د معناګانو ژباړه سورت مریم - فلیپیني (المجندناو) ژباړه - د رواد الترجمة مرکز - د قرآن کریم دائرة المعارف

Maryam

آیت: 1

كٓهيعٓصٓ

Kaaf-Ha-‘Ain-Saad (su Allah i mataw kanu ma'ana nin).

آیت: 2

ذِكۡرُ رَحۡمَتِ رَبِّكَ عَبۡدَهُۥ زَكَرِيَّآ

Nya ba i labitan kanu limu nu Kadenan engka sa kanu ulipenin a si Zakariya.

آیت: 3

إِذۡ نَادَىٰ رَبَّهُۥ نِدَآءً خَفِيّٗا

Su waktu a min-du’a kanu Kadenan nin sa kinandu’a a masulen.

آیت: 4

قَالَ رَبِّ إِنِّي وَهَنَ ٱلۡعَظۡمُ مِنِّي وَٱشۡتَعَلَ ٱلرَّأۡسُ شَيۡبٗا وَلَمۡ أَكُنۢ بِدُعَآئِكَ رَبِّ شَقِيّٗا

Ya nin pidtalu: pedtyakap sa laki (Allah) saben-sabenal na saki na minggepuk/migkalubay su tulan ku endu migkadakel kanu ulu sa uwan (maputi a buk), endu da aku maaden sabap kanu kabangeni sa leka a pedtiyakap sa laki (Allah) sa egkalidu (su ginawa).

آیت: 5

وَإِنِّي خِفۡتُ ٱلۡمَوَٰلِيَ مِن وَرَآءِي وَكَانَتِ ٱمۡرَأَتِي عَاقِرٗا فَهَبۡ لِي مِن لَّدُنكَ وَلِيّٗا

Endu saben-sabenal kagilekan aku sa dadagen u pakatundug sa laki su agama, endu su kaluma ku na bayas (di pembata) na enggay aku ebpun saleka a Kadenan sa wata.

آیت: 6

يَرِثُنِي وَيَرِثُ مِنۡ ءَالِ يَعۡقُوبَۖ وَٱجۡعَلۡهُ رَبِّ رَضِيّٗا

Sa makawaris sa laki, endu makawaris kanu Ya'kub sa kataw endu kanabi (di kena kakawasan) endu baluy ka, Kadenan ku, a kasuwatan (na Allah).

آیت: 7

يَٰزَكَرِيَّآ إِنَّا نُبَشِّرُكَ بِغُلَٰمٍ ٱسۡمُهُۥ يَحۡيَىٰ لَمۡ نَجۡعَل لَّهُۥ مِن قَبۡلُ سَمِيّٗا

(Tig nu Allah): O Zakariya! Benal a sekami na papegkalilinin nami seka (enggan nami seka) sa wata a ya nin ngala na si Yahya a dala sangay nin a nawna pan sa lekanin.

آیت: 8

قَالَ رَبِّ أَنَّىٰ يَكُونُ لِي غُلَٰمٞ وَكَانَتِ ٱمۡرَأَتِي عَاقِرٗا وَقَدۡ بَلَغۡتُ مِنَ ٱلۡكِبَرِ عِتِيّٗا

Tig nu Zakariya: Kadenan ku panun i ka-aden a wata sa kaluma ku na bayas, na saki menem na naka sampay sa katuwa?

آیت: 9

قَالَ كَذَٰلِكَ قَالَ رَبُّكَ هُوَ عَلَيَّ هَيِّنٞ وَقَدۡ خَلَقۡتُكَ مِن قَبۡلُ وَلَمۡ تَكُ شَيۡـٔٗا

Pidtalu nu malaikat: manggula den inan pidtalu nu Kadenan nengka na ya pan malemu kanu Allah, ka binaluy kanin paganay sa dala, namba i tanda nu kapegkagaga nu Allah endu kaisa-isa nin.

آیت: 10

قَالَ رَبِّ ٱجۡعَل لِّيٓ ءَايَةٗۖ قَالَ ءَايَتُكَ أَلَّا تُكَلِّمَ ٱلنَّاسَ ثَلَٰثَ لَيَالٖ سَوِيّٗا

Tig nu Zakariya: Kadenan ku umbali aku sa tanda (sa magingay su kaluma ku), tig nu Allah: ya nin tanda na di ka miyug edtalu kanu manga taw sa taman sa telu gay (ya tabiya na ka-tasbih).

آیت: 11

فَخَرَجَ عَلَىٰ قَوۡمِهِۦ مِنَ ٱلۡمِحۡرَابِ فَأَوۡحَىٰٓ إِلَيۡهِمۡ أَن سَبِّحُواْ بُكۡرَةٗ وَعَشِيّٗا

Na liniyuwan in su manga taw ebpun saka pedsambayangan nin, inigulinganin i edsambayang kanu den sa mapita-malulem.

آیت: 12

يَٰيَحۡيَىٰ خُذِ ٱلۡكِتَٰبَ بِقُوَّةٖۖ وَءَاتَيۡنَٰهُ ٱلۡحُكۡمَ صَبِيّٗا

(Tig nu Allah): O Yahya! Kamali ka su kitab (Taurat) sa mabagel endu inenggay nami sa lekanin i kataw (ungangen) sa wata pan.

آیت: 13

وَحَنَانٗا مِّن لَّدُنَّا وَزَكَوٰةٗۖ وَكَانَ تَقِيّٗا

(Endu binaluy) a limu sekanin (kanu manga taw) ebpun sa lekami (Allah) endu suti sekanin endu na-aden sa magilek sa Allah.

آیت: 14

وَبَرَّۢا بِوَٰلِدَيۡهِ وَلَمۡ يَكُن جَبَّارًا عَصِيّٗا

Endu ebpiya-piya sa duwa a mimbata lun, endu dala ma-aden sa tamegesen a darwaka a supak sa Kadenan nin.

آیت: 15

وَسَلَٰمٌ عَلَيۡهِ يَوۡمَ وُلِدَ وَيَوۡمَ يَمُوتُ وَيَوۡمَ يُبۡعَثُ حَيّٗا

Sajahatra sekanin sa kanu gay a kinambata lun (malilintad) endu su gay a kapatay nin, endu su kambuwatin (kanu kinapatay nin) sa bibyag.

آیت: 16

وَٱذۡكُرۡ فِي ٱلۡكِتَٰبِ مَرۡيَمَ إِذِ ٱنتَبَذَتۡ مِنۡ أَهۡلِهَا مَكَانٗا شَرۡقِيّٗا

Endu labit ka (Muhammad) san sa kitab (Qur’an) si Maryam kanu kutika a tinumangka (tinagakin) su kadakelin sa lu mibpawang sa gabetadan a tampal sa sebangan.

آیت: 17

فَٱتَّخَذَتۡ مِن دُونِهِمۡ حِجَابٗا فَأَرۡسَلۡنَآ إِلَيۡهَا رُوحَنَا فَتَمَثَّلَ لَهَا بَشَرٗا سَوِيّٗا

Na nangaden sa makadalindingin sa ginawa nin (linemambung), sinugu nami (tig nu Allah) lu sa lekanin su Jibril a mibpalas sa manguda a mama a mapiya i palasin.

آیت: 18

قَالَتۡ إِنِّيٓ أَعُوذُ بِٱلرَّحۡمَٰنِ مِنكَ إِن كُنتَ تَقِيّٗا

Tig nu Maryam: benal a lumindung aku sa Allah sa leka amayka seka na magilek sa Allah.

آیت: 19

قَالَ إِنَّمَآ أَنَا۠ رَسُولُ رَبِّكِ لِأَهَبَ لَكِ غُلَٰمٗا زَكِيّٗا

Tignu Jibril: saki na sinugu aku nu Kadenan nengka ka endu ku ka-enggan seka sa wata a mapiya.

آیت: 20

قَالَتۡ أَنَّىٰ يَكُونُ لِي غُلَٰمٞ وَلَمۡ يَمۡسَسۡنِي بَشَرٞ وَلَمۡ أَكُ بَغِيّٗا

Tig nu Maryam: panun i ka-aden a wata sa laki sa dala aku makembil na mama endu di kena aku darwaka?

آیت: 21

قَالَ كَذَٰلِكِ قَالَ رَبُّكِ هُوَ عَلَيَّ هَيِّنٞۖ وَلِنَجۡعَلَهُۥٓ ءَايَةٗ لِّلنَّاسِ وَرَحۡمَةٗ مِّنَّاۚ وَكَانَ أَمۡرٗا مَّقۡضِيّٗا

Tig nu Jibril: manggula den inan, ugayd na pidtalu nu Kadenan nengka i nampamba i malemu sa lekanin, endu baluyn nami a tanda kanu manga taw endu limu ebpun sa lekami, endu di ebplis na manggula bun.

آیت: 22

۞ فَحَمَلَتۡهُ فَٱنتَبَذَتۡ بِهِۦ مَكَانٗا قَصِيّٗا

Na migkagingay (su Maryam) na tinemangka sekanin sa mawatan kanu manga kadakelin.

آیت: 23

فَأَجَآءَهَا ٱلۡمَخَاضُ إِلَىٰ جِذۡعِ ٱلنَّخۡلَةِ قَالَتۡ يَٰلَيۡتَنِي مِتُّ قَبۡلَ هَٰذَا وَكُنتُ نَسۡيٗا مَّنسِيّٗا

Na ginedamin su tyanin lu kanu lawas u kayu kulma (taman sa nakambata), ya nin nadtalu: niya ba ka minatay aku sa da pan i niya manggula, na dala den mabanding (malabit) sa laki sa kalipatanan den.

آیت: 24

فَنَادَىٰهَا مِن تَحۡتِهَآ أَلَّا تَحۡزَنِي قَدۡ جَعَلَ رَبُّكِ تَحۡتَكِ سَرِيّٗا

Na tinawag nu Jibril sa tampal sa baba: di ka pelidu i ginawa nengka, ka saben-sabenal a binaluy nu kadenan nengka san sa kababan nengka i ig a pelagilay a ka-inuman.

آیت: 25

وَهُزِّيٓ إِلَيۡكِ بِجِذۡعِ ٱلنَّخۡلَةِ تُسَٰقِطۡ عَلَيۡكِ رُطَبٗا جَنِيّٗا

Endu kuyung ka i lawas a kayu kulma anan ka mangalubpug su unga nin na mapiya a pegken.

آیت: 26

فَكُلِي وَٱشۡرَبِي وَقَرِّي عَيۡنٗاۖ فَإِمَّا تَرَيِنَّ مِنَ ٱلۡبَشَرِ أَحَدٗا فَقُولِيٓ إِنِّي نَذَرۡتُ لِلرَّحۡمَٰنِ صَوۡمٗا فَلَنۡ أُكَلِّمَ ٱلۡيَوۡمَ إِنسِيّٗا

Kan ka lun endu inum ka kanu ig endu pakagalaw ka sa beneng, na amayka aden mailay nengka apiya sakataw a manusya na (edtalu ka): midsamaya aku sa Allah sa kabpuwasa sa di ka edtalu-talu, na di aku a benal embityala saguna sa manusya.

آیت: 27

فَأَتَتۡ بِهِۦ قَوۡمَهَا تَحۡمِلُهُۥۖ قَالُواْ يَٰمَرۡيَمُ لَقَدۡ جِئۡتِ شَيۡـٔٗا فَرِيّٗا

Na initin su wata nin lu kanu manga kadakelin, ya pidtalu nu manga taw: O Maryam! Nayt engka anan a wata na di kena paydu inan a kayayan.

آیت: 28

يَٰٓأُخۡتَ هَٰرُونَ مَا كَانَ أَبُوكِ ٱمۡرَأَ سَوۡءٖ وَمَا كَانَتۡ أُمُّكِ بَغِيّٗا

Seka (Maryam) na suled kun na suled kani Harun, si ama nengka na di kena mawag (a mama) endu si ina nengka (na endaw ka den anan miniling).

آیت: 29

فَأَشَارَتۡ إِلَيۡهِۖ قَالُواْ كَيۡفَ نُكَلِّمُ مَن كَانَ فِي ٱلۡمَهۡدِ صَبِيّٗا

Na inigulinganin su wata nin, yanilan nadtalu na: panun i kambityala nami sa wata a pebpuyut pamun?

آیت: 30

قَالَ إِنِّي عَبۡدُ ٱللَّهِ ءَاتَىٰنِيَ ٱلۡكِتَٰبَ وَجَعَلَنِي نَبِيّٗا

Tig nu wata (su Eisa): benal a saki na ulipen aku nu Allah inenggan aku nin sa kitab, endu binaluy aku nín a nabi.

آیت: 31

وَجَعَلَنِي مُبَارَكًا أَيۡنَ مَا كُنتُ وَأَوۡصَٰنِي بِٱلصَّلَوٰةِ وَٱلزَّكَوٰةِ مَا دُمۡتُ حَيّٗا

Endu pinambarakat aku nin apiya endaw aku makendaw, endu inidtutuma nin sa laki i kadsambayang endu kadzakat taman sa bibyag aku pan.

آیت: 32

وَبَرَّۢا بِوَٰلِدَتِي وَلَمۡ يَجۡعَلۡنِي جَبَّارٗا شَقِيّٗا

Endu kabpiya-piya sa kani ina ku, endu da ku nin baluya a tamegesen sa mawag.

آیت: 33

وَٱلسَّلَٰمُ عَلَيَّ يَوۡمَ وُلِدتُّ وَيَوۡمَ أَمُوتُ وَيَوۡمَ أُبۡعَثُ حَيّٗا

Endu sajahatra (kalilintad) sya salaki kanu kinambata salaki endu su gay a kapatay ku, endu gay a kambuwat ku a bibyag aku.

آیت: 34

ذَٰلِكَ عِيسَى ٱبۡنُ مَرۡيَمَۖ قَوۡلَ ٱلۡحَقِّ ٱلَّذِي فِيهِ يَمۡتَرُونَ

Namba si Eisa a wata ni Maryam a midtalu sa bantang a penduwa-duwa kanu (kaped na pedtalu sa wata nu Allah).

آیت: 35

مَا كَانَ لِلَّهِ أَن يَتَّخِذَ مِن وَلَدٖۖ سُبۡحَٰنَهُۥٓۚ إِذَا قَضَىٰٓ أَمۡرٗا فَإِنَّمَا يَقُولُ لَهُۥ كُن فَيَكُونُ

Dala sa Allah i mumbal sa wata nin, mahasuti sekanin, amayka aden kahanda nin na ya nin bu edtalun na pangaden ka na ma-aden (sapelek matabu i kangagan nin).

آیت: 36

وَإِنَّ ٱللَّهَ رَبِّي وَرَبُّكُمۡ فَٱعۡبُدُوهُۚ هَٰذَا صِرَٰطٞ مُّسۡتَقِيمٞ

Endu su Allah i Kadenan ku a Kadenan nu bun, na simba nu sekanin, ka namba i lalan a matidtu a dala lun i kabigkug.

آیت: 37

فَٱخۡتَلَفَ ٱلۡأَحۡزَابُ مِنۢ بَيۡنِهِمۡۖ فَوَيۡلٞ لِّلَّذِينَ كَفَرُواْ مِن مَّشۡهَدِ يَوۡمٍ عَظِيمٍ

Na mimbida-bida su manga taw (kanu Eisa) na sa bawgan sa naraka i kanu manga kafir kanu gay a kadalpa (kawma nilan) kanu gay a masla (kabangkit sa dunya-kabulig sa mahsar).

آیت: 38

أَسۡمِعۡ بِهِمۡ وَأَبۡصِرۡ يَوۡمَ يَأۡتُونَنَا لَٰكِنِ ٱلظَّٰلِمُونَ ٱلۡيَوۡمَ فِي ضَلَٰلٖ مُّبِينٖ

Magayp silan kanu kakineg nilan kailay nilan kanu gay a makatingguma silan sa lekami, ugayd na silan a baradusa na saguna na natading silan sa mapayag.

آیت: 39

وَأَنذِرۡهُمۡ يَوۡمَ ٱلۡحَسۡرَةِ إِذۡ قُضِيَ ٱلۡأَمۡرُ وَهُمۡ فِي غَفۡلَةٖ وَهُمۡ لَا يُؤۡمِنُونَ

Endu pakagileki ka silan (Muhammad) kanu gay a ka-anteng-anteng a napasad (ibagangapa) i siksa nilan, na silan a (kafir) na dala sa ginawa nilan i (masiksa) endu silan na di bangimbenal.

آیت: 40

إِنَّا نَحۡنُ نَرِثُ ٱلۡأَرۡضَ وَمَنۡ عَلَيۡهَا وَإِلَيۡنَا يُرۡجَعُونَ

(Tig nu Allah) benal a sekami i mawaris kanu lupa endu su dalemin, endu syabun makambalingan sa lekami.

آیت: 41

وَٱذۡكُرۡ فِي ٱلۡكِتَٰبِ إِبۡرَٰهِيمَۚ إِنَّهُۥ كَانَ صِدِّيقٗا نَّبِيًّا

Endu labit ka (Muhammad) san sa kitab (Qur’an) si Ibrahim ka sekanin na benal (bantang) endu nabi sekanin.

آیت: 42

إِذۡ قَالَ لِأَبِيهِ يَٰٓأَبَتِ لِمَ تَعۡبُدُ مَا لَا يَسۡمَعُ وَلَا يُبۡصِرُ وَلَا يُغۡنِي عَنكَ شَيۡـٔٗا

Pidtalu nin kani ama nin: Hay ama ku! Nginan ka pedsimban engka i di pakakineg endu di pakailay endu dala pakangguna nin sa leka apiya paydu?

آیت: 43

يَٰٓأَبَتِ إِنِّي قَدۡ جَآءَنِي مِنَ ٱلۡعِلۡمِ مَا لَمۡ يَأۡتِكَ فَٱتَّبِعۡنِيٓ أَهۡدِكَ صِرَٰطٗا سَوِيّٗا

Hay ama ku! Saben-sabenal a aden nakawma salaki a kataw a dala makawma sa leka, na unuti aku ka tutulun ku seka sa lalan a matidtu a bantang.

آیت: 44

يَٰٓأَبَتِ لَا تَعۡبُدِ ٱلشَّيۡطَٰنَۖ إِنَّ ٱلشَّيۡطَٰنَ كَانَ لِلرَّحۡمَٰنِ عَصِيّٗا

Hay ama ku! Da ka pedsimba sa Shaytan ka su Shaytan na sinangka nin su Allah.

آیت: 45

يَٰٓأَبَتِ إِنِّيٓ أَخَافُ أَن يَمَسَّكَ عَذَابٞ مِّنَ ٱلرَّحۡمَٰنِ فَتَكُونَ لِلشَّيۡطَٰنِ وَلِيّٗا

Hay ama ku! benal a kagilekan aku sa malumpak kanu siksa ebpun sa Allah, na makuyug ka sa madtagapeda nu Shaytan lu sa naraka.

آیت: 46

قَالَ أَرَاغِبٌ أَنتَ عَنۡ ءَالِهَتِي يَٰٓإِبۡرَٰهِيمُۖ لَئِن لَّمۡ تَنتَهِ لَأَرۡجُمَنَّكَۖ وَٱهۡجُرۡنِي مَلِيّٗا

Tig nu ama ni Ibrahim: nginan gabensiyan nengka i kadenan ku Ibrahim? Amayka di ka menda (tumelen) na rajamen ku seka, pasagadi aku, tangkay aku sa mawatan.

آیت: 47

قَالَ سَلَٰمٌ عَلَيۡكَۖ سَأَسۡتَغۡفِرُ لَكَ رَبِّيٓۖ إِنَّهُۥ كَانَ بِي حَفِيّٗا

Tig nu Ibrahim: su sajahatra nanget sa leka ipangeni ko seka sa ampun kanu Kadenan ku, ka su Kadenan ku na taliman nin i pangeni ku.

آیت: 48

وَأَعۡتَزِلُكُمۡ وَمَا تَدۡعُونَ مِن دُونِ ٱللَّهِ وَأَدۡعُواْ رَبِّي عَسَىٰٓ أَلَّآ أَكُونَ بِدُعَآءِ رَبِّي شَقِيّٗا

Endu ganatan ku sekanu endu su manga barahala a pedsimban nu a salakaw sa Allah, endu ya ku pangenyan su Kadenan ku, ka basi di aku bun makabpayan ka pangenin ku sa Kadenan ku sa di nin taliman.

آیت: 49

فَلَمَّا ٱعۡتَزَلَهُمۡ وَمَا يَعۡبُدُونَ مِن دُونِ ٱللَّهِ وَهَبۡنَا لَهُۥٓ إِسۡحَٰقَ وَيَعۡقُوبَۖ وَكُلّٗا جَعَلۡنَا نَبِيّٗا

Na guna nin ganati silan endu su pedsimban nilan a salakaw sa Allah na inenggay nami sa lekanin si Ishaq endu su Ya'kub endu umani-isa kanilan na binaluy nami a nabi.

آیت: 50

وَوَهَبۡنَا لَهُم مِّن رَّحۡمَتِنَا وَجَعَلۡنَا لَهُمۡ لِسَانَ صِدۡقٍ عَلِيّٗا

Endu inenggan nami silan ebpun kanu liyu (sa tamuk endu wata), endu binaluy nami kanilan i labitan (badtugan) kanilan a mapulu.

آیت: 51

وَٱذۡكُرۡ فِي ٱلۡكِتَٰبِ مُوسَىٰٓۚ إِنَّهُۥ كَانَ مُخۡلَصٗا وَكَانَ رَسُولٗا نَّبِيّٗا

Endu labit ka (Muhammad) san sa kitab (Qur’an) su Musa, ka sekanin na ikhlas endu sinugu sekanin endu nabi.

آیت: 52

وَنَٰدَيۡنَٰهُ مِن جَانِبِ ٱلطُّورِ ٱلۡأَيۡمَنِ وَقَرَّبۡنَٰهُ نَجِيّٗا

Endu tinawag nami sekanin sa tampal sa kawanan nin kanu palaw, endu pinasupeg nami sekanin sa nakineg in su kadtalu nu Allah.

آیت: 53

وَوَهَبۡنَا لَهُۥ مِن رَّحۡمَتِنَآ أَخَاهُ هَٰرُونَ نَبِيّٗا

Endu inenggay nami ebpun sa lekami su limu (su suled in a si Harun) a nabi a pakadtabangay nin.

آیت: 54

وَٱذۡكُرۡ فِي ٱلۡكِتَٰبِ إِسۡمَٰعِيلَۚ إِنَّهُۥ كَانَ صَادِقَ ٱلۡوَعۡدِ وَكَانَ رَسُولٗا نَّبِيّٗا

Endu labit ka (Muhammad) san sa kitab (Qur’an) su Ismail, ka sekanin na benal i pasadin, endu sekanin na sinugu a nabi.

آیت: 55

وَكَانَ يَأۡمُرُ أَهۡلَهُۥ بِٱلصَّلَوٰةِ وَٱلزَّكَوٰةِ وَكَانَ عِندَ رَبِّهِۦ مَرۡضِيّٗا

Endu pedsugu nin su kaluma nin sa kadsambayang endu kadzakat, ya kaaden na gasuwatan u Kadenan nin.

آیت: 56

وَٱذۡكُرۡ فِي ٱلۡكِتَٰبِ إِدۡرِيسَۚ إِنَّهُۥ كَانَ صِدِّيقٗا نَّبِيّٗا

Labit ka (Muhammad) san sa kitab anan (Qur’an) su Idris, ka sekanin na benal gayd i kadtalu nin a nabi.

آیت: 57

وَرَفَعۡنَٰهُ مَكَانًا عَلِيًّا

Endu inipulu nami kanu gambetadan a mapulu.

آیت: 58

أُوْلَٰٓئِكَ ٱلَّذِينَ أَنۡعَمَ ٱللَّهُ عَلَيۡهِم مِّنَ ٱلنَّبِيِّـۧنَ مِن ذُرِّيَّةِ ءَادَمَ وَمِمَّنۡ حَمَلۡنَا مَعَ نُوحٖ وَمِن ذُرِّيَّةِ إِبۡرَٰهِيمَ وَإِسۡرَٰٓءِيلَ وَمِمَّنۡ هَدَيۡنَا وَٱجۡتَبَيۡنَآۚ إِذَا تُتۡلَىٰ عَلَيۡهِمۡ ءَايَٰتُ ٱلرَّحۡمَٰنِ خَرُّواْۤ سُجَّدٗاۤ وَبُكِيّٗا۩

Silan a manga taw a inikalimu nu Allah silan ebpun sa manga nabi a manga mawli a taw ni Adam, endu su pinapageda nami kanu awang nu Nuh endu su manga mawli a taw ni Ibrahim endu su Ismail endu su tinutulu nami endu pinamili nami, amayka batyan kanilan su tanda nu malim (Allah) na mangalimbaban silan a sinemujud, endu bagulyang.

آیت: 59

۞ فَخَلَفَ مِنۢ بَعۡدِهِمۡ خَلۡفٌ أَضَاعُواْ ٱلصَّلَوٰةَ وَٱتَّبَعُواْ ٱلشَّهَوَٰتِۖ فَسَوۡفَ يَلۡقَوۡنَ غَيًّا

Na makambwat kanu ulyan nilan i manga taw a dinadag nilan su sambayang, endu ya nilan inunutan na kiyug a ginawa nilan, na di ebplis naya nilan maparuli su bawgan sa naraka.

آیت: 60

إِلَّا مَن تَابَ وَءَامَنَ وَعَمِلَ صَٰلِحٗا فَأُوْلَٰٓئِكَ يَدۡخُلُونَ ٱلۡجَنَّةَ وَلَا يُظۡلَمُونَ شَيۡـٔٗا

Ya tabiya su midtawbat endu nangimbenal endu minggalebek sa manga mapiya, na makaludep silan kanu surga, endu di silan madsalimbut sa apiya paydu.

آیت: 61

جَنَّٰتِ عَدۡنٍ ٱلَّتِي وَعَدَ ٱلرَّحۡمَٰنُ عِبَادَهُۥ بِٱلۡغَيۡبِۚ إِنَّهُۥ كَانَ وَعۡدُهُۥ مَأۡتِيّٗا

Manga surga a jannatu ad'n (gatakenan) a pibpasad u Allah kanu manga ulipen nin sa gayb, ka su Allah na matuman a benal i pasadin.

آیت: 62

لَّا يَسۡمَعُونَ فِيهَا لَغۡوًا إِلَّا سَلَٰمٗاۖ وَلَهُمۡ رِزۡقُهُمۡ فِيهَا بُكۡرَةٗ وَعَشِيّٗا

Dala making nilan sa surga a mawag a kadtalu ya tabiya na mapiya, endu kanilan i rizki nilan sa magabi-mapita.

آیت: 63

تِلۡكَ ٱلۡجَنَّةُ ٱلَّتِي نُورِثُ مِنۡ عِبَادِنَا مَن كَانَ تَقِيّٗا

Entuba i surga a pawarisan nami kanu manga ulipen nami a magilek sa Allah.

آیت: 64

وَمَا نَتَنَزَّلُ إِلَّا بِأَمۡرِ رَبِّكَۖ لَهُۥ مَا بَيۡنَ أَيۡدِينَا وَمَا خَلۡفَنَا وَمَا بَيۡنَ ذَٰلِكَۚ وَمَا كَانَ رَبُّكَ نَسِيّٗا

Endu di kami (malaikat) makatulun ya tabiya na suguwan nu Kadenan nengka bu (Muhammad) lekanin a Allah su gasangulan (a gay a mawli) endu su gataligkudanan (su dunya) endu su pageletan nu duwa, dala kanu Kadenan nengka i limpang (malipat).

آیت: 65

رَّبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا فَٱعۡبُدۡهُ وَٱصۡطَبِرۡ لِعِبَٰدَتِهِۦۚ هَلۡ تَعۡلَمُ لَهُۥ سَمِيّٗا

Kadenan nu pitu lapis a langit endu su lupa endu su pageletan nin, na simba nu sekanin endu edsabar kanu sa simba sa Allah, dala natawan nengka a sangay nu Allah.

آیت: 66

وَيَقُولُ ٱلۡإِنسَٰنُ أَءِذَا مَا مِتُّ لَسَوۡفَ أُخۡرَجُ حَيًّا

Endu edtalun nu manusya (kafir): u matay aku na makambwat aku pamun a bibyag?

آیت: 67

أَوَلَا يَذۡكُرُ ٱلۡإِنسَٰنُ أَنَّا خَلَقۡنَٰهُ مِن قَبۡلُ وَلَمۡ يَكُ شَيۡـٔٗا

Ngintu a di katademan nu manga manusya (kafir) i binaluy nami sekanin sa unan a dala pan mabaluy na dala (bun) sekanin?

آیت: 68

فَوَرَبِّكَ لَنَحۡشُرَنَّهُمۡ وَٱلشَّيَٰطِينَ ثُمَّ لَنُحۡضِرَنَّهُمۡ حَوۡلَ جَهَنَّمَ جِثِيّٗا

Na idsapa ku kanu Kadenan nengka (Muhammad) na buligen nami silan kanu Shaytan mawli na pandalepan nami silan kanu ligid na naraka a namakalumpeni silan.

آیت: 69

ثُمَّ لَنَنزِعَنَّ مِن كُلِّ شِيعَةٍ أَيُّهُمۡ أَشَدُّ عَلَى ٱلرَّحۡمَٰنِ عِتِيّٗا

Mawli na pamadsenggayan i umani-isa tumpuk, ka endaw i kategas a isa sa Allah na lu bumba bagunut i kapasang a siksa nin,

آیت: 70

ثُمَّ لَنَحۡنُ أَعۡلَمُ بِٱلَّذِينَ هُمۡ أَوۡلَىٰ بِهَا صِلِيّٗا

Mawli na katawan nami bun kanilan i wagib lagangen (baganagen) sa naraka endu su ilaleg, endu su ped a kasiksan.

آیت: 71

وَإِن مِّنكُمۡ إِلَّا وَارِدُهَاۚ كَانَ عَلَىٰ رَبِّكَ حَتۡمٗا مَّقۡضِيّٗا

Endu dala isa sa lekanu a di makaludep sa naraka, ka entu na hukuman nu kadenan nengka a di ebplis na kawkitan.

آیت: 72

ثُمَّ نُنَجِّي ٱلَّذِينَ ٱتَّقَواْ وَّنَذَرُ ٱلظَّٰلِمِينَ فِيهَا جِثِيّٗا

Mawli na lepasen nami su nagilekan sa Allah, endu itagak ami lu sa naraka su manga baradusa sa lusak, endu mababa i kayanan nilan.

آیت: 73

وَإِذَا تُتۡلَىٰ عَلَيۡهِمۡ ءَايَٰتُنَا بَيِّنَٰتٖ قَالَ ٱلَّذِينَ كَفَرُواْ لِلَّذِينَ ءَامَنُوٓاْ أَيُّ ٱلۡفَرِيقَيۡنِ خَيۡرٞ مَّقَامٗا وَأَحۡسَنُ نَدِيّٗا

Amayka batyan kanilan (kafir) su ayatan nami a mapayag, na ya edtalun nu manga kafir (a kawasa) kanu silan a manga mu'min (a miskinan): endaw kanu kafir atawa mu'min i mapiya i kabetadanin endu mapiya i kabuliganin?

آیت: 74

وَكَمۡ أَهۡلَكۡنَا قَبۡلَهُم مِّن قَرۡنٍ هُمۡ أَحۡسَنُ أَثَٰثٗا وَرِءۡيٗا

Di bu pili-pila i madakel i bininasa nami kanu manga taw a nangawna a silan pan i madakel i tamuk in endu mapiya i palas a kailay lun.

آیت: 75

قُلۡ مَن كَانَ فِي ٱلضَّلَٰلَةِ فَلۡيَمۡدُدۡ لَهُ ٱلرَّحۡمَٰنُ مَدًّاۚ حَتَّىٰٓ إِذَا رَأَوۡاْ مَا يُوعَدُونَ إِمَّا ٱلۡعَذَابَ وَإِمَّا ٱلسَّاعَةَ فَسَيَعۡلَمُونَ مَنۡ هُوَ شَرّٞ مَّكَانٗا وَأَضۡعَفُ جُندٗا

Edtalu ka (Muhammad) su entayn e natadin kanilan na lugkan, umanan nu Allah su umulin, endu pedsinggumananin sa limu a mapayag, kena ka ipedsiksa lun taman sa mailay nilan su inibpasad kanilan (mabunu atawa mabyag silan) atawa ka siksa sa naraka, na katawan nilan den bantu u entayn i mawag i kabetadanin, endu malubay i manga tantara nin (sundalu nin).

آیت: 76

وَيَزِيدُ ٱللَّهُ ٱلَّذِينَ ٱهۡتَدَوۡاْ هُدٗىۗ وَٱلۡبَٰقِيَٰتُ ٱلصَّٰلِحَٰتُ خَيۡرٌ عِندَ رَبِّكَ ثَوَابٗا وَخَيۡرٞ مَّرَدًّا

Endu edsinggumanan u Allah su nangatutulu sa tutulu, endu su inugut sa Allah na gasama kanu egkuwanun i sangat i kapiyanin, kanu Kadenan nengka i balasin endu kabpawangan.

آیت: 77

أَفَرَءَيۡتَ ٱلَّذِي كَفَرَ بِـَٔايَٰتِنَا وَقَالَ لَأُوتَيَنَّ مَالٗا وَوَلَدًا

Nailay nengka (Muhammad) su taw a sinupakin su manga ayatan nami, endu pidtalu nin i kanggan aku pamun sa tamok endu wata.

آیت: 78

أَطَّلَعَ ٱلۡغَيۡبَ أَمِ ٱتَّخَذَ عِندَ ٱلرَّحۡمَٰنِ عَهۡدٗا

Ngintu nailay nin i gayb atawa ka ngintu aden pasad nilan sa Allah a minggungala sa Rahman?

آیت: 79

كَلَّاۚ سَنَكۡتُبُ مَا يَقُولُ وَنَمُدُّ لَهُۥ مِنَ ٱلۡعَذَابِ مَدّٗا

Kena ka di ebplis na isulat nami i pedtalu nin endu umanan nami sekanin sa siksa.

آیت: 80

وَنَرِثُهُۥ مَا يَقُولُ وَيَأۡتِينَا فَرۡدٗا

Endu sekami bun i mawaris kanu pidtalu nin a (tamuk endu wata) endu (tig nu Allah): makawma bun sa lekami na isa nin bu.

آیت: 81

وَٱتَّخَذُواْ مِن دُونِ ٱللَّهِ ءَالِهَةٗ لِّيَكُونُواْ لَهُمۡ عِزّٗا

Minumbal silan sa kadenan a salakaw sa Allah, ka endu kanu maka-safaat kanilan

آیت: 82

كَلَّاۚ سَيَكۡفُرُونَ بِعِبَادَتِهِمۡ وَيَكُونُونَ عَلَيۡهِمۡ ضِدًّا

Di kena, ibpalawa bu na manga barahala sa kinasimba nilan (sa barahala) endu mabaluy a semupak kanilan sa gay a mawli.

آیت: 83

أَلَمۡ تَرَ أَنَّآ أَرۡسَلۡنَا ٱلشَّيَٰطِينَ عَلَى ٱلۡكَٰفِرِينَ تَؤُزُّهُمۡ أَزّٗا

Da nengka mailay (Muhammad) i sinugu nami su manga Shaytan lu kanu manga kafir sa mapagkawalaw kanilan sa mawag.

آیت: 84

فَلَا تَعۡجَلۡ عَلَيۡهِمۡۖ إِنَّمَا نَعُدُّ لَهُمۡ عَدّٗا

Na di ka semasawi su kasiksa kanilan ka pembilangen nami bun su gay nilan atawa kapengginawa nilan taman kanu ajal nilan.

آیت: 85

يَوۡمَ نَحۡشُرُ ٱلۡمُتَّقِينَ إِلَى ٱلرَّحۡمَٰنِ وَفۡدٗا

Su gay a buligen nami su manga magilek sa Allah lu sa Rahman sa migkuda iganat sa kalyu nin sa kubur.

آیت: 86

وَنَسُوقُ ٱلۡمُجۡرِمِينَ إِلَىٰ جَهَنَّمَ وِرۡدٗا

Isedseg nami su manga baradusa lu sa naraka a bamelakaw a egkawaw gayd.

آیت: 87

لَّا يَمۡلِكُونَ ٱلشَّفَٰعَةَ إِلَّا مَنِ ٱتَّخَذَ عِندَ ٱلرَّحۡمَٰنِ عَهۡدٗا

Dala den makadtabang (kanilan) ya tabiya na su tinumalima sa pasad ebpun sa Allah.

آیت: 88

وَقَالُواْ ٱتَّخَذَ ٱلرَّحۡمَٰنُ وَلَدٗا

Endu pidtalu nu manga kafir i aden wata nu Allah.

آیت: 89

لَّقَدۡ جِئۡتُمۡ شَيۡـًٔا إِدّٗا

Saben-sabenal a ungkir a masla a nadtalu.

آیت: 90

تَكَادُ ٱلسَّمَٰوَٰتُ يَتَفَطَّرۡنَ مِنۡهُ وَتَنشَقُّ ٱلۡأَرۡضُ وَتَخِرُّ ٱلۡجِبَالُ هَدًّا

(Sabap kanu kadtalu nilan) na paydu bu i di kapeg kalupetu manga langit sa namba a kadtalu nilan, endu su lupa na gabukakal, endu su manga palaw a galundus a egkagubal.

آیت: 91

أَن دَعَوۡاْ لِلرَّحۡمَٰنِ وَلَدٗا

Sa kinadtalu nilan sa aden wata nu Allah.

آیت: 92

وَمَا يَنۢبَغِي لِلرَّحۡمَٰنِ أَن يَتَّخِذَ وَلَدًا

Dala egkapatut nin sa Allah i makaaden sa wata.

آیت: 93

إِن كُلُّ مَن فِي ٱلسَّمَٰوَٰتِ وَٱلۡأَرۡضِ إِلَّآ ءَاتِي ٱلرَّحۡمَٰنِ عَبۡدٗا

Ka dala kanu dalem nu langit endu su lupa a di kena ulipen nu Allah.

آیت: 94

لَّقَدۡ أَحۡصَىٰهُمۡ وَعَدَّهُمۡ عَدّٗا

Saben-sabenal tinanudan nu Allah endu binilangin silan sa kina bilsang.

آیت: 95

وَكُلُّهُمۡ ءَاتِيهِ يَوۡمَ ٱلۡقِيَٰمَةِ فَرۡدًا

Endu umani-isa na makawma sa Allah sa dala kaped nin (dala makadtabang lun).

آیت: 96

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ سَيَجۡعَلُ لَهُمُ ٱلرَّحۡمَٰنُ وُدّٗا

Benal su manga mu'min a minggalebek sa manga mapiya na pembaluyn nu Allah silan sa kagkakalimua.

آیت: 97

فَإِنَّمَا يَسَّرۡنَٰهُ بِلِسَانِكَ لِتُبَشِّرَ بِهِ ٱلۡمُتَّقِينَ وَتُنذِرَ بِهِۦ قَوۡمٗا لُّدّٗا

Ya tidtu na pinakalmuwan nami (su Qur’an) ka basa nengka, ka endu kapakalilinyan nengka kanu manga magilek, endu kapakagilekan nengka su manga taw a di mataw sa haqq, bantang.

آیت: 98

وَكَمۡ أَهۡلَكۡنَا قَبۡلَهُم مِّن قَرۡنٍ هَلۡ تُحِسُّ مِنۡهُم مِّنۡ أَحَدٍ أَوۡ تَسۡمَعُ لَهُمۡ رِكۡزَۢا

Endu madakel i bininasa nami a manga taw a nauna kanilan na dala isa bu a maparuli nengka kanilan ataw a makineg kanilan a suara apiya paydu.