Vertaling van de betekenissen Surah Al-Lail - De Swahili vertaling - Ali Mohsen Al-Barwani - The Heilige Qur'an Encyclopedie

Al-Lail

Vers: 1

وَٱلَّيۡلِ إِذَا يَغۡشَىٰ

Naapa kwa usiku unapo funika! ^[1]

[1] Naapa kwa usiku kinapo enea kiza chake!

Vers: 2

وَٱلنَّهَارِ إِذَا تَجَلَّىٰ

Na mchana unapo dhihiri! ^[2]

[2] Na naapa kwa mchana unapo zagaa mwangaza wake!

Vers: 3

وَمَا خَلَقَ ٱلذَّكَرَ وَٱلۡأُنثَىٰٓ

Na kwa Aliye umba dume na jike! ^[3]

[3] Na naapa kwa Mjuzi aliye umba viwili viwili, dume na jike, katika kila vinavyo zaliwa!

Vers: 4

إِنَّ سَعۡيَكُمۡ لَشَتَّىٰ

Hakika juhudi zenu bila ya shaka ni mbali mbali. ^[4]

[4] Hakika juhudi zenu bila ya shaka zimekhitalifiana; kwani wapo wenye kubahatika katika juhudi zao, na wako wasio bahatika.

Vers: 5

فَأَمَّا مَنۡ أَعۡطَىٰ وَٱتَّقَىٰ

Ama mwenye kutoa na akamchamngu! ^[5]

[5] Ama mwenye kutoa katika Njia ya Mwenyezi Mungu, na akamkhofu Mola wake Mlezi, na kwa hivyo akaepuka anayo yakataza,

Vers: 6

وَصَدَّقَ بِٱلۡحُسۡنَىٰ

Na akaliwafiki lilio jema! ^[6]

[6] Na akayakinika kufuata fadhila njema, nayo ni Imani kumuamini Mwenyezi Mungu kwa kumjua,

Vers: 7

فَسَنُيَسِّرُهُۥ لِلۡيُسۡرَىٰ

Tutamsahilishia yawe mepesi. ^[7]

[7] Basi Sisi tutamtengenezea awe katika khulka ya wepesi na raha kwa kumwongoza kwenye njia ya kheri.

Vers: 8

وَأَمَّا مَنۢ بَخِلَ وَٱسۡتَغۡنَىٰ

Na ama mwenye kufanya ubakhili, na asiwe na haja ya wenzake! ^[8]

[8] Ama mwenye kufanya ubakhili kwa mali yake asitoe haki ya Mwenyezi Mungu iliomo humo, na akawa hana haja na yatokayo kwa Mwenyezi Mungu,

Vers: 9

وَكَذَّبَ بِٱلۡحُسۡنَىٰ

Na akakanusha lilio jema! ^[9]

[9] Na akakadhibisha khulka nzuri,

Vers: 10

فَسَنُيَسِّرُهُۥ لِلۡعُسۡرَىٰ

Tutamsahilishia yawe mazito! ^[10]

[10] Basi huyo tutamtengenezea khulka ambayo inapelekea uzito na mashaka ya milele.

Vers: 11

وَمَا يُغۡنِي عَنۡهُ مَالُهُۥٓ إِذَا تَرَدَّىٰٓ

Na mali yake yatamfaa nini atapo kuwa anadidimia? ^[11]

[11] Na kitu gani katika adhabu ambacho hayo mali yake yataweza kumkinga nacho, atapo teketea yeye mwenyewe mzima?

Vers: 12

إِنَّ عَلَيۡنَا لَلۡهُدَىٰ

Hakika ni juu yetu kuonyesha uwongofu. ^[12]

[12] Hakika ni juu yetu, Sisi, kwa kufuatana na hikima yetu, ndio tuwabainishie viumbe njia ya uwongofu.

Vers: 13

وَإِنَّ لَنَا لَلۡأٓخِرَةَ وَٱلۡأُولَىٰ

Na hakika ni yetu Sisi Akhera na dunia. ^[13]

[13] Na juu yetu Sisi peke yetu, bila ya shaka, hili jambo la kuendesha yaliomo duniani na Akhera.

Vers: 14

فَأَنذَرۡتُكُمۡ نَارٗا تَلَظَّىٰ

Basi nakuonyeni na Moto unao waka! ^[14]

[14] Ndio maana tukakutieni khofu ya Moto unao waka na kuripuka!

Vers: 15

لَا يَصۡلَىٰهَآ إِلَّا ٱلۡأَشۡقَى

Hatauingia ila mwovu kabisa! ^[15]

[15] Hawauingii kwa kudumu ila kafiri

Vers: 16

ٱلَّذِي كَذَّبَ وَتَوَلَّىٰ

Anaye kadhibisha na kupa mgongo. ^[16]

[16] Aliye ikadhibisha Haki na akazipuuza Ishara za Mola wake Mlezi.

Vers: 17

وَسَيُجَنَّبُهَا ٱلۡأَتۡقَى

Na mchamngu ataepushwa nao, ^[17]

[17] Na atakuwa mbali na huo Moto aliye mwingi wa kujikinga na ukafiri na maasi,

Vers: 18

ٱلَّذِي يُؤۡتِي مَالَهُۥ يَتَزَكَّىٰ

Ambaye hutoa mali yake kwa ajili ya kujitakasa. ^[18]

[18] Amabye hutoa mali yake wakati wa nafasi ili kujisafisha na uchafu wa ubakhili, na najsi ya uchoyo.

Vers: 19

وَمَا لِأَحَدٍ عِندَهُۥ مِن نِّعۡمَةٖ تُجۡزَىٰٓ

Na wala si kwa kuwa yupo yeyote aliye mfanyia hisani ndio anamlipa. ^[19]

[19] Na mtoaji huyu si kama anaye mtu yeyote ambaye ndio anamlipa kwa neema aliyo mfanyia zamani,

Vers: 20

إِلَّا ٱبۡتِغَآءَ وَجۡهِ رَبِّهِ ٱلۡأَعۡلَىٰ

Ila ni kutaka radhi ya Mola wake Mlezi aliye juu kabisa. ^[20]

[20] Bali anatoa hicho kwa kutafuta radhi ya Mola wake Mlezi Mtukufu tu.

Vers: 21

وَلَسَوۡفَ يَرۡضَىٰ

Naye atakuja ridhika! ^[21]

[21] Na bila ya shaka atakuja pata kutoka kwa Mola wake Mlezi anacho kitaka kwa njia za ukamilifu kabisa, hata itimie radhi kwake.