Reikšmių vertimas Sūra Sūra Az-Zalzalah - Yau k. vertimas - Kilniojo Korano enciklopedija

Az-Zalzalah

Aja (Korano eilutė): 1

إِذَا زُلۡزِلَتِ ٱلۡأَرۡضُ زِلۡزَالَهَا

Pandema jalichitenganyika litaka nichisikinya chakwe chamachili.

Aja (Korano eilutė): 2

وَأَخۡرَجَتِ ٱلۡأَرۡضُ أَثۡقَالَهَا

Ni kwisa koposya litaka misigo jakwe jausito (ichindu yayaliji nkati mwakwe, mpela malilo ni mitapo jambiya).

Aja (Korano eilutė): 3

وَقَالَ ٱلۡإِنسَٰنُ مَا لَهَا

Ni kwisa kuŵecheta mundu (mwawoga soni mwakusimonga kuti): “Litite uli (litaka, ana Kiyama jiyiche?)”

Aja (Korano eilutė): 4

يَوۡمَئِذٖ تُحَدِّثُ أَخۡبَارَهَا

Lyele lisikulyo (litaka) lichiŵecheta abali syakwe syosope (sya indu yayatendekwele pachanya pakwe yambone kapena yakusakala).

Aja (Korano eilutė): 5

بِأَنَّ رَبَّكَ أَوۡحَىٰ لَهَا

Ligongo lyanti Ambuje ŵenu tachililamula lyalakwelyo (kuti liŵechete).

Aja (Korano eilutė): 6

يَوۡمَئِذٖ يَصۡدُرُ ٱلنَّاسُ أَشۡتَاتٗا لِّيُرَوۡاْ أَعۡمَٰلَهُمۡ

Lyele lisikulyo ŵandu tachipwilingana ali m'mikutula jakulekangana-lekangana kuti akaalosye masengo gao.

Aja (Korano eilutė): 7

فَمَن يَعۡمَلۡ مِثۡقَالَ ذَرَّةٍ خَيۡرٗا يَرَهُۥ

Basi jwatapanganye chambone chausito wanti chisawu lunyilili, tachija kuchiona.

Aja (Korano eilutė): 8

وَمَن يَعۡمَلۡ مِثۡقَالَ ذَرَّةٖ شَرّٗا يَرَهُۥ

Nombe soni jwatapanganye chakusakala chausito wanti chisawu lunyilili, tachija kuchiona.