓاْ إِذٗا مُّنظَرِينَ
(Tig nu Allah): di nami patulunen su malaikat ya tabiya na siksa i makatingguma nin, endu dala den masama kanilan.
Arabische uitleg van de Qur'an:

Vers: 9

إِنَّا نَحۡنُ نَزَّلۡنَا ٱلذِّكۡرَ وَإِنَّا لَهُۥ لَحَٰفِظُونَ
(Tig nu Allah): saben-sabenal a sekami na initulun nami su Qur’an, endu sekami bun i pebparihala lun. (sa di kaumanan-dikakulangan).
Arabische uitleg van de Qur'an:

Vers: 10

وَلَقَدۡ أَرۡسَلۡنَا مِن قَبۡلِكَ فِي شِيَعِ ٱلۡأَوَّلِينَ
Endu saben-sabenal a sinugu nami bun i nauna sa leka (Muhammad) lu kanu lumpukan nu nangawna (manga taw).
Arabische uitleg van de Qur'an:

Vers: 11

وَمَا يَأۡتِيهِم مِّن رَّسُولٍ إِلَّا كَانُواْ بِهِۦ يَسۡتَهۡزِءُونَ
Da pakawma kanilan a sinugu ya tabiya na bagungaten nilan bu su sinugu.
Arabische uitleg van de Qur'an:

Vers: 12

كَذَٰلِكَ نَسۡلُكُهُۥ فِي قُلُوبِ ٱلۡمُجۡرِمِينَ
Mamba i kinapaludep ami sya kanu manga atay nu manga baradusa (na kapagungat kanu manga sinugo).
Arabische uitleg van de Qur'an:

Vers: 13

لَا يُؤۡمِنُونَ بِهِۦ وَقَدۡ خَلَتۡ سُنَّةُ ٱلۡأَوَّلِينَ
Di silan mangimbenal sa sinugu, endu naypus su pinakaydan nu Allah kanu bininasa nin (na di pon ma-indaw) na dili sumala na binasan nami silan sabap kanu kapedsupak nilan.
Arabische uitleg van de Qur'an:

Vers: 14

وَلَوۡ فَتَحۡنَا عَلَيۡهِم بَابٗا مِّنَ ٱلسَّمَآءِ فَظَلُّواْ فِيهِ يَعۡرُجُونَ
Endu u mana bu ka inukan nami kanu manga (malaikat) i bengawan ebpun sa langit na edsusukelya silan mamanik.
Arabische uitleg van de Qur'an:

Vers: 15

لَقَالُوٓاْ إِنَّمَا سُكِّرَتۡ أَبۡصَٰرُنَا بَلۡ نَحۡنُ قَوۡمٞ مَّسۡحُورُونَ
Edtalun nilan i pinamakaydan ni (Muhammad) su mata tanu, na sekitanu su manga taw a nasugat a sih'r (pantak).
Arabische uitleg van de Qur'an:

Vers: 16

وَلَقَدۡ جَعَلۡنَا فِي ٱلسَّمَآءِ بُرُوجٗا وَزَيَّنَّٰهَا لِلنَّٰظِرِينَ
Endu saben-sabenal a binaluy nami sya ku langit i manga masla a bitun (tampat u senang) endu pibpalasan nami kanu (mata nu) pamakailay.
Arabische uitleg van de Qur'an:

Vers: 17

وَحَفِظۡنَٰهَا مِن كُلِّ شَيۡطَٰنٖ رَّجِيمٍ
Endu pinarihala nami langit (inamba) kanu manga Shaytan a inawa salka nilan su limu nu Allah (ka endu dili silan makasiken).
Arabische uitleg van de Qur'an:

Vers: 18

إِلَّا مَنِ ٱسۡتَرَقَ ٱلسَّمۡعَ فَأَتۡبَعَهُۥ شِهَابٞ مُّبِينٞ
Ya tabiya na su banegkaw bakikineg (a Shaytan) na pembalantayn kanu matinang a mapayag (tay na bitun- tig nu manga lukes).
Arabische uitleg van de Qur'an:

Vers: 19

وَٱلۡأَرۡضَ مَدَدۡنَٰهَا وَأَلۡقَيۡنَا فِيهَا رَوَٰسِيَ وَأَنۢبَتۡنَا فِيهَا مِن كُلِّ شَيۡءٖ مَّوۡزُونٖ
Endu su lupa na binelat nami endu binetadan nami sa manga palaw, endu pinatuwan nami sa embalang-balang i palasin a na-ukul i umani-isa.
Arabische uitleg van de Qur'an:

Vers: 20

وَجَعَلۡنَا لَكُمۡ فِيهَا مَعَٰيِشَ وَمَن لَّسۡتُمۡ لَهُۥ بِرَٰزِقِينَ
Endu binaluy nami sa lekanu sya sa lupa i kauyagan nu, endu su manga taw na di kena sekanu i perizki lun.
Arabische uitleg van de Qur'an:

Vers: 21

وَإِن مِّن شَيۡءٍ إِلَّا عِندَنَا خَزَآئِنُهُۥ وَمَا نُنَزِّلُهُۥٓ إِلَّا بِقَدَرٖ مَّعۡلُومٖ
Endu dala kanu enggaga-isa a di kena sya sa lekami i gunsinin, endu di inami patulunen o di kena naukul a natawan.
Arabische uitleg van de Qur'an:

Vers: 22

وَأَرۡسَلۡنَا ٱلرِّيَٰحَ لَوَٰقِحَ فَأَنزَلۡنَا مِنَ ٱلسَّمَآءِ مَآءٗ فَأَسۡقَيۡنَٰكُمُوهُ وَمَآ أَنتُمۡ لَهُۥ بِخَٰزِنِينَ
Endu sinugu nami i sambel a pedsedseg sa dadtem na pinatulun nami ebpun sa langit su ig, na pina-inum nami sekanu, endu di kena sekanu i pedtuganul sa gunsinin.
Arabische uitleg van de Qur'an:

Vers: 23

وَإِنَّا لَنَحۡنُ نُحۡيِۦ وَنُمِيتُ وَنَحۡنُ ٱلۡوَٰرِثُونَ
Endu saben-sabenal a sekami i banguyag endu bangimatay, endu sekami (Allah) i makawaris sa dunya endu su dalemin.
Arabische uitleg van de Qur'an:

Vers: 24

وَلَقَدۡ عَلِمۡنَا ٱلۡمُسۡتَقۡدِمِينَ مِنكُمۡ وَلَقَدۡ عَلِمۡنَا ٱلۡمُسۡتَـٔۡخِرِينَ
Endu saben-sabenal a natawan nami (Allah) su nangawna sa leka, endu natawan nami su nawli pan sa lekanu.
Arabische uitleg van de Qur'an:

Vers: 25

وَإِنَّ رَبَّكَ هُوَ يَحۡشُرُهُمۡۚ إِنَّهُۥ حَكِيمٌ عَلِيمٞ
Endu su kadenan nengka na buligen in silan, ka su Allah na katawanin i mapayag-masulen.
Arabische uitleg van de Qur'an:

Vers: 26

وَلَقَدۡ خَلَقۡنَا ٱلۡإِنسَٰنَ مِن صَلۡصَٰلٖ مِّنۡ حَمَإٖ مَّسۡنُونٖ
Endu binaluy nami su manusya ebpun sa libubuk a lupa a mategas a matilak (mana kebing).
Arabische uitleg van de Qur'an:

Vers: 27

وَٱلۡجَآنَّ خَلَقۡنَٰهُ مِن قَبۡلُ مِن نَّارِ ٱلسَّمُومِ
Endu binaluy nami su jin sa unan i Adam sa apuy sa bendes e kayaw nin.
Arabische uitleg van de Qur'an:

Vers: 28

وَإِذۡ قَالَ رَبُّكَ لِلۡمَلَٰٓئِكَةِ إِنِّي خَٰلِقُۢ بَشَرٗا مِّن صَلۡصَٰلٖ مِّنۡ حَمَإٖ مَّسۡنُونٖ
Endu labit ka i pidtalu nu Allah kanu manga malaikat i bamaluy ako sa manusya a yanin asal na libubuk a lupa a mategas a matilak.
Arabische uitleg van de Qur'an:

Vers: 29

فَإِذَا سَوَّيۡتُهُۥ وَنَفَخۡتُ فِيهِ مِن رُّوحِي فَقَعُواْ لَهُۥ سَٰجِدِينَ
Na amayka pinabpalas ku den endu nabetadan ko sa ngyawa (su Adam) na embetad kanu sa sujud kanu (kani Adam)
Arabische uitleg van de Qur'an:

Vers: 30

فَسَجَدَ ٱلۡمَلَٰٓئِكَةُ كُلُّهُمۡ أَجۡمَعُونَ
Sinumugyud su manga malaikat sa langun nilan.
Arabische uitleg van de Qur'an:

Vers: 31

إِلَّآ إِبۡلِيسَ أَبَىٰٓ أَن يَكُونَ مَعَ ٱلسَّٰجِدِينَ
Ya bu tabiya (a dala sugyud) na si Iblis, ka nabensi sa makakuyug kanu namedsugyud.
Arabische uitleg van de Qur'an:

Vers: 32

قَالَ يَٰٓإِبۡلِيسُ مَا لَكَ أَلَّا تَكُونَ مَعَ ٱلسَّٰجِدِينَ
Tig nu Allah: seka Iblis ngin i nakabangun sa leka ka da ka makuyug kanu manga malaikat a sinumugyud?
Arabische uitleg van de Qur'an:

Vers: 33

قَالَ لَمۡ أَكُن لِّأَسۡجُدَ لِبَشَرٍ خَلَقۡتَهُۥ مِن صَلۡصَٰلٖ مِّنۡ حَمَإٖ مَّسۡنُونٖ
Tig nu Iblis: da aku maaden sa sumugyud sa manusya a binaluy nengka sa yanin andangan na libubuk a lupa a mategas a matilak.
Arabische uitleg van de Qur'an:

Vers: 34

قَالَ فَٱخۡرُجۡ مِنۡهَا فَإِنَّكَ رَجِيمٞ
Tig nu Allah: liyu ka sa surga, ka saben-sabenal sa leka na inawa sa leka su limu nu Allah.
Arabische uitleg van de Qur'an:

Vers: 35

وَإِنَّ عَلَيۡكَ ٱللَّعۡنَةَ إِلَىٰ يَوۡمِ ٱلدِّينِ
Nanget sa leka su mulka ku taman sa gay a mawli.
Arabische uitleg van de Qur'an:

Vers: 36

قَالَ رَبِّ فَأَنظِرۡنِيٓ إِلَىٰ يَوۡمِ يُبۡعَثُونَ
Endu tig nu Iblis: Kadenan ku pakalendu ka i umur ko taman sa kambuwat sa kubur.
Arabische uitleg van de Qur'an:

Vers: 37

قَالَ فَإِنَّكَ مِنَ ٱلۡمُنظَرِينَ
Tig nu Allah: kuyug ka den kanu manga lendu i umur in.
Arabische uitleg van de Qur'an:

Vers: 38

إِلَىٰ يَوۡمِ ٱلۡوَقۡتِ ٱلۡمَعۡلُومِ
Taman bu kanu gay a waktu a natawan (kabangkit sa dunya).
Arabische uitleg van de Qur'an:

Vers: 39

قَالَ رَبِّ بِمَآ أَغۡوَيۡتَنِي لَأُزَيِّنَنَّ لَهُمۡ فِي ٱلۡأَرۡضِ وَلَأُغۡوِيَنَّهُمۡ أَجۡمَعِينَ
Tig nu Iblis: Kadenan ku kagina ka namulkan aku na ebpiyapiyanan ku kanilan sya sa lupa su kadupangan, endu tadingeng ku silan tanan a manusya.
Arabische uitleg van de Qur'an:

Vers: 40

إِلَّا عِبَادَكَ مِنۡهُمُ ٱلۡمُخۡلَصِينَ
Ya bu tabiya na su manga ulipen nengka a manga ikhlas.
Arabische uitleg van de Qur'an:

Vers: 41

قَالَ هَٰذَا صِرَٰطٌ عَلَيَّ مُسۡتَقِيمٌ
Tig nu Allah: nan su lalan a matidtu a titayan nu sa kasampay sya sa laki.
Arabische uitleg van de Qur'an:

Vers: 42

إِنَّ عِبَادِي لَيۡسَ لَكَ عَلَيۡهِمۡ سُلۡطَٰنٌ إِلَّا مَنِ ٱتَّبَعَكَ مِنَ ٱلۡغَاوِينَ
Endu saben-sabenal su manga ulipen ku na da bagel nengka kanilan sa katading nilan, ya bu tabiya na su minunut sa leka a sinumibay kanu lalan ku.
Arabische uitleg van de Qur'an:

Vers: 43

وَإِنَّ جَهَنَّمَ لَمَوۡعِدُهُمۡ أَجۡمَعِينَ
Endu benal su naraka (jahannam) i pasad kanilan langun.
Arabische uitleg van de Qur'an:

Vers: 44

لَهَا سَبۡعَةُ أَبۡوَٰبٖ لِّكُلِّ بَابٖ مِّنۡهُمۡ جُزۡءٞ مَّقۡسُومٌ
A pitu i bengawanin, uman i isa a bengawan na pimbad-bad sa uman i dayt a galbek u taw a kadarwakan.
Arabische uitleg van de Qur'an:

Vers: 45

إِنَّ ٱلۡمُتَّقِينَ فِي جَنَّٰتٖ وَعُيُونٍ
Saben-sabenal su manga taw a magilek sa Allah na lu silan kanu manga surga a manga buwal.
Arabische uitleg van de Qur'an:

Vers: 46

ٱدۡخُلُوهَا بِسَلَٰمٍ ءَامِنِينَ
(Pidtalu kanilan): ludep kanu den lu ba (surga) sa sajahatra kanu, tumatana kanu.
Arabische uitleg van de Qur'an:

Vers: 47

وَنَزَعۡنَا مَا فِي صُدُورِهِم مِّنۡ غِلٍّ إِخۡوَٰنًا عَلَىٰ سُرُرٖ مُّتَقَٰبِلِينَ
Endu inawa nami kanu laleb ilan su kandedengkya, sa edusuled silan, sa bagayan silan kanu manga kantil (katri) a pedsasangula.
Arabische uitleg van de Qur'an:

Vers: 48

لَا يَمَسُّهُمۡ فِيهَا نَصَبٞ وَمَا هُم مِّنۡهَا بِمُخۡرَجِينَ
Da magedam nilan a lugat sa surga, endu dala kanilan i makalyu silan sa surga.
Arabische uitleg van de Qur'an:

Vers: 49

۞ نَبِّئۡ عِبَادِيٓ أَنِّيٓ أَنَا ٱلۡغَفُورُ ٱلرَّحِيمُ
Panudtul ka (Muhammad) kanu manga ulipen ku i saki na bangampun a malimu.
Arabische uitleg van de Qur'an:

Vers: 50

وَأَنَّ عَذَابِي هُوَ ٱلۡعَذَابُ ٱلۡأَلِيمُ
Endu su siksa ku na entu ba i siksa a masakit a mapasang.
Arabische uitleg van de Qur'an:

Vers: 51

وَنَبِّئۡهُمۡ عَن ضَيۡفِ إِبۡرَٰهِيمَ
Endu panudtul ka kanilan su (bisita) nu Ibrahim.
Arabische uitleg van de Qur'an:

Vers: 52

إِذۡ دَخَلُواْ عَلَيۡهِ فَقَالُواْ سَلَٰمٗا قَالَ إِنَّا مِنكُمۡ وَجِلُونَ
Su timpu a kinaludep nilan na yanilan pidtalu na salaam (tig nu Ibrahim): sekami na bangandam kami ebpun sa lekanu.
Arabische uitleg van de Qur'an:

Vers: 53

قَالُواْ لَا تَوۡجَلۡ إِنَّا نُبَشِّرُكَ بِغُلَٰمٍ عَلِيمٖ
Tig nilan: da ka bangandam ka pedtalun nami sa leka i kalilinyan nengka, makambata kanu sa wata a mama a madakel i katawan nin.
Arabische uitleg van de Qur'an:

Vers: 54

قَالَ أَبَشَّرۡتُمُونِي عَلَىٰٓ أَن مَّسَّنِيَ ٱلۡكِبَرُ فَبِمَ تُبَشِّرُونَ
Tig nu Ibrahim: panudtulan aku nu sa mapiya, na saki na nagaws ako na katuwa (su Ibrahim na 120 i lagun in, su Sarah na 90 lagun).
Arabische uitleg van de Qur'an:

Vers: 55

قَالُواْ بَشَّرۡنَٰكَ بِٱلۡحَقِّ فَلَا تَكُن مِّنَ ٱلۡقَٰنِطِينَ
Tig nu manga malaikat: tudtulan nami a nya na benal, na da ka penggula sa makuyug ka kanu manga taw a nangatebpedan na inam.
Arabische uitleg van de Qur'an:

Vers: 56

قَالَ وَمَن يَقۡنَطُ مِن رَّحۡمَةِ رَبِّهِۦٓ إِلَّا ٱلضَّآلُّونَ
Tig nilan: dala taw a tinebpedin i inamin kanu limu nu Allah ya tabiya na su manga taw a nangatading.
Arabische uitleg van de Qur'an:

Vers: 57

قَالَ فَمَا خَطۡبُكُمۡ أَيُّهَا ٱلۡمُرۡسَلُونَ
Tig nu Ibrahim: ngin i galebek u sekanu a manga sinugu?
Arabische uitleg van de Qur'an:

Vers: 58

قَالُوٓاْ إِنَّآ أُرۡسِلۡنَآ إِلَىٰ قَوۡمٖ مُّجۡرِمِينَ
Ya nilan pidtalu: sinugu kami san sa manga taw anan a manga darwaka.
Arabische uitleg van de Qur'an:

Vers: 59

إِلَّآ ءَالَ لُوطٍ إِنَّا لَمُنَجُّوهُمۡ أَجۡمَعِينَ
Ya bu tabiya na su madadseg (naginugut) kanu Lut, ka lepasen nami silan tanan.
Arabische uitleg van de Qur'an:

Vers: 60

إِلَّا ٱمۡرَأَتَهُۥ قَدَّرۡنَآ إِنَّهَا لَمِنَ ٱلۡغَٰبِرِينَ
Ya bu tabiya na si kaluma nin, ka inukul den sa maka-amung kanu gangabinasa.
Arabische uitleg van de Qur'an:

Vers: 61

فَلَمَّا جَآءَ ءَالَ لُوطٍ ٱلۡمُرۡسَلُونَ
Guna makawma kanu Lut endu su kadakelin su manga sinugu (malaikat).
Arabische uitleg van de Qur'an:

Vers: 62

قَالَ إِنَّكُمۡ قَوۡمٞ مُّنكَرُونَ
Tig nu Lut: saben-sabenal a sekanu a manga taw na di nami katawan sekanu.
Arabische uitleg van de Qur'an:

Vers: 63

قَالُواْ بَلۡ جِئۡنَٰكَ بِمَا كَانُواْ فِيهِ يَمۡتَرُونَ
Tig nilan: ugayd nakawma kami sa leka sa siksa kanu taw nengka sabap kanu kadupang nilan.
Arabische uitleg van de Qur'an:

Vers: 64

وَأَتَيۡنَٰكَ بِٱلۡحَقِّ وَإِنَّا لَصَٰدِقُونَ
Endu initingguma nami sa leka su benal ka sekami na bangimbenal kami.
Arabische uitleg van de Qur'an:

Vers: 65

فَأَسۡرِ بِأَهۡلِكَ بِقِطۡعٖ مِّنَ ٱلَّيۡلِ وَٱتَّبِعۡ أَدۡبَٰرَهُمۡ وَلَا يَلۡتَفِتۡ مِنكُمۡ أَحَدٞ وَٱمۡضُواْ حَيۡثُ تُؤۡمَرُونَ
Paganat ka i kadakel nengka sa di pan mapita, endu lu ka (tampal) sa ulyan nilan, endu di lemengi uman-isa sa lekanu, endu lu kanu ebpawang kanu pedsuguwan sa lekanu (lu sa Shaam).
Arabische uitleg van de Qur'an:

Vers: 66

وَقَضَيۡنَآ إِلَيۡهِ ذَٰلِكَ ٱلۡأَمۡرَ أَنَّ دَابِرَ هَٰٓؤُلَآءِ مَقۡطُوعٞ مُّصۡبِحِينَ
Endu ini-wahi nami kanu Lut intuba a suguwan, na benal intu a manga taw (manga darwaka) na di ebplis sa magan mapita i kawma nin (su siksa).
Arabische uitleg van de Qur'an:

Vers: 67

وَجَآءَ أَهۡلُ ٱلۡمَدِينَةِ يَسۡتَبۡشِرُونَ
Endu salta na nakawma (lu kani Lut) su taw nu dalpa a manga darwaka a gangalilini.
Arabische uitleg van de Qur'an:

Vers: 68

قَالَ إِنَّ هَٰٓؤُلَآءِ ضَيۡفِي فَلَا تَفۡضَحُونِ
Tig nu Lut: saben-sabenal su silan ba nan na manga bisita ku, na di aku nu mapagkaya.
Arabische uitleg van de Qur'an:

Vers: 69

وَٱتَّقُواْ ٱللَّهَ وَلَا تُخۡزُونِ
Endu ikagilek nu su Allah, endu dili aku nu pabpelusak (papegkaya).
Arabische uitleg van de Qur'an:

Vers: 70

قَالُوٓاْ أَوَلَمۡ نَنۡهَكَ عَنِ ٱلۡعَٰلَمِينَ
Tig nilan: kena ba sinapalan nami seka sa endaw i kiyug ami na da ka mamung?
Arabische uitleg van de Qur'an:

Vers: 71

قَالَ هَٰٓؤُلَآءِ بَنَاتِيٓ إِن كُنتُمۡ فَٰعِلِينَ
Tig nu (Lut): nan su manga wata ku a manga babay na pangaluma nu silan amayka aden kahanda nu.
Arabische uitleg van de Qur'an:

Vers: 72

لَعَمۡرُكَ إِنَّهُمۡ لَفِي سَكۡرَتِهِمۡ يَعۡمَهُونَ
Inidsapa nu Allah kanu uyag-uyag nu (Muhammad) na tidtu den a nadalem sa katadingan su manga taw nu Lut.
Arabische uitleg van de Qur'an:

Vers: 73

فَأَخَذَتۡهُمُ ٱلصَّيۡحَةُ مُشۡرِقِينَ
Na nasugat silan a kilat sa kanu kutika a kapedsebang u senang.
Arabische uitleg van de Qur'an:

Vers: 74

فَجَعَلۡنَا عَٰلِيَهَا سَافِلَهَا وَأَمۡطَرۡنَا عَلَيۡهِمۡ حِجَارَةٗ مِّن سِجِّيلٍ
Na binaluy nami su dalpa nilan sa nakelid, endu pina-ulanan nami silan sa watu a lupa bun a midtegas a apuy.
Arabische uitleg van de Qur'an:

Vers: 75

إِنَّ فِي ذَٰلِكَ لَأٓيَٰتٖ لِّلۡمُتَوَسِّمِينَ
Saben-sabenal a lu ba su manga tanda nu Allah sa kapegkagaga nin kanu aden pikiranin.
Arabische uitleg van de Qur'an:

Vers: 76

وَإِنَّهَا لَبِسَبِيلٖ مُّقِيمٍ
Endu benal intu (a dalpa) na lalan na mapayag. (lalan ebpun sa Makkah, pawang sa Syria).
Arabische uitleg van de Qur'an:

Vers: 77

إِنَّ فِي ذَٰلِكَ لَأٓيَةٗ لِّلۡمُؤۡمِنِينَ
Lu ba natagu su manga tanda nu Allah kanu manga mu'min.
Arabische uitleg van de Qur'an:

Vers: 78

وَإِن كَانَ أَصۡحَٰبُ ٱلۡأَيۡكَةِ لَظَٰلِمِينَ
Endu kaaden u kigkuwan (pegkakaleben) sa manga kayu na manga kafir (manga taw sa Madyan, a kawm nu Shu'aib) na natading nilan su ginawa nilan, sabap kanu kinagkafir nilan kanu Allah, endu su sinugu nin.
Arabische uitleg van de Qur'an:

Vers: 79

فَٱنتَقَمۡنَا مِنۡهُمۡ وَإِنَّهُمَا لَبِإِمَامٖ مُّبِينٖ
Na sinupan (sinuliyan) nami silan (su manga taw ni Lut endu su manga taw nu Shu’aib) endu duwa anan a dalpa na masupeg i pageletan nin, endu aden lalanin a mapayag kanu entayn i mukit.
Arabische uitleg van de Qur'an:

Vers: 80

وَلَقَدۡ كَذَّبَ أَصۡحَٰبُ ٱلۡحِجۡرِ ٱلۡمُرۡسَلِينَ
Endu tidtu a napandalbut sa sinugu su taw nu Hijr (dalpa nu Thamud).
Arabische uitleg van de Qur'an:

Vers: 81

وَءَاتَيۡنَٰهُمۡ ءَايَٰتِنَا فَكَانُواْ عَنۡهَا مُعۡرِضِينَ
Endu inenggay nami kanilan i manga ayatan nami, na ya nilan pinggula na pimbalawagan nilan.
Arabische uitleg van de Qur'an:

Vers: 82

وَكَانُواْ يَنۡحِتُونَ مِنَ ٱلۡجِبَالِ بُيُوتًا ءَامِنِينَ
Endu ya nilan galebek na bamesuwan nilan i manga palaw, ka bagumbal silan sa manga walay (ya nilan talima) na tumatana silan (di silan masugat a tyuba).
Arabische uitleg van de Qur'an:

Vers: 83

فَأَخَذَتۡهُمُ ٱلصَّيۡحَةُ مُصۡبِحِينَ
Na nasugat bun silan na kilat sa mapita.
Arabische uitleg van de Qur'an:

Vers: 84

فَمَآ أَغۡنَىٰ عَنۡهُم مَّا كَانُواْ يَكۡسِبُونَ
Na dala makangguna kanilan su nganin a pantiyaliyan nilan a tamuk atawa bagel.
Arabische uitleg van de Qur'an:

Vers: 85

وَمَا خَلَقۡنَا ٱلسَّمَٰوَٰتِ وَٱلۡأَرۡضَ وَمَا بَيۡنَهُمَآ إِلَّا بِٱلۡحَقِّۗ وَإِنَّ ٱلسَّاعَةَ لَأٓتِيَةٞۖ فَٱصۡفَحِ ٱلصَّفۡحَ ٱلۡجَمِيلَ
Endu dala kanu kinabaluy nami kanu manga langit endu lupa endu su pageletanin, ya tabiya na benal, endu su gay a mawli na di ebplis na makawma, na tigkel ka sa katigkel a matilak.
Arabische uitleg van de Qur'an:

Vers: 86

إِنَّ رَبَّكَ هُوَ ٱلۡخَلَّٰقُ ٱلۡعَلِيمُ
Benal su Kadenan nengka i bamaluy a mataw.
Arabische uitleg van de Qur'an:

Vers: 87

وَلَقَدۡ ءَاتَيۡنَٰكَ سَبۡعٗا مِّنَ ٱلۡمَثَانِي وَٱلۡقُرۡءَانَ ٱلۡعَظِيمَ
Saben-sabenal a inenggay nami sa leka (su Al-Fatihah) endu su Qur’an a masla.
Arabische uitleg van de Qur'an:

Vers: 88

لَا تَمُدَّنَّ عَيۡنَيۡكَ إِلَىٰ مَا مَتَّعۡنَا بِهِۦٓ أَزۡوَٰجٗا مِّنۡهُمۡ وَلَا تَحۡزَنۡ عَلَيۡهِمۡ وَٱخۡفِضۡ جَنَاحَكَ لِلۡمُؤۡمِنِينَ
Di ka edtungangeni su inenggay nami kanilan (a manga kafir) embalangan a limu, endu di ka lumidu i ginawa nengka kanilan (sa di silan bangimbenal) endu embaba ka kanu manga mu'min.
Arabische uitleg van de Qur'an:

Vers: 89

وَقُلۡ إِنِّيٓ أَنَا ٱلنَّذِيرُ ٱلۡمُبِينُ
Endu edtalu ka kanilan i saki na papedsampay ako bu a mapayag.
Arabische uitleg van de Qur'an:

Vers: 90

كَمَآ أَنزَلۡنَا عَلَى ٱلۡمُقۡتَسِمِينَ
Ka mana bun inan su kinapatulun ami (sa siksa) kanu manga taw a nalityala su ped na migkafir su ped kanu (su Qur’an).
Arabische uitleg van de Qur'an:

Vers: 91

ٱلَّذِينَ جَعَلُواْ ٱلۡقُرۡءَانَ عِضِينَ
Silan na ya nilan pinakaydan (sa Qur’an) na madakel i embalanganin (palityalan su sabad, supaken i sabad).
Arabische uitleg van de Qur'an:

Vers: 92

فَوَرَبِّكَ لَنَسۡـَٔلَنَّهُمۡ أَجۡمَعِينَ
Endu ibet kanu Kadenan nengka (Muhammad) na tidtu a idsan nami silan tanan.
Arabische uitleg van de Qur'an:

Vers: 93

عَمَّا كَانُواْ يَعۡمَلُونَ
Kanu manga galbek nilan.
Arabische uitleg van de Qur'an:

Vers: 94

فَٱصۡدَعۡ بِمَا تُؤۡمَرُ وَأَعۡرِضۡ عَنِ ٱلۡمُشۡرِكِينَ
Na patalus ka bun (Muhammad) su ipedsugu salka, endu embalawagi ka su manga mushrik.
Arabische uitleg van de Qur'an:

Vers: 95

إِنَّا كَفَيۡنَٰكَ ٱلۡمُسۡتَهۡزِءِينَ
Saben-sabenal a pinarihala nami seka kanu bagungat salka.
Arabische uitleg van de Qur'an:

Vers: 96

ٱلَّذِينَ يَجۡعَلُونَ مَعَ ٱللَّهِ إِلَٰهًا ءَاخَرَۚ فَسَوۡفَ يَعۡلَمُونَ
A silan na bagumbalan nilan sa tagapeda su Allah, na di ebplis na katawan nilan bu (madsemak nilan) i siksa nilan.
Arabische uitleg van de Qur'an:

Vers: 97

وَلَقَدۡ نَعۡلَمُ أَنَّكَ يَضِيقُ صَدۡرُكَ بِمَا يَقُولُونَ
Saben-sabenal a katawan nami i lidu na ginawa nengka kanu kadtalu nilan sa leka (sa buneg ka, malbut ka, endu ped pan).
Arabische uitleg van de Qur'an:

Vers: 98

فَسَبِّحۡ بِحَمۡدِ رَبِّكَ وَكُن مِّنَ ٱلسَّٰجِدِينَ
Na tasbih-tadem ka sa pugi nengka su Kadenan nengka, endu pangaden ka sa (isa ka) kanu manga pedsujud sa Allah.
Arabische uitleg van de Qur'an:

Vers: 99

وَٱعۡبُدۡ رَبَّكَ حَتَّىٰ يَأۡتِيَكَ ٱلۡيَقِينُ
Endu simba ka su Kadenan nengka (sa embalangan a simba sa lekanin) taman a makawma den sa leka su kapatay.
Arabische uitleg van de Qur'an:
 
Vertaling van de betekenissen Surah: al-Hidjr
Surah's Index Pagina nummer
 
Vertaling van de betekenissen Edele Qur'an - Filipijnse vertaling (Maguindanao) - Vertalingspionierscentrum - Index van vertaling

Vertaald door het vertaalteam van het Centrum van Pionierende Vertalers in samenwerking met de Vereniging voor Da'wa in Al-Rabwa en de Vereniging voor de Dienstverlening van Islamitische Inhoud in Talen.

Sluit