د معناګانو ژباړه سورت الزلزلة - یاوو ژباړه - د قرآن کریم دائرة المعارف

Az-Zalzalah

آیت: 1

إِذَا زُلۡزِلَتِ ٱلۡأَرۡضُ زِلۡزَالَهَا

Pandema jalichitenganyika litaka nichisikinya chakwe chamachili.

آیت: 2

وَأَخۡرَجَتِ ٱلۡأَرۡضُ أَثۡقَالَهَا

Ni kwisa koposya litaka misigo jakwe jausito (ichindu yayaliji nkati mwakwe, mpela malilo ni mitapo jambiya).

آیت: 3

وَقَالَ ٱلۡإِنسَٰنُ مَا لَهَا

Ni kwisa kuŵecheta mundu (mwawoga soni mwakusimonga kuti): “Litite uli (litaka, ana Kiyama jiyiche?)”

آیت: 4

يَوۡمَئِذٖ تُحَدِّثُ أَخۡبَارَهَا

Lyele lisikulyo (litaka) lichiŵecheta abali syakwe syosope (sya indu yayatendekwele pachanya pakwe yambone kapena yakusakala).

آیت: 5

بِأَنَّ رَبَّكَ أَوۡحَىٰ لَهَا

Ligongo lyanti Ambuje ŵenu tachililamula lyalakwelyo (kuti liŵechete).

آیت: 6

يَوۡمَئِذٖ يَصۡدُرُ ٱلنَّاسُ أَشۡتَاتٗا لِّيُرَوۡاْ أَعۡمَٰلَهُمۡ

Lyele lisikulyo ŵandu tachipwilingana ali m'mikutula jakulekangana-lekangana kuti akaalosye masengo gao.

آیت: 7

فَمَن يَعۡمَلۡ مِثۡقَالَ ذَرَّةٍ خَيۡرٗا يَرَهُۥ

Basi jwatapanganye chambone chausito wanti chisawu lunyilili, tachija kuchiona.

آیت: 8

وَمَن يَعۡمَلۡ مِثۡقَالَ ذَرَّةٖ شَرّٗا يَرَهُۥ

Nombe soni jwatapanganye chakusakala chausito wanti chisawu lunyilili, tachija kuchiona.