Ibisobanuro by'amagambo Isura Al Mutwafifina (Abatuzuza iminzani) - Ibisobanuro mukiyau - ububiko bwa qor'an yejejwe

Al-Mutwaffifîn

Umurongo: 1

وَيۡلٞ لِّلۡمُطَفِّفِينَ

Ipotesi ni yao ŵakupuungusya (miliingo).

Umurongo: 2

ٱلَّذِينَ إِذَا ٱكۡتَالُواْ عَلَى ٱلنَّاسِ يَسۡتَوۡفُونَ

Aŵala ŵaakutiji naga ndema jaakulilinjila ku ŵandu (pakwasuma indu yao) akasaligumbachisyaga.

Umurongo: 3

وَإِذَا كَالُوهُمۡ أَو وَّزَنُوهُمۡ يُخۡسِرُونَ

Nambo pa ndema jaakwaaliinjila (ŵanduo) kapena kwapimila (pakwasumisya indu) akupungusyaga.

Umurongo: 4

أَلَا يَظُنُّ أُوْلَٰٓئِكَ أَنَّهُم مَّبۡعُوثُونَ

Ana ngakuganisya ŵanganyao yanti chachiukulidwa (m’malembe);

Umurongo: 5

لِيَوۡمٍ عَظِيمٖ

Pa Lisiku Lyekulungwa nnope;

Umurongo: 6

يَوۡمَ يَقُومُ ٱلنَّاسُ لِرَبِّ ٱلۡعَٰلَمِينَ

Lisiku lyatachijima ŵandu pameso pa M’mbuje jwa iwumbe yosope?

Umurongo: 7

كَلَّآ إِنَّ كِتَٰبَ ٱلۡفُجَّارِ لَفِي سِجِّينٖ

Yakuona! Chisimu yakulembedwa ya (masengo ga) ŵandu ŵakusakasya nnope ili mu Sijjin.

Umurongo: 8

وَمَآ أَدۡرَىٰكَ مَا سِجِّينٞ

Ana ni chichi champaka chimmanyisye ya Sijjin?

Umurongo: 9

كِتَٰبٞ مَّرۡقُومٞ

Chele ni chitabu (chekulungwa) chachilembedwe (nkati mwakwe yakusakalape).

Umurongo: 10

وَيۡلٞ يَوۡمَئِذٖ لِّلۡمُكَذِّبِينَ

Ipotesi lyele lisikulyo taachiipata ŵakanila.

Umurongo: 11

ٱلَّذِينَ يُكَذِّبُونَ بِيَوۡمِ ٱلدِّينِ

Aŵala ŵakukanila ya Lisiku Lyamalipilo.

Umurongo: 12

وَمَا يُكَذِّبُ بِهِۦٓ إِلَّا كُلُّ مُعۡتَدٍ أَثِيمٍ

Ni pangali jwampaka alikanile lyalakwelyo ikaŵeje jwalijose jwakusumba mpika jwasambi syejinji.

Umurongo: 13

إِذَا تُتۡلَىٰ عَلَيۡهِ ءَايَٰتُنَا قَالَ أَسَٰطِيرُ ٱلۡأَوَّلِينَ

Pandema jakusoomedwa kukwakwe ma Ȃya Getu akasatiji: “Asi ni adisiadisi sya ŵandu ŵandanda.”

Umurongo: 14

كَلَّاۖ بَلۡۜ رَانَ عَلَىٰ قُلُوبِهِم مَّا كَانُواْ يَكۡسِبُونَ

Ngwamba! Nambo kuti m’mitima mwao mwana nkuwo wa (ilemwa) yaaŵele ali nkupanganya.^[1]

(83:1) Akusimulila Abȗ Hurairah رضى الله عنه yanti: Ntenga jwa Allah ﷺ jwatite: “Chisimu kapolo (mundu) naga juli jutesile yasambi, kakasadondechelaga mu ntima mwakwe kadondo kepiliwu. Sano naga juli julesile (kutenda yasambiyo), ni kum’benda Allah chikululuko, ni kutenda toba, ntima wakwe ukasakwechedwaga (nikutyoka kadondo kepiliwu kala). Nambo naga kuwujawuja, basi kakasajonjechesyaga (kadondoko) mpaka kuwujenela ntima wosope. Jele ni Ar-Rân (nkuwo) jajisasile Allah pa jele Ȃyaji.” At-Tirmidhî, Hadith No. 3334).

Umurongo: 15

كَلَّآ إِنَّهُمۡ عَن رَّبِّهِمۡ يَوۡمَئِذٖ لَّمَحۡجُوبُونَ

Yakuona! Chisimu ŵanganyao lyele lisikulyo kwa M’mbuje gwao (Allah) tachisiŵilidwa (mwanti ngaaja kum’bona).

Umurongo: 16

ثُمَّ إِنَّهُمۡ لَصَالُواْ ٱلۡجَحِيمِ

Kaneka chisimu ŵanganyao tachiujinjila Moto Waukali.

Umurongo: 17

ثُمَّ يُقَالُ هَٰذَا ٱلَّذِي كُنتُم بِهِۦ تُكَذِّبُونَ

Kaneko ni kuchiŵechetedwa kuti: “Ayi ni ayilayila yamwaliji nkuikanila.”

Umurongo: 18

كَلَّآ إِنَّ كِتَٰبَ ٱلۡأَبۡرَارِ لَفِي عِلِّيِّينَ

Yakuona! Chisimu yakulembedwa ya (masengo ga) atenda ngoto ili mu Illiyyun.

Umurongo: 19

وَمَآ أَدۡرَىٰكَ مَا عِلِّيُّونَ

Ana ni chichi champaka chimmanyisye ya Illiyyun?

Umurongo: 20

كِتَٰبٞ مَّرۡقُومٞ

Chalakwecho ni chitabu (chekulungwa) chachilembedwe (nkati mwakwe yambonepe).

Umurongo: 21

يَشۡهَدُهُ ٱلۡمُقَرَّبُونَ

Akuchiŵichilaga umboni (Achimalaika) ŵaŵandichisyidwe (kwa Allah).

Umurongo: 22

إِنَّ ٱلۡأَبۡرَارَ لَفِي نَعِيمٍ

Chisimu atenda ngoto tachiŵa m’chindimba (mu Mbepo Jakusengwasya).

Umurongo: 23

عَلَى ٱلۡأَرَآئِكِ يَنظُرُونَ

Ali pachanya pa indanda yetandiche chenene aku achilolaga (ku chindimba chaŵapele ni kum'bona soni Allah).

Umurongo: 24

تَعۡرِفُ فِي وُجُوهِهِمۡ نَضۡرَةَ ٱلنَّعِيمِ

Tinchikumanyilila pangope syao kumelemenda kwa chindimba.

Umurongo: 25

يُسۡقَوۡنَ مِن رَّحِيقٖ مَّخۡتُومٍ

Takamwesyedweje nkologo wambone nnope wesiŵe (ni isiŵilo yakulimbangana).

Umurongo: 26

خِتَٰمُهُۥ مِسۡكٞۚ وَفِي ذَٰلِكَ فَلۡيَتَنَافَسِ ٱلۡمُتَنَٰفِسُونَ

Kumbesi kwa kumwako (chikukanunjileje luwumba lwa) miski. Sano kuti akaipate yele basi apikisane akupikisana (pakutenda yambone).

Umurongo: 27

وَمِزَاجُهُۥ مِن تَسۡنِيمٍ

Soni chakuwanganyichisya chakwe (nkologowo chigakaŵe) mesi gakuumila mu Tasnim.

Umurongo: 28

عَيۡنٗا يَشۡرَبُ بِهَا ٱلۡمُقَرَّبُونَ

Jwalakwejo ni tutumule jwachakamweje (ŵandu) ŵakuŵandichisyidwa (kwa Allah).

Umurongo: 29

إِنَّ ٱلَّذِينَ أَجۡرَمُواْ كَانُواْ مِنَ ٱلَّذِينَ ءَامَنُواْ يَضۡحَكُونَ

Chisimu (ku duniya) ŵandu ŵaŵanneŵele (Allah) ŵaliji nkwaseka ŵandu ŵakulupilila.

Umurongo: 30

وَإِذَا مَرُّواْ بِهِمۡ يَتَغَامَزُونَ

Mwanti ndema jaŵaliji nkupita (ŵakulupililao) paali ŵanganyao ŵaliji nkukupililana meso (mwakuchembulusya).

Umurongo: 31

وَإِذَا ٱنقَلَبُوٓاْ إِلَىٰٓ أَهۡلِهِمُ ٱنقَلَبُواْ فَكِهِينَ

Sano naga atite agalauche kuja kwaachin'jao ŵagalaukaga ali nkusengwa (ligongo lya kuchembulusya kwao).

Umurongo: 32

وَإِذَا رَأَوۡهُمۡ قَالُوٓاْ إِنَّ هَٰٓؤُلَآءِ لَضَآلُّونَ

Soni naga ali ŵawenimo ŵatiji: “Chisimu ŵanganyaŵa ni ŵali ŵakupotela nnope.”

Umurongo: 33

وَمَآ أُرۡسِلُواْ عَلَيۡهِمۡ حَٰفِظِينَ

Nambotu (achimakafilio) nganatumisyidwa kuŵa ŵakwalolela (Asilamu nikusunga itendo yao).

Umurongo: 34

فَٱلۡيَوۡمَ ٱلَّذِينَ ءَامَنُواْ مِنَ ٱلۡكُفَّارِ يَضۡحَكُونَ

Nambo lelojino (lisiku lya Kiyama) ŵandu ŵaŵakulupilile chaŵe ali nkugaseka makafili.

Umurongo: 35

عَلَى ٱلۡأَرَآئِكِ يَنظُرُونَ

Ali pachanya pa indanda yetandiche chenene aku achigalolaga (makafiligo galinkulagasika).

Umurongo: 36

هَلۡ ثُوِّبَ ٱلۡكُفَّارُ مَا كَانُواْ يَفۡعَلُونَ

Ana alipiidwe achimakafili pa yaŵaliji nkutenda!?