Tradução dos significados Surah Abassa - Tradução Luhia - Associação Internacional de Ciências e Cultura - Número de página 585 - Holy Quran Encyclopedia

Abasa

1 : 80

عَبَسَ وَتَوَلَّىٰٓ

Yakhulusia obweni mana nafutara.

2 : 80

أَن جَآءَهُ ٱلۡأَعۡمَىٰ

Mbu omuwofu yamwitsila!

3 : 80

وَمَا يُدۡرِيكَ لَعَلَّهُۥ يَزَّكَّىٰٓ

Ne nishina shikhumanyia ye awundi anyala okhwitswenula?

4 : 80

أَوۡ يَذَّكَّرُ فَتَنفَعَهُ ٱلذِّكۡرَىٰٓ

Nohomba aletsulisibwa mana ametsulisio kamukhoonye?

5 : 80

أَمَّا مَنِ ٱسۡتَغۡنَىٰ

Ne ulia wilola neshileka.

6 : 80

فَأَنتَ لَهُۥ تَصَدَّىٰ

Nawe niye oworeerekhwo eshinani?

7 : 80

وَمَا عَلَيۡكَ أَلَّا يَزَّكَّىٰ

Shikali khwiwe tawe nakhaya okhutswenukha.

8 : 80

وَأَمَّا مَن جَآءَكَ يَسۡعَىٰ

Ne ulia ukhwitsila neshinani.

9 : 80

وَهُوَ يَخۡشَىٰ

Naye naririre.

10 : 80

فَأَنتَ عَنۡهُ تَلَهَّىٰ

Niye woshulila likosi?

11 : 80

كَلَّآ إِنَّهَا تَذۡكِرَةٞ

Shikali kario tawe! Toto kano nametsulisio.

12 : 80

فَمَن شَآءَ ذَكَرَهُۥ

Ulia uchama, akeetsulile.

13 : 80

فِي صُحُفٖ مُّكَرَّمَةٖ

Kali mutsimbapulo tsioluyali.

14 : 80

مَّرۡفُوعَةٖ مُّطَهَّرَةِۭ

Tsiachingulwa hekulu, tsinzwenufu.

15 : 80

بِأَيۡدِي سَفَرَةٖ

Tsili mumikhono chia Abamalaika Abahandichi.

16 : 80

كِرَامِۭ بَرَرَةٖ

Boluyali, abalayi muno.

17 : 80

قُتِلَ ٱلۡإِنسَٰنُ مَآ أَكۡفَرَهُۥ

Omundu yasikha! Nishina shimukholanga naba omukhayi?

18 : 80

مِنۡ أَيِّ شَيۡءٍ خَلَقَهُۥ

Yamulongwa okhurula khushina?

19 : 80

مِن نُّطۡفَةٍ خَلَقَهُۥ فَقَدَّرَهُۥ

Okhurulana nende indonyande ya amaatsi kolwibulo, yamuloonga mana namupangila amakhuwa ke.

20 : 80

ثُمَّ ٱلسَّبِيلَ يَسَّرَهُۥ

Mana namwanguyilisilia Injila.

21 : 80

ثُمَّ أَمَاتَهُۥ فَأَقۡبَرَهُۥ

Mana namufwisia, mana namura mushilindwa.

22 : 80

ثُمَّ إِذَا شَآءَ أَنشَرَهُۥ

Mana nalichama, alimulamusia.

23 : 80

كَلَّا لَمَّا يَقۡضِ مَآ أَمَرَهُۥ

Tawe! Ashili okhumala kayamulomesia.

24 : 80

فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ

Kho Omundu ahenjekhwo eshilibwa shishie.

25 : 80

أَنَّا صَبَبۡنَا ٱلۡمَآءَ صَبّٗا

Toto efwe khwayomboola amatsi buyomboola.

26 : 80

ثُمَّ شَقَقۡنَا ٱلۡأَرۡضَ شَقّٗا

Ne nikhwaarula liloba bwaarula.

27 : 80

فَأَنۢبَتۡنَا فِيهَا حَبّٗا

Ne nikhumesiamwo imele.

28 : 80

وَعِنَبٗا وَقَضۡبٗا

Nende tsizabibu nende eliani liamasafu.

29 : 80

وَزَيۡتُونٗا وَنَخۡلٗا

Nende emizaituna nende mitende.

30 : 80

وَحَدَآئِقَ غُلۡبٗا

Nende emikunda chiemisala chiasitanakhwo obulayi.

31 : 80

وَفَٰكِهَةٗ وَأَبّٗا

Nende ebiamo, nende olwayilo lwemiruko.

32 : 80

مَّتَٰعٗا لَّكُمۡ وَلِأَنۡعَٰمِكُمۡ

Khulwa okhwisangasia khwenyu nende ebiruche bienyu.

33 : 80

فَإِذَا جَآءَتِ ٱلصَّآخَّةُ

Mana shingala omwayukho kulia kuliitsa.

34 : 80

يَوۡمَ يَفِرُّ ٱلۡمَرۡءُ مِنۡ أَخِيهِ

Inyanga yomundu alimwilukha omusiani wabu.

35 : 80

وَأُمِّهِۦ وَأَبِيهِ

Nende nyinamwana nende samwana.

36 : 80

وَصَٰحِبَتِهِۦ وَبَنِيهِ

Nende omukhaye wuwe nende abana be.

37 : 80

لِكُلِّ ٱمۡرِيٕٖ مِّنۡهُمۡ يَوۡمَئِذٖ شَأۡنٞ يُغۡنِيهِ

Buli shiamulala aliba nende akeke kamuyela.

38 : 80

وُجُوهٞ يَوۡمَئِذٖ مُّسۡفِرَةٞ

Inyanga eyo obweni bundi buling’enang’ena.

39 : 80

ضَاحِكَةٞ مُّسۡتَبۡشِرَةٞ

Bulitsekha nibusangalile.

40 : 80

وَوُجُوهٞ يَوۡمَئِذٍ عَلَيۡهَا غَبَرَةٞ

Ne obweni bundi inyanga eyo buliba nende olufu.