Check out the new design

Ibisobanuro bya qoran ntagatifu - Ibisobanuro bya Qur'an mu rurimi rw'igiluhiya - Ishyirahamwe mpuzamahanga ry'ubumenyi n'umuco. * - Ishakiro ry'ibisobanuro

Ibisobanuro by'amagambo Isura: Al Waaqi’ah   Umurongo:
Urutonde rw'amasura numero y'urupapuro HTML

Al-Waqiah

Umurongo: 1

إِذَا وَقَعَتِ ٱلۡوَاقِعَةُ
Olwa eshikhole shilikholekha (olweyindukho iliula).
Ibisobanuro by'icyarabu:

Umurongo: 2

لَيۡسَ لِوَقۡعَتِهَا كَاذِبَةٌ
Abulaho uliyingasia okhwikholekha khwashio tawe.
Ibisobanuro by'icyarabu:

Umurongo: 3

خَافِضَةٞ رَّافِعَةٌ
Shiishinjia (okhwinjisia abakhayi mumuliro) shinininjia (okhuninia abakhola amalai mwikulu).
Ibisobanuro by'icyarabu:

Umurongo: 4

إِذَا رُجَّتِ ٱلۡأَرۡضُ رَجّٗا
Olwa eshialo shilirenjibwa obutinyu.
Ibisobanuro by'icyarabu:

Umurongo: 5

وَبُسَّتِ ٱلۡجِبَالُ بَسّٗا
Ne olwefikulu filisiebwa busiebwa.
Ibisobanuro by'icyarabu:

Umurongo: 6

فَكَانَتۡ هَبَآءٗ مُّنۢبَثّٗا
Fiaba shinga olufu lutumukha.
Ibisobanuro by'icyarabu:

Umurongo: 7

وَكُنتُمۡ أَزۡوَٰجٗا ثَلَٰثَةٗ
Nanyu muliba tsimbia tsitaru.
Ibisobanuro by'icyarabu:

Umurongo: 8

فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ
Abandu bomukhono omulunji. Koo, ni babu wina abo Abandu bomukhono omulunji?
Ibisobanuro by'icyarabu:

Umurongo: 9

وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ
Ne Abandu bomukhono omukaata. Koo, nibabu wina abo bomukhono omukaata?
Ibisobanuro by'icyarabu:

Umurongo: 10

وَٱلسَّٰبِقُونَ ٱلسَّٰبِقُونَ
Ne beyimbeli baliba imbeli.
Ibisobanuro by'icyarabu:

Umurongo: 11

أُوْلَٰٓئِكَ ٱلۡمُقَرَّبُونَ
Abo nibo bali hambi muno (nende Nyasaye).
Ibisobanuro by'icyarabu:

Umurongo: 12

فِي جَنَّٰتِ ٱلنَّعِيمِ
Mumikunda chiomwikulu chobwokholo.
Ibisobanuro by'icyarabu:

Umurongo: 13

ثُلَّةٞ مِّنَ ٱلۡأَوَّلِينَ
Omukabo omukhongo mubaali imbeli.
Ibisobanuro by'icyarabu:

Umurongo: 14

وَقَلِيلٞ مِّنَ ٱلۡأٓخِرِينَ
Nende mutiti mubeyinyuma.
Ibisobanuro by'icyarabu:

Umurongo: 15

عَلَىٰ سُرُرٖ مَّوۡضُونَةٖ
Baliba khubifumbi biaronwa.
Ibisobanuro by'icyarabu:

Umurongo: 16

مُّتَّكِـِٔينَ عَلَيۡهَا مُتَقَٰبِلِينَ
Baliyiekhakhwo nibalengane.
Ibisobanuro by'icyarabu:

Umurongo: 17

يَطُوفُ عَلَيۡهِمۡ وِلۡدَٰنٞ مُّخَلَّدُونَ
Balikhalabanilwa nende Abasiani bolusoolili lulawa tawe.
Ibisobanuro by'icyarabu:

Umurongo: 18

بِأَكۡوَابٖ وَأَبَارِيقَ وَكَأۡسٖ مِّن مَّعِينٖ
Nibachinjile bikombe nende tsibinika nende tsigilasi, tsilimwo ebinywebwa okhurula musebele ingwalafu.
Ibisobanuro by'icyarabu:

Umurongo: 19

لَّا يُصَدَّعُونَ عَنۡهَا وَلَا يُنزِفُونَ
Shibilibatsunia omurwe nohomba shibilibamesia tawe.
Ibisobanuro by'icyarabu:

Umurongo: 20

وَفَٰكِهَةٖ مِّمَّا يَتَخَيَّرُونَ
Nende ebiamo biabayanza.
Ibisobanuro by'icyarabu:

Umurongo: 21

وَلَحۡمِ طَيۡرٖ مِّمَّا يَشۡتَهُونَ
Nende inyama yeliyoni shingala bekombanga.
Ibisobanuro by'icyarabu:

Umurongo: 22

وَحُورٌ عِينٞ
Nende Abakhasi bomwikulu abalahenganga abalali abasatsa babu tawe, abetsimoni tsindayi.
Ibisobanuro by'icyarabu:

Umurongo: 23

كَأَمۡثَٰلِ ٱللُّؤۡلُوِٕ ٱلۡمَكۡنُونِ
Bali shinga ebisole bialiindwa obulai.
Ibisobanuro by'icyarabu:

Umurongo: 24

جَزَآءَۢ بِمَا كَانُواْ يَعۡمَلُونَ
Omurungo khukabakholanga.
Ibisobanuro by'icyarabu:

Umurongo: 25

لَا يَسۡمَعُونَ فِيهَا لَغۡوٗا وَلَا تَأۡثِيمًا
Shibaliwulilamwo keshifwabi nohomba ketsimbi tawe.
Ibisobanuro by'icyarabu:

Umurongo: 26

إِلَّا قِيلٗا سَلَٰمٗا سَلَٰمٗا
Halali amakhuwa komulembe konyene.
Ibisobanuro by'icyarabu:

Umurongo: 27

وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ
Ne Abandu bomukhono musatsa, nishina shilinyoola Abandu bomukhono musatsa?
Ibisobanuro by'icyarabu:

Umurongo: 28

فِي سِدۡرٖ مَّخۡضُودٖ
Baliba khumisaala chibulaho amawa.
Ibisobanuro by'icyarabu:

Umurongo: 29

وَطَلۡحٖ مَّنضُودٖ
Nende ebikoko biloondane.
Ibisobanuro by'icyarabu:

Umurongo: 30

وَظِلّٖ مَّمۡدُودٖ
Nende eshiinikha eshikhongo.
Ibisobanuro by'icyarabu:

Umurongo: 31

وَمَآءٖ مَّسۡكُوبٖ
Nende amaatsi kakhulukusia.
Ibisobanuro by'icyarabu:

Umurongo: 32

وَفَٰكِهَةٖ كَثِيرَةٖ
Nende ebiamo ebinji.
Ibisobanuro by'icyarabu:

Umurongo: 33

لَّا مَقۡطُوعَةٖ وَلَا مَمۡنُوعَةٖ
Shibiwetsanga nohomba shibikalilungwa tawe.
Ibisobanuro by'icyarabu:

Umurongo: 34

وَفُرُشٖ مَّرۡفُوعَةٍ
Nende obulili bwachingulwa ekulu.
Ibisobanuro by'icyarabu:

Umurongo: 35

إِنَّآ أَنشَأۡنَٰهُنَّ إِنشَآءٗ
Toto efwe khwabaloonga abakhasi bomwikulu (hurul ain) okhulonga khwa toto obuyia.
Ibisobanuro by'icyarabu:

Umurongo: 36

فَجَعَلۡنَٰهُنَّ أَبۡكَارًا
Mana nikhubakhola abashisila.
Ibisobanuro by'icyarabu:

Umurongo: 37

عُرُبًا أَتۡرَابٗا
Bachamana nende Abasatsa babu abayelana ninabo.
Ibisobanuro by'icyarabu:

Umurongo: 38

لِّأَصۡحَٰبِ ٱلۡيَمِينِ
Khulwa Abandu bomukhono musatsa.
Ibisobanuro by'icyarabu:

Umurongo: 39

ثُلَّةٞ مِّنَ ٱلۡأَوَّلِينَ
Omukabo omukhongo khubaali imbeli.
Ibisobanuro by'icyarabu:

Umurongo: 40

وَثُلَّةٞ مِّنَ ٱلۡأٓخِرِينَ
Ne omukabo omukhongo khubaali inyuma.
Ibisobanuro by'icyarabu:

Umurongo: 41

وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ
Abandu bomukhono mukhasi. Koo, ni shina shilinyoola Abandu bomukhono mukhasi?
Ibisobanuro by'icyarabu:

Umurongo: 42

فِي سَمُومٖ وَحَمِيمٖ
Baliba mumuyeka kwomulilo nende amatsi kayia pa.
Ibisobanuro by'icyarabu:

Umurongo: 43

وَظِلّٖ مِّن يَحۡمُومٖ
Nende eshinikha shiomwosi omumali ti.
Ibisobanuro by'icyarabu:

Umurongo: 44

لَّا بَارِدٖ وَلَا كَرِيمٍ
Shishili shiokhunyoolamwo obunyifu nohombo obwihotselefu tawe.
Ibisobanuro by'icyarabu:

Umurongo: 45

إِنَّهُمۡ كَانُواْ قَبۡلَ ذَٰلِكَ مُتۡرَفِينَ
Toto abo bali, khale awo bamenyanga, shinga benya mubwokholo.
Ibisobanuro by'icyarabu:

Umurongo: 46

وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ
Ne baali nibakhaila khubionoono ebikhongo.
Ibisobanuro by'icyarabu:

Umurongo: 47

وَكَانُواْ يَقُولُونَ أَئِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ
Ne baboolanga mbu: “Nikhumala khwafwa mana khwaba liloba nende ebikumba, mbu toto efwe khulilamusibwa?
Ibisobanuro by'icyarabu:

Umurongo: 48

أَوَءَابَآؤُنَا ٱلۡأَوَّلُونَ
Nohomba bapapa befu bakhale?”
Ibisobanuro by'icyarabu:

Umurongo: 49

قُلۡ إِنَّ ٱلۡأَوَّلِينَ وَٱلۡأٓخِرِينَ
Boola mbu: “Toto balia abeyimbeli nende beinyuma.
Ibisobanuro by'icyarabu:

Umurongo: 50

لَمَجۡمُوعُونَ إِلَىٰ مِيقَٰتِ يَوۡمٖ مَّعۡلُومٖ
Toto balikhuung’aasibwa khulwa ebise bieyinyanga yarechekhwa yamanyikha.
Ibisobanuro by'icyarabu:

Umurongo: 51

ثُمَّ إِنَّكُمۡ أَيُّهَا ٱلضَّآلُّونَ ٱلۡمُكَذِّبُونَ
Khandi toto enywe abakori abakhayi.
Ibisobanuro by'icyarabu:

Umurongo: 52

لَأٓكِلُونَ مِن شَجَرٖ مِّن زَقُّومٖ
Mulilia toto khumusala kwa zaqqum.
Ibisobanuro by'icyarabu:

Umurongo: 53

فَمَالِـُٔونَ مِنۡهَا ٱلۡبُطُونَ
Mulikwitsusia mutsinda tsienyu.
Ibisobanuro by'icyarabu:

Umurongo: 54

فَشَٰرِبُونَ عَلَيۡهِ مِنَ ٱلۡحَمِيمِ
Ne mana mulinywa amaatsi kayile pa!
Ibisobanuro by'icyarabu:

Umurongo: 55

فَشَٰرِبُونَ شُرۡبَ ٱلۡهِيمِ
Ne mulikanywa shinga ingamia inywetsanga nili nende obuloo.
Ibisobanuro by'icyarabu:

Umurongo: 56

هَٰذَا نُزُلُهُمۡ يَوۡمَ ٱلدِّينِ
Obo nobucheni bwokhubukaniIwa bwabu inyanga yomurungo."
Ibisobanuro by'icyarabu:

Umurongo: 57

نَحۡنُ خَلَقۡنَٰكُمۡ فَلَوۡلَا تُصَدِّقُونَ
Nefwe khwabaloonga enywe, shichilanga shina nimulasuubila tawe?
Ibisobanuro by'icyarabu:

Umurongo: 58

أَفَرَءَيۡتُم مَّا تُمۡنُونَ
Koo, mulolangakhwo amatsi kolwibulo kamwitikhanga?
Ibisobanuro by'icyarabu:

Umurongo: 59

ءَأَنتُمۡ تَخۡلُقُونَهُۥٓ أَمۡ نَحۡنُ ٱلۡخَٰلِقُونَ
Koo nenywe mukaloonganga nohomba nefwe abaloonji?
Ibisobanuro by'icyarabu:

Umurongo: 60

نَحۡنُ قَدَّرۡنَا بَيۡنَكُمُ ٱلۡمَوۡتَ وَمَا نَحۡنُ بِمَسۡبُوقِينَ
Efwe khwabarecheshela lifwa, nafu shikhushilungwa tawe.
Ibisobanuro by'icyarabu:

Umurongo: 61

عَلَىٰٓ أَن نُّبَدِّلَ أَمۡثَٰلَكُمۡ وَنُنشِئَكُمۡ فِي مَا لَا تَعۡلَمُونَ
Okhukalukhania abaandi balali enywe, ne khubalonje enywe ebilonje biamulamanyile tawe.
Ibisobanuro by'icyarabu:

Umurongo: 62

وَلَقَدۡ عَلِمۡتُمُ ٱلنَّشۡأَةَ ٱلۡأُولَىٰ فَلَوۡلَا تَذَكَّرُونَ
Ne toto mwamala okhumanya okhulongwa khwa ambeli, neshina shichilanga nimuletsulila tawe?
Ibisobanuro by'icyarabu:

Umurongo: 63

أَفَرَءَيۡتُم مَّا تَحۡرُثُونَ
Ne mulolangakhwo emimela chiamuraakanga?
Ibisobanuro by'icyarabu:

Umurongo: 64

ءَأَنتُمۡ تَزۡرَعُونَهُۥٓ أَمۡ نَحۡنُ ٱلزَّٰرِعُونَ
Nenywe muchimesinjia nohomba nefwe khuchimesinjia?
Ibisobanuro by'icyarabu:

Umurongo: 65

لَوۡ نَشَآءُ لَجَعَلۡنَٰهُ حُطَٰمٗا فَظَلۡتُمۡ تَفَكَّهُونَ
Ne khwenyanga, khwakhachikholele chiakhaya okhurakhwo shiosishiosi tawe, mwatong’a nimung’ang’alile.
Ibisobanuro by'icyarabu:

Umurongo: 66

إِنَّا لَمُغۡرَمُونَ
Nemuboola mbu: “Toto efwe khusandibungwa khushakhurusinjia.
Ibisobanuro by'icyarabu:

Umurongo: 67

بَلۡ نَحۡنُ مَحۡرُومُونَ
Halali efwe khwimilwe.”
Ibisobanuro by'icyarabu:

Umurongo: 68

أَفَرَءَيۡتُمُ ٱلۡمَآءَ ٱلَّذِي تَشۡرَبُونَ
Koo, mulolangakhwo amaatsi kamunywetsanga?
Ibisobanuro by'icyarabu:

Umurongo: 69

ءَأَنتُمۡ أَنزَلۡتُمُوهُ مِنَ ٱلۡمُزۡنِ أَمۡ نَحۡنُ ٱلۡمُنزِلُونَ
Ni enywe mukeshinjia okhurula mumaleesi nohomba nefwe bakeshiinjia?
Ibisobanuro by'icyarabu:

Umurongo: 70

لَوۡ نَشَآءُ جَعَلۡنَٰهُ أُجَاجٗا فَلَوۡلَا تَشۡكُرُونَ
Khwenyanga, khwakhakakholele keyichumbi, nikakhabanga mbu simuupanga orio tawe?
Ibisobanuro by'icyarabu:

Umurongo: 71

أَفَرَءَيۡتُمُ ٱلنَّارَ ٱلَّتِي تُورُونَ
Mulolangakhwo omulilo kwamwashinjia?
Ibisobanuro by'icyarabu:

Umurongo: 72

ءَأَنتُمۡ أَنشَأۡتُمۡ شَجَرَتَهَآ أَمۡ نَحۡنُ ٱلۡمُنشِـُٔونَ
Nenywe mwaloonga omusaala kwakwo nohomba nefwe baloonga?
Ibisobanuro by'icyarabu:

Umurongo: 73

نَحۡنُ جَعَلۡنَٰهَا تَذۡكِرَةٗ وَمَتَٰعٗا لِّلۡمُقۡوِينَ
Efwe khwakukhola okhuba eshitsulisio nende kwokhukhoonya balia bali mushitsimi.
Ibisobanuro by'icyarabu:

Umurongo: 74

فَسَبِّحۡ بِٱسۡمِ رَبِّكَ ٱلۡعَظِيمِ
Kho litswenule elira lia Nyasaye wuwo Omulonji, Omukhongo.
Ibisobanuro by'icyarabu:

Umurongo: 75

۞ فَلَآ أُقۡسِمُ بِمَوَٰقِعِ ٱلنُّجُومِ
Ne toto nditsuba khubise bietsing’ining’ini tsikwitsanga.
Ibisobanuro by'icyarabu:

Umurongo: 76

وَإِنَّهُۥ لَقَسَمٞ لَّوۡ تَعۡلَمُونَ عَظِيمٌ
Ne toto shino neshitsubo eshikhongo, mumanyangakhwo toto.
Ibisobanuro by'icyarabu:

Umurongo: 77

إِنَّهُۥ لَقُرۡءَانٞ كَرِيمٞ
Toto eyo ni Ikurani yoluyali.
Ibisobanuro by'icyarabu:

Umurongo: 78

فِي كِتَٰبٖ مَّكۡنُونٖ
Mushitabu shialindwa.
Ibisobanuro by'icyarabu:

Umurongo: 79

لَّا يَمَسُّهُۥٓ إِلَّا ٱلۡمُطَهَّرُونَ
Shashitilangakhwo tawe halali Omutswenufu.
Ibisobanuro by'icyarabu:

Umurongo: 80

تَنزِيلٞ مِّن رَّبِّ ٱلۡعَٰلَمِينَ
Sheshibwa okhurula khu Nyasaye Omulesi webiloonje bioosi.
Ibisobanuro by'icyarabu:

Umurongo: 81

أَفَبِهَٰذَا ٱلۡحَدِيثِ أَنتُم مُّدۡهِنُونَ
Ne kano namakhuwa kamulekanga?
Ibisobanuro by'icyarabu:

Umurongo: 82

وَتَجۡعَلُونَ رِزۡقَكُمۡ أَنَّكُمۡ تُكَذِّبُونَ
Amwakhopele orio khumukabo kwenyu (kwa abahele) nanyu mwikhola mbu muyingananga?
Ibisobanuro by'icyarabu:

Umurongo: 83

فَلَوۡلَآ إِذَا بَلَغَتِ ٱلۡحُلۡقُومَ
Kaliba karie olwa omwoyo kuliuula khulukamukamu (mwikolomero)?
Ibisobanuro by'icyarabu:

Umurongo: 84

وَأَنتُمۡ حِينَئِذٖ تَنظُرُونَ
Ne enywe ebise ebo muhenganga.
Ibisobanuro by'icyarabu:

Umurongo: 85

وَنَحۡنُ أَقۡرَبُ إِلَيۡهِ مِنكُمۡ وَلَٰكِن لَّا تُبۡصِرُونَ
Ne efwe khuli ahambi muno ninanyu, nanyu shimukhulolanga tawe.
Ibisobanuro by'icyarabu:

Umurongo: 86

فَلَوۡلَآ إِن كُنتُمۡ غَيۡرَ مَدِينِينَ
Ne enywe nikakhabanga mbu shimulirungwa tawe.
Ibisobanuro by'icyarabu:

Umurongo: 87

تَرۡجِعُونَهَآ إِن كُنتُمۡ صَٰدِقِينَ
Kalusiekhwo omwoyo oko nikali mbu muboolanga obwatoto.
Ibisobanuro by'icyarabu:

Umurongo: 88

فَأَمَّآ إِن كَانَ مِنَ ٱلۡمُقَرَّبِينَ
Ne naliba mubalia basutibwa hambi nende Nyasaye.
Ibisobanuro by'icyarabu:

Umurongo: 89

فَرَوۡحٞ وَرَيۡحَانٞ وَجَنَّتُ نَعِيمٖ
Kuliba omwikhoyo nende ebiokhuunya obulai, nende emikunda chomwikulu chobwokholo.
Ibisobanuro by'icyarabu:

Umurongo: 90

وَأَمَّآ إِن كَانَ مِنۡ أَصۡحَٰبِ ٱلۡيَمِينِ
Ne naliba mubandu bomukhono omusatsa.
Ibisobanuro by'icyarabu:

Umurongo: 91

فَسَلَٰمٞ لَّكَ مِنۡ أَصۡحَٰبِ ٱلۡيَمِينِ
Ni omulembe khwiwe owuli Mubandu bomukhono musatsa.
Ibisobanuro by'icyarabu:

Umurongo: 92

وَأَمَّآ إِن كَانَ مِنَ ٱلۡمُكَذِّبِينَ ٱلضَّآلِّينَ
Ne naliba Mubayingani Abakori.
Ibisobanuro by'icyarabu:

Umurongo: 93

فَنُزُلٞ مِّنۡ حَمِيمٖ
Obucheni bwokhubukaniIwa bubwe buliba amaatsi kayile pa!
Ibisobanuro by'icyarabu:

Umurongo: 94

وَتَصۡلِيَةُ جَحِيمٍ
Nende okhwinjisibwa mumulilo kwa Jahim.
Ibisobanuro by'icyarabu:

Umurongo: 95

إِنَّ هَٰذَا لَهُوَ حَقُّ ٱلۡيَقِينِ
Toto buno nibo obwatoto bwokhwisikwa.
Ibisobanuro by'icyarabu:

Umurongo: 96

فَسَبِّحۡ بِٱسۡمِ رَبِّكَ ٱلۡعَظِيمِ
Kho litswenule elira lia Nyasaye wuwo Omulesi, Woluyali.
Ibisobanuro by'icyarabu:
 
Ibisobanuro by'amagambo Isura: Al Waaqi’ah
Urutonde rw'amasura numero y'urupapuro
 
Ibisobanuro bya qoran ntagatifu - Ibisobanuro bya Qur'an mu rurimi rw'igiluhiya - Ishyirahamwe mpuzamahanga ry'ubumenyi n'umuco. - Ishakiro ry'ibisobanuro

Biturutse ishyirahamwe mpuzamahanga ry'ubumenyi n'umuco.

Gufunga